އިދިކޮޅު ޕާޓީތަކުން ގުޅިގެން މިއަދު ބޭއްވި އެއްވުން. - ފޮޓޯ: މިހާރު
22 ޖުލައި 2017 - 22:39
34 comments
ރާއްޖޭގެ އެކި ރަށްރަށުގައި ތިބި ރައްޔިތުން މާލެ އަރައި، އަންނަ ހޯމަ ދުވަހު ސަރުކާރާ ދެކޮޅަށް އަޑު އުފުލުމަށް ގުޅިފައިވާ އިދިކޮޅު ޕާޓީތަކުން މިރޭ ގޮވާލައިފި އެވެ.
މ. ކުނޫޒުގައި ބޭއްވި ނޫސްވެރިންގެ ބައްދަލުވުމުގައި ގަލޮޅު ދެކުނު ދާއިރާގެ މެމްބަރު އަދި އިދިކޮޅު އިއްތިހާދުގެ ތަރުޖަމާނު އަހުމަދު މަހްލޫފް ވިދާޅުވީ މުޒާހަރާއަކީ ތިން ބާރު އެއްވެފައި އޮތް އޮތުން ނިމުމަކަށް ގެނައުމަށް ބާއްވާ މުޒާހަރާއެއް ކަމަށެވެ. އެހެންވެ، ވީހާ ވެސް ގިނަ ރައްޔިތުން އެ ދުވަހުގެ ހެނދުނު ނުވައެއް ޖަހާއިރަށް އެމްޑީޕީ އޮފީސް ކައިރި އަށް އެއްވުމަށް މަހްލޫފް ގޮވާލެއްވި އެވެ.
މަހްލޫފް ވިދާޅުވި ގޮތުގައި މުޒާހަރާ ކުރިއަށް ދާނީ ގާނޫނުގައި އޮންނަ ގޮތަށެވެ. އަދި މި މުޒާހަރާއަކީ ޣައިރު ގާނޫނީ އަމަލެއް ހިންގުމުގެ ބޭނުމުގައި ކުރާ މުޒާހަރާއެއް ނޫން ކަމަށް އޭނާ ވިދާޅުވި އެވެ. މި މުޒާހަރާއަށް ތައްޔާރުވުމަށް ކުނޫޒުގައި މާދަމާ ރޭ ބޮޑު ޖަލްސާއެއް ބޭއްވުމަށް ޕާޓީތަކުން ވަނީ ނިންމައިފަ އެވެ.
"ސައްވީހުގައި ކުރާ ކަންކަމަކީ ސުލްހަވެރިކަމާ އެކު ގާނޫނީ އިމުގެ ތެރެއިން ކުރާ ކަމަކަށް ވެއްޖެނަމަ، އެކަމަށް ހުރަސް ނާޅާނެ ކަމުގެ ޔަގީންކަން ފުލުހުންގެ އިސްވެރިން ވަނީ ދެއްވާފައި،" މަހްލޫފް ވިދާޅުވި އެވެ.
"އުންމީދު ކުރަނީ މިހާރު ވެސް އޮތް ގޮތަށް އެއްވެސް ބަދަލެއް ނާންނަ ގޮތަށް އަޅުގަނޑުމެންނަށް ފުރުސަތު ދެއްވާނެ ކަމަށް."
އެހެން ނަމަވެސް ފުލުހުން މިރޭ ބުނެފައި ވަނީ ސިޔާސީ އެއްވެސް އެއްވުމަކަށް އެއްވެސް ޕާޓީއަކަށް ހުއްދަ ދީފައި ނުވާނެ ކަމަށެވެ. އަދި އެއްވެ އުޅުމުގެ ގާނޫނާ ހިލާފަށް އެއްވެސް އެއްވުމެއް ނުބޭއްވޭނެ ކަމަށް ވެސް ފުލުހުން ބުނެފައި ވެ އެވެ.
މި މަސައްކަތް ކުރާއިރު، "އަޅައިގަނެ، ގާބުރިީގައި ޖެހޭނެ" ކަމަށާއި ހުރަސްތަކެއް ކުރިމަތިވިޔަސް، މަސައްކަތް ހުއްޓާނުލާނެ ކަމަށް މަހުލޫފު ވިދާޅުވި އެވެ. އަދި ކުރިއަށް އޮތީ ރައްޔިތުންނަށް އުފާވެރި ދުވަސްތަކެއް ކަމަށް ވެސް އޭނާ ވިދާޅުވި އެވެ.
މުޒާހަރާ އަށް ރާއްޖޭގެ ރަށްރަށުން ވީހާ ވެސް ގިނަ ބަޔަކު މާލެ އަށް އައުމަށް ކުރީގެ ރައީސް މުހައްމަދު ނަޝީދު ވެސް މިއަދު ވަނީ ގޮވާލައްވައިފަ އެވެ. އެމަނިކުފާނު ކުރެއްވި ޓުވީޓެއްގައި ވިދާޅުވި ގޮތުގައި ބާރުތައް ވަކިވެފައިވާ ވެރިކަމުގެ ނިޒާމެއް ގާއިމް ކުރުމަށް އެ މުޒާހަރާގައި ބައިވެރިވުން މުހިންމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
23 July 2017
މަވެސް ދާނަން.
ނޫނުއަލިފް
23 July 2017
މި މުޒާހަރާއަކީ ޤާނޫނާ ޚިލާފަށް ކުރާ މުޒާހަރާއެއްނޫން. އެހެނެއްކަމަކު މަގޭ ގޮނޑި ގެއއްލޭނެކަން ޔަޤީންވީމާ ރައްޔިތުން އެއްކޮށްގެންވެސް މަ އެބަޖެހޭ ގޮނޑިގަނޑު ސަލާމަތްކުރަން.
ސުވާދީބު ރާނީ
23 July 2017
ސާބަހޭ މަހޭ
007
23 July 2017
މަށެއް ނުދާނަން.
ިަިއިބުރޭ1122
23 July 2017
ތިދާނީ ތޮޅިއަށް!!
ނުރަބޯ
23 July 2017
ތިހެން ގޮވާލިޔަސް މިހާރު ނިކުންނަން ބޭނުމެއްނޫން. ތިޔަގޮވާލާ ގޮވެލިފައްޗަކީ އަމިއްލަ އެދުމަށް ގޮވާލާގޮވުމެއް. މިހާރު ރައްޔިތުންނަށް މާބޮޑަށްވިސްނޭ .ތިޔަމީހުން ކުރާވިޔަފާރީގެ އަގަކަށް ރައްޔިތުން ހަދަން ނޫޅުމަށްގޮވާލަން. ވަރަށްއިޙްތިރާމާއެކު ޝުކުރިއްޔާ.
މުއާ
23 July 2017
އެމީހުންގެ ބަސް އަހައިގެން މާލެ އައިސް ޖަލަށް ދާން ޖެހުމަކީ ވ ދެރަކަމެއް. 80000 ރ އެބޭފުޅާއަށް ލިބޭނެ. 2018 ގައި ރަނގަޅު ބަޔަކަށް ވޯޓް ދޭނީ. ގައުމުދަނީ ވ ބާރަށް ކުރިއަށް.
ދޫނިދޫ
23 July 2017
ރައްޔިތުން ވަކިތަނަކަށް ނުކުންނަން ގޮވާނެކަމެއްނެތް. އޭރުން ރައްޔިތުންނަށް އަނިޔާވާނެ. ގޮވަންވީ އެމީހަކު ހުރިތަނަކުން އެމީހަކު ނުކުމެ މި ސަރުކާރަށް ނޫނެކޭ ބުނާށޭ. އޭރުން އެނިޔާނުވާނީ.
ދަވޭ
23 July 2017
މާދަމާ އެއްވާން ގަލޮޅު ދެކުނު ދާއިރާގެ މެމްބަރު މަޚްލޫފު ގޮވާލާއިރު އޭނާގެ ޕްރައިމަރީ ޒިންމާ ކަމުގައިވާ ދާއިރާގެ ރައްޔިތުންގެ ތަރައްގީ އަށް އޭނާ އަށް ކުރެވުނީ ކޮން ކަމެއްތޯ އެވެ. ގަލޮޅު ދެކުނު ދާއިރާގައި މިހާރު ވެސް ގެދޮރު ނެތިގެން ކުއްޔަށް އުޅޭ ދަފްތަރު މީހުންގެ އަދަދު 4000 އަށް އަރައެވެ. އެކަމަކު އެކަމެއް އޭނާ އަކަށް ނޭގެއެވެ. އޭނާ ދުވަނީ ބޮޑު ސޭޓް އަތުން ސުޕާރީ ކައިގެން ޖަލުން ނާއި އަދި އެމްޑީޕީގެ ހަރުގެއިން ސައި ބޮއިގެން ގޮސް މަޖްލީހަށް ވަދެ ކާލައިގެން މިޒާތަށް ދޯ އޭނާ އެއުޅެނީ. ދެން މިމެން އިއްޒަތްތެރި ވެގެން މިއުޅެނީ އެއީ ކޮން ގޮތަކުން ތޯއެވެ. މީ މަމެން މިކިޔާ އެއްޗަކީ ޒުވާނުންނަށް އެމެންނަށް ވުރެން ބޮޑެތި މަގާމް ދިނީމާ އެމެން އަބަހައްދަވާ ވާހަކަ. މަޖްލީހަށް ވަން އެންމެ ޒުވާނާ ވެސް އޭނާގެ ފުރަތަމަ 5 އަހަރު ޕާރޓީ އަށް ވީ ޚިޔާނާތް ތެރި. އަލްހާން ފަހްމީ ވީ ޚިޔާނާތް ތެރި. ދެން ބާކީ ހުރި މަޚްލޫފުވީ ޚިޔާނާތް ތެރި. ދެން މިހާރު ޝިނާނު ވީ ޚިޔާނާތްތެރި. މިހާރު ދެން ޕީޕީއެމްގެ ލީޑަރޝިޕް އިން ދަސްކުރަން ވެއްޖެއެެއް ނޫންތޭ މިޒުވާނުންނަށް ބާރެއް ލިބިއްޖެނަމަ އެމެން ގައުމު ވިއްކާލާ މަހުޖަނުންނަށް ވާން ވެސް ކުޑަ ވެސް ފަހެއް ނުޖެހޭނެ ކަން.
ދޮންބުޅާ
23 July 2017
ވަރަށް ރަނގަޅު ވާހަފުޅެއް! އަޅުގަނޑު ތާއީދު
ވަހީދު
23 July 2017
ރައްޔިތުންގެ ހައްގުގައި އެތައް ދުވަހަކަށް ކުޑަގޮޅީގަ އޮވެފަ އެ ނިކުތީ..ކައިގެން ބޮއެގެން ހުނަނަނީޔޭ...ކީކޭ ތިކިޔެބީ
ދެޓްސްވައި
23 July 2017
އެހެންވެއޭ ޒުވާނުންނަށް ގައުމު ހިންގުމުގެ މަތީ މަގާމްތަކުގެ ބާރުދޭންނުވަނީ. އެއްދިމާލެއްގަ ހުންނާކަށް ނޭގޭނެ. ޖެހޭހާ ވަޔަކާ އެއްގޮތަށް ސިކުނޑި ހެލިހެލި ތިބެނީ. މިގައުމުގެ އެންމެ ހަގު ނައިބުރައީސް ހޭވި ހަޑި އެއޮތީ ފެންނަން.
މުރާސިލް
23 July 2017
ތިހެން މުޒާހަރާއަށް ގޮވާލަ ގޮވާލަ ތިބޭށެވެ. މަޚުލޫފުމެނަށް ތިޔަވަނީ ހާދަވަރެކެވެ. މުޅިންވެސް ޒާތީ ތަޢްސުބެވެ. އަމިއްލަ އެދުމުން ފޯވެފައެވެ. ޓިޔަ ބުނާ އިއްތިހާދަކީ މިހާރު އޮތް އެއްޗެއްވެސް ނޫނެވެ. މިހާރު އޮތީ "ކޯޅިޝަން" އެކެވެ