އިދިކޮޅު ފަރާތްތަކުން އިއްޔެ ހަވީރު މާލޭގައި ބޭއްވި އެއްވުން ރޫޅާލައި، ބިންމަތީގައި އިށީނދެގެން އިން މީހަކު ފުލުހުން ނަގަނީ: ނުތަނަވަސް ވެފައިވާ ރާއްޖޭގެ ސިޔާސީ މަސްރަހު ހަމަޔަކަށް އެޅުމަށް އދ. އިން އިސް ނަގަން ވަނީ ނިންމާފައި.---ފޮޓޯ: ހުސެއިން ވަހީދު/މިހާރު
17 ފެބުރުއަރީ 2018 - 09:30
60 comments
އިދިކޮޅު ފަރާތްތަކުން ގޮވާލި ގޮވާލުމަށް އިޖާބަދީ، ރާއްޖޭގެ ސިޔާސީ މަސްރަހު ހައްލުކުރުމަށް އދ. އިން ސިޔާސީ ލީޑަރުންނާ ބައްދަލުކޮށް، މަޝްވަރާ ކުރުމަށް ނިންމައިފި އެވެ.
އދ. ގެ ސެކްރެޓަރީ ޖެނެރަލް އެންޓޯނިއޯ ގުޓަރޭޒްގެ ތަރުޖަމާން ސްޓެފަން ޑުޖެރިކް ވިދާޅުވީ، ރާއްޖޭގެ ސިޔާސީ ލީޑަރުންނާ ކުރިއަށް އޮތް މަދު ދުވަސްކޮޅެއްގެ ތެރޭގައި ވާހަކަ ދައްކަން ފަށާނެ ކަމަށެވެ. އަދި ސިޔާސީ ޕާޓީތަކުގެ މެދުގައި މަޝްވަރާ ކޮށް، ރާއްޖޭގެ މަސްރަހުގައި ދިމާވެފައިވާ ކަންކަމަށް ހައްލެއް އައުމަކީ އދ. ގެ ސެކްރެޓަރީ ޖެނެރަލް ވެސް ގަބޫލު ކުރައްވާ ގޮތް ކަމަށް އޭނާ ވިދާޅުވި އެވެ.
ތަރުޖަމާން ވިދާޅުވި ގޮތުގައި އދ. އޮތީ އެކަމަށް އެހީތެރިވާން ތައްޔާރަށެވެ.
އިދިކޮޅު ފަރާތްތަކުން ވަނީ ސިޔާސީ ޕާޓީތަކުގެ މަޝްވަރާތަކުގައި އދ. އިން މެދުވެރިއެއްގެ ރޯލު އަދާކުރުމަށް އެދި އެ ޖަމާއަތުގެ ސެކްރެޓަރީ ޖެނެރަލަށް ސިޓީއެއް ފޮނުވައިފަ އެވެ. އެއީ އިދިކޮޅު ފަރާތްތަކުން ސަރުކާރަށް ކުރިމަތިކުރި އެއް ޝަރުތެވެ. އެ ނޫން ގޮތަކަށް ސަރުކާރާ އެކު މަޝްވަރާ ކުރާކަށް އިދިކޮޅު ޕާޓީތައް ބޭނުމެއް ނުވެ އެވެ.
އދ. މެދުވެރިވެގެން މަޝްވަރާތައް ފެށިޔަސް، މަޝްވަރާގައި އިދިކޮޅު ޕާޓީތަކުން ބައިވެރިވާނީ އިދިކޮޅު ސިޔާސީ ލީޑަރުންތަކެއް ދޫކުރުމަށް ސުޕްރީމް ކޯޓުން މި މަހުގެ ފުރަތަމަ ދުވަހު ނެރުނު އަމުރު ތަންފީޒު ކުރުމުން ކަމަށް އެ ޕާޓީތަކުން ވަނީ ބުނެފަ އެވެ.
އިދިކޮޅު ފަރާތްތަކުން، މަޝްވަރާތަކުގައި އދ. ބައިވެރި ކުރަން ބޭނުންވާއިރު، ވެރިކަން ކުރާ ޕާޓީ، ޕީޕީއެމުން އެކަމާ ދެކޮޅު ހަދަ އެވެ.
ޕީޕީއެމްގެ ނައިބު ލީޑަރު އަދި މަޖިލީހުގެ ފޮނަދޫ ދާއިރާގެ މެމްބަރު އަބްދުއްރަހީމް އަބްދުﷲ މިދިޔަ ބުރާސްފަތި ދުވަހު ވިދާޅުވީ، މައްސަލަތައް ހައްލު ކުރުމަށް ބޭރުގެ އެއްވެސް ފަރާތެއް ބައިވެރިކުރަން ބޭނުން ނުވާ ކަމަށެވެ. ރާއްޖޭގެ ކަންކަން ހައްލު ކުރުމުގެ ގާބިލްކަން ދިވެހިންގެ ކިބައިގައި އެބަހުރި ކަމަށް އޭނާ ވިދާޅުވި އެވެ.
ސުޕްރީމް ކޯޓުން މި މަހުގެ 1 ގައި ނެރުނު އަމުރާ ގުޅިގެން އދ. އިން ވަނީ އެ އަމުރަށް ތަބާވުމަށް ސަރުކާރަށް ގޮވާލައިފަ އެވެ. ސުޕްރީމް ކޯޓުގެ ނިންމުމާއެކު، ރާއްޖޭގެ ހާލަތާއި ސަރުކާރާއި ސަލާމަތީ ބާރުތަކުން ކަންތައްތައް ކުރަމުން ދާ ގޮތް ވަރަށް ގާތުން ބަލަމުން އަންނަ ކަމަށް ވެސް އދ. އިން ކުރިން ނެރުނު ބަޔާނެއްގައި ބުންޏެވެ.
ކުއްލި ހާލަތު އިއުލާންކޮށް، އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު ހައްޔަރު ކުރުމަށް ފަހު، ސިޔާސީ އިދިކޮޅު ބޭފުޅުން ދޫކުރުމަށް ކުރިން ކުރި އަމުރު، ތިން ފަނޑިޔާރުންގެ މަޖިލީހުން ވަނީ ބާތިލްކޮށްފަ އެވެ. މި ފިޔަވަޅުތަކާ ހެދި ސަރުކާރަށް ކުރިމަތިކުރާ ޕްރެޝަރު ވަނީ އިތުރަށް ބޮޑުވެފަ އެވެ.
މީގެ ކުރިން 2015 ގައި ވެސް ސަރުކާރުން އިދިކޮޅު ޕާޓީއަކާ އެކު މަޝްވަރާކުރި އެވެ. އޭރު ކުރި މަޝްވަރާތައް ފެއިލްވެފައި ވަނިކޮށް ދެވަނަ ފަހަރަށް ސަރުކާރުން މަޝްވަރާއަށް ދައުވަތު ދިނެވެ. އެކަމަކު އޭރު އިދިކޮޅު ފަރާތްތަކުން މަޝްވަރާ އަށް ދާން ބޭނުމެއް ނުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
18 February 2018
އަހަރިން އަމިއްލައަށް ކަންކަން ހައްލު ކުރުމުގެ ގާބިލްކަން ދިވެހިންގެ ކިބައިގައި އެބަހުރި ކަމަށް އެ ބުނަނީ ކޮން ކަމަކަށް ރިއާޔަތް ކޮށްފަ ބާ؟؟ މައްސަލަ ހައްލުކުރާ ހުރި ހުރިހާ ދިމާލެއް ވަނީ ހަލާކު ކޮށްފަ... މިރާއްޖޭގައި ހަމަ އާ އިންސާފުން ކަން ކުރާ އެއްވެސް ތަނެއް ނެތް... އަދުލްވެރި ފަނޑީޔާރެއް ނެތް، މިނިވަން މުައްސަސާތައް މިވަނީ ޕީޕީއެމް ޖަހަތަކަކަށްވެފަ.. އެންމެ ފަހުން ހުކުރު ނަމާދަށް ދިޔައިދު މިސްކިތްވެސް ވަނީ ޕީޕީއެމް ޖަގަހައަކަށް ބަދަލުވެފާ... ރައްޔިތންގެ ދިފާއުގާ ތިބޭން ހުވާކޮށްގެން ތިބި ދިފާއީ ބާރުތައްވަނީ ރައްޔޮތުންނާ ދެކޮލަށް ނުކުމެ ރައްޔިތުންގެ ބާރު ކަނޑުވާލާފަ... މިހާލަތުގާ އަމިއްލައަށް ހަލާކު ވުން ނޫން ހައްލެއް އެބަ އޮތްތޯ އަމިއްލައަށް ހޯދޭނެ...
ވަކަފޫޅު
19 February 2018
ޕީޕީއެމްގައިތިބި ތައުލީމީ ހުނަރުވެރި އަދި ކުޅަދާނަ މެމްބަރުން ތިބެމެ އަބްދުއްރަހީމްމެން ޕާޓީގެ ލަގަނުގައި ތިބުމަކީ ދެރަކަމެއް.
އަބްދުއްލާ
18 February 2018
މަސްވަރާ ކުރާނެ ކަމެއްނެތް ، ކުއްވެރިން ގާނުނގައިވަ އަދަބު ގަބޫލު ކުރަންޖެހޭނެ . ތިމާކުރާކުށް ކުށެއްކަމަށް ގަބޫލު ނުކުރާ އެކުށުގެ އަދަބު ލިބެންޖެހޭނެ ކަމަށް ގަބޫލު ނުކުރާމީހަކު ގައުމުގެ ވެރިކަމަށް ގެނައުމަކީ ކޮށްގެންވާނެ ކަމެއްނޫން.
ހޯރަ
17 February 2018
ބޭރު މިނިވަން ވަކިފަރާތަކަށް ނުޖެހޭ ފަރާތްތައް ދެކެ އަދަރޭ ކީއްވެ ބިރުގަންނަނީ؟ ބަލަ! މީވެސް އަހަރެމެންގެ ގައުމޭ! ކަލޭމެންނަކާ ވާހަކަ ދައްކައިގެން ހައްލު ކުރެވޭނެ ކަމެއް ހަތްހަރާމުން ހަރާމް! ސަބަބަކީ ކަލޭމެންނަކީ އެއަށްވުރެ އަމިއްލައެދުންބޮޑު ބައެއް. މީވަރަށް ވާހަކަ!
މަހާ
17 February 2018
ޙަމަ ތިހިން ކިޔަކިޔާ ތިބެންޖެހޭނީ އެއްކަމެއްވެސް ނުވާނެ، ޖަލުގައި ތިބި ގައިދީން މަސްވާރާ ތަކުގައި ބައިވެރިއެއް ނުކުރާނެ
މާޖިދު
18 February 2018
އެހާފޮނިކަން ދެއްކޭނަމަ އީޔޫ ވަފުދުދިޔައީ ތިމަންނަމެން ބައްދަލުކުރަން ތިއްބައޭ ނުކިޔާނެ.
ސަކީނާ
17 February 2018
މިހާރު އެބަފޯރި ހިފާގޮތްވޭ. އދ ވެސް ބައިވެރިކޮށްގެން މިކަން ނިންމާނީ. ދެން މިކަމެއް ނުމެއް ހުއްޓުވޭނެ.
އެމްސް
17 February 2018
ދިބެހި ޤައުމުގެ ޙައްޤުގަ އެއްޗެއް ބުނަން ޢަބުދުއްރަޙީމް ގެ ޙައިސިއްޔަތަކީ ކޮބައިބާ؟ ސަރުކާރު ތަމްސީލު ކުރެވޭނީ ސަރުކާރުގަވެސް އުޅޭ މީހަކަށް
އަޙްމަދު.
17 February 2018
އަނެއްކާވެސް ގުނބޯހެއްދުމުގެ އާމަރުހަލާއެއް ފެށެނީ!
ދަމެންޓަލިސްޓް
17 February 2018
ޔާމީނުގެ ވެރިކަން އަދިވެސްއޮތީ ކުރިއަށް. އާރާއިބާރާއި ސާބިތުކަންމަތީގަ. އެމްޑީޕީ،އަދާލަތު،މައުމޫނު ގްރޫޕް،ޖުމްހޫރީ، އެކިނަންނަމުގައި ރާއްޖޭގައިހިންގާ ޖަމުއިއްޔާ ޖަމާއަތްތަކާ، އިންޑިޔާ، އެމެރިކާ، އިނގިރޭސިއަދި ޔޫއެން ވެސްގުޅިގެން ޖޫޑީޝަރީ މެދުވެރިކޮށް ރާއްޖެއަށްގެނައިބަޤާވާތުން ރާއްޖެ ސަލާމަށްކުރެއްވީ ﷲގެ ވާގިފުޅާއެކު ރައީސް ޔާމީނާއި ސަލާމަތީ ބާރުތަކުން. އެފަރާތްތަކަށް ޝުކުރިއްޔާ. އިންޑިޔާއިން ރާއްޖެއަށް އިންވޭޑުވެސް ނުކުރެވޭނެ. ޖެހޭނީ ތެޅިތެޅި ތިބެން. ސަރުކާރުން ކުރަންވީ ކަންކަން.(1) ރާއްޖޭގައި މަސައްކަތްކުރާ ޓީޗާސް، ނާސް، ޑޮކްޓާސް، ލޭބަރާސް ފަދަ އިންޑިޔާ ރައްޔިތުންގެ މިހާރު ހަދާފައިވާ ކޮންޓްރެކްޓްތކުގެ މުއްދަތު ހަމަވުމުން އައު ނުކުރުން. އަދި ލަންކަ ނުވަތަ އެއަށްވުރެ ދުރުން އެކަންކަމަށް މީހުންގެނައުން (2) އިންޑިޔާގެ ހޮސްޕިޓަލްތަކުން އާސަންދަ ހުއްޓާލުން. އަދި ލަންކާއާއި ބެންކޮކް ހޮސްޕިޓަލްތަކުން އާސަންދަ ލިބުން. (3) އިންޑިޔާއިން މިހާރު ގެންނަ މުދާ އެހެން ޤައުމުން ގެނައުން. އަދިވެސް.....
ޙުސެން
17 February 2018
މެންޓަލް ހޮސްޕިޓަލުން ބޭރުވި ގޮތެއް ފުރަތަމަ ސާފުކޮށްލަދޭނެ މީހަކު އެބަހުރިތޯއެވެ. ދޫކުރެވޭވަރަށް ވުރެ އަދި ވެސް ގޯހެވެ.
ޙުސޭނު
18 February 2018
މެންޓަލިސްޓް ކަމެއް ހުސެންކަމެއް ނޭގެ މެންޓލް ހޮސްޕިޓަލަކުން ނިކުތީ. ޢެކަމަކު ވަންނަން ޖެހެނީ ހުސެން ކަން ޔަގީން
ހަސަނުދަރި
17 February 2018
ބައްޕައަށް އެނގޭބާ ކަންކަން ހިނގާގޮތް. ރާއްޖޭގަ އެންމެ ބާރުގަދަވާނީ ޤާނޫނު އަސާސީ. ސްޕްރީމްކޯޓުވެސް ތަބާއަ ވާންޖެހެނީ ޤާނޫނު އަސާސީއަށް. ޤާނޫނު އަސާސީން ސްޕްރީމް ކޯޓަށް ނުލިބޭ ބާރެއް ސްޕްރީމްކޯޓުން އަމިއްލައަށްނަގާ ކިހިލިފައްޗަށްޖެހީމާ އެހާހިސާބުން އެ ޙުކުމަށް ޢަމަލުކުރުމަކީ ޤާނޫނު އަސާސީއާއި ޚިލާފުކަމެއް. ސްޕްރީމް ކޯޓުން ކަމެއް ނިންމުމަށް ބޭނުންވަނީ އަޤަލަބިއްޔަތު، އެއީ 3 މީހުން. ޤާނޫނު އަސާސީން ސްޕްރީމް ކޯޓަށް ނުލިބޭ ބާރެއް ކިހިލިފައްޗަށްޖެހިއްޖެކަން އެނގުނު ހިސާބުން 3 ފަނޑިޔާރުންވަނީ ހުކުމުގައި ހިމެނޭ އެބައިތައް އުނިކޮށް އަލުން އަމުރު ނެރެފައި. ބައްޕައަށް ވަރަށް ސަލާމް
ހާހުންގާނު
19 February 2018
ވާހަކަރަގަޅު އެކަމަކު ފަނޑިޔާރުން ޒިންމާކުރެވޭނީ މަޖްލިހަށް ގަވައިދުން
ކޮބާ
17 February 2018
އަދުރޭމެންގެ ބަހަށް ކަންކަން ވާންޖެހުމުން, ބޭރު ދުނިޔޭގައިވެސް މިސަރުކާރުގެ އަގުވެއްޓި އިތުބާރުގެއްލި ތާއީދުގެއްލި, ވާނެ ހައްޗެއްވެ ނިމިއްޖެ