ދަރުމަވަންތަ ހޮސްޕިޓަލްގައި ނަރުހުންތަކެއް މަސައްކަތްކުރަނީ: ނަރުހުންގެ މުސާރަ ވަނީ ބޮޑުކޮށްފައި-- މިހާރު ފޮޓޯ
19 އޯގަސްޓް 2018 - 19:30
61 comments
ނަރުހުންގެ ވަޒީފާގެ އާ އޮނިގަނޑަށް މި މަހުން ފެށިގެން އަމަލުކުރަން ފަށާފައިވާ ކަމަށާއި އޭގެ ނަތީޖާއަކީ، ނަރުހުންގެ މުސާރައަށް އެވްރެޖުކޮށް 15 ޕަސެންޓުގެ ކުރިއެރުމެއް ލިބުން ކަމަށް ހެލްތު މިނިސްޓްރީން މިއަދު ބުނެފި އެވެ.
އެ މިނިސްޓްރީން ނެރުނު ނޫސްބަޔާނެއްގައި ބުނީ، ނަރުހުންގެ ވަޒީފާގެ އާ އޮނިގަނޑަށް އަމަލުކުރަން ފެށީ އެ މީހުންނަށް ވަޒީފާގެ ކުރިއެރުން ލިބޭ އަދި އެކި ދާއިރާތަކަށް ޚާއްސަ ނަރުހުން ތައާރަފުުރުމުގެ މަގުސަދުގައި ކަމަށެވެ.
"މި އޮނިގަނޑުގެ ސަބަބުން ނަރުހުން މަތީ ތައުލީމް ހާސިލް ކުރުމަށް ޝައުގުވެރިވެ ހިތްވަރު ލިބިގެންދާނެ އެވެ. އަދި މި އޮނިގަނޑު ތަންފީޒުވުމާ ގުޅިގެން އެވްރެޖްކޮށް ނަރުހުންނަށް ލިބޭ އުޖޫރައިގެ 15 ޕަސެންޓުގެ ކުރިއެރުމެއް ލިބިގެންދާނެ އެވެ،" ހެލްތު މިނިސްޓްރީގެ ބަޔާނުގައި ވެ އެވެ.
އެއާ އެކު، ނަރުހުންނަށް މި މަހު މުސާރަ ލިބޭނީ އާ އޮނިގަނޑުގެ ތެރެއިންވެ. ނަރުހުންގެ ތެރެއިން އެންމެ ދަށް ލެވެލް އަކީ އެންރޯލްޑް ނަރުހުންނެވެ. އެ މީހުންނަށް ވެސް، ގެއަށް ގެންދަން ގާތްގަނޑަކަށް 14،000ރ. ލިބޭނެ ކަމަށް ހެލްތު މިނިސްޓްރީން ބުންޏެވެ.
ހެލްތު މިނިސްޓްރީން ބުނިގޮތުގައި ނަރުހުންގެ ވަޒީފާގެ އާ އޮނިގަނޑު ހަދާފައި ވަނީ މައިގަނޑު ހަތަރު ކަމެއްގެ މައްޗަށް ރިއާޔަތް ކުރުމަށް ފަހު އެވެ. އެއީ؛
1) ނަރުހުންގެ ތައުލީމާއި މަސައްކަތުގެ ފެންވަރަށް ބަލައިގެން ކޮންމެ ދެ އަހަރަކުން ކުރިއެރުން ދެވޭ ގޮތަށް.
2) ނާސިންގެ ދާއިރާއިން މަތީ ތައުލީމް ހާސިލް ކުރުމުން އެ ދާއިރާއިން ކުރިއަށް ދިއުމަށް މަގުފަހިވާ ގޮތަށް.
3) ނަރުހުންގެ ދާއިރާއިން ހާއްސަ ނަރުހުން ހިދުމަތަށް ތައާރަފުވެގެން ދާނެ ގޮތަށް.
4) އާއްމު އަދި ހާއްސަ ދާއިރާތަކުގެ މަގާމުގެ ކުރިއެރުން ލިބޭނެ ގޮތަށް.
ހެލްތު މިނިސްޓްރީން ބުނީ ނަރުހުންގެ އާ އޮނިގަނޑު އެކުލަވައިލުމުގައި ސިވިލް ސާވިސް ކޮމިޝަން (ސީއެސްސީ) އާއި އައިޖީއެމްއެޗްގެ އިތުރުން މޯލްޑިވްސް ނާސިން އެންޑް މިޑްވައިފްރީ ކައުންސިލް އަދި ކަމާބެހޭ ފަރާތްތަކާ މަޝްވަރާ ކޮށްފައިވާ ކަމަށެވެ.
އެ މިނިސްޓްރީގެ ހިއުމަން ރިސޯސް ޑިޕާޓްމަންޓްގެ އިިސް އޮފިޝަލަކު ވިދާޅުވީ، ނަރުހުންގެ ވަޒީފާގެ އާ އޮނިގަނޑާއެކު، ވަކި ފެންވަރަކަށް ކިޔެވުމަށް ފުރުސަތު ލިބޭނެ ކަމަށެވެ. އަދި އޮނިގަނޑު އެކުލަވާލާފައިވަނީ މިހާރު ތިބި އެއްވެސް މުވައްޒަފެއްގެ ވަޒީފާ ނުގެއްލޭ ގޮތަށް ކަމަށް ވެސް ވިދާޅުވި އެވެ.
"އާ އޮނިގަނޑާ އެކު ނަރުހުންގެ ފެންވަރު މަތިކުރުމަށް އެކި ތަމްރީނުތަކާއި ޓްރެއިނިން ޕްރޮގްރާމްތައް ހިންގަން ވަނީ ނިންމާފައި. އޭރުން މިހާރު މަސައްކަތުގައި ތިބި ނަރުހުންގެ ފެންވަރު މަތިވެ، ހިދުމަތް ރަނގަޅު ކުރެވިގެން ދާނެ،" އޮފިޝަލް ވިދާޅުވި އެވެ.
އޭނާ ވިދާޅުވީ ނަރުހުންނަށް މީގެ ކުރިން ދެމުން އައި އެލަވަންސްތައް ކަނޑާލާފައިވާ ކަމަށެވެ. އޭގެ ބަދަލުގައި ސާވިސް އެލަވަންސާއި މުސާރަ ބޮޑުކޮށްދީފައިވާ ކަން ފާހަގަކުރެއްވި އެވެ.
"އެހެންވީމާ، އެލަވަންސްތައް ކަނޑާލި ކަމުގައި ވިޔަސް ގެއަށް ގެންދަން ލިބޭ މުސާރަ ކުޑައެއް ނުވާނެ. އޭގެ ބަދަލުގައި 15 ޕަސެންޓްގެ ކުރިއެރުމެއް ލިބިގެން މިދިޔައީ،" އޮފިޝަލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާގިސާ
21 August 2018
މުސާރަ މުސާރަ. ގައުމަށް ޚިދުމަތެއް ކޮށްދީގެން ގައުމު އާރާސްތުކުރަން މަސައްކަތެއްނުކޮށް ކޮން މުސާރައެއް ބޮޑުކުރެވޭނީ. މަށަކީވެސް މިދާއިރާގައި 12 އަހަރުވެފައިވާ މީހެއް. ރައީސުން އަންނަނީ އަންބޮޑިއަށް ރުފިޔާ ޖަހައިގެންތަ ބުނާއިރަށް ތިކަންވާނީ. އަޅުގަނޑުމެންގެ މަސައްކަތަކީ އިންސާނީ ޚިދުމަތް ދިނުން.
Master88888
21 August 2018
މިރާއްޖޭގައި އޮތްވަރަށް ޖިންސީ ތަފާތުކުރުން މުސާރައިގެ ފަރަގު އޮތް ގައުމެއް ދުނިޔޭގަވެސް ނޯންނާނެ. ޓީޗަރުުންނާއި ނަރުހުންނަށް ސިވިލްސަރވިސްގެ އެފެންވަރުގެ އެހެން ހުރިހާ މަގާމްތަކަށް ވުރެ އެތައްތަނެއް ލިބޭ މުސާރައާއި އިނާޔަތްތައް ގިނަ. އެއީ މިދެ ދާއިރާގެ 90% އަކީ އަންހެނުން ކަމަށްވާތީ.
ޑޮކްޓަރުންގެ ސިޓީ / އައްޑޫ ސިޓީ
20 August 2018
ހިތަށް އަރަނީ “ހަމަ ހަޤީގަތުގަވެސް އަގުތަށް އުފުލި މުސާރަ ބޮޑުކުރުމަށް މީހުންއެދި އާދޭސްކުރާސަބަބު މޮޅު އިކޮނޮމިސްޓަށް ނޭގެނީ” ތޯ ނުވަތަ އޭނާ އެކަން އެގިހުރެ ރަނގަޅުކުރާން ބޭނުންނުވަނީހޭ!!؟ . . . ކިރިޔާ ބުއްދި ސަލާމަތުން ހުރިމީހަކަށްވެސް އިގޭނެ ދިމާވެގެން މިއުޅޭ ގޮތަކީ “ދައުލަތުގެ މުއްސަނދިކަމާއި ހުރިހާވަސީލަތްތައް ކުޑަކުޑަ ރަށްގަނޑަކަށް ޖަމާކޮށް ރާއްޖޭގެ އެހެންސަރަހައްދުތަކުގެ ރައްޔިތުން ވަޒަނުންބޭރުވުމަށް މަޖުބޫރުކުރުވާ ކުލީ އަޅުންގެ ދަރަޖައަށް ވައްޓާލުމަށް” މާލޭ ސަރުކާރުން ކުރާ އަދި ކޮށްފައިވާ ކަންކަމުގެ ނަތީޖާގެ ސަބަބުން ނިކުންނަ އިޖުތިމާއީ މައްސަލަތަށްކަން. . . . . މިކަންކަން މިހެންވާނެތީ “ޤާނޫނު އަސާސީ ލިއުނުމީހުން އޭގައި ލާމަރުކަޒީ އުސޫލުން ދައުލަތުގެ އިދާރީ ދާއިރާތަށް ހިންގުމަށް ގަދައަމުރުން އަމުރުކޮށްފައިވަނިކޮށް” ޔާމީންގެ ސަރުކާރުން ލާމަރުކަޒީގެ ބާރުކަޑުވާލާ އެ ޤާނޫނު ނުކުޅެދުންތެރިކޮށް “ކުލީ އަޅުވެތިކަމަށް ރައްޔިތުން ގެނައުމަށް” ވިސްނުން ބަހައްޓާތީ މުސާރައިން ދެކޮޅުނުޖެހެނީ.
ނަރުސް
20 August 2018
ޖީ އެސްޓީ މިވަނީ ދެގުނަކޮށްފަ ކީއްވެތޯ އައިހީއެމް އެޗްގެ ޑިއުޓީ ދެޝިފްޓަށް ނުހެދެންވީ؟؟؟؟؟؟ ސްކޭނަށް ހަދާލަން މާލޭގަ 30 ދުވަސް ކޮޓަރިކުލި ދައްކާލަ ދައްކާލާ އަރަތެއްދޯމީ
ހެލްތު ވާކަރ
20 August 2018
ނަރުހުން ނޫނީ ޞިއްޙީ ދާއިރާގައި ޚިދުމަތް ކުރާ ބަޔަކު ނެތީތޯ، ކޮބާތޯ ހެލްތު ވާކަރުންގެ އޮނިގަނޑު، ކޮބާތޯ ޞިއްޙީ ދާއިރާގައި މަސައްކަތްކުރާ އެހެނިހެން މުވައްޒަފުންގެ މުސާރަ. މިހާރުވެސް ނަރުހުންނަކީ ޞިއްޙީ ދާއިރާގައި ޑަކްޓަރުން ނަގާފަ އެންމެ މުސާރަ ބޮޑު މީހުން. މީ ބޭއިންސާފު، މީ ވަކިބަޔަކަށް މޮޅުކޮށްދިނުން....ވޯޓުން ދައްކާނަން ތިތަން.....އަހަރެމެންނަކީ އުޅޭބައެއްކަން އަންގާލާނަން. އިންޝާﷲ
ކުރުކޮށް
20 August 2018
ކޮބާބާ އެހެން މުވައްޒަފުން
ާފފފފފ
20 August 2018
އަޅެ މިގޮތަށް ފެނަކައިގެ މުވައްޒަފުންގެ މުސާރަވެސް ބޮޑުވާނެ ނަމަ. ގިނަ މުވައްޒަފުންނަށް 4500 ރުފިޔާ ގެއަށް ގެންދަން ނުލިބޭ.
ފާތުމާ
20 August 2018
ކިތައް ނަރުހުންގެ ވަޒީފާ ދައްކުރeވި ކިތައް ނަރުހުންގެ ވަޒީފާ ގެއްލޭކަން ލިޔެލިނަމަ ފުރިހަމަވީސް...
ސީނިއަރ ނަރސް
20 August 2018
ފާތުމަ ރަނގަޅަށް ލިޔުން ކިޔާލަން ފެނޭ. ޢޭރުން އެއްވެސް ނަރުހެއްގެ ވަޒީފާ ދަށްނުވާކަމާއި ވަޒީފާ ނުގެއްލޭކަން ސާފުކޮށް ލިޔެފަ އިންތަން ފެންނާނެ.
ކަނޑުކޮސް
20 August 2018
ކުދިންނޭ. ނަރުހުންގެ އެލަވަންސްތައް ކަނޑާލި ކަމަށް ބުނި ދުވަހު މަ ބުނިން ތީކީ ނަރުހުން ހާސްވާންވީ ކަމެއް ނޫނޭ. ރޔ ގެ ހެޔޮފުޅުކަމުން މުސާރަޔާ އެލަވަންސް ބޮޑުކޮށްދޭނޭ. ރިޔާސީ އިންތިޚާބުގެ ކެމްޕެއިން ސްޓަންޓެއްގެ ގޮތުން. މިއަދު މިއޮތީ މަބުނި ދުވަސް އައިސްފަ...
އާލަމް
20 August 2018
ހައްތާވެސް ސިވިލްސާވިސްގެ މުސާރަ ކޮބާތޯ ޔުނީފޯރމް ބޮޑީތަކަށް ލިބޭ ކުރިއެރުމަކީ މީގެ ތެރެއިންވެސް ކަސްޓަމްސްގެ މުވައްޒަފުންނަށް މުސާރައިގެ ކުރިއެރުމެއް އަދި ވަޒީފާގެ ކުރިއެރުމެއް ނުލިބި ދިހަ ބާރަ އަހަރު އެކަމަކު ސިފައިންނާއި ފުލުހުންނަށް އަހަރު ދެކޮޅު ޕްރޮމޯސަން މީވެސް އިންސާފުތޯ މިކަމާމެދު ވިސްނަންޖެހޭ