އދ. ގެ އާންމު މަޖިލީހުގެ މިއަދުގެ ބައްދަލުވުމުގައި ރާއްޖޭގެ ވަފްދު. (ކ-ވ) އަލީ ނަސީރު، ޝައިނީ، އަދި ޒަމީރު.
08 ޖޫން 2018 - 20:53
68 comments
އދ. ގެ އާންމު މަޖިލީހުގައި މިރޭ ނެގި ވޯޓުން ނާކާމިޔާބުވެ ސަލާމަތީ މަޖިލީހުގެ ގޮނޑި ރާއްޖެ އަށް ނުލިބުނު ކަމުގައި ވިޔަސް، މުހިއްމު މައްސަލަތަކުގައި އަޑުއުފުލައި، ވަކާލާތު ކުރާ ގައުމެއްގެ ގޮތުގައި ދެމި އޮންނާނެ ކަމަށް ރާއްޖޭން މި ރޭ ބުނެފި އެވެ.
އިންޑޮނީޝިއާ އަށް މަރުހަބާ ކިޔައި ރާއްޖޭގެ ފޮރިން މިނިސްޓްރީން މިރޭ ނެރުނު ބަޔާނެއްގައި ބުނީ އދ. ގެ 72 އަހަރުވީ ދިގު ތާރީޙުގައި، އެ ޖަމިއްޔާގެ ސަލާމަތީ މަޖިލީހަށް އިންތިޙާބުވީ، ކުދި އަދި ތަރައްގީވަމުން އަންނަ ގައުމުތަކުގެ ތެރެއިން އެންމެ އަށް ގައުމު ކަމަށެވެ.
އދ. ގެ އާންމު މަޖިލީހުގެ މިރޭގެ ބައްދަލުވުމުގައި ބައިވެރިވި ދިވެހި ސަރުކާރުގެ ވަފުދު. (ކ-ވ) ޓޫރިޒަމް މިނިސްޓަރު ޒަމީރު، އދ.ގައި ހުންނަވާ ރާއްޖޭގެ ސަފީރު އަލީ ނަސީރު، ފިޝަރީޒް މިނިސްޓަރު ޑރ. ޝައިނީ އަދި ފޮރިން ސެކްރެޓަރީ ސަރީރު.
ދުނިޔޭގެ ސުލްހަ އާއި ސަލާމަތަށް އެކަށީގެންވާ ގޮތަކަށް މަސައްކަތްކޮށް ވަކާލާތު ކުރަން، ކުދި ގައުމުތަކަށް ފުރުސަތު ނުލިބުމަކީ ރާއްޖޭން ހިތާމަކުރާ ކަމެއް ކަމަށާއި ރާއްޖެ ފަދަ ކުދި ގައުމުތަކަށް ދިމާވާ ގޮންޖެހުންތަކާ ދެކޮޅަށް ވަކާލާތު ކުރުމުގައި، ރާއްޖެ އިސް ދައުރެއް އަދާކުރާނެ ކަމަށް ވެސް އެ ބަޔާނުގައިވެ އެވެ.
މީގެ އިތުރުން އާ ހިޔާލުތަކާއި އީޖާދުތަކާ އެކު ބައިނަލްއަގުވާމީ މުޖުތަމައާއި އިތުރަށް ގުޅުން ބަދަހި ކުރުމުގައި ރާއްޖެ ދެމި އޮންނާނެ ކަމަށް ވެސް ފޮރިން މިނިސްޓްރީންގެ ބަޔާނުގައިވެ އެވެ.
"މިއަދު ނެގުނު ވޯޓުގެ ނަތީޖާއަކީ، އދ. ގެ ސަލާމަތީ މަޖިލީހުގެ މެމްބަރު ކަމަށް ވާދަކުރުމަށް އެހެން ކުދި ޤައުމުތަކުން ފަސްޖެހޭނެ ސަބަބަކަށް ނުވާނެ ކަމަށް ރާއްޖޭން އުއްމީދު ކުރަމެވެ،" ބަޔާނުގައިވެ އެވެ.
ގައުމުގެ ކުޑަބޮޑު މިނަށް ނުބަލައި، އެ ގައުމަކުން ދުނިޔޭގެ ސުލްހަ އާއި ސަލާމަތަށް ކޮށްފައިވާ އަގުހުރި މަސައްކަތްތައް ވަޒަންކޮށް، އދ. ގެ ހުރިހާ މެމްބަރު ގައުމަކަށް ވެސް ސަލާމަތީ މަޖިލީހުގެ މެމްބަރުކަން ކުރުމުގެ ހަމަހަމަ ފުރުސަތުތަކެއް ފަހިވެގެންދާނެ މާހައުލެއް މުސްތަގުބަލުގައި ގާއިމުވެފައި އޮންނާނެ ކަމަށް ރާއްޖެ އުންމީދު ކުރާ ކަމަށް ވެސް ފޮރިން މިނިސްޓްރީގެ ބަޔާނުގައިވެ އެވެ.
އދ.ގައި މިރޭ ނެގި ސިއްރު ވޯޓުގައި ރާއްޖޭގެ މައްޗަށް ބޮޑު ތަފާތަކުން ކުރި ހޯދައި، ސަލާމަތީ މަޖިލީހުގެ މެމްބަރުކަމަށް އިންޑޮނީޝިއާ ހަތަރު ވަނަ ފަހަރަށް ވަނީ އިންތިޚާބުވެފަ އެވެ. އޭޝިއާ ޕެސިފިކް ސަރަހައްދުން އިންޑޮނީޝިއާ ސަލާމަތީ މަޖިލީހުގެ ގޮނޑި އަށް އިންތިޚާބުވީ، ވޯޓުގައި ބައިވެރިވި 190 ގައުމުގެ ތެރެއިން 144 ގައުމުގެ ވޯޓު ލިބިގެންނެވެ. މި ވޯޓުގައި ރާއްޖެ އަށް ލިބުނީ އެންމެ 46 ވޯޓެވެ.
މިރޭގެ ވޯޓުގައި އެފްރިކާގެ ޖާގަ އަށް، އެ ގޮނޑި އަށް ވާދަކުރި ހަމައެކަނި ގައުމު ކަމަށްވާ ދެކުނު އެފްރިކާ އިންތިޚާބުވީ ޖުމްލަ 183 ގައުމުގެ ވޯޓުންނެވެ. އަދި ޑޮމިނިކަން ރިޕަބްލިކަށް ލިބުނީ 184 ވޯޓެވެ. ޖަރުމަން ވިލާތަށް 184 ވޯޓު ލިބުނު އިރު، ބެލްޖިއަމަށް ލިބުނީ 181 ވޯޓެވެ.
ރާއްޖެ އދ. ގެ މެމްބަރު ގައުމެއްގެ ގޮތުގައި އޮންނަތާ 52 އަހަރުވީ އިރު، ރާއްޖެ އިން 2009 ވަނަ އަހަރު ހިއުމަން ރައިޓްސް ކައުންސިލަށް އިންތިޚާބުވީ 185 މެމްބަރު ގައުމުގެ ވޯޓުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދީމާހު
10 June 2018
ކުރިމަތިލާ ހުރިހާ ކަންކަމެއް ކާމިޔާބީއެއް ނުކުރެވޭނެ. ކުރިމަތިލާ ވޯޓްގައި ބައިވެރިވުމަކީވެސް ބޮޑު ކާމިޔާބީއެއް. ބައެއްފަހަރު ބޭނުންވާ ކަންކަން ނުވެގެން ދިޔުމަކީވެސް އޭގެ ފަހަތުގައި ރަނގަޅެއް އޮވެދާނެ ކަމެއް
ދެރަކަލޯ
10 June 2018
މައްސަލައަކީ ވޯޓް ނުލިބުމެއްނޫން މައްސަލައަކީ މިކަމާ ގުލިގެން ސައިނީ ދައްކާވާހަކަ ކުދި ޤައުމުތަކަށް ފުރުސަތު ނުދޭތީ ހިތާމަ ކުރާވާހަކަ ބަލަގަ ސައިނީ ތިމާބައިވެރިވެ ބަސްކިޔާ ސަރުކާރުގަ ކުދިރަށްރަށަށް އަޅާނުލެވި އިހުމާލު ވެފަވާވަރު ތިވާހަކައިން އެގެނީ ކޮސްގޮވަނީކަން އަތްޖަހާކައްނެތީމު
ނާޒްނީ
09 June 2018
ބުނެލަން އޮތީ ވަރައް ކުރު ބަހެއް.. 'ސައީޒު އޮޅީގެންނޫޅޭ..' ހަަތަރު ލައްކައެއްހާ މީހުންދީރީއުޅޭ މީ ކުޑަރާއްޖެއަކު އަމީއްލަ ވަތަން ފުރީހަމައައް ދީފާއުކުރެވޭނެ ވަރުގެ ގާބީލުކަމެއް ނެތް ބަޔަކު މީލީޔަން އާބާދީ އޮތް އީގުތީސޯދީ ގޮތުންނާއީ އަސްކަރީ ގޮތުންނާއީ ތައުލީމީގޮތުން ކުރީއަރާފަވާ ގައުމުތަކުގެ ދެމެދުގައީ ހީނގާ ކަންކަމުގެ ތެރެއައް ދަލުބޭރުން ޖެހީގަތުމަކީ ކުރީއައް އޮތްތަނުގައީ ރާއްޖޭގެ މީނީވަންކަމާއީ އީސްތީގުލާލައް ބޮޑެތީނުރައްކާތައް ހުށައެޅީދާނެ ކަމެކެވެ. މީހާރު މީހީނގާ ރައީސް ޔާމީގެ ދެއުޅީއެއް ނެތް ސަރުކާރައް އައު ފުރުސަތެއް ނުދޭންޖެހޭ އެންމެބޮޑު އެއްސަބަބަކީ މީއެވެ.
އާދަނު
09 June 2018
ކަރަށް ހެޔޮވަރު ފޭއްޔެއްތޯ ލިބުނީ؟
ކޯޅުފިލާ ގޮނޑި
09 June 2018
ލަދު ކޮބާ؟ ވަކާލާތު ކުރާނަމޯ؟ ދެން މަ ހީހީ ހަލާކު! ބަލަ ދިވެހި ސަރުކާރުން އ.ދ.ގަ ސޮއިކޮށްފައިވާ ކޮންވެންޝަން ތަކާސިދާ ޚިލާފުވެ ސިޔާސީގޮތުން ދެބަސްވާ ފަރާތްތަކާ ދޭތެރޭ އަނިޔާވެރިވާތީ އެކަންކަން ހުއްޓާލާ ރާއްޖޭގެ ކަންކަން އިސްލާހުކުރަން އ.ދ.އިން އެންގީމަ ފާޅުގަ އެއަމުރުތަކަށް ގޮންޖަހާ މިހާރު މިކިޔަނީ ކޯޗެކޭ؟ އ.ދ. މަޖިލިސްއަކީ ތިހެން ގުރޫޕު ހަދާފަ ސެލްފީނަގަން ދާންޖެހޭ ތަނެއްނޫން! ރައްޔިތުންގެ ފައިސާ ތީ!
ދަތްނެތްކުއްޖާ
09 June 2018
ޝައިނީއެވެ. އަދި އެފްރިކާ ބައްރުގައި މި ރާއްޖެ އާއި ސިޔާސީ ގުޅުން ގާއިމް ނުކޮއްތިބި ޤައުމު ތަކާއި އެކު އަވަހަށް ސިޔާސީ ގުޅުން ޤާއިމު ކުރުމަށް ފެނޭ. އޭރުން ދެން އދ ގައި އޮންނަ ކޮންމެވެސް އެހެން ޖަމިއްޔާ އަކަށް ހޮވިދާނެ ތޯޗެއް.
އަހަރެންގެ ހިޔާލު
09 June 2018
އެއްފަހަރު ތިހެން ފެއިލް ވުމަކީ މައްސަލައެއް ނޫން. ތިޔަ ގޮޑިއަށް އިންޑިޔާ ފުރަތަމަ ކުރިމަތިލައިގެންވެސް ލިބުނީ 40 ވޯޓް. އެންމެ ފަހުން ސަލާމަތީ މަޖުލީހުގަ ނެނގި ވޯޓެއްގަ އެމެރިކާއަށް ވެސް ލިބުނީ އެންމެވޯޓެއް. އެއީ ނިކީ އަމިއްލައަށް ދިން ވޯޓް އެކަނި. ފަލަސްތީނު މައްސަލައެއްގަ.
ގަމްބޯލް
09 June 2018
ދެން ބުނާނެ ތިމަންނާމެން ބޭނުމެއްވެސް ނުވެޔޭ
ޝައިނީއައުޓް
09 June 2018
ޝައިނީ އަށް މާބޮޑަށް ޔަގީން ވީމަ ވާނެ ގޮތް ތީ.. ދެން ހެއު ކަލޭ ރާއްޖެ ނަޔަސް
ސިފްލީން
09 June 2018
ތިޔައީ އެމެރިކާއާއި އިޒްރޭލުގެ ސަލާމަތައް ހަދާފައޮންނަ ތަނެއް ތިޔަތަނުން ހޯދި ސަލާމަތީ ގޮނޑިއަކުން އޮތީ ކޯއްޗެއްހޭ! ފަލަސްތީނުގެ އެތައް ހާސްދުވަހެއްގެ އެތައްހާސް މުސްލިމުންނެއްގެ ލޭބޮއެބޮއެ އޮންނަ އިޒްރޭލަށް އެއްގޮތެއްވެސް ނެހެދޭ ތިކަހަލަ ތަނަކުން ސަލާމަތީގޮނޑިއެއް ހޯދުމެކޭ މިނިކާވަގު ހާއްޔެއްގައި ގޮނޑިއެއް ބަަހައްޓައިގެން އިނުމެކޭ އެއްވަރު
މަންސޫރު
09 June 2018
ބަލަގަ ތިޔަކަން އިނގުނީ ވޯޓުން ފެއިލްވި ފަހުންތަ؟
ހުވަނި
09 June 2018
ސަރުކާރަށް އެކަންނޭނގިތަ ގޮނޑިހޯދަންކުރިމަތިލީ؟