އެހެން މީހަކާ ކައިވެނިކޮށްފި ނަމަ މަރާލާނެ ކަމަށް ބުނި މީހަކު ހަ މަހަށް ޖަލަށް

މީހަކު ހައްޔަރު ކުރަނީ: ކުރީގެ އަނބިމީހާއަށް މަރުގެ އިންޒާރު ދިން މީހަކު ޖަލަށްލާން ވަނީ ހުކުމް ކޮށްފައި - ފޮޓޯ: ޕޮލިސް

މުއިއްޒު އިބްރާހިމް، މިހާރު

17 ޖެނުއަރީ 2018 - 17:09

ކުރީގެ އަނބިމީހާ އެހެން މީހަކާ ކައިވެނިކޮށްފި ނަމަ މަރާލާނެ ކަމަށް ބުނެ، އިންޒާރު ދިން މީހަކު ހަ މަހަށް ޖަލަށްލާން ކްރިމިނަލް ކޯޓުން ހުކުމްކޮށްފި އެވެ.

މި ހުކުމް ކޮށްފައިވަނީ ކ. ގުރައިދޫ މީހަކަށެވެ. އެ މީހާ ޖަލަށްލާން މިމަހުގެ 11 ވަނަ ދުވަހު ކޯޓުން ހުކުމްކުރީ ޖެނުއަރީ، 2016 ގައި އޭނާގެ ކުރީގެ އަނބިމީހާގެ ގެއަށް އޭނާ ގޮސް އެ ދެ މީހުން ޒުވާބު ކުރުމުގެ ތެރޭގައި އަންހެން މީހާ އަށް އޭނާ މަރުގެ އިންޒާރު ދީފައިވާތީ އެވެ.

ދައުވާގައިވާ ގޮތުން އަންހެން މީހާއަށް އިންޒާރު ދެމުން އޭނާ ބުނެފައިވަނީ "އެއްވެސް މީހަކާ އިންނާކަށް ނުކެރޭނޭ، މީހަކާ އިނދެފިއްޔާ ދެ މީހުން އެއްކޮށް މަރާލާނަމޭ" ކަމަށެވެ. އެ ދައުވާއަށް އޭނާ އިންކާރު ކުރިޔަސް ހެކިންގެ ބަހަށް ބަލާއިރު އޭނާ އެގޮތަށް ބުނެ، އިންޒާރު ދިންކަން ސާބިތުވާ ކަމަށް ހުކުމުގައިވެ އެވެ.

އެހެންވެ، އެ ކުށުގެ އަދަބެއްގެ ގޮތުން އޭނާ ހަ މަހަށް ޖަލަށްލާން ހުކުމްކުރީ ބިރު ދެއްކުމާއި ނުރައްކާތެރި ހަތިޔާރާއި ތޫނު އެއްޗެހި ގެންގުޅުން މަނާ ކުރުމުގެ ގާނޫނުގެ ދަށުންނެވެ.

ކުށްކުރުން ކްރިމިނަލް ކޯޓް ގެވެށި އަނިޔާ މަރުގެ އިންޒާރު އިންޒާރު ދިނުން

8 ކޮމެންޓް, 45 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާދަމް ޙަލީމް

18 January 2018

6 މަސް ފަހުން މަރާލައިފިއްޔާ އޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ރިޒާ

18 January 2018

ހަމަ މީހަކު ޒުވާބެއްގެ ތެރޭގަ އެއްޗެއް ބުނާ އިރަށް ޖަލަށް ލާން ޖެހޭތަ؟ އެކަހަލަ ކަމެއް ކުރާނެ މީހަކު ފާޑުފާޑަކަށް އަނގަ އެއް ނުތަޅާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޒާގެ ބަފާ

18 January 2018

މަރުގެ އިންޒާރު ނުދީ ޒުވާބު ނުކުރެވެންޏާ އަނގަމަޑުންލައިގެން ހުރޭ. މީހަކު މަރާނަމޭ ބުނުމަކީ ތިޔަހާ އާދައިގެ ކަމަކަށް ނުހެދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ެފިޔަ

18 January 2018

މިފަދަ އިންޒާރަކަށް ހުކުމް އައިވާހަކަ އަޑު އިވުނު މިއީ ފުރަތަމަ ފަހަރު. ގެވެށި އަނިޔާލިބޭ މީހުން ރައްކާތެރި ކުރުމަށް މުހިއްމުކަމެއް ކަމުގައި ދެކެން. އެކަމަކު މީނާ ޖަލުން ސަލާމަތްވެގެންވެސް ނުކުމެ އަލުން އިންޒާރުތައްދީ އަނިޔާވެރި އަމަލެއް ހިންގަންވެސް އުޅެފާނެ. އަންހެން މީހާއާ މުއާމަލާތު ނުކުރެވޭ ގޮތަށް ރެސްޓްރެއިނިން އޯޑަރ އަކަށްވެސް އެދިގެން ލިބޭނެ ކަމަށް އުއްމީދުކުރަން.