ކުއްތާގެ އެހީގައި ފުލުހުން މަސްތުވާތަކެތި ހޯދަނީ-- ފޮޓޯ/ ޕޮލިސް
14 މެއި 2018 - 11:15
5 comments
މަސްތުވާތަކެތި ބޭނުންކުރާ، އުމުރުން 18 އަހަރުން ދަށުގެ ކުދިންނަށް ފަރުވާ ދިނުމަށް ޕްރޮގްރާމެއް ފެށުމަށް ނިންމާފައިވާ ކަމަށް ހޯމް މިނިސްޓްރީން ބުނެފި އެވެ.
މަސްތުވާތަކެތި ބޭނުންކުރާ ކުޑަކުދިންނަށް ފަރުވާ ދިނުމަށް ވަކި މަރުކަޒެއް ގާއިމު ކުރުމަށް މަސްތުވާތަކެއްޗާ ބެހޭ ގަވައިދުގައި ލާޒިމްކުރި ނަމަވެސް މިހާތަނަށް އެ ފަދަ ތަނެއް ނެތެވެ. އެހެންވެ، އެ ފަދަ މައްސަލަތަކުގައި ހައްޔަރުކުރާ ކުދިންނަށް ފަރުވާ ދިނުމަށް ނެރޭ އަމުރުތައް ވެސް ތަންފީޒެއް ނުކުރެވެ އެވެ.
މަސްތުވާތަކެތި ބޭނުންކުރާ ކުޑަކުދިންނަށް ފަރުވާ ދޭ ޕްރޮޮގްރާމް ހޯމް މިނިސްޓްރީން ހިންގާނީ ނެޝަނަލް ޑްރަގް އެޖެންސީ (އެންޑީއޭ)އާ ގުޅިގެންނެވެ.
ހޯމް މިނިސްޓްރީގެ ދަށުން ހިންގާ ޖުވެނައިލް ޖަސްޓިސް ޔުނިޓް (ޖޭޖޭޔޫ) ގެ އެގްޒެކެޓިވް ޑިރެކްޓަރު ހާމިދު ޔޫސުފް މިއަދު ވިދާޅުވީ އެ ޕްރޮގްރާމް ހިންގާނެ ގޮތުގެ ގަވައިދު މިހާރު އެކުލަވާލާފައިވާ ކަމަށާއި ޖޫން މަހުގެ ތެރޭގައި ރަސްމީކޮށް އެކަން ފަށާނެ އެވެ. އޭނާ ވިދާޅުވީ ޕްރޮގްރާމް ހިންގާނީ ކުދިންގެ އާއިލާގެ ކައިރީގައި ތިބެވޭ ގޮތަށް، ކޮންމެ ދުވަހަކު ހިންގާ ކްލާސްތަކެއްގެ ގޮތުގައި ކަމަށެވެ.
"އަޅުގަނޑުމެންގެ އަމާޒަކީ މުޖުތަމައުގައި ކުދިން ބައިތިއްބައިގެން އެ ކުދިންނަށް ފަރުވާ ދިނުން. ވަކި ރަށަކަށް ގެންދިޔުމުގެ ބަދަލުގައި އާއިލާ ކައިރީގައި ތިބެގެން، ކޮންމެ ދުވަހަކު ވެސް ކްލާހަށް އައިސް، ޔޫރިން ޓެސްޓުކޮށްގެން ކުރިއަށް ގެންދާ ގޮތަށް މިހާރު ނިންމާފައިވަނީ،" ހާމިދު ވިދާޅުވި އެވެ.
އޭނާ ވިދާޅުވީ ފަރުވާ ދިނުމަށް ޑްރަގް ކޯޓުން އަމުރު ކުރާ ކުދިންގެ އިތުރުން އަމިއްލައަށް ބޭނުން ވެގެން ވެސް ކުދިންނަށް މި ޕްރޮގްރާމްގައި ބައިވެރިވެވޭނެ ކަމަށެވެ.
މަސްތުވާތަކެތި ބޭނުންކުރާ ބޮޑެތި މީހުންނަށް ފަރުވާ ދިނުމަށް ރާއްޖޭގެ ބައެއް ރަށްރަށުގައި ރިހެބިލިޓޭޝަން ޕްރޮގްރާމްތައް ހިންގި ނަމަވެސް، ކުޑަކުދިންނަށް ފަރުވާ ދެވޭނެ ގޮތެއް މިހާތަނަކަށް ނެތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެދުމިން
14 May 2018
ރޯދަމަހަކީ ޝައިތާނީ ވަސްވާސްތަކުން ސަލާމަތްވާން ލިބޭ އެންމެ މުހިއްމު މަސް. ނަފްސު ތާހިރުކޮށް ބެހެއްޓީމަ ޝިފާ އަށް އެދި ދުޢާ ކުރީމަ ރަހުމާންވަންތަ ފަރާތުން ލިބޭނެ. ނަމާދު ފުރިހަމަ އަށް އަދާކުރީމަ ނަފްސު ތާހިރުވާނެ ރޭއަޅުކަން ކުރުމުން ޝިފާ ލިބޭނެ. ނަފްސަށް ލޮޅުން އަރާ ކާ އެއްޗިއްސާ ދުރުވުމަކީ ލާޒިމު ކަމެއް. މިސާލަކަށް ފިޔާ، ލޮނުމެދު، ކަނޑުމަސް، އެއްގަމު މަސް.
ތުއްތުނާ
14 May 2018
މަސްތުވާތަކެތި ކުޑަކުދިންގެ ކާއެއްޗެހި ތެރޭގައި ހިމެނެނީ ދޯ....... ބަލަ މަސްތުވާތަކެތި ބޭނުން ކުރަން ކުޑަކުދިން ނުތިބޭނެ އެއީ ފުރާފުރިހަމަވެ ބުއްދި ސަލާމަތުން ތިބި ހެވާ ނުބައި އެނގޭ މީހުން ، ކަލޭމެން ތި އުޅެނީ ބޮޑެތި މީހުން ކުޑަކުދިންނަށް ހަދައިގެން........
ޒަކީ
14 May 2018
ކުޑަ ކުދިންނަށް ފަރުވާ ދޭ މަރުކަޒެއް ހެދުން ޤާނޫނު ހެދުން ލާޒިމް ކުރޭ .،،،
ފަސީ
14 May 2018
ނޭޝަނަލް ޑްރަގް އެޖެންސީގެ މައްޗަށް ލާޒިމްކޮށް މަސްތުވާތަކެއްޗާބެހޭ ގާނޫނުގައި ބަޔާންކޮށްފައިވާ މަސްތުވާތަކެތި ބޭނުންކުރާ ކުޑަކުދިންނަށް ފަރުވާދޭ މަރުކަޒެއް، ގާނޫނަށް އަމަލުކުރަން ފަށާދުވަހުން ފެށިގެން 18 މަސްތެރޭ ފެށުމަށް 2011 ވަނަ އަހަރު އަމުރުކޮށްފައިވާ އިރު، މިހާރު މިއީ ކޮންވާހަކައެއް. ކޮބާ ގާނޫނު. ކޮންމެ މީހަކު އިރުއިރުކޮޅުން ބުނާނެ ގާނޫނުގައިވާ ގޮތަށޭ ކަންތައް ކުރަނީ. މައިންބަފައިން ކައިރީ ބައިތިއްބައިގެން ކޮންމެދުވަހަކު ކްލާހަށް ގެނެވޭނީ މާލޭގައި ދިރިއުޅޭ މީހުނަށް. ކޮބާ ރަށްރަށުގެ ނިކަމެތި ރައްޔިތުން. އެމީހުނަކީ މާލޭ ބޭފުޅުންނަށް ނުވީމަ ފަރުވާވެސް ނުލިބެނީބާ. އެހެންނޫނީ ކުޑަސިޓީ ހަދައިގެން މާލޭ ގެއެއްގަ ރަޖިސްޓްރީވާންވީބާ. ހަމަ ކޮންމެ ޑްރަގްޑޭ އެއް އަންނަ އިރަށް އެއްޗެކޭކިޔާފަ ޖަލްސާ ބާއްވާނެ
ދެކުނުތަރި
14 May 2018
މަސްތުވާތަކެތި އެތެރެވާ ދޮރުތައް ބަންދު ނުކުރެވޭއިރު ދެން ކޮންފަރުވާއެއްގެ ވާހަކަދައްކާކަށް. ބޮޑުން ކުރާވިޔަފަރިވީމަ އެކަން ނުހުއްޓުވެނީ.