އިބޫ މިއަދު ހުޅުމާލޭގައި.
10 ޖުލައި 2018 - 16:58
71 comments
ގުޅިފައިވާ އިދިކޮޅު ޕާޓީތަކުގެ ރިޔާސީ ކެންޑިޑޭޓު، އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) އަށް ހުޅުމާލޭން ހަމަލަ ދޭން ބަޔަކު މިއަދު މަސައްކަތްކޮށްފި އެވެ.
ކެމްޕެއިންގައި އިބޫ ހުޅުމާލެ އަށް ވަޑައިގެން އެ ޕާޓީގެ އިސް ބޭފުޅުންނާ އެކު ކެމްޕެއިން ހަރަކާތްތަކުގައި އުޅުއްވަނިކޮށް، އެރަށު ސެންޓްރަލް ޕާކް ސަރަހައްދުގަ އެވެ. އެމްޑީޕީން ބުނި ގޮތުގައި، އިބޫ އަށް ހަމަލަ ދިނުމަށް އުޅުމުން އެކަމަށް ހުރަސްއެޅީ ކައިރީގައި ތިބި މީހުންނެވެ. އިބޫއާއެކު، އެމްޑީޕީގެ ލީޑަޝިޕްގެ އިސް ބޭފުޅުންނާއި ރައްޔިތުންގެ މަޖިލީހުގެ ބައެއް މެމްބަރުން ބައިވެރިވެވަޑައިގަންނަވަ އެވެ.
އެމްޑީޕީގެ ނައިބު ރައީސް މުހައްމަދު ޝިފާޒް ނޫސްވެރިންނަށް ވިދާޅުވީ އިބޫ އަށް ހަމަލަ ދިނުމަށް މަސައްކަތް ކުރީ ސައިކަލެއްގައި ދިޔަ ދެ ޒުވާނުން ކަމަށެވެ. އަދި އެކަން ކުރީ ވެރިކަން ކުރާ ޕީޕީއެމްގެ ދެ އެކްޓިވިސްޓުން ކަމަށް ވެސް ޝިފާޒް ތުހުމަތު ކުރެ އެވެ.
ސެންޓްރަލް ޕާކް ކައިރިން އިބޫ ހިންގަވާފައި ދަނިކޮށް ސައިކަލްގައި ދެ މީހަކު ގޮސް އެ ސަރަހައްދުގައި ހަމަނުޖެހުން ހިންގަން ފެށުމުން، އެމްޑީޕީގެ އިސް ބޭފުޅުންނާއި އިބޫގެ ސެކިއުރިޓީން ވަނީ އިބޫއަށް ހިމާޔަތްދީފަ އެވެ. އަދި ވެހިކަލެއްގައި އިބޫ ވަނީ އެ ސަރަހައްދުން ފޮނުވާލައިފަ އެވެ.
ހަމަނުޖެހުން ހިންގި ސަރަހައްދުގައި ފުލުހަކު ނެތެވެ. މިކަމާ ގުޅިގެން ފުލުހުންގެ ބަހެއް އަދި ނުލިބެ އެވެ.
އިބޫގެ ދޮރުން ދޮރަށް ހަރަކާތަށް ބަޔަކު ހުރަސް އެޅި ނަމަވެސް އިބޫ ވަނީ ހުއްޓާނުލައްވައި އެ ހަރަކާތް ކުރިއަށް ގެންދިއުމަށް ނިންމައިފަ އެވެ. އަދި އިބޫ އަށް ހަމަލަ ދޭން އުޅުނު މައްސަލަ ސީރިއަސް މައްސަލައެއްގެ ގޮތުގައި ފުލުހުންނަށް ހުށަހަޅާނެ ކަމަށް ޝިފާޒް ވިދާޅުވި އެވެ.
އިބޫ ވަނީ މީގެކުރިން މާލެ އާއި ވިލިމާލޭގައި ދޮރުން ދޮރަށް ހިންގަވައިފަ އެވެ. އެ ދެ ރަށުގައި ކެމްޕެއިން ހަރަކާތްތައް ކުރިއަށް ދިޔައީ ވަރަށް އަމާންކަމާއެކު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާތުމާ
11 July 2018
މަމެން ޖަޒީރާ ކުދިން ތިހެން އުޅެން ވެއްޖިއްޔާ...ގިނަވާނީ ތި ޕީޕީ ބައިގަޑަށް ނޭރޭ ރަށް ރަށް މި ރާއްޖޭގަ...
ޝާކިރު
11 July 2018
ކޮބާ ވީޑިއޯ؟ ނުކެރޭނެ ލާކަށް ! އަތައްގޮވި ކަޅުތެޔޮ ޑުރާމާ ފެއިލްވީ...
ފާތުމާ
11 July 2018
ކަލޯ ވީޑިއޯ އެ އޮތީ މުޅި ސޯސިއަލް މީޑިއާގަ....
Mohamed salim
11 July 2018
ބަޔަކަށް ތުހުމަތު ކުރުވާކަށް އުޅުއްވާނެކަމެއް ނެތް. އެކަން ކުރި މީހުން އެނގޭނެ ތިޔަ ބޭފުޅުންނަށް. ފޮޓޯތަކާއެކު ހާމަކުރައްވާ! ފުލުހުންނަށް މައްސަލަ ހުށަހަޅުއްވާ! އދ ގެ ޓީމަށް ދައްކަން ހަމައެކަނި މޭކަޕުކޮށްފައި ފޮޓޯ ނެގިއަކަސް ކަމަކު ނުދާނެ.
އަށްޑޫ މީހާ
10 July 2018
ހަމަލާދިން މިޙުންނަށް ހައްގު އަދަބު ދިނުމަށްގޮވާލަން. ހަމަލާ ދިން މީހުންނަކީ ޓެރަރިސްޓުންތަކެއް.
އަލިފުޅު
10 July 2018
ތަ މެންގެ ރައީސަށް ހުކުރު ހަމަވާ އެއްވެސް ރަށަކަށް އަރަން ނުކެރުމަކީ މަ މެންގެ ރިއާސީ ކެންޑިޑޭޓަށް އަނިޔާ ކޮށް ދިމާކުރަންޖެހޭ ކަމެއް ހޭ؟ ހާދަ ދެރަވަރޭ ދޯ
ވާލުސޮރު
10 July 2018
ދެން އިވޭނީ އިންތިޚާބް ބާއްވާނެ މާހައުލެއް ނެތިގެން މުއްދަތެއް ނެތްގޮތަށް އިންތިޚާބް ފަސްކުރި ވާހަކަހެން މަށަށް ހީވަނީ. އަދި މުޅިންވެސް ކަންކަން ވަމުން މިދަނީ އެމަގުން. މަޖިލިސްގެ މެޖޯރިޓީ ގެއްލުނީމަ ގޮނޑި ގެއްލުނިއްޔޭކިޔާފަ 12 މެންބަރަކު މަޖިލިހަށް ވަނަ ނުދިނީ. ދެން ސްޕްރީމް ކޯޓުން "އުންމީދުނުކުރާ އަމުރެއް" ނެރުނީމަ އުއްތަމަ ފަނޑިޔާރާ އެ ކޯޓުގެ އިތުރު ފަނޑިޔާރަކު ހައްޔަރުކޮށް މަގާމް ގެއްލުވާލީ. ދެން ވޯޓުން މޮޅުނުވާނެހެން ހީވީމަ އިންތިޚާބް ނުބާއްވާނީ.. ކިހާ ސަޅި!!! ބައެއްގެ ގަޓު ހުންނާނީ ދެން މިހާވަރަކަށް.
ހިލްލީ
10 July 2018
ތިކަން ދަސްކޮށްދިނީ ކޮންބައެއްތޯ
ޗެލްސީ
10 July 2018
ރައީސަކާ ވައްތަރު ވާނީ މޫނުމަތިން ނުލަފާ ވައްތަރުޖަހާފަ ގަދަކަމުންނޫނީ މީހަކާ ދިމާލައް ހީލަންވެސް ނޭނގުނީމަތަ..
ކައްތުބޭ
10 July 2018
ތިއީ އަމިއްލެއައް ޖެހި ސަކަރާތެއް!
ރޮކެޓް ސައިންސް
10 July 2018
ކަޅުތެލަކީ ހަމައެކަނި ޕޕ މީހުންނަށް ލިބޭ އެއްޗެއް ވެސް ނޫން. މޮޔައީ ވަކި ވަރަކަށް ނޫންވިއްޔާއެވެ. ކޮންޓްރޯލް ގެއްލުނީމާ އަހަރުމެން ކުރާނެކަމެއް ނޯންނާނެއެވެ. އެމީހުންގެ ބޭނުމަކީ ވެސް ކޮންޓްރޯލް ގެއްލުވާލާފަ އިންތިހާބު ލަސްކުރުންކަމަށް ބެލެވެއެވެ. އެއީ ފިޔަވަޅު އެޅީމާ އެއިން ރެކެން ބަހަނާ ދެއްކުންކަމަށް އެކަށީގެންވެއެވެ. ކާމިޔާބު ވާނެ ކޮޅެއް ނުފެނިއްޖެއްޔާ 144 ވެސް އަދިއެއްފަހަރު އިއުލާނު ކޮއްފާނެއެވެ. އެއީ މިހާތަނަށް ކަންތަށް ވަމުން ގޮސްސަހުރިގޮތެވެ.