އެއްބަސްވުންތަކުގައި ސޮއިކުރެއްވުމުގެ ރަސްމިއްޔާތެއްގައި ރައީސް ޔާމީން ބައިވެރިވެވަޑައިގަންނަވަނީ. --ފޮޓޯ: ރައީސް އޮފީސް
17 އޮކްޓޯބަރ 2017 - 16:01
35 comments
ވެލާނާ އިންޓަނޭޝަނަލް އެއާޕޯޓްގެ އާ ޓާމިނަލް މަޝްރޫއަށް އަބޫދާބީ ފަންޑާ އެކު ލޯނު އެއްބަސްވުމެއްގައި ރާއްޖެ އިން މިއަދު ސޮއިކޮށްފި އެވެ.
ރައީސް އަބްދުﷲ ޔާމީނާއި އަނބިކަނބަލުން ފާތުމަތު އިބްރާހީމް މިހާރު ޔޫއޭއީ އަށް ކުރައްވާ ދަތުރުފުޅުގައި އަބޫދާބީގައި އޮތް ރަސްމިއްޔާތެއްގައި ސޮއިކުރެއްވި މި އެއްބަސްވުމުގެ ދަށުން ޓާމިނަލް މަޝްރޫއަށް އަބޫދާބީ ފަންޑުން ދެނީ ކިހާ ވަރެއްގެ ލޯނެއް ކަމެއް ނޭނގެ އެވެ.
އެކަމަކު "މިހާރު" އަށް އެނގިފައިވާ ގޮތުގައި އަބުދާބީ ފަންޑުން ގާތްގަނޑަކަށް 50 މިލިއަން ޑޮލަރުގެ ލޯނެއް ލިބުން އެކަށީގެންވެ އެވެ. އެކި ސަބަބުތަކާ ހެދި ލަސްވެފައިވާ ޓާމިނަލް މަޝްރޫއަށް ގާތްގަނޑަކަށް 350 މިލިއަން ޑޮލަރު ހޭދަވާނެ ކަމަށް ބެލެވޭ އިރު އެ ފައިސާގެ ހޯދަނީ މުއްސަނދި އަރަބި ގައުމުތަކުގެ އެކި ފަންޑްތަކުންނެވެ.
ޓާމިނަލް މަޝްރޫއުގެ މަސައްކަތް ހަވާލުކޮށްފައި ވަނީ ސައުދީ އަރަބިޔާގެ ބިންލާދިން ގްރޫޕާ އެވެ. މިހާރު ކުރިއަށް ދަނީ ޓާމިނަލްގެ ޑިޒައިނާއި އެއާ ގުޅޭ އެންމެ ފަހުގެ މަސައްކަަތް ކަމަށް އެނގިފައިވެ އެވެ.
ދުބާއީގެ ރޫލަސް ކޯޓުގައި ބޭއްވި ރަސްމިއްޔާތުގައި ރައީސް ޔާމީނާއި ޔޫއޭއީގެ ނައިބު ރައީސާއި ބޮޑުވަޒީރު އަދި ދުބާއީގެ ވެރިޔާ ޝައިޚް މުހައްމަދު ބިން ރާޝިދު އަލް މަކްތޫމް ބައިވެރިވެވަޑައިގެންނެވި އެވެ.
ތާމިނަލް މަޝްރޫއުގެ އެއްބަސްވުމުގެ އިތުރުން ދެ ގައުމުގެ ގުޅުން އިތުރަށް ބަަދަހިކުރަން އެހެން ތިން އެއްބަސްވުމެއްގައި ވެސް ސޮއިކުރި އެވެ. އޭގެ ތެރޭގައި ޑިޕްމޮލެމެޓިކް ވިސާއާ ގުޅޭ އެއްބަސްވުމަކާއި ޓެކްސްއާ ގުޅޭ އެއްބަސްވުމެއް ހިމެނެ އެވެ.
ރައީސް އޮފީހުން ބުނިގޮތުގައި ރައީސްގެ ދެކަނބަލުން ޔޫއޭއީ އަށް ކުރައްވާ ތިން ދުވަހުގެ ދަތުރުފުޅުގައި އެ ގައުމުގެ އިސް ވެރިންނާ ބައްދަލުކުރައްވައި ދެ ގައުމުގެ ގުޅުން އިތުރަށް ބަދަހިކުރެވިދާނެ ދާއިރާތަކުން މަޝްވަރާކުރައްވާނެ އެވެ.
ރައީސްގެ ދަތުރުފުޅުގައި ފޮރިން މިނިސްޓަރު ޑރ. މުހައްމަދު އާސިމާއި އިކޮނޮމިކް މިނިސްޓަރު މުހައްމަދު ސައީދާއި ތިމާވެއްޓާ ބެހޭ މިނިސްޓަރު ތޯރިގް އިބްރާހިމް ބައިވެރިވެވަޑައިގެންނެވި އެވެ.
ރާއްޖެ އާއި ޔޫއޭއީއާ ދެމެދު ސިޔާސީ ގުޅުން ގާއިމްކުރީ 1978 ގަ އެވެ. އޭގެ ފަހުން ޔޫއޭއީން އަންނަނީ ރާއްޖެ އަށް އެކި ގޮތްގޮތުން އެހީތެރިކަން ފޯރުކޮށްދެމުންނެވެ. އެ ގޮތުން ގެދޮރު އިމާރާތްކުރުމާއި މުވާސަލާތީ ހިދުމަތާއި ދަތުރުފަތުރުގެ ނިޒާމު ފަދަ ކަންކަން ރަނގަޅުކުރަން އެ ގައުމުން މިހާތަނަށް 400 މިލިއަނަށް ވުރެ ގިނަ ރުފިޔާ ރާއްޖެ އަށް ދީފައިވެ އެވެ.
ރާއްޖެ އަށް އެންމެ ގިނަ އަދަދަކަށް މުދާ އެތެރެކުރާ ގައުމުތަކުގެ ތެރޭގައި ވެސް ޔޫއޭއީ ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދުބާއީ
18 October 2017
ދުބާއީގެ ކްރައުން ޕްރިންސް ޝައިޚް ހަމްދާން ބިން ރާޝިދު އަލް މަކްތޫމް ގެ އިންސްޓަގްރާމް އެކައުންޓްގެ (ސްޓޯރީ) ގައި ދިވެހި ބަހުން ވާހަކަ ދައްކާފައި އިން ވީޑިއޯއެއް އެބައިން. "ހާދަ އުފާވެފައޭ ހުރިހާ އެންމެން"
ލާލާ ރިޕޯޓުވޯންޓު
18 October 2017
ލާލާ... ކުރީން ދިން އަނެކަތިކޮޅު ކިހިނެއްތޯވީ؟؟؟ އޭ..އޭ.. އޭއޭތިކޮޅު މަދުވީމާ ހުސްވީ.. ދެން ސައުދީ ބޭބެ ދިން އެތިކޮޅޯ؟؟؟ އެވެސް ދިން އެތިކޮޅު ވީގޮތެއް ނޭގުނީ ޓެކުހާ އެއްވެގެން އޮޅުނީ ދެން ވަކިކުރާކަށް ނޭގުނު.. އެހެންވެ މިފަހުން ދޭނަމޭ ކިޔާފަ ސައުދީ ބޭބެ ހަބަރެއް ނުވި.. އާނ ހާދަހާވާ ބޮޑު ސުނާމީއެކޭ ދޯ ތިޔައެރީ.. ޔެސް ބްރޯ..
ލުޓޭރޭ
18 October 2017
އައިޖީއެމްއެޗް 25 ބުރި ބިލްޑިންގ 140 މިލިއަނުން 160 މިލިއަނަށް އަގު ރިވިއުކުރި ކަން ދެނަހުރިންތޯ؟ ސިންގަޕޫރު ކުންފުންޏަށް ޕޭމަންޓް ހަދާ ހަފްތާގަ ގިނިކަންޏާ ސިންގަޕޫރަށް ދާ ދިވެއްސަކު ވާކަން ނޯޓިސްވީ ކިތައް ރައްޔިތުންނަށްބާ؟ ސިންގަޕޫރުގެ ތިޔަ ކުންފުނީގެ ހިއްސާ ދިވެއްސެއްގެ އޮންނަކަން ނުވަތަ ނޫންކަން އިނގޭބާ؟ ބޮޑެތި ލޯނު، ބިޔަ މަޝްރޫޢު، އަގުތައް އެންމެ މަތީ ޕްރޮޕޯސަލްތަކަށް ޕްރޮޖެކްޓް ލިބުން.. ދިވެހީން ތިބޭ ލޫޓުވެން.. ބިރުން ފިއްކެނޑި ސިކުނޑި ގޯސްވެ ހަމަ ބުއްދި ފިލާފާ..
އަބޫދާބީ ޝޭޙު
18 October 2017
މިގޮތަށް 40މިލިއަން ޑޮލަރުގެ އެމްއޯޔޫ އެއް ސޮއި ކުރީމު ދޯ 2016 ގައިވެސް... ދެން އަނެއްކާ 2018 ގައިވެސް ސޮއި ކުރާނީދޯ..... ވެދުން https://mihaaru.com/business/10453
ޕާމް ޖުމެއިރާ
17 October 2017
ޝައިޙް ރާޝިދުއަކީ މިހާރު ދުނިޔޭގަ ހުރި އެންމެ ވިޝަނަރީ ލީޑަރ، މުޅި އެމިރޭޓްސް ބަދަލު ކޮއްލެއްވި މުޅި ދުނިޔެ ހައިރާން ކޮއްލި ބަދަލެއް އެރަބް އެމިރޭޓްސްއަށް ގެނެސް ދެއްވި ތަރައްގީގެ ބާނީ، ރާޝިދުއާ ބައްދަލެއް ނުވެވޭނެ ކޮންމެ ކޮންމެ މީހަކައް ހުދު މުހައްމަދު ނަޝީދުއަށް ވެސް ނުވިކަމެއް، އަހަރުމެން ރާއްޖޭގެ އެންމެ އިސްވެރިޔާ ރާޝިދު އާ ބައްދަލު ކުރުމަކީ އަހަރުމެން ފަހުރުވެރި ވާކަމެކެވެ
ކުނި
17 October 2017
ޖީއެމްއާރުން ޓާމިނަލް އެޅީމާ ގައުމުވިއްކާލީ ލޯނިނަގާގައުމު ދަރުވާލާ ރައްޔިތުން ދައްކަންޏާ ހަބޭސް
އަތްފުނާ
17 October 2017
ލޯނު ނުނަގައި ތިކަން ފަރުޖެއްސޭނެ ގޮތެއް ހޯދަބަލަ.ތިހެން ކަން ކުރީމާ މި ވާނީ ދެންއަންނަ ވެރިއަކަށް ހުރި ތުރާއަކަށް.ނަށީދު ވެރިކަމުގައި އޭނާ މިފަދަ ކަންކަން ކުރަން އުޅުނު ގޮތް ވަަރަށްވެސް ތާއިދު.
އަލްޖިބްރާ
17 October 2017
ޤައުމު ދަރަނިވެރިކުރަން ނޫންކަމެއް މީނައަށް އެގޭތަ ؟
މޮޔަވެއްޖެ
17 October 2017
ލޯނު މައްޗަށް ލޯނު! ކިހާބޮޑު ދުއްތުރާލެއްމިއީ.. މިމީހާ ވެރިކަމުން ފައިބާގެން ދިޔާމަ ކާކު މިދަރަނިތަކަށް ޒިންމާވާނީ!!
ވިއްކާބެ
17 October 2017
ބިން ގަންނާނެ ފަރާތެއް ހޯދަނީތޯއެވެ?