ކުރީގެ ހައުސިން މިނިސްޓަރު އަސްލަމް: އޭނާގެ ފޯނު ބިލު ދައްކަން ދައުލަތުން ޚަރަދުކުރި ފައިސާ ދައުލަތަށް ދައްކަން ސިވިލް ކޯޓުން ވަނީ ހުކުމް ކޮށްފައި --މިހާރު ފޮޓޯ/ހުސެއިން ވަހީދު
11 ޖުލައި 2018 - 13:48
31 comments
އެމްޑީޕީ ސަރުކާރުގެ ހައުސިން މިނިސްޓަރު މުހައްމަދު އަސްލަމްގެ ފޯނު ބިލަށް ދައުލަތުން ޚަރަދުކުރި ތިން ލައްކަ އަށް ވުރެ ގިނަ ރުފިޔާ ދައުލަތަށް އަނބުރާ ދައްކަން އަސްލަމްގެ މައްޗަށް ސިވިލް ކޯޓުން ހުކުމްކޮށްފި އެވެ.
ސިވިލް ކޯޓުން އެގޮތަށް ހުކުމްކުރީ ޖޫން 2009 އިން ފެށިގެން އޮގަސްޓް 2011 ވަނަ އަހަރުގެ ނިޔަލަށް އަސްލަމްގެ ފޯނު ބިލް ދެއްކުމަށް ދައުލަތުން ޚަރަދުކުރި 312،000 އަށް ވުރެ ގިނަ ރުފިޔާ އަނބުރާ ހޯދަން ދައުލަތުން ދައުވާ ކުރުމުންނެވެ.
މިދިޔަ މަހުގެ 24 ވަނަ ދުވަހު ސިވިލް ކޯޓުން ކުރި ހުކުމުގައި ވަނީ އަސްލަމްގެ ފޯނު ބިލް ދެއްކުމަށް ހައުސިން މިނިސްޓްރީގެ ބަޖެޓުން ޚަރަދުކުރި 312،000ރ. އަކީ އަސްލަމްގެ ފަރާތުން ދައުލަތަށް އަނބުރާ ދައްކަންޖެހޭ ފައިސާއެއް ކަން ޝަރީއަތަށް ސާބިތުވާ ކަމަށެވެ. އެހެންވެ، ހުކުމްކުރި ދުވަހުން ފެށިގެން ފަސް މަސް ތެރޭގައި އެ ފައިސާ ދައުލަތަށް ދެއްކުމަށް އަސްލަމަށް އަންގާ ކަމަށް އެ ހުކުމުގައި ވެ އެވެ.
އަސްލަމްގެ ފޯނު ބިލަށް ދައުލަތުން ފައިސާ ދެއްކި މައްސަލަ ފެންމަތި ކުރީ، އޮޑިޓާ ޖެނެރަލް ނެރުއްވި ހައުސިން މިނިސްޓްރީގެ 2010 ވަނަ އަހަރުގެ އޮޑިިޓް ރިޕޯޓުގަ އެވެ. އެ ފައިިސާ ދައުލަތުން ޚަރަދުކުރީ ގާނޫނާ ޚިލާފަށް ކަމަށާއި އެހެންވެ، އެ އަނބުރާ ހޯދަން އޮޑިޓާ ޖެނެރަލް އޭރު ލަފާ ދެއްވާފައިވެ އެވެ.
އެމްޑީޕީގެ ވެރިކަމުގައި ބައެއް އިސް ބޭފުޅުން ގަވާއިދާ ޚިލާފަށް ޚަރަދުކުރި ފައިސާ އަނބުރާ ދައްކަން ފިނޭންސް މިނިސްޓްރީން ކުރިން އޮތީ އަންގައިފަ އެވެ. އެ ފައިސާ ނުދައްކައިފި ނަމަ، ފައިސާ ހޯދަން ދައުވާ ކުރާނެ ކަމަށް އެ މިނިސްޓްރީން ކުރިން އޮތީ އިއުލާން ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަބްލަމް
12 July 2018
އެއްކަލަ ކޮތަރަށް ކާންދޭ ސޮރު ދޯ
ދީމާހު
12 July 2018
އެމްޑީޕީ ސަރުކާރުވެސް އޮތީ ބޮއްސުންލާފާ. ކޮޕްރަޝަނާއި އިސްރާފުވެސް މަތީ ހައްދުފަހަނަ އަޅާފައި. ސަރުކާރެއް ހިންގުމާއި ޕޯޑިއަމްތަކަށް އަރާ ސަޅިބައިސާ ކެނޑުމާ އެއީ މުޅިން ދެކަމެއް. ތަރައްޤީ ދެއްކުނީ ހަމައެކެނި ކުރެހުމުން. ކުރެހުމުން ގާފަރުގެ މެގަ ޕްރޮޖެކްޓް ލޯންޗުވެސް ކުރި ދެން ވީގޮތެއް ނޭގުނު. ކުރެހުމުން ތ.އަތޮޅުގެ ރައްތައްވެސް ގުޅާލި. ކުރެވުނުހާވެސް ކަމަކީ ގައުމުގެ ހަރު ބޭރު މީހުންނަށް ވިއްކާލާ، އަމިއްލަ ޖީބުތަކަށް އެފައިސާތައް ވެއްދުން. ތަފާތަކީ އެމްޑީޕީ ސަރުކާރުގެ 3 އަހަރު ދުވަހުގެ ތެރޭގައި ކިތަށް ބަނދަރުތޯ ކިތަށް މަގުތޯ ކިތަށް ނަރުދަމާތޯ، މިސަރުކާރުގެ 3 އަހަރާ އަޅާ ކިޔާލާ. އެމްޑީޕީ ސަރުކާރުން ކަމެއް ނުކޮށް ދެވުމުގެ އިތުރުން ވެރިމީހާ ބިރުން އިސްތިއުފާ ދިން އިރު 1 ބިލިޔަށް ރުފިޔާގެ ބިލްތައް ހުރި ފިނޭންސްގައި ނުދެއްކި. މިއީ އާނމުންނަށް ދައްކަންހުރި ބިލްތައް.
ގައިމް
12 July 2018
ކޮންމެ ބަޔަކު ވެރިކަން ލިބިއްޖިއްޔާ ޖެހުނުތަނުން ކަނީ. އެމްޑީޕީ ވެރިކަމުގައިވެސް ކަމުގައިވެސް ކެއި. މިހާރު ވެރިަކން ނެތުނީމާ ނުކެވޭތީ ވެރިކަން ހޯދަން އުޅެނީ.
އަބްދުއްލާ
12 July 2018
ޑިޒާސް 60 މިލިއަން ކޮބާ ހެލްތް ގެ 12 މިލިއަން ކޮބާ މިގޮތަށް ގޮސް 5 ބިލިއަން އެބައުޅޭ އެމްޑީޕީ ސަރުކާރުގެ ހިޔާނާތް.
އަބްދުއްލާ
12 July 2018
އެމްޑީޕީ ސަރުކާރުގަ މިފަދަ އެތައް ފައިސާގެ މައްސަލަ އެބަހުރި މިއީ ދަވްލަތުގެ ފައިސާއިން އަމިއްލަ ބޭނުންކުރުން މިވާނީ ހިޔާނާތަކަށް. އަދަބު ލިބެންޖެހޭނެ.
ޝޮކްތެރަޕީ
11 July 2018
ކީކުރާނީ އެހެންމީހުންނާދިމާލަ ގުދޯގުދޯ މިކިޔަނީ.
އަނިޔާވެރިން
11 July 2018
ކަލޯމެން ސައިޒުން ވާހަކަ ދައްކާށެވެ. އެއީ ވަޓްސް އަޕް ވައިބަރގެ ޒަމާނެއްނޫނެވެ. ރޯމިން ކޯލްތަކަށް ފިސާރި ޗާޖުކުރި ޒަމާނެވެ. ކަލޯމެން އަމިއްލަ ފޯނުގެ ބިލު އޭރާ މިހާރާ ކޮމްޕެއަރ ކޮށްލާށެވެ. ތަނެއް ދޮރެއް ނޭގުމަށް ވުރެ ހަމަ ނުލަފަހީއެވެ.
އަހުމަދު
11 July 2018
އެމްޑީޕީގެ ވެރިކަމަކީ އަނެއް ދިވެހިރާއްޖޭގައި ކުރެވުނު ވެރިކަމަކަށްވާތީ , ޗާޓުންބޭރުގައި ލާހޫރޭ އިންގެ އުސޫލުން ކަންހިގައި ދިޔައީ.
falaku ain
11 July 2018
ގާތް ގަނޑަކަށް އެއީ 27 މަސް ދުވަސް. މަހަކަށް 11 ހާސްރުފިޔާ ވަރު. މިރައީސުގެ ވެރިކަމުގައި ފުރަތަމަ އަހަރުވެސް ދުއްވާލީ 1.2 ބިލިއަން ރުފިޔާ. އެއީ 12 މަސްދުވަހުގެ ތެރޭ މަހަކަށް 100،000،000 ސަތޭކަ މިލިއަން ރުފިޔާ. އަޅާ ކިޔާލަން ރަނގަޅު ދެއަދަދު.
ދިރާގު
11 July 2018
ކަލޯ މި ލެވެލްގެ މީހުންގެ އަމިއްލަ ފޯނުބިލް ދެއްކޭ ފެންވަރުވެސް ނުހުންނަނީ؟