އިދިކޮޅު ހަތަރު ލީޑަރުން: ރައީސް ޔާމީން ބަލިކުރަން އެއް ކެންޑިޑޭޓަކު ނެރެން ޖެހޭ ކަމަށް މި ހަތަރު ލީޑަރުން ވެސް ގަބޫލުކުރައްވާ.
22 ޖެނުއަރީ 2018 - 12:45
32 comments
ކޯލިޝަނުން ވެރިކަމަށް އަންނަ ސަރުކާރެއްގައި، އުފެދޭ މައްސަލަތަކަކާ ހެދި ކޯލިޝަން ރޫޅިއްޖެ ނަމަ ސަރުކާރު ވެސް ރޫޅޭގޮތަށް ގާނޫނުއަސާސީ އަށް އިސްލާހު ގެންނަން ޖެހޭ ކަމަށް ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
ރާއްޖޭގެ ސިޔާސީ މަސްރަހުގައި ހުރި ކަންބޮޑުވުންތަކާ ގުޅޭގޮތުން، ސްރީ ލަންކާގައި ބޭއްވި ނިއުސް ކޮންފަރެންސެއްގައި، ކޯލިޝަން ސަރުކާރުތަކަކީ ރާއްޖޭގައި އެހާ ކާމިޔާބު ފޯމިއުލާއެއް ނޫން ކަން ފާހަގަކޮށް، ރާއްޖެ ޓީވީން ކުރި ސުވާލެއްގެ ޖަވާބުގައި ނަޝީދު ވިދާޅުވީ ގުޅިފައި އޮންނަ ސަރުކާރު ދިފާއުކުރަން ގާނޫނުއަސާސީ އަށް އިސްލާހެއް ގެންނަން ޖެހޭ ކަމަށެވެ. އެއީ އިއްތިހާދު ރޫޅުމާއެކު ސަރުކާރު ރޫޅުން ކަމަށް އެމަނިކުފާނު ވިދާޅުވި އެވެ.
ގުޅިފައިވާ ޕާޓީތަކުން އިންތިހާބަށް މިހާރު ކުރަމުން އަންނަ މަޝްވަރާތަކުގެ ތެރޭގައި އެކަން ހިމެނޭ ކަން ނަޝީދު ފާހަގަކުރެއްވި އެވެ.
"އެއް ކެންޑިޑޭޓަކަށް އަޅުގަނޑުމެންނަށް އެއްބަސްނުވެވިގެންނެއް ނޫން. އަޅުގަނޑުމެން އެއްބަސްވާން، އަދި މަޝްވަރާކުރަނީ އެންމެ ކަމަކާއެއް ނޫން. އަޅުގަނޑުމެން މަޝްވަރާ އެބަ ކުރަން އިއްތިހާދެއްގެ ސަރުކާރެއް ހިފެހެއްޓޭނެ ގޮތަކާ ގުޅޭގޮތުން ވެސް،" ނަޝީދު ވިދާޅުވި އެވެ.
ދެހާސް އަށެއްގެ ރިޔާސީ އިންތިހާބުގެ ދެވަނަ ބުރުގައި، ކުރީގެ ރައީސް މައުމޫން އަބްދުލްގައްޔޫމްގެ މައްޗަށް ނަޝީދު ކުރި ހޯއްދެވީ އިއްތިހާދަކުންނެވެ. އެކަމަކު އެ އިއްތިހާދު، މަސް ދުވަހުގެ ތެރޭގައި ވަނީ ރޫޅިފަ އެވެ. ރައީސް އަބްދުﷲ ޔާމީން ވެސް ވެރިކަމަށް ވަޑައިގަތީ އިއްތިހާދަކުންނެވެ. އެކަމަކު، އެމްޑީއޭ ފިޔަވައި އެހެން ހުރިހާ ޕާޓީތަކުން ވަނީ އެމަނިކުފާނާ ފެއަށް ޖެހިފަ އެވެ.
އެމަނިކުފާނު ވިދާޅުވި ގޮތުގައި އިދިކޮޅު ފަރާތްތަކުގެ މަޝްވަރާތައް ނިންމާލާނީ ގާނޫނުއަސާސީ އަށް ގެންނަންޖެހޭ އިސްލާހުތަކާ ވެސް އެކުގަ އެވެ.
ކޯލިޝަންތައް ރޫޅެނީ، ނަޝީދު ވިދާޅުވި ގޮތުގައި، އެކަމަށް ގާނޫނީ ފަރުވާއެއް އެކަށައެޅިފައި ނެތުމުންނެވެ. ރައްޔިތުން އިއްތިހާދަކަށް ވޯޓުދިނަސް އިއްތިހާދު ރޫޅި ބައިބައިވާއިރު، ސަރުކާރު ދެމިއޮތުމަކީ އެންމެ ރަނގަޅު ގޮތް ނޫން ކަމަށް އެމަނިކުފާނު ވިދާޅުވި އެވެ.
"އަޅުގަނޑަކަށް ހިއެއް ނުވޭ، އެއީ ގާނޫނީ ގޮތުން ވެސް އަދި އާއްމު ވިސްނުމުން ވެސް ދެކޮޅު ޖެހޭ ވާހަކައެއް ހެން. އެހެންވެ އަޅުގަނޑު ދެކޭ ގޮތުގައި މި އިސްލާހު ގެނެވިގެން ބަދަލު ގެނެވޭނީ،" ނަޝީދު ވިދާޅުވި އެވެ.
އިދިކޮޅު އެއް ކެންޑިޑޭޓަކު ކަނޑައެޅުމަށް، ޕާޓީތަކުން މިހާރު އަންނަނީ މަޝްވަރާކުރަމުންނެވެ. ރައީސް އަބްދުﷲ ޔާމީން ބަލިކުރެވޭނެ އެންމެ ރަނގަޅު ގޮތަކީ އެއީ ކަމަށް ވެސް ޕާޓީތަކުން ގަބޫލުކުރެ އެވެ.
އެކަމަކު ގޮތެއް ކަނޑަނޭޅި ދިގުލައިގެން ދަނީ، އިންތިހާބުގައި ވާދަކުރެއްވަން ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހީމް ވެސް ޝައުގުވެރިކަން ފާޅުކުރައްވާފައިވާތީ އެވެ.
އެކަމަކު ނަޝީދާއި ގާސިމަށް ވެސް އިންތިހާބަށް ކުރިމަތިލެއްވޭނީ ގާނޫނީ ގޮތުން ހައްލުތަކެއް ހޯދިގެންނެވެ. ގާނޫނުއަސާސީއަށް ގެނައި އިސްލާހު ބުނާ ގޮތުން 65 އަހަރުން މަތީގެ މީހުންނަށް ރައީސުލްޖުމްހޫރިއްޔާގެ މަގާމަކަށް ކުރިމައްޗެއް ނުލެވޭނެ އެވެ. ގާސިމްގެ އުމުރުން މިހާރު ވަނީ 65 އަހަރު ވެފަ އެވެ. ނަޝީދު ހުންނެވީ ރައީސްކަމަށް ކުރިމަތިލާ މީހަކާ ބެހޭ ގޮތުން ގާނޫނުގައި ކަނޑައަޅާފައިވާ މުއްދަތަށް ވުރެ ދިގު މުއްދަތެއްގެ ޖަލު ހުކުމެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަތުބަތާނަ
23 January 2018
މި ކަލޭގެ މިކުރަނީ މުޅިންވެސް ގުއިބުއްދި. މިއިން ވިސްނެނީ ނަޝީދު ނޫން މީހަކު ހޮވިއްޖިއްޔާ ނަޝީދު ކޯލިޝަން ގައި ގުޖަޑު ހިލުވާ ކޯލިޝަން ރޫޅާނެކަން. އޭރުން އަނެއްކާވެސް އިންތިޚާބެއް ބާއްވަންވީ.
ފާތީ
23 January 2018
ކާކުތައެއްވެސްއިރަކު ކޯލިޝަންކިޔާއެއްޗަކަށްވޯޓުލީ?
ޑޮކްޓަރުންގެ ސިޓީ / އައްޑޫ ސިޓީ
22 January 2018
އިސްލާހް ކުރި ޤާނޫނު އަސާސީގެ މާބޮޑު ބޭނުމެއް ރައްޔިތުންނަކަށް ނުލިބުނު. އޭގެ ސަބަބު އިގެން އެބަހުރި އެކަންކަން އަހަރުމެން ތަޖުރިބާ ކޮށްފިން. އޭރާއި މިހާރުގެ ވާހަކަ ނުދައްކާ މާދަމާ ކުރާންޖެހޭ ކަންކަމާއި އަދި އެމަގަށް ދިއުމަށް ޤައުމަށާއި ރައްޔިތުންނަށް ގެއްލުން ނުވާނެ މަގު އެބަ އިހްތިޔާރު ކުރާންޖެހޭ. އިންސާނުންގެ މެދުގައި މަޝްވަރާކޮށް ވާހަކަ ދައްކައިގެން ގެނެވޭ ސުލްހައިގެ މަގު އެންމެ ކާމިޔާބު ވާނީ. އެހެން ކަމުން ސިޔާސީ ޕާޓީ ތަކުން އިސްކަން ދޭންވީ ޤާނޫނު ހަދާ މަޖިލީހަށް “ރައްޔިތުން އިންތިހާބު ކުރި މެމްބަރުން” ސަރުކާރު ދޫކޮށް ޤާނޫނުއަސާސީ ހިމާޔަތްކޮށް ރައްޔިތުންގެ ވެރިކަމެއް ޤާއިމް ކުރުމަށް އަދި މިދައުލަތުގެ ހަޒާނާ އާއި ޤަދަރު ރައްކާތެރި ކުރުމަށް އެހީތެރިވެ ދިނުމަށް. ވަކިވަކި މެންބަރުންނާއި ބައްދަލުކޮށް ޤާނޫނު ހަދާމަޖިލީހުގައި “ސަރުކާރުގެ ނުފޫޒު ކުޑަކޮށް” ރައްޔިތުންގެ އަޑު އުފުލާ ޤާނުނު ނެގެހެއްޓުމުގެ ފުރިހަމަ ޒިންމާ މެންބަރުން ނެންގެވުމުގެ މުހިންމު ކަމުގެ ވާހަކަ ދައއކާންޖެހޭ.
ޣަހުމެ
23 January 2018
ލެކްޗަރު ދޭނެ ކަމެއްނެތް. އަމިއްލިޔަށް ތިމާ ރަގަޅުވެބަލަ. އެގޭ ހުރިހާ އެއްޗެއް ތިބާ އާއިބެހޭ ގޮތުން މީސް މީޑިޔާގަ ލިޔެފާނެ.
ާރަފަޅު ދޯ
22 January 2018
ބަރުލަމާނީ ހަދަން ފެނެއެވެ.އޭރުން އެކެއްގެ މުށުތެރޭގައި ހުރިހާ މުވައްސަސާ ތަށް ބަދެވިފައެއް ނޯންނާނެއެވެ ރައީސަކާ ބޮޑުވަޒީރަކު ބެހެއްޓި ދާނެއެވެ.
އިބިރިހިންބެއްޔާ
23 January 2018
ކީކޭބުނާނީ. ރިޔާސީ ބަރުލަމާނީ ގެ ތަފުސީލު ނޫހުން ގެނެސް ދެއްވުން މޮޅުއިތުރު.
falaku ain
22 January 2018
މޮޔަނުގޮވާ ހޭބަހައްޓައިގެން މަނިކުފާނުވެސް ވާހަކަ ދައްކަންވާނީ. ރައްޔިތުން ރައީސަކަށް ވޯޓު ދިނީ ޔާމީނަށް. އެހެންމީހަކަށް ނޫން. ދެން ޕާޓީއަކުގައި ހުރިމީހަކު ރައީސްކަމަށް ކުރިމަތިލައިގެން ހޮވުން އެއީ އެޕާޓީގެ މީހުންގެ ހަމައެކަނި ރައީސެއްގެ ގޮތުގައިވީކީއެއްނޫން. އެހެންނަމަތޯ ކޯލިޝަން ރޫޅުމުން ތިޔަކަމެއްވިޔަސް ވާނީ.
ސޮކްތެރެޕީ
22 January 2018
ނުޖެހޭ ރޫޅޭކަ ނަޝީދުގެ ވެރިކަން ވެއްޓުނީ ނަޝީދުގެ ފިޑިކަމުން.
އިބިރިހިންބެއްޔާ
23 January 2018
ވާނުވާވެސް ނޭގުމުން.
ޖާރިޔާ އަހުމަދު ދީދީ
22 January 2018
ލޮލް. އެހެންވީމަ ކޮން ބަޣާވާތެކޭ ކިޔާކަށްތަ؟ ވެރިކަމުން ނާށްޓޭ އިސްތިއުފާ ދެއްވީ ތިޔަ ބުނާ ކޯލިޝަން ބައިބައިވެ ވިއްސިވިހާލިވިތާ އަހަރު ދުވަސްތަކެއް ފަހުން. މަމެން ނެތީމު ތިގޮވާ ކޮސް އަޑުއަހާކަށް.
މޯލްޑިވިއަން
22 January 2018
ވަރަށް ރަނގަޅު ނިއްމުމެކެވެ. އެކަމަކުވެސް ނަޝީދުއަށް ވެސް އެގޯސްތައް ހެދުނެވެ. ދެންވެސް ވާނީ ހަމަ އެގޮތެވެ. ޤާނޫނަކީ ބަދަލުކޮށްލެވޭނެ އެއްޗެކެވެ. އެހެން ނޫންނަމަ އަދީބު އަށް ނައިބުރައީސްކަން ހޯދަދޭން އެމްޑީޕީއިން ޤާނޫނު ބަދަލު ނުކުރީހެވެ. ވޯޓު ނުދިނީހެވެ. (އަދީބުގެ ނުލަފާ ހިޔާލާއި ކަރަޕްޝަން ވާހަކަތައް ރައްޔިތުންކައިރީގައި ދައްކާފައި އެއްމެ ފަހުން އަދީބުއަށް ވެރިކަން ހޯދާދޭން ހިފީ ތިޔަ ބާގަނޑެވެ.
ބޭބެ
22 January 2018
ދައްކާނެ ވާހަކަ ހުސްވިތާ ބަލަގަ ކޯލިިޝަން ސަރުކާރަކި ބަރުލަމާނީގެ ކަމެހް މިރާއްޖޭގަ އޮތީ ރިޔާސީ ނިޒާމެކޭ
އަބްދުއްލާ
22 January 2018
ނަސީދު ވެރިކަމުގާ ހުރެ މަސްދުވަހުގެތެރޭ އިއްތިހާދު ރޫޅުނީމަ ވެރިކަން ރޫޅުނުތަ ؟ ނަސީދު ހަމަހޭގަ ތޯ ހުންނެވީ މިގައުމުގާ އޮތީ ޕާލަމެންޓްރީ ސިސްޓަމެއްނޫން . ގާނޫނުއަސާސީގަ ވަނީ ރިޔާސީ ނިޒާމެކޭ މިގައުމުގާއޮތީ ނަސީދު މިހުރީ ވެރިކަމާ ބޯގޮވާފަ ކިޔޭ ނުކިޔޭ އެއްޗެއްވެސް ނޭގެ .ކުންނާރު ގަހަކުން އަނބު ބިންނަމާ.