ގދ. އަތޮޅުގެ ރަށެއްގައި އެއްބަނޑު އެއްބަފާ ހަތަރު އަންހެން ކުދިންނާ ގަދަކަމުން ޖިންސީ ގުޅުން ހިންގި ކަމަށް ބުނާ 75 އަހަރުގެ މީހާ، މާލޭގައި މީހެއްގެ ސައިކަލެއްގެ ފަހަތުގައި ދަނީ: އޭނާ ރޭ ވަނީ ހައްޔަރުކޮށްފައި
03 ނޮވެމްބަރ 2017 - 11:51
28 comments
ގދ. އަތޮޅުގެ ރަށެއްގައި އެއްބަނޑު އެއްބަފާ ހަތަރު އަންހެން ކުދިންނާ ގަދަކަމުން ބަދުއަހުލާގީ އަމަލު ހިންގި ކަމަށް ބުނާ 75 އަހަރުގެ ފިރިހެން މީހާ އާއި އޭނާގެ ބެލުމުގެ ދަށުގައި ހުންނަ ބިދޭސީ މީހާ ހައްޔަރުކޮށްފި އެވެ.
"މިހާރު"އަށް އެނގިފައިވާ ގޮތުގައި 75 އަހަރުގެ މީހާ މާލެއިން ހައްޔަރުކުރީ ރޭގެ ވަގުތެއްގައި އޭނާގެ ގޭގައި އުޅެނިކޮށެވެ. ކޯޓު އަމުރެއްގެ ދަށުން އެ މީހާ ހައްޔަރުކޮށްފައިވާކަން ފުލުހުން ވެސް ޔަގީންކޮށްދިނެވެ. އަދި ކުދިންނާ ބެހުނު، މި 75 އަހަރުގެ މީހާގެ ބެލުމުގެ ދަށުގައި ހުންނަ ބިދޭސީއަކު ވެސް ވަނީ ހައްޔަރުކޮށްފަ އެވެ.
އުމުރުން ދުވަސްވީ މީހާ ރާއްޖެއިން ފުރުން މަނާކޮށް އޮކްޓޫބަރު ފަސް ވަނަ ދުވަހު ވަނީ ޕާސްޕޯޓު ހިފަހައްޓާފަ އެވެ. އެނގިފައިވާ ގޮތުގައި އޭނާގެ ޕާސްޕޯޓު ހިފެހެއްޓީ ބޭސް ފަރުވާއަށް ކަމަށް ބުނެ އިންޑިއާއަށް ފުރަން ތައްޔާރުވަނިކޮށެވެ.
މިހާރު މާލޭގައި އުޅެމުން އަންނަ އަދި ރަށުގައި ނުފޫޒު ގަދަ ކަމަށް ބުނާ އެ މީހާ މާލެ އައީ، ހަތަރު ކުދިންނާ ގަދަކަމުން ގުޅުން ހިންގި ކަމަށް ބުނާ މައްސަލަ ބެލުމަށް ފުލުހުންނާއި ޖެންޑާ މިނިސްޓްރީން އެ ރަށަށް ދިޔުމުންނެވެ.
އެނގިފައިވާ ގޮތުގައި އެ ހަތަރު ކުދިންގެ ތެރެއިން އެންމެ ދޮށީ އަންހެން މީހާ ފިލައިގެން މާލެ އައުމުން ދެން އެ ފިރިހެން މީހާގެ ޖިންސީ ޝިކާރައަކަށްވީ ދޮށީ ކުއްޖާގެ ހަގަށް ތިބި ތިން ކޮއްކޮ އެވެ. މީގެ 12 އަހަރު ކުރިއްސުރެ އޭނާ އަންނަނީ އެކި ކުދިންނަށް ޖިންސީ ގޯނާ ކުރަމުން ކަމަށް އޭގެ ތެރެއިން ބައެއް ކުދިން ބުނެ އެވެ.
"މިހާރު" އާ ވާހަކަ ދައްކަމުން، އެ ހަތަރު ކުދިންގެ މަންމަ ބުނީ އޭނާގެ ދަރިންނަށް، ދުވަސްވީ މީހާ ޖިންސީ ގޯނާ ކުރާކަން އެނގޭ ކަމަށާއި އެކަމަކު އޭނާ ހަނުހުރީ ލިބެމުން ދިޔަ އިންޒާރުތަކުގެ ސަބަބުން ކަމަށެވެ. އަދި އެކަމުގައި އޭނާގެ އިހުމާލް އޮތް ކަމަށް ގަބޫލުކުރާ ކަމަށް ވެސް ބުންޏެވެ.
"ވަރަށް ބޮޑަށް އިންޒާރުދީ ބިރުދެއްކި. އެއީ އަހަރެން (އެ ވާހަކަ) ބުނެފާނެތީ. އޭނަ ބުނެފައި އޮންނަނީ އެ ކަހަލަ ވާހަކައެއް ދައްކައިފިއްޔާ އަނިޔާކުރާނަމޭ. ދުވަހަކު ވެސް އެ ވާހަކަ ނުދައްކައްޗޭ ކިޔާފައި ބިރު ދައްކާފައި އޮންނަނީ،" މަންމަ ބުންޏެވެ.
ހަތަރުބެއިިންނާ ބަދުއަހްލާގީ އަމަލު ހިންގި ކަމަށް ބުނާ މީހާ ވަނީ އެ ކުދިން އުޅޭ ގެ މަރާމާތުކޮށް، ދިރިއުޅެވޭނެ ގޮތް ހަދައިދީފަ އެވެ. އަދި އެ މީހުން ކައިބޮއި ހެދުމަށް، ދަރަންޏަށް އެއްޗެހި ނަގަނީ އެ މީހާގެ ފިހާރައިންނެވެ. ކުދިންނާ ގުޅުން ހިންގީ އެއީ ސަބަބެއް ކަމަށް ބަލައިގެން ކަމަށް އެ ކުދިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީނުގެ ތަނބު
05 November 2017
ތިޔަމީހާގެ އާއިލާ ވެސް އޮންނާނެ ދޯ!ލަދު ކޮބާ! އޭނާގެ ދަރިންނަށް މިކަންދިމާވިނަމަ ކުރާނެ އަސަރު ވިސް ނާލަބަލަ !ވީމާ އެމީހުން އޭނާގެ ހިމާޔަތުގައި ތިބެންޖެހޭނެ އެއްވެސް އަސިއްޔަތެއް އޮތްކަމަކަށް ނުދެކެން އެހާ ދަށުދަރަޖައަށް ވެއްޓުމުން' މަށަށް ހީވާގޮތުން އޭނާގެ ޒުވާންކަން އަދި ކިރިޔާ މެދު އުޑުގައި ފިޔަޖަހަން ފެށީ ހެން ހީވަނީ އޭނާގެ މުއްސަނދި ކިމާއި އާރާބާރު އޮތުމުން އެކަމުގެ ނާޖާއިސް ފާއިދާ ނެގުމަށް ފަހު ނިކަމެތިން ނަށް އޭނާގެ ބާރު ދައްކަމުން ތިޔަދަނީ އެއްވެސް އިންސާނިއްޔަތުކަމެއްނެތި އިސްލާމްދީނުގެ ގެޔޮގަޑުން އޭގެ އިމުން ފަހަނައަޅާ؛ ވީމާ އޭނާއަށް ޖެހޭނީ އިސްލާމީ ސަރީއަތުން ދޭންޖެހޭ އެން ބޮޑު އަދަބު ދޭން؛
އައްޑޫ ބެއްޔާ
05 November 2017
ޝިފްލީންގެ ޕްރޮފައިލެއް ހިމަނާލަބަލަ. ނޫނޭވާ ފިސާރި ކަނބަލުންނަކީތިޔައީ. ހިތްވަރުކޮށްލާތި މަކޮޔާ.
އައްޑޫ ބެއްޔާ
05 November 2017
ޝުކުރިއްޔާ މިހާރު ޓީމް. ތިޔަ ކުރެއްވީ ހަޤީގީ ނޫސްވެރިކަން. ޤައުމުގައި ތިބި މިފަދަ ނުލަފާމީހުން، ވަޒީފާއާއި މަޤާމުގެ ބާރުގެ ބޭނުންކޮށްގެން އާދައިގެ ނިކަމެތިން ނޮޅުމަކީ މިޤައުމުގައި ހިނގާ ކަމެއް. އެއިން އެންމެ ކަމެއް ތިލަކޮށް ކޯޓުތަކުގެ ދޮރުގައި ޓަކިޖަހާލެވޭވަރުކުރުމަކީ މިހާރު ޓީމްގެ ހިތްވަރާއި ކެރުންކަން ކަށަވަރު. ޝުކުރިއްޔާކިޔާ އަތްޖަހަންޖެހެނީ މިކަހަލަ ކަންތަކަށެވެ.
ޕޮކަންޑިމޭން
04 November 2017
ހަތަރު ކުދިންނާއި ބެހުނު 75 އަހަރުގެ މިމީހާގެ ވާހަކަ މީޑިއާތަކަށް ތިލަކޮށް އެކަން ކަމާބެހޭ އިދާރާތަކާއި އާއްމުންގެ ސަމާލުކަމަށް ގެނައުމަށްޓަކައި 'މިހާރު' ނޫހުން އަދާކުރި ދައުރު އަޅުގަނޑުމެން އެންމެން ފާހަގަކޮށް ޝުކުރުވެރިވާންޖެހޭ. މިއީ ޒިންމާދާރު ނޫސްވެރިކަމަކީ.
ޥެދުން
04 November 2017
ރަމްޒީގޮތުން ހައްޔަރުކުރިކުރުމެއް. ޓިވަރުގެ ޕަވަރ އޮތް މީހަކު ހައްޔަރުކޮށް ހުކުމެއް ނުކުރެވޭނެ. މިސަރުކާރަކަރަކީ އެހާގަޓްޖުރި ސަރުކާރެއް ނޫން
ޕޮކަންޑިމޭން
04 November 2017
މިސަރުކާރަށް ކިޔާ އަނެއްނަމަކީވެސް ގަޓް.
އިޙްސަ
04 November 2017
ގަޓު ނެތްނަމަ އަދީބުމެން އަދިވެސް ހުރީހީ އަތްޖަހަން. ގާސިމުވެސް ހިތުހުރި ކަމެއްކުރީސް. ސާބަހޭ ފުލުހުންނަށް ތިޔަބޭ ހައްޔަރު ކުރީތީ. ދެންއަވަހށް ދައުވާ ކުރޭ. އަނިޔާލިބުނު ކުދިންނަށް އިންސާފު ހޯދަދީ.
ޕައްލަންމެ
05 November 2017
ޕޮކަންޑިމޭން ބުނާހެން ނުލާހިކަ ގަޓު. ހީވެސް ނުވޭ 2.3 ބިލިއަން ރުފިޔާ ކާލިހެން. 15.4 މިލިއަން ރުފިޔާ އެކައުންޓަށްލިހެން.
މެންޓަލިސްޓް
04 November 2017
އުމުރުން 75 ވާއިރުވެސް އެއުޅެނީ ޒުވާންކަމުގެ މަސްތު ނުފިލައިގެން ،،، ތިޔަބޭފުޅާއާޢި ސުވާލުކޮއްލަންޖެހެނީ ނަމާދުކުރާއިރު ދުއާއުލްއިފްތިތާހްގައި ކިޔާއެއްޗެއްގެ މާނައެނގޭތޯ ؟ އެކަންރަގަޅަށް ހިތައްވަދެފައިހުރިނަމަ އަޅުގަނޑަށް ޔަގީން ތިޔަވަރުގެ ޖަރީމާއެއް ނުހިންގާނެކަން ، އަޅުގަނޑު މިހެން މިދެންނެވީ ސަލާތް އަކީ މީހުން ފާހިޝްއަަަމަލުތަކުން ދުރުކުރާ ވަސީލަތެއްކަމުގައި ގުރުއާންގައި ބަޔާންކުރައްވާފައިވާތީވެ ، ،،، ރަގަޅުގޮތުގައި ސަލާތަ ގާއިމްކުރީމައި އޮޓޯއިން އެކަހަލަ ކަންކަމުން މީހާ ސަލާމަތްކުރައްވާނެ ،، ހަރަކާތްތަކެށްކޮށް އަދި ތުންތެޅިވިޔަކަސް އެކަން ބަރާބަރެއްނުވާނެ ،، މީހާގެ ހިތުގެ އެންމެ ހިމަނާރުން ފެށިގެން ހިތުގެއަޑީން އެކިޔާއެއްޗެއް މީހާއަށް ގެޓްވެގެން ކުރަންެޖެހޭކަމެށް އެއީ ،، އެއީ ސަމާސާކަމެށްނޫން ،، ވަރަށްވެދުން
ދާއިދު
04 November 2017
ސަލާތް އަކީ 5 ވަގުތު ކުރެވޭ ނަމާދެއް ނޫން. ސަލާތްގެ މާނައަކީ ކަނެކްޝަން. މޯބައިލް ފޯނުވެސް އެއްޗަކަށް ވަނީ ކަނެކްޝަން އިނީމަތާ.
ާހެހެހެ
04 November 2017
ފިލަންވެސް ނޭގުނީ ދޯ އެވެ؟
މާންބެ
04 November 2017
ކޯޓުން ދޫކޮށްލާނެ ނިކަން އަވަހަށް.
ހައްޔަރު
04 November 2017
ކުރިޔަސް އެއްކަލަ 5000ރފ އެކައުންޓަށް ޖަމާ ކުރާތި
ހާސަރު
03 November 2017
ތިމީހާ ހައްޔަރު ކުރިއަސް އަދި ހުއްޓާނުލާތި އިންސާފުވެރިކޮށް ތިކަމެއް ނުދާނެ އެޢީ މިމީހުނަށް މާ މުހިއްމު ބެއެއް! ޖެންޑަރ މިނިސްޓަރ އިސްތިއުފާ ދީފާނެތީ ކަންނޭގެ ހައްޔަރު އެކޮށްލީ ދެން ފުރުވާލާނީ ބޭސްފަރުވާއަށް ބޭރަށް! މިހާރު އެހެރީ ވީއައިޕީ ހައްޔަރެއްގަ!