މަހްލޫފް ފުލުހުންގެ ބެލުމުގެ ދަށުގައި: އެއްވުމުގައި އިސްކޮށް ހަރަކާތްތެރިވެވަޑައިގަންނަވަނިކޮށް މިރޭ ވެސް އޭނާ ވަނީ ހައްޔަރުކޮށްފައި.
22 ފެބުރުއަރީ 2018 - 22:59
8 comments
އިދިކޮޅު ޕާޓީތަކުން އެމްޑީޕީގެ ހަރުގެ ކުރިމަތީގައި މިރޭ ފެށި އެއްވުން، ބާރުގެ ބޭނުންކޮށްގެން ރޫޅާލައި ގަލޮޅު ދެކުނު ދާއިރާގެ މެމްބަރު އަހްމަދު މަހްލޫފް ހައްޔަރުކޮށްފި އެވެ.
އެއްވުމުގައި މިރޭ އިސްކޮށް ހަރަކާތްތެރިވެވަޑައިގެންނެވި މަހްލޫފް ހައްޔަރުކުރީ، އެމްޑީޕީގެ ހަރުގެ ތެރޭގައި ހުންނަވަނިކޮށް، ގިނަ އަދަދެއްގެ ފުލުހުން އެތަނަށް ވަދެ އެވެ. އެއްވުމަށް މަހްލޫފް ވަޑައިގަތުމަށް ފަހު، އެތަނުގައި ތިބި މީހުންނަށް މާސްކް ބެއްސެވި އެވެ.
ފުލުހުން އާއްމުކޮށް އަމަލުކުރަމުން އަންނަ އުސޫލުން މިރޭ ވެސް އެއްވުން ރޫޅާލީ، ޕެޕާ ސްޕްރޭ ޖަހައިގެންނެވެ. އެއްވުން ރޫޅާލިތަން ޓީވީތަކުން ލައިވްކުރިއިރު، ހަރުކަށިކޮށް މީހުންނާ ދޭތެރޭ ފުލުހުން އަމަލުކުރި މަންޒަރު ވެސް ފެނުނެވެ.
އިދިކޮޅު ޕާޓީތަކުން ސިލްސިލާކޮށް އެއްވުން މި ބާއްވަނީ އިދިކޮޅު ސިޔާސީ ލީޑަރުން ދޫކޮށްލަން މި މަހު 1ގައި ސުޕްރީމް ކޯޓުން ނެރުނު އަމުރު ތަންފީޒުކުރުމަށާއި ކުއްލި ނުރައްކަލުގެ ހާލަތު އުވާލަން ގޮވާލަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިއްވަރު
23 February 2018
މަޙްލޫފްއަކީ އަމިއްލަ ފައިދާއައް ހުރިހާކަމެއް ކުރާ އަދި މީހުންގެ ލޮލުގައި އަދުން އަޅުވަމުން އަންނަ އަންނިގެ ގޮތް ކޮޕީކުރުމުގައި އަރާހުންނެވި ބޭފުޅެއްކަން ވިސްނާބަޔަކައް އިގޭނެ.
ޒިންދަގީ
23 February 2018
ޔާމީނު އެންމެ ބިރުގަންނަ މީހުންގެ ލިސްޓުން އެންމެ ކުރީގައުޅޭ އަކަކު.. މަހުލޫފުގެ ހިއްވަރަށް ސެލިއުޓް
ދޮންމަނިކުބޭބެ
23 February 2018
މަހުލޫފުގެ ދުވަސްދާން ވަރަށް ކައިރިވެއްޖެ. ހަފަރާތުން މަހުލޫފު އެދަނީ ބެދެމުން. މަންޒަރު ބަލަން ބޭބެވެސް ހުންނާނަން. ޖަލު ޙުކުމެއް އޮތީ މަހުލޫފުގެ އިންތިޒާރުގައި.
ޒިންދަގީ
23 February 2018
ބޭބޭ.. ނުބައިކޮށް ތިކިއަނީ.. އޮޅިގެން މަހުލޫފޭދޯ ތިލިޔެވެނީ.. ރަގަޅު ކޮށްލާ.
ތުނިޔަ
23 February 2018
މަހޭއަކީ ސިޔާސީ ދާއިރާގަ މިވަގުތު ހުރި އެއްމެ ހިތްވަރުގަދަ ބޭފުޅާ! ދުވާލަކު ގޮޅިއަކަށް ލިޔަސް އެހިތްވަރެއް ބަދަލެއްނުވަނެ އިންޝާﷲ
ކަކާ
22 February 2018
މާލަސްވެއްޖެ ކުރަން
ޖޫކޮޅު
22 February 2018
މަހުލޫފު މިއަދު ޓީވީގަ ވާހަކަ ދައްކަވަމުން ދެންނެވީމެންނުންތޯ ވަކި ވަކި ފުލުހުންނަކަށް ދައުވާ ނުކުރާނަމޭ ވެރިކަން ބަދަލުވިޔަސް. އެކަމު އެމީހުންނަކީ ވެސް ސިކުނޑިއެއް ދެއްވާފަތިބި ބައެއް، ވެރިޔަކު ބުނާހާކަމެއް ކޮށް ރައްޔިތުންނަށް އަނިޔާވެރިވާކަށް ނުޖެހޭ. ތިގޮތަށް ދޫކުރަންޏާ މިއަނިޔާވެރި ސަގާފަތެއް ނުނިމޭނެ. ހަމަހަމަ ވަކި ވަކި ފުލުހުންނަށް ވެސް ދައުވާ ކުރަން ޖެހޭނީ، އަނިޔާވެރިވަންޏާ.
ގައުމުގެ ދަރިއެއް
22 February 2018
މަހުލޫފް ތީ މި ދިވެހި ގައުމު ފަހުރުވެރިވާ ދަރިއެއް.. މި ޖީލުގެ ބޮޑުތަކުރުފާން..މުސްތަގުބަލުގައި މަނިކުފާނު ތި ކުރަޢްވާ މަސަކަތްޕުޅު ދިވެހި ތާރީހުގައި ލިޔެވިގެންދާނެ..