އެމްޑީގެ ރިޔާސީ ޕްރައިމަރީ ހުއްޓުވައިދޭން ފުލުސް އޮފީހުގައި އެދިއްޖެ

ނަޝީދު: އެމްޑީޕީގެ ޕްރައިމަރީގައި ވާދަކުރެއްވީ އެމަނިކުފާނު އެކަނި. --ފޮޓޯ/އެމްޑީޕީ

ފަޒީނާ އަހުމަދު، މިހާރު

30 މެއި 2018 - 12:29

ރިޔާސީ އިންތިހާބުގައި އެމްޑީޕީން ވާދަކުރާ ކެންޑިޑޭޓަކު ހޮވަން މިއަދު ބާއްވާ އެ ޕާޓީގެ ރިޔާސީ ޕްރައިމަރީ ހުއްޓުވައިދޭން، އިލެކްޝަންސް ކޮމިޝަން (އީސީ) އިން ފުލުސް އޮފީހުގައި އިއްޔެ އެދިއްޖެ އެވެ.

އެންމެ ބޮޑު އިދިކޮޅު ޕާޓީގެ ޕްރައިމަރީ ހުއްޓުވައިދޭން އީސީން މި އެދުނީ، ކުރީގެ ރައީސް މުހައްމަދު ނަޝީދަށް ފުރުސަތުދީގެން ޕްރައިމަރީ ބާއްވާ ނަމަ ފިޔަވަޅު އަޅާނެ ކަމުގެ އިންޒާރު ދިނުމަށް ފަހު އެވެ. ޕްރައިމަރީ އަށް ނަޝީދު އެކަނި ކުރިމަތިލެއްވިއިރު، އެމަނިކުފާނު ޝަރުތު ހަމަނުވާ ކަމަށް އިލެކްޝަންސުން ވަނީ ކަނޑައަޅައިފަ އެވެ.

އެމްޑީޕީގެ ޕްރައިމަރީގެ ވޯޓުލުން މިއަދު މެންދުރު ދޭއް ޖަހާއިރު ރާއްޖޭގެ ހުރިހާ ރަށަކާއި ބޭރުގެ ބައެއް ގައުމުތަކުގައި ކުރިއަށް ގެންދަން ވަނީ ނިންމައިފަ އެވެ.

ޕްރައިމަރީ ހުއްޓުވައިދޭން އެދި އީސީން، ފުލުހުންނަށް ފޮނުވި ސިޓީގައި ބުނެފައި ވަނީ ނަޝީދަށް ފުރުސަތުދީގެން އެމްޑީޕީން ރިޔާސީ ޕްރައިމަރީ ބޭއްވުމަކީ ގާނޫނާ ޚިލާފު އަމަލެއް ކަމަށެވެ.

"..ގާނޫނުއަސާސީ އާއި ގާނޫނާ ޚިލާފަށް ދިވެހިރައްޔިތުންގެ ޑިމޮކްރެޓިކް ޕާޓީން ހިންގާ ހަރަކާތްތައް ހުއްޓުވައި ދެއްވާ އެ ފަރާތްތަކާ މެދު ފިޔަވަޅު އަޅުއްވައި ދެއްވުމަށް އެދެމެވެ،" އީސީގެ ސިޓީގައިވެ އެވެ.

އެ ސިޓީގައި ބުނެފައިވާ ގޮތުގައި ނަޝީދަށް 13 އަހަރުގެ ޖަލު ހުކުމެއް ތަންފީޒުކުރައްވާ ބޭފުޅަކަށް ވާތީ، ސިޔާސީ ހަރަކާތްތަކުގައި ބައިވެރިވުމުގެ ހައްގު އެމަނިކުފާނަށް ވަނީ ގެއްލިފަ އެވެ. އެހެންކަމުން އެމަނިކުފާނު ބައިވެރިކޮށްގެން ސިޔާސީ އެއްވެސް ހަރަކާތެއް އެމްޑީޕީން ހިންގުމަކީ ގާނޫނާ ޚިލާފު އަމަލެއް ކަމަށް އެ ސިޓީގައި އިލެކްޝަންސުން ބުނެފައިވެ އެވެ.

ނަޝީދު ބައިވެރިކޮށްގެން ޕްރައިމަރީ ބާއްވައިފި ނަމަ އެމްޑީޕީ އުވާލާނެ ކަމުގެ އިންޒާރު ވެސް އީސީން ވަނީ ދީފަ އެވެ.

އެމްޑީޕީން ބުނެފައިވާ ގޮތުގައި އެ ޕާޓީގެ ޕްރައިމަރީ އަށް އީސީން ނުފޫޒު ފޯރުވަނީ ގާނޫނާ ޚިލާފަށެވެ. ޕްރައިމަރީ ބާއްވާނެ ގޮތާއި އިންތިހާބަށް ނެރޭނެ ކެންޑިޑޭޓަކު ކަނޑައެޅުމަކީ އެ ކޮމިޝަނުގެ ގާނޫނީ ޒިންމާއެއް ނޫން ކަމަށް ބުނެ ސިޔާސީ ޕާޓީގެ ގާނޫނާއި އެމްޑީޕީގެ އަސާސީ ގަވާއިދުގެ އިމުގެ ތެރޭގައި ޕްރައިމަރީ ބޭއްވުމުގެ ފުރުސަތު ދޭން އެމްޑީޕީން ވަނީ އިލެކްޝަންސްގައި އެދިފަ އެވެ.

އިދިކޮޅު ފަރާތްތައް އެމްޑީޕީ އިލެކްޝަންސް ކޮމިޝަން ފުލުހުން ރައީސް މުހައްމަދު ނަޝީދު

34 ކޮމެންޓް, 158 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަނީ

30 May 2018

މިބާއްވަނީ ރިޔާސީއިންތިހާބުތަ؟ މިވަރަކުން ތެޅިބާލަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިޚް

30 May 2018

ޕާރޓީގެ އަސާސީ ގަވާއިދާ ޚިލާފަށް ރިޔާސީ ޓިކެޓް ދީގެން ބައިވެރިކުރާ ކެންޑިޑޭޓެއް ބައިވެރިކުރުވައިގެން ނުވާނެ،. ފުލުހުން ޖެހޭނެ އޭނަ ހުއްޓުވަން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފް

30 May 2018

އެންމެ މީހަކު ހުރިހާ ތަނަކަށް އަތް ބާނާފަ އޮތް ވަރު މިއޮއްފެންނަނީއެވެ. ބޭރުގެ ޕްރެޝަރެއްނެތެވެ. ފިޔަވަޅެއް އަޅާކަށް ނުކެރެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބުށެން

30 May 2018

"ގާނޫނުއަސާސީ އާއި ގާނޫނާ ޚިލާފަށް ދިވެހިރައްޔިތުންގެ ޑިމޮކްރެޓިކް ޕާޓީން ހިންގާ ހަރަކާތްތައް ހުއްޓުވައި ދެއްވާ އެ ފަރާތްތަކާ މެދު ފިޔަވަޅު އަޅުއްވައި ދެއްވުމަށް އެދެމެވެ،" މި ޢިބާރާތް އޮތްގޮތުން ޚިލާފުވީ ކަމެއް ފުރަތަމަ ޖެހޭނީ ހޯދަންތާއެވެ. ފިޔަވަޅެއް އެޅޭނީ އެކަމެއް ހޯދުނިއްޔާ ނޫންބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނު2

30 May 2018

ވައީ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުދީ އަލީ

30 May 2018

ރާއްޖޭގެ ހުރިހާ ރަށަކަށް ބާރުފޯރުވާހާ ފެންވަރެއް ދިވެހިފުލުހުންގެ ނެތް. ވޯޓުފޮށީ އަތްލައިގެން ގައުމުގެ ހަމަޖެހުން ނަގާލަން ފުލުހުން ބޭނުމެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުއާވިއަތު

30 May 2018

ހެދުނު 7:00ޖެހިއިރު ހޮވިއްޖެ ދެން އޯކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

30 May 2018

އިލެކްސަން އިން ޖެހޭނީ ކޯޓު އަމުރެއް ހޯދަން. ފުލުހުން ޖެހޭނީ ކޯޓް އަމުރަށް ތަބާވާން. މިގޮތުން 1 ފެބްރުއަރީ 2018 ގައި ސްޕްރީމް ކޯރޓުން ނެެރުނު އަމުރަށްވެސް ތަބާވާން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމަންޖެ

30 May 2018

ނުޖެހޭނެ ތަބާވާކަށް! އެއީ، ސޭޓް އަމިއްލައަށް ބުނީ ތިމަންނަމެން ނެރުނު އަމުރެކޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އިންފުލުއެންޒާ

30 May 2018

މި ނަސީދުއަށްވުރެ ބޮޑު ބަލިމަޑުކަމެއް ރާއްޖެއަށް ނާދެއްނު އަޅެ، އިންފުއެންޒާއަށްވުރެ މީނަގެ ނުފުރައްޕާންކަން ބޮޑު..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސެންއަލީ

30 May 2018

ތިމާބޭނުންނުވާގޮތްވެސް ބަލައިގަންނަންޖެހޭނެ . ޑިމޮކްރަސީއަކީ މެޖޯރިޓީ. ގިނަމީހުން ނަޝީދުއަށް ތާއީދު ކުރުމަކީ ނަޝީދު ގެ މައްސަލައެއްތަ. އިންފުލުއެންޒާ ތިހާރަނގަޅު ނޫންވީމަ ގިނަމީހުން ބަލައިނުގަންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޞަފުޙާ

30 May 2018

ކަލޭގެ ނުރައްކަލެއްނު މި ޤައުމަށް ޖެހިގެން މިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުއްލާ

30 May 2018

ގާނޫނާ ހިލާފު ވެވޭ ކިތަންމެ ގޮތެއް ހުރޭ . އެއްވެސް ޕާޓީ އަކުން އެއިންތިހާބަކަށް ސަރުތު ހަމަނުވާ ކެންޑިޑޭޓަ ކު ބައިވެރިކޮށްގެން އިންތިހާބު ބޭއްވުމަކީ ޕާޓީން ގާނޫނާ ހިލާފު ވުން ޕާޓީ އަކުން ކުރާ އެއްވެސް ކަމެއް ގާނޫނުއަސާސީއާ ގާނޫނުތަކާ ހިލާފު ވާގޮތަށް އެއްވެސް ކަމެއް ނުކުރެވޭނެ .ގަސްދުގަ ގަދަ ބާރުން ގާނޫނާ ހިލާފު ވާނަމަ ޕާޓީ އުވާލުމަކީވެސް އިލެކްސަނަށް އޮތް ހައްގެއް.