ކުޑަކުދިންނަށް ކުރާ އަނިޔާއާ ދައްކުވައިދޭ ފޮޓޯއެއް:
13 ޖޫން 2018 - 19:30
16 comments
ގދ. އަތޮޅުގެ ރަށެއްގައި އެއްބަނޑު އެއްބަފާ ހަތަރު އަންހެން ކުދިންނާ، 75 އަހަރުގެ ފިރިހެނަކު ގަދަކަމުން ބަދު އަޚުލާގީ އަމަލު ހިންގި ކަމަށް ބުނާ މައްސަލައިގައި އެ މީހާގެ މައްޗަށް ކުރި ދައުވާ ޕްރޮސެކިއުޓާ ޖެނެރަލް (ޕީޖީ) އަނބުރާ ނެގީ އެހެން ކޯޓަކަށް ފޮނުވަން ކަމަށް އެތަނުން މިއަދު ބުނެފި އެވެ.
މިދިޔަ ނޮވެމްބަރު މަހުގެ ތެރޭގައި ހައްޔަރު ކުރި އެ މީހާގެ މައްޗަށް، ދައުލަތުން ވަނީ މިދިޔަ ފެބުރުއަރީ މަހުގެ ތެރޭގައި ދައުވާކޮށްފަ އެވެ. އެކަމަކު އެ ރަށުގެ ކޯޓަށް ހުށަހެޅި އެ މައްސަލައިގެ އެއްވެސް އަޑުއެހުމެއް ނުބާއްވަނީސް، މިދިޔަ މާޗު މަހުގެ ފަހުކޮޅު ޕީޖީން ވަނީ ދައުވާ އަނބުރާ ނަގައިފަ އެވެ.
ޕީޖީގެ އޮފިޝަލަކު މިއަދު ވިދާޅުވީ ރަށު ކޯޓަށް މައްސަލަ ހުށަހެޅީ، އެކަން ހިނގައިދިޔައީ ރަށުގައި ކަމަށް ވާތީ ކަމަށާއި އެކަމަކު އެ ރަށުގައި މައްސަލަ ކުރިއަށް ގެންދެވެން ނެތް ކަމަށެވެ. އެހެންވެ، އެ އަތޮޅުގެ އެހެން ރަށެއްގެ ކޯޓުގައި ކުރިއަށް ގެންދިޔުމަށް، ޕީޖީން ދައުވާ ނެގީ ކަމަށް އޭނާ ވިދާޅުވި އެވެ.
"މިދިޔަ މާޗު މަހުގައި ދައުވާ އަނބުރާ ފޮނުވަން ކޯޓަށް އެންގުމުން، އެ ކޯޓުން އެކަން ކޮށްފައިވަނީ މިދިޔަ ހަފުތާގެ ތެރޭގައި. އަޅުގަނޑުމެން މިހާރު މިދަނީ ޝަރީއަތް ކުރުމަށް، އެ ދައުވާ އެހެން ކޯޓަކަށް ފޮނުވުމަށް އެ މަސައްކަތް ކުރަމުން. ލަފާކުރެވޭ ގޮތުން އެކަމަށް ހަފުތާއެއްހާ ދުވަސް ނަގާނެ،" އޮފިޝަލް ވިދާޅުވި އެވެ.
"އަޅުގަނޑުމެން މައްސަލަ ބޭރެއް ނުކުރަން."
އެއްބަނޑު އެއްބަފާ ހަތަރު ކުދިންނާ ބެހުމުގެ އިތުރުން، މީހަކާ އިނދެގެން އުޅޭ އަންހެނަކާ އެކި ފަހަރު މަތިން ޒިނޭ ކުރި މައްސަލައެއްގައި ވެސް އެ މީހާގެ މައްޗަށް ދައުވާ ކުރެ އެވެ. މި ހަތަރު ކުދިންނާ ބެހުމުގެ ތުހުމަތުގައި، އޭނާގެ އިތުރުން އޭނާ ގެންގުޅޭ ބިދޭސީއަކު ވެސް ހައްޔަރުކުުރި އެވެ. އެކަމަކު އެނގިފައިވާ ގޮތުގައި އުމުރުން ދުވަސްވީ މީހާ ހައްޔަރު ކުރުމަށް ފަހު ދޫކޮށްލުމުން މިހާރު އަނެއްކާ ވެސް އޭނާ އުޅެނީ އެ ރަށުގައި ހުންނަ އޭނާގެ ފިހާރަ ހިންގުމުގަ އެވެ. ރަށުގައި ނުފޫޒު ގަދަ ކަމަށް ބުނާ އެ މީހާ، މީގެ 12 އަހަރު ކުރިއްސުރެ އަންނަނީ އެކި ކުދިންނަށް ޖިންސީ ގޯނާ ކުރަމުން ކަމަށް އޭގެ ތެރެއިން ބައެއް ކުދިން ބުނެ އެވެ. އޭނާ ވަނީ އެ ހަތަރު ބެއިންނާއި އެކުދިންގެ މަންމަ ދިރިއުޅޭ ގެ މަރާމާތުކޮށް، ދިރިއުޅެވޭނެ ގޮތް ހަދައިދީފަ އެވެ. އަދި އެ މީހުން ކައިބޮއި ހެދުމަށް، ދަރަންޏަށް އެއްޗެހި ނަގަނީ އެ މީހާގެ ފިހާރައިންނެވެ. ކުދިންނާ ގުޅުން ހިންގީ އެއީ ސަބަބެއް ކަމަށް ބަލައިގެން ކަމަށް އެ ކުދިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުނބުށެން
14 June 2018
އެންމެ ރަނގަޅު ދެން އެހެންވެގެންނޯ. ދެންކީއްވެތަ މުޖްތަމައަށް ނުރައްކާވާގޮތަށް އޭނާ ވީއްލިގެން އުޅެނީ. އަމިއްލަ ހާލައިގެން ހިނގައި ނޫޅެވޭ އަދި އެމީހެއްގެ ފުށުން ނުރައްކަލެއް ނުވާނެކަން އެންމެން ގަބޫލުކުރާމީހުން ހުކުމެއް ނެރެވެންދެންވެސް ބަންދުކޮށްގެން ގެންގުޅޭއިރު.
ރޯޒް ރައީސް
14 June 2018
ކީއްވެތަ ކޮންރަށެއްގެ ކޮންކޯޓަކަށްކަން ބުނެ ނުދެވިގެން ތި އުޅެނީ. އަޖައިބެއް ނުވާނެތަ. ދުވާލަކު އެއްފަހަރު މިއަދު ނޫހަށް ހަނދާންކޮށްދޭނަންތިކަން. ވާއެއްޗެއްވަންދެން މިފަހަރު އެއްވާނަކަށް ހިފާއްޓާލަން ވާނެ.
ލައްކަވާހަކަ
14 June 2018
ކޮންމެ ކަމެއްވެސް އަތަށް ގޮވީމަ ރެކެން މިއުޅެނީ. މާޗު މަހުގަ އަނބުރާ ގެނައި މައްސަލަ ހިތުން ތި ތިބީ ފޮރުވައިގެން. މިހާރު ތާހިރު ވެއްޖެއެއްނު؟ ތިޔަހާ ނުލަފާ މީހަކު މުޖުތަމައުއަށް ދޫކޮއްފަ ހުރީ ކޮން ސަބަބަކާއި ހުރެ ތޯ؟ މިހާރު ނޫސްވެރިންގެ މަސައްކަތަށް އައްސަރިބަހާއި ސާބަސް. މި މައްސަލަ ވަރަށް ކައިރިން ބަލާތި
ވިގަނި
14 June 2018
ވިސްނާލާ! ތި ކަމަކީ ތީ އަޅާނުލާ ދޫ ކޮށްލަން ހެޔޮ ވާ ވަރުގެ ކަމެއް ނޫން، މިއަދު އެމީހަކީ ނުފޫޒު ގަދަ މީހަކަށް ވީތީ އޭނަ ތިކަމުން ސަލާމަތް ވުމަކީ އެތައް ބަޔަކަށް ތިކަމަށް ހުޅުވާލެވޭ ދޮރަކަށް ނޫނީ ނުވާނެ... މިއަދު ތި 4 ކުދިންނަށް އިންސާފު ނުލިބިއްޖެ ކަމުގަ ވަނީ ނަމަ ކުރިއަށް އޮތް ތަނުގަ ތި ކިހަލަ އެތައް ކުއްޖެއްގެ އިންސާފާ އަރާ ހަމަ ކުރަން ޕީޖީ ފަސްޖެހޭނެ ތި ކަމަކާ ހުރެ އަދި އެކަމެއް ކުރާ ބައެއްގެ ނުފޫޒައި ހުރެ... ދެރަ ކަމަކީ އަދިވެސް ތި ރަށެއްގެ ބަޔަކު ތިކަން ހެޔޮ ވެގެން މިއަދާ ހަމައަށް ތިބީމަ، ރަށު ރައްޔިތުންގެ ވެސް ކޮންމެވެސް ވަރެއްގެ ހިއްސާ އެއް އޮވެގެން 12 އަހަރު ވަންދެން ތިވަރު ކަމެއް ކުރެވޭނީ! ސާބަސް ތި ރަށު ރައްޔިތުންނަށް...
ހާސަރު
14 June 2018
ޕީޖީ އަމިއްލައަށް ތިޔަބުނީ އެމީހާގެ ނުފޫޒް ހުރިވަރު. ޕީޖީން މައްސަލަ ފޮނުވީމަ ނުބެލިވާހަކަ! އެކަމަކު ވެސް އެކޯޓްގައި މުސާރަދީފަތިބޭ ފަނޑިޔާރުން އެބަތިބި! ކީއްވެ އެކަމާނޫޅެތިތިބީ!؟ ހަމަ އެއްޗެކޭކިޔަނީ! މިސަރުކާރު އޮއްވާ ތިކަން އިންސާފުން ނުބެލޭނެކަން އެންމެނަށް އެގޭ! ކޮބައިތަ ޖެންޑަރ މިނިސްޓަރވެސް! މިވަރުކަމެއް ވެގެންއުޅޭއިރު ކުރެވުނު ކަމެއްނެތް! މިނިސްޓަރ ކަމުގަ ހުރެވުނީމަ ނިމުނީ!؟ އެހެން ގައުމެއްގަ ނަމަ މިހާރު އިސްތިއުފާދީފިސް!
ާއަޒީޒު ރަހީމް/ ނޮޅިވަރަން
14 June 2018
ޕީޖީ ހީކުރަނީތަ މަގާމުގަ މުޅި އުމުރު ދުވަހު ހުރެވޭނެ ކަމަށް، މިގައުމުގައި އެންމެ އިސްރާފު ބޮޑު މީހުންގެ ހައްގުތައް ނިގުޅައި ގަންނަ މަގާމު ތިއީ.. އިހްސާސް ވެސް ނުކުރެވޭ ދޯ އެކުދިންނަށް ކުރާނެ އަސަރު،،
އެޑްމުންޑޯ
13 June 2018
މަރޗް މަހުގައި ޕީޖީން ފޮނުވަން އެންގި ލިއުންތައް މިހަފްތާގައި ލިބުމުން ތިމައްސަލައަށް ނުފޫޒްް ފޯރާފައިވާ ވަރު ހާމަވޭ ، އަދި އެމީހާ ދޫކޮއްފައި ބެހެއްްޓުމުންް ތިމައްސަލަ ނިމޭނެ ގޮތްް ވެސް އެބަ ސާފްވޭ
ހިތާމަ
13 June 2018
ކީކޭ ބުނާނީ މިއީ ރޯދަމަހު ފަހު ދިހައެއް ، ޕީޖީގެ ތެދުވެރިކަން ހުރިވަރު ތިއީ.. ކިހިނެތް ތިމުއައްސަސާތަކަށް އިތުބާރު ކުރާނީ، ނުފޫޒު ގަދަ މީހާ އެބުނަނީ ޕާޓީގެ ހަރަކާތްތަކަށް ނުނިކުންނާނެ ކަމަށް މައްސަލަ ނުނަގަނީސް، އާޙިރުގައި ކަން ނިމިގެން ދިޔައީ ބުނި ގޮތަށް. ޕީޖީ ކަމަނާއަށް ހީފުޅުވަނީތޯ މައުސޫމް ކުދިންގެ އިއްޒަތް ނަގާލި މީހަކު ދޫކޮއްގެން ކަމަނާގެ ސިޔާސީ ކުރިމަގު އުޖާލާވާނެ ކަމަށް.”ނޯ”
މަންނާނު
13 June 2018
ރަށުކޯޓުން ކުރިޔަން ނުދިޔައީޔޯ ކިހާ ޖޯކުވާހަކަޔެއް އެއީ
ހޯހޯހޯ
13 June 2018
ތިހުންނަނީ ކަންތައް ތަކެއްނޫން. ތިހާ ކުޑަކަމެއްގައި އުމުރުން ދުވަސްވީ އެހާބޮޑު މުސްކުޅިޔަކާ ދައުވާ ކުރުމަކީ ކިހާ ބޮޑުލަދެއް. މިގައުމުގައި ކަންތައްތަކަކީ ފޯނުދޭށޭ ބުނީމާ ނުދިނުންފަދަ ޓެރަރިސްޓް އަމަލުތައް. މިއީ ދޫކޮށްނުލެވޭ މައާފެއްނުދެވޭ ދިންނެވުމެެއްނުވާ އަމަލުތައް. 100 އަހަރުވީ މުސްކުޅިޔަކަސް ފޯނުނުދިނުން ފަދަ ޓެރަރިސްޓް އަމަލެއް ކޮށްފިއްޔާ 6 މަސްސުވަހު ޖަލުގައި ބަހައްޓާފަ ދޮޅުއަހަރަށް ޖަލަށްލިޔަސް އެނުވާނެ އަދި އަދަބަކަށް.