ކުޅުދުއްފުށީ އެއާޕޯޓް އެޅުމަށް ބޭނުންވާ ބިން ހިއްކުމުގެ މަޝްރޫއު ފެށުމުގެ ރަސްމިއްޔާތުގައި ރައީސް ޔާމީންގެ އަރިހުގައި މެމްބަރު ނަޝީދު ބައިވެރިވެވަޑައިގަންނަވަނީ.
20 ފެބުރުއަރީ 2018 - 19:47
17 comments
ކުއްލި ނުރައްކަލުގެ ހާލަތުގެ ގަރާރާ ގުޅޭ ގޮތުން މިއަދު ހަވީރު ބޭއްވި ރައްޔިތުންގެ މަޖިލީހުގެ ޚާއްސަ ޖަލްސާގައި، ނެގި ވޯޓުގައި ކުޅުދުއްފުށީ ދެކުނު ދާއިރާގެ ޕީޕީއެމްގެ މެމްބަރު މުހައްމަދު ނަޝީދު ބައިވެރިވެވަޑައިނުގެންނެވި އެވެ.
ރައީސް އަބްދުﷲ ޔާމީން މި މަހުގެ ފަސް ވަނަ ދުވަހުގެ ރެއިން ފެށިގެން 15 ދުވަހަށް އިއުލާން ކުރެއްވި، ކުއްލި ނުރައްކަލުގެ ހާލަތުގައި ހިފަހައްޓާފައިވާ، ރައްޔިތުންގެ މަޖިލީހުގެ ބާރުތަކާއި ކޯޓުތަކުގެ ބާރުތައް އިޔާދަ ކުރުމަށާއި ކުއްލި ނުރައްކަލުގެ ހާލަތުގެ މުއްދަތު އިތުރު 30 ދުވަހަށް ދަންމަން، ރައްޔިތުންގެ މަޖިލީހުގެ 38 މެމްބަރުންގެ ވޯޓާ އެކު މިއަދު ފާސްކުރިއިރު، މަޖިލީހުގައި ނަޝީދު އިންނެވި ނަމަވެސް އޭނާ އެއިން އެއްވެސް ވޯޓެއްގައި ބައިވެރިވެވަޑައެއް ނުގަތެވެ.
އެކަމަކު އޭގެ ސަބަބެއް ނޭނގެ އެވެ.
ނަމަވެސް ނަޝީދަކީީ، 15 ދުވަހުގެ މުއްދަތަށް އިއުލާން ކުރެއްވި ކުއްލި ނުރައްކަލުގެ ހާލަތުގެ ގަރާރުގައި ހިފަހައްޓާފައިވާ، ރައްޔިތުންގެ މަޖިލީހުގެ ބާރުތަކާއި ކޯޓުތަކުގެ ބާރުތައް އިޔާދަ ކުރުމަށަށް، ގަރާރާ މެދު މަޖިލީހުގައި ބަހުސް ކުރިއިރު އެންމެ ބޮޑަށް ވަކާލާތު ކުރެއްވި މެމްބަރެވެ.
ކުއްލި ނުރައްކަލުގެ ހާލަތާ ގުޅޭ ގަރާރާ ގުޅޭ ގޮތުން މަޖިލީހުގައި މިއަދު ނެގި ވޯޓަށް ފުވައްމުލަކު މެދު ދާއިރާގެ މެމްބަރު އަލީ ފަޒާދު ވެސް ވަޑައެއް ނުގަންނަވަ އެވެ. ޕީޕީއެމުން ބުނާ ގޮތުގައި، ފަޒާދުގެ ބައްޕަގެ ހާލު ސީރިއަސްވެ ސްރީ ލަންކާގެ ހޮސްޕިޓަލްގައި އެޑްމިޓް ކޮށްފައިވާތީ، ފަޒާދު ހުންނެވީ އެ ގައުމުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބާބޫ
21 February 2018
ސަރުކާރުން ކޮންމެހެން ވޯޓެއް ބޭނުމެއްނުވާނެ ؟ އަދުރޭ، ނިހާނު ނިންމީމާ ދެން ހޯދަންޖެހޭނެ ވޯޓެއްނޯންނާނެ؟
އަދީބު
21 February 2018
ތަންދޮރު ދަންނަ އެކަކު ވެސް މި ސަރުކާރުން މިހާރު މިހިންގާ ޖަރީމާތަކުގައި ބައިވެރިއެއް ނުވާނެއެވެ.
ސަންތިމަރިޔަނބު
21 February 2018
ކުއްޓިއަށް ޤާނޫނު އެނގޭ އެހެންވީމާ ދައްކާހާ އެއްޗަކަށް ނުހެއްލޭނެ އެއީ ހަމަވިސްނޭ ދަރިންނަކީ
ކޮލެޖް ބޯއީ
21 February 2018
އަހަރެންގެ ސުވާލު ޕީޕީއެމް މަޖިލީހު މެންބަރުންނަށް: މަޖިލީހު ގަވައިދު ފޮތުގައި އޮތް 38 ވަނަ މާއްދާތަ ބޮޑުވާނީ ނުވަތަ ގާނުނޫނު އަސާސީ ގެ 87 ވަނަ މާއްދާތަ ބޮޑުވާނީ؟
މާކަނާ
20 February 2018
ޖީބައް ވައްޓާލަން އެތިކޮޅެއް ބޭނުންވީ، އުތަ!
ސަބްނަމް
20 February 2018
އޭނާ ވަކިކުރޭ އަވަހަށް.
ކލމނ
20 February 2018
ތިޔަ ތަނުގައި އިންނާނީ އެމީހުންގެ މީހެއް. ލަދުން ބިިރުން އުޅޭ އެއްޗެއް ނޫން. ރައްޔިތުންނަށް އިހްލާސްތެރިނަމަ ޖަލަށް ދާން ޖެހުނަސް މިކަމުގައި އިދިކޮޅަށް ފާޅުގައި ނިކުމެ މި ސަރުކާރު ހަމަ މަގަށް އަޅުވަން ނުކުތީސް.
ލިނަވް
20 February 2018
އިދިކޮޅާއި ގުޅިގެން ގައުމު ސަލާމަތް ކުރުމަށް ދެންވެސް އަވަހަށް ނިކުންނަވާ މެންބަރު. ރިޔާސީ ޓިކެޓަށް ވަރަށް އެކަށީގެންވީސް ތަންކޮޅެއް ކުރިން 2015 ހިސާބުގައި ރައްޔިތުން ފަޅިއަށް ޖެހުނު ނަމަ.
ހާހުންގާނު
20 February 2018
ކޮންޓިކެޓެއްގެ ވާހަކަ؟ 15ދުވަސް ފަހުންދޯ އެކަންތައް ރެޔަކާލީ؟ މިއޮއްހުރިހާދުވަހު ކޯމާއެއްގަތޯ؟
1234
20 February 2018
ނަޝީދަށްވެސް ތަންކޮޅެއް ގިނައިން ވީޓީވީ ބެއްލެވި "އަރުޝީފު"ގެ ބައިން އަސަރެއް ކޮށްފިހެން ހީވަނީ. ކުޑަމާލެއަށް ބާލިދީ ހިފައިގެން ދިޔަ ޒަމާން ހަނދުމަވެ، ތަރައްގީގެ ބާނީ ރައިސް މައުމޫނަށް ޖެއްސެވި އަހުވަ ފެނިވަޑައިގެން ހިތައް އަސަރެއް ކޮށްފިހެން ވަރަށް ހީވޭ. ދެންވެސް ނިހާނުއާ އަދުރޭ އަށް އެއްޗެއް ވިސްނޭނެނަމަ.
ހިސްޓޯ
20 February 2018
ކުއްޓިއަށް މިކަމުން ބަރީއަ ނުވެނޭނެ. ތީ ހަމަ އެމީހުންގެ ތެރެއިން މީހެއް