ޝިފާޒް (ކ) އަދި ޝިހާބްގެ ގަޔަށް މިއަދު ކަޅު ތެޔޮ ޖަހާފައި.
10 ޖުލައި 2018 - 19:38
63 comments
ގުޅިފައިވާ އިދިކޮޅު ޕާޓީތަކުގެ ކެންޑިޑޭޓު، އަދި އެމްޑީޕީގެ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) އަށް ތާއީދު ހޯދުމަށް ހުޅުމާލޭގައި ކެމްޕެއިން ކުރަމުން ދަނިކޮށް، އެމްޑީޕީގެ އިސް ބައެއް ބޭފުޅުންގެ ގަޔަށް ކަޅު ތެޔޮ ޖަހައިފި އެވެ.
ހުޅުމާލޭގައި ކެމްޕެއިން ކުރައްވަނިކޮށް، މިއަދު ހަވީރު ކަޅު ތެޔޮ ޖެހީ އެމްޑީޕީގެ ޗެއާޕާސަން ހަސަން ލަތީފާއި އެމްޑީޕީގެ ނައިބު ރައީސް މުހައްމަދު ޝިފާޒާއި މާލެ ސިޓީ ކައުންސިލްގެ ކުރީގެ މޭޔަރު އިބްރާހިމް ޝިހާބާއި އިދިކޮޅު ރައްޔިތުންގެ މަޖިލީހުގެ ބައެއް މެމްބަރުންނާއި އާންމުންގެ ގަޔަށެވެ.
ހުޅުމާލޭގައި އުޅެނިކޮށް، ނޫސްވެރިއެއްގެ ގަޔަށް ކަޅު ތެޔޮ ޖަހާފައި.
އެކަމަކު، ގުޅިފައިވާ އިދިކޮޅު ޕާޓީތަކުގެ ކެންޑިޑޭޓު، އަދި އެމްޑީޕީ ޕާލަމެންޓްރީ ގްރޫޕްގެ ލީޑަރު އިބްރާހިމް މުހައްމަދު ސޯލިހް (އިބޫ) ގެ ގަޔަށް ކަޅު ތެޔޮ ޖަހާފައެއް ނުވެ އެވެ. އޭރު، އިބޫ ހުންނެވީ ކޮރަލް ވިލް ފްލެޓެއްގައި ތިބި އާންމުންގެ ބަޔަކާ ބައްދަލު ކުރެއްވުމަށެވެ. އިބޫ ވަނީ އެ ގޭގައި ތިބި މީހުންނާ ބައްދަލުކުރެއްވުމަށް ފަހު، ކާރަށް އަރައިވަޑައިގެން އެ ސަރައްދުން ވަޑައިގެންފަ އެވެ.
އެމްޑީޕީގެ އިސް ބައެއް ބޭފުޅުން ވިދާޅުވީ، ކަޅު ތެޔޮ ޖެހީ ޒުވާނުންގެ ބަޔަކު ނިކުމެ ކަމަށާއި، އެކަން ކުރިއިރު، ފުލުހުންގެ ވެހިކަލެއް ވެސް އެ ސަރަހައްދުގައި އޮތް ކަމަށެވެ. އެކަމަކު، ފުލުހުންނަށް އެކަން ހުއްޓުވިފައި ނުވާ ކަމަށް ވެސް އެ ބޭފުޅުން ވިދާޅުވި އެވެ.
އެބޭފުޅުން ވިދާޅުވި ގޮތުގައި އިދިކޮޅު ހަރަކާތްތަކަށް ހުރަސް އަޅަމުން ދަނީ ރައީސް އަބްދުﷲ ޔާމީން، އިންތިހާބުން ބަލިވާނެ ކަން ޔަގީންވުމުންނެވެ.
ކަޅު ތެޔޮ ޖެހުމުގެ ސަބަބުން، ކޮރަލް ވިލް ސަރަހައްދު މަގުމަތީގައި އާއި ފާރުގައި ގިނަ އަދަދެއްގެ ކަޅު ތެޔޮ ހުއްޓެވެ. އެމްޑީޕީން ބުނީ ކަޅު ތެޔޮ ޖެހީ ވެރިކަން ކުރާ ޕީޕީއެމްގެ އެކްޓިވިސްޓުންތަކެއް ކަމަށެވެ.
އެމްޑީޕީގެ ބައެއް އިސް ބޭފުޅުންގެ ގަޔަށް ކަޅު ތެޔޮ ޖެހިއިރު، އިބޫއަށް ދެ ފަހަރެއްގެ މަތިން މަގުމަތިން ހުރަސް އަޅައި ހަމަނުޖެހުން ހިންގަން ބަޔަކު މަސައްކަތް ކުރި އެވެ. އިބޫ އަށް ކުރިމަތިވަމުން އަންނަ ކަންކަމާ ގުޅިގެން އޭނާ މިއަދު ވިދާޅުވީ، ނިކުމެ ހުންނެވީ އަނިޔާވެރިކަން ފޮހެލައި އިންސާފު ގާއިމު ކުރުމަށް ކަމަށެވެ. އަދި އިދިކޮޅު ހަރަކާތް ހިންގުމަށް ފަސްޖެހި ވަޑައިނުގަންނަވާނެ ކަމަށް އޭނާ ވިދާޅުވި އެވެ.
އިބޫ އަށް ކެމްޕެއިން ކުރުމަށް ހުޅުމާލެ އިން ބަޔަކު ހުރަސް އަޅަމުން ދާތީ އިދިކޮޅު ފަރާތްތަކުން އަންނަނީ ސަރުކާރަށާއި ޕީޕީއެމާއި ފުލުހުންނަށް ފާޑުކިއުންތައް އަމާޒު ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފިނިފެންމާ ސަޢީދު
11 July 2018
ޝައިނީ ހޯދަން ވަޢުދުވި ތެޔޮވަޅު ފެނިގެން ތެޔޮ ބަންޑުން ވީ ކަމަށްވާނީ!
އާދަނު
11 July 2018
މިފިލްމުގެ ޕްރޮޑިއުސަރަށް ހާދަ ބޮޑު ގެއްލުމެކޭ މިވީ. ފިލްމް ބަލާފަ އެކްޓެއްވެސް ޑައިރެކްޝަނެއްވެސް ކަމަކު ނުދިޔަ. އެންމެ ބޮޑަށް ފާހަގަވީ ޑައިރެކްޓަރގެ ހުނަރުގެ މައްސަލަ. ވަގުތުކޮޅު ކުޑަވީމަކަމަށްވުންކަމަށް ބެލެވޭ. ޔޫއެން މީހުން އައީ ކުރިން އަންގައިލުމެއްނެތި، 10 ޖެހި އިރު އައީ، މިފިލްމް އެދުވަހު ރިލީޒް ކުރުމަށް ޓަކައި، ޝޫޓްކޮށް އެޑިޓްކޮށްގެން ނެރެވެން ނެތީމަ އެޑިޓްނުކޮށް ރެކޯޑިން ހުރި ގޮތަށް ނެރުމުން އަސްލާއެއްގޮތްމަންޒަރުތަކެއް ހިމެނިފައިނުވާކަމަށް ގަބޫލުކުރެވޭ.
8546
11 July 2018
ކަޅުތެލުގެ މާޒީއަށް ބަލާއިރު ފެންނަންއޮތީ އެމްޑީޕީގެ މުޑުދާރު އަމަލުތަކުގެ ތެރެއިން އަމަލެއްގެ ގޮތުގައި
ދޮންތުއްތު.
11 July 2018
މީހަކު ހައިރާންވެގެން އަންތަރީހެއްނުވާނެތަ! ބަލަ މީހަކު ޗަސްކިޔާފައި ކަޅުތެޔޮ އެއްޗެއް ޖަހާއިރަން ކަޅުތެޔޮ މިހޭކެނީ ހަމައެކަނި ގަމީހުގާ ގަޔަކު ނުހޭކޭ، މިހުރީމިމީހުންގެ ނުބައިނުލަފާރޭވުން ދެން މިމީހުންނަށް އަހަރުމެއް ވޯޓުދޭންވީ، ނުވާނެ ތިކަމެއް. އަހަރެންގެ ވޯޓޫ ދީގެން މިގައުމު ހަލާކުކުރާކަށް ފުރުސަތެއްނުދޭނަން ވަރައްސަލާމް.
ތުއްތުނާ
11 July 2018
ދެން ފޮޓޯ ނަަންދެން ނުފޮހި ހުންނަންވީތަ؟
މިކަން
11 July 2018
އަޅުގަޑު އަހާލާހިތްވަނީ ޝަހީމް ކައިރިން މި އަމަލު ވާނެތޯ އޭ ދީނީގޮތުން ހުއްދަ ކަމަކަށް. ނޫނީ މީ ދެން ސިޔާސީ ކަމެއް ތޯއޭ؟ މިފަދަ އަމަލުތައް ހިންގާ ބައެއްގެ ނައިބަކަށް ތޯ އޭ ކުރިމަތި ލައިގެން ތި ހުންނެވީ؟
ޝަހީމްބެ
11 July 2018
މިއީ ވަރަށް ދަށު ދަރަޖައިގެ އަމަލެއް. މަކަރާއި އޮޅުވާލުމާ ދޮގަކީ، ޝައިޠާނާގެ އަމަލުތަކުގެ ތެރެއިންވާ ކަންކަން. އިންތިހާބެއްގައި އިދިކޮޅުން ނުކުމެ ވާދަކުރައްވާނީ، ކެރިގެން. އަމިއްލައަށް ރާވައިގެން ރައްޔިތުންނަށް މަކަރުހަދާ ފިތުނަ ފަސާދައަށް މަގު ފަހިކުރުމަކީ ހުއްދަ ކަމެއްނޫން. ފާފަވެރިވާނެ. ޚާލިޤުވަންތަ ކަލަކު ބައްލަވާވޮޑިގެންވާކަން ހަނދާން ކުރަންވާނެ. އީ.ޔޫއިން އައިމަ މިތާ އިންތިހާބަށް އެކަށީގެންވާ މާހައުލެއް ނެތްކަން ދައްކަންވެސް ނުވާނެ ތިފަދަ ނުބައި އަމަލުތައް ކޮށް އަދި އެދޮގު ތުހުމަތު އެހެން ބައެއްގެ ބޮލުގަ އަޅުވާކަށް.
ނުލާހިކު
11 July 2018
އަނެއްކާވެސް ފެށީ ދޯ؟ ހަޖަމު ނުވަންޏާ ހަޖަމު ނުވާ ބަޔަކު މިގައުމުން ބޭރުވޭ!. ދިވެހިން ޑިމޮކްރަސީ ދަސްކުރީ ކޮން ގައުމަކުންތޯ؟ ދުނިޔޭގެ އެއްވެސް ގައުމެއްގައި މިކަހަލަ ޑިމޮކްރަސީއެއް އެބައޮތްތޯ؟
ށާބަސް
11 July 2018
މިހާރު މިކުޅެނީ ހަޑި ޕޮލިޓިކްސް..... ކަޅުތެޔޮ ޕޮލިޓިކްސް.........
މަރުމޯލު
11 July 2018
"ބޮޑު ކެކުރި" ވީމަތޯ ކެމްޕެއިނުކުރާއިރު ކަޅުތެލުން މަރުޙަބާ ކިޔަނީ!
ކުނި
11 July 2018
ހަޖަމުގެ މައްސަލައެއްއެބައުޅޭ އެހެން މީހަކު މަގެއްގެ މަތިން ފެނިއްޖެއްޔާ ހަމަ ހަޖަމެއްނުވާނެ ދެން ފުލުހުންނެރެގެން އެމްޑީޕީމީހުން ހިފާ ހައްޔަރުކުރަންފަށާ
ދަރަނިބޯ
11 July 2018
އަދިވެސް އެމްޑީޕީ މީހުންތަ ހިފާ ހައްޔަރުކުރަންވީ ބޮލަށް ބޭސްކުރަން ފެނެ
އަބްދުﷲ
11 July 2018
މީދެރަކަމެއް. މިފަދަ އަމަލު ހިންގައިގެން ނުވާނެ. މިއަމަލު ކުއްވެރިކުރަން. ނަމަވެސް އިބޫ ވެރިކަމަށް ގެންނަން ވޯޓެއް ދެވޭކަށްނެޔް ޔަހޫދީންގެ އަތްދަށުން އެމްޑީޕީ ސަލާމަތްވެގެން ނޫނީ.