ހައި ކޯޓު: ދެކުނު ގޮފީގެ ފަނޑިޔާރުން މާލޭގައި މަސައްކަތް ކުރައްވަމުން ގެންދެވީ މާލޭގައި ހުރި މައްސަލަތައް އަވަސް ކުރުމަށްޓަކައި .---މިހާރު ފޮޓޯ
17 ޖެނުއަރީ 2018 - 10:31
5 comments
ހައި ކޯޓުގެ ދެކުނު ގޮފީގެ ފަނޑިޔާރުން މާލޭގައި މަސައްކަތް ކުރުމުގެ މުއްދަތު ހަމަވުމުން އެ ފަނޑިޔާރުން އެނބުރި އައްޑޫއަށް ވަޑައިގަތުމަށް އަންގައިފި އެވެ.
އައްޑޫގައި ހުންނަ ދެކުނު ގޮފީގެ ފަނޑިޔާރުން މިދިޔަ ސެޕްޓެމްބަރު މަހުން ފެށިގެން މާލޭގައި މަސައްކަތް ކުރައްވަމުން ގެންދެވީ މާލޭގެ ހައި ކޯޓުގައި ހުރި މައްސަލަތައް އަވަސް ކުރުމަށްޓަކައި އެ ފަނޑިޔާރުން މާލޭގެ ހައި ކޯޓުގައި މަސައްކަތް ކުރައްވާ ގޮތަށް ސުޕްރީމް ކޯޓުން ހަމަޖެއްސުމުންނެވެ.
ސުޕްރީމް ކޯޓުން ހަމަޖައްސާފައިވަނީ ސެޕްޓެމްބަރު މަހުން ފެށިގެން ތިން މަހަށް މަސައްކަތް ކުރައްވާ ގޮތަށެވެ. އެ މުއްދަތު މިދިޔަ ޑިސެމްބަރު މަހު ވަނީ ހަމަވެފަ އެވެ.
ޑިޕާޓްމެންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) ގެ އޮފިޝަލަކު ވިދާޅުވީ ފަނޑިޔާރުން އައްޑޫއަށް ވަޑައިގަތުމުގެ ހުރިހާ އިންތިޒާމްތަކެއް ޑީޖޭއޭއިން ހަމަޖައްސާފައިވާ ކަމަށެވެ. އެކަމަކު ދެކުނު ގޮފީގެ ޝަރީއަތްތައް އަލުން ފެށި ކަމެއް އަދި ސާފެއް ނުވެ އެވެ.
ދެކުނު ގޮފީގައި ތިއްބަވަނީ ފަނޑިޔާރު އަބްދުލްޣަނީ މުހައްމަދާއި ފަނޑިޔާރު ޝުއައިބު ހުސައިން ޒަކަރިއްޔާ އަދި ފަނޑިޔާރު ޝުޖާއު އުސްމާނެވެ. ދެކުނު ގޮފިން ބަލާނީ އައްޑު އާއި ފުވައްމުލަކާއި ގދ. އަދި ގއ. އަތޮޅުގެ މެޖިސްޓްރޭޓް ކޯޓުތަކުން ނިންމާ މައްސަލަތަކުގެ އިސްތިއުނާފް މައްސަލަތަކެވެ.
ރާއްޖޭގެ ދެ ސަރަހައްދެއްގައި ހައި ކޯޓުގެ ދެ ގޮފި ގާއިމް ކުރަންޖެހޭ ގޮތަށް ކޯޓުތަކުގެ ގާނޫނަށް ގެނައި އިސްލާހުގެ ދަށުން އައްޑޫގެ އިތުރުން ހދ. ކުޅުދުއްފުށީގައި ވެސް ވަނީ ހައި ކޯޓުގެ ގޮތްޕެއް ގާއިމްކޮށްފަ އެވެ. އެކަމަކު ހައި ކޯޓުގެ ބެންޗުން ބައެއް މަގާމުތައް ހުސްކޮށް އޮތުމުން އުތުރު ގޮތްޕަށް އަދިވެސް ފަނޑިޔާރުން ކަނޑައެއް ނާޅަ އެވެ.
ހައި ކޯޓުގެ ބެންޗުން ހުސްވެފައި ހުރި މަގާމުތަކަށް ކުރިމަތިލުމުގެ ފުރުސަތު ޖުޑިޝަލް ސާވިސް ކޮމިޝަން (ޖޭއެސްސީ) އިން ކުރިން ހުޅުވާލުމުން އެ މަގާމުތަކަށް ބައެއް ބޭޭފުޅުން ކުރިމަތިލެއްވި އެވެ. އެކަމަކު އަދިވެސް ފަނޑިޔާރުން އައްޔަނެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑޮކްޓަރުންގެ ސިޓީ / އައްޑޫ ސިޓީ
17 January 2018
ޤާނޫނު އަސާސީގައި “ރާއްޖޭގެ އިދާރީ ދާއިރާތަށް ހިންގާންވާނީ ލާމަރުކަޒީ އުސޫލުން ކަމަށް ޤާނޫނު އަސާސީގައި ބުނެ އަމުރު ކޮށްފައިވަނިކޮށް” އެއަށް ތަބާނުވެ “ލާމަރުކަޒީ ޤާނޫނު ކޮށާލާފައި” ކަންކަން ސެންޓްރަލައިޒުކޮށް ވަކިރަށްގަނޑެއްގައި ހުންނަވާ ރައްޔިތުންގެ ލޮލަށް ނުފެންނަ ރައްޔިތުންނަށް އެމީހެއްގެ އަޑުނީވޭ އެމީހާ ރައްޔިތުންނާއި ވާހަކަ ދައްކާ ބައްދަލު ކުރާން ނޭދޭ ވަގުތުނެތް މީހެއްގެ އަމުރު ލިބިގެން ނޫނީ އެއްވެސް ކަމެއް ނުކުރެވޭގޮތަށް ހަދާލާފައި ތިކަން ތިހެން ކުރާންޖެހޭ ސަބަބެއްނެތް. ކައްތައްތަ އާއި އައިމިނަ ދައިތަ ދަރާ ވިކިގެންވެސް ގޯތީގެ އިންވަކިކުރާން ތިޔަ މުޤައްދަސް ރަށްގަނޑަށް ގޮސްގެން މެނުވީ ތިކަން ނުކުރެވޭ ގޮތަށް ބޯދާ ޒަމާނުގައި ވެސް އޮތްގޮތަށް ބޭއްވުން ނޫންތޯ ތިބޭފުޅުންގެ ފިކުރަކީ ..!
ކޮންފަދަ ކަމެއް.
17 January 2018
ނުދާން ފެންނަނީ..
ފެލިދޫ
17 January 2018
ޤަނޫނުގައިވާ އަދަދަށް އަދި ޤާނޫނުގައިވާ މުއްދަތުގެ ތެރޭގައި ހައިކޯޓަށް ފަނޑިޔާރުން ނުލެވިގެން އުޅޭ މައްސަލަ ބަލަންވީ ނޫން ތޯއެވެ
ބަސް
17 January 2018
މައްސަލަތަކެއް ނުނިމެ އިންސާފެއްނުލިބެ ދެންކޮންބޭނުމެއްތޯއޮތީ
އަހުސަން
17 January 2018
ތިން ފަޑިޔާރުންވެސް އައްޑޫއަށް ވަޑައިގަންނަވައިފިކަމަށް ވެއެވެ.ޝުޖާޢު މީދޫން ގެންދިޔައީ އޭނައަށް އޮތް ނުރައްކަލެއް އޮތްކަމަށް ބުނެއެވެ.އަނެއްކާވެސް އޭނާ އެނބުރިއައީއެވެ.ޙާލަތު ބަދަލުވިކަމެއް ނޭގެއެވެ.އައްޑޫގައި ކޯޓުގެ މަސައްކަތް ފަށާފައި އޮތަސް ކުޅުދުއްފުށީގައި އެއްވެސް އިތުރުކަމެއް ނުކުރެވެވެ.ކޯޓު ބަހައްޓަން ހަދަންފެށިތަނުގެ މަސްކަތްވެސް ހުއްޓާލިތާ ކިތަންމެ ދުވަހެކެވެ.ފަސޭހައިން އަވަހަށް އިސްތިއުނާފު ކުރުމަށް މަގުފަހި ކުރުމަށް މިފަށާފައިވާ މަސައްކަތުން ވަކި ކުރިއެރުންތަކެއް ލިބޭނީ ދަތުރު ފަތުރުގެ އަގު ކުޑަވެގެންނެވެ.