ތާޖުއްދީން ސްކޫލް
11 މެއި 2017 - 15:20
ތާޖުއްދީން ސްކޫލުގެ ދަރިވަރުންތަކެއް އިއްޔެ އެ ސްކޫލުގައި މާރާމާރީ ހިންގައި ކުއްޖަކު ޒަހަަމްކޮށްލި މައްސަލަ ފުލުހުން ބަލަން ފަށައިފި އެވެ.
ފުލުހުން ބުނިގޮތުގައި އެ ސްކޫލުގައި އިއްޔެ ހިންގި މާރާމާރީގެ މައްސަލަ ފުލުހުންނަށް ވަނީ ހުށަހަޅައިފަ އެވެ. އެ މައްސަލަ ތަހުގީގު ކުރަމުން ދާތީ ފުލުހުން އިތުރު މައުލޫމާތެއް ނުދެ އެވެ.
މި މާރަމާރީގައި ޒަހަމްވީ އެ ސްކޫލުގެ ގްރޭޑް އަށެއްގައި ކިޔަވަމުން އަންނަ ފިރިހެން ދަރިވަރަކެވެ. އެނގިފައިވާ ގޮތުގައި މާރާމާރި ހިންގީ އެ ސްކޫލުގެ ގްރޭޑް ނުވައެއްގައި ކިޔަވަމުން އަންނަ 12 ވަރަކަށް ދަރިވަރުންގެ ގްރޫޕަކުންނެވެ.
"މިހާރު" އަށް އެނގިފައިވާ ގޮތުގައި މާރާމާރީ ހިނގީ އަނިޔާ ލިބުނު ދަރިވަރު އެއްލި ކްރިކެޓް ބޯޅައަކުން އެ "ގްރޫޕް"ގެ ކުއްޖެއްގެ ދަތްދޮޅީގައި ޖެހުމުންނެވެ.
މި ހާދިސާގައި އަނިޔާވި ކުއްޖާ އަށް ވަނީ އައިޖީއެމްއެޗުން ފަރުވާ ދީފަ އެވެ. ލިބުނީ ކޮން ކަހަލަ ޒަހަމްތަކެއްކަން އަދި ވަނީ ސާފު ނުވެފަ އެވެ. މިކަމާ ބެހޭ ގޮތުން ސްކޫލުން ވެސް ވާހަކައެއް ނުދެއްކި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
އިސްލާހިއްޔާ
13 May 2017
މިކަމުގެ ފެށުމަކީ ބްލީ ކުރުން. ރަނގަޅު ކުދިންވެސް ސްކޫލަށް ދިއުމަށް ފަސްޖެހެނީ ނުބައި ކުދިންނާއިހެދި. ގިނަކުދިންގެ މުސްތަޤްބަލް ހަލާކުވަނީ މަދު ގޯސްކުދިންގެ ސަބަބުން. މަދު މިގޯސްކުދިންކޮޅު ރަނގަޅު ކުރުމަކީ މިހާރު މިދާއިރާގެ ބަލިފައެއް. މިކަން ހައްލު ކޮށްދެއްވާ! ނޫނީ ޤައުމު ކުރިމަގު ގެއްލޭނެ!
އިއްބެ
13 May 2017
ދިވެހިރާއްޖޭގެ ސްކޫލް ތަކުގައި "ތައުޙީދު" މިމާއްދާ މަޖުބޫރު މާއްދާއެއްގެ ގޮތުގައި ކިޔައިވައިދޭން ފަށަންވީ! އެއިރުން މައިންބަފައިން ހާސްވާކަށް ނުޖެހޭނެ! ކުދީން ތިބޭނީ އޮޓޯމެޓިކުން އިޞްލާޙުވެފައި!
ސަބުދެލި
12 May 2017
އެންމެ ފަހުން އެހިސާބަށް ކަންކަން ދަނީ. އަދަބު ދޭން ޖެހިއްޖެ
ރީޒަން މުޙައްމަދު
12 May 2017
ވިސްނޭ ވަރުގެ ކުދިން...އަމިއްލަ އެކަން ރަގަޅު ކުރީމަވަނީ.. އެއީ މައިންބަފައިން ކުރުވާ ކަމެއް ނޫން...
ރީޒަން މުޙައްމަދު
12 May 2017
ވިސްނޭ ވަރުގެ ކުދިން...އަމިއްލަ އެކަން ރަގަޅު ކުރީމަވަނީ.. އެއީ މައިންބަފައިން ކުރުވާ ކަމެއް ނޫން...
ވަރުގަދަ ކަމެއް
12 May 2017
ޢެފޯވައްސެއްގައި ހަރުކަށި ދީނީ މީހުން ސްކޫލުކުދިން ޖިހާދައްދާން ރެކްރޫޓުކުރާނެ. ޢަނެއް ފޯވައްސެއްގައި ދެން ގޭންގުތަކުން ޖަރީމާތައް ހިންގަން ސުކޫލުކުދިން ރެކޮރޫޓު ކުރާނެ.
އާދަމް ޒަނާން
12 May 2017
މާކަޑަ ސްކޫލެެއް
އައްޑޫ ގޮއްޔެ
12 May 2017
އަނެއް ކަންތައް. ސްކޫލް ތެރޭގައިވެސް ގޭންގް. އެހެންނޭ ވާނީ ހުރިހާ ދިމާލަކުން ފެންނަނީ އެވިއްޔަ. ދަރިން ސްކޫލަށް ފޮނުވުންވެސް މިހާރު ބިރުވެރި ކަމަކަށް ވެއްޖެ.
ނާޒިރާ
12 May 2017
ކޮންމެ ގައުމެއްގެވެސް މުޖަތަމައުގާ ހިގާ ނުރަގަޅުކަންތައްތައް ސްކޫލްތެރެއިން ފެންނާނެ. އެއީ ސްކޫލައް އަންނަނީ އެ މުޖްތަމައުގައި ދިރިއުޅޭ ކުދިންކަމުގައިވާތީ. މިކަންކަން ރަގަޅުކުރުމަށް އަޅަންޖެހޭ ފުރަތަމަ ފިޔަވަޅަކީ އެމުޖްތަމައު އެއްގައި ދިރިއުޅޭ އެންމެން ނުރަގަޅުކަންކަމަށް ނޫނެކޭބުނެ އެފަދަކަންކަމަށް ތަރުހީބު ނުދިނުން. ތިމާ މީހަކު ދެކެރުޅިއަންނަ އިރަށް މާރާމާރީ ފަދަ ތިމާގެ ދަރިފުޅުކުރަން ނޭދޭކަންތައް އެހެންމީހުން ލައްވާކުރުވުން ވެސް ހުއްޓާލަން ވެއްޖެ. މިފަދަކްންތައްތަކާހެދި ސްކޫލް އުމުރުފުރާގެ ކުދިން ގޭންގުތަކާއި ގުޅޭކަން ފާހަގަ ކުރަން.
>>>1 ކިލޯ
12 May 2017
ތާލިބާނުން އުފަންވަނީތަ؟؟؟؟؟
ނެއް ކިލޯ
12 May 2017
މިކަމާ ތާލިބާން އާ ކޮން ގުޅުމެއް އޮތީ؟ މީބެލެނިވެރިންގެ ހެޔޮތަރުބީއަތު ނޫންތަ؟