ޚަބަރު / ރައީސް އިބްރާހިމް މުހައްމަދު ސޯލިހް

ދިވެހިންގެ ހިއްސާ ނެތް ގޮތަށް އުމްރާނީ ތަރައްގީގެ މަސައްކަތް ހަވާލު ނުކުރާނަން: އިބޫ

އިބޫ ރ. އަލިފުށީގައި ވާހަކަ ދައްކަވަނީ: ވެރިކަމުގެ ފުރަތަމަ 18 މަސް ދުވަހުގެ ތެރޭގައި އޮންނާނީ އިންތިގާލީ އިންސާފު ހޯއްދަވައިދެއްވުން ކަމަށް އިބޫ ވިދާޅުވި -- ފޮޓޯ / އެމްޑީޕީ

އިދިކޮޅު އިއްތިހާދުގެ ސަރުކާރެއްގައި، ރާއްޖޭގައި ހިންގާ އުމްރާނީ ތަރައްގީގެ މަޝްރޫއުތައް ދިވެހި ކުންފުންޏެއްގެ ބައިވެރިވުމެއް ނެތި ބޭރުގެ ބަޔަކާ ހަވާލު ނުކުރައްވާނެ ކަމަށް އިދިކޮޅު ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) މިރޭ ވިދާޅުވެއްޖެ އެވެ.

ނ. އަދި ރ. އަތޮޅަށް އޭނާ ކުރައްވަމުން ގެންދަވާ ކެމްޕެއިން ދަތުރުގެ ތެރެއިން، އަލިފުށީގައި ވާހަކަ ދައްކަވަމުން ވަނީ މިހާރުގެ ސަރުކާރުން ބޭރުގެ ކުންފުނިތަކާ ރާއްޖޭގެ އުމްރާނީ ތަރައްގީގެ މަޝްރޫއުތައް ހަވާލު ކުރަމުންދާތީ އެކަމަށް ފާޑުވިދާޅުވެފަ އެވެ.

"ނަމަވެސް އަޅުގަނޑުމެންނަށް މިއަދު ފެންނަމުން މިދަނީ މިއަދުގެ ސަރުކާރުން މިފަދަ ޕްރޮޖެކްޓުތައް އެއްވެސް ހަމައެއް ނެތި، އެއްވެސް އުސޫލެއް ނެތި ބޭރުގެ ކުންފުނިތަކާ ހަވާލުކުރާ ތަން. އެންމެ ފަހުން ޖުލައި، 30، ވަނަ ދުވަހު އަޅުގަނޑުމެންނަށް ހާމަވެގެން ދިޔައީ 20 ރަށެއްގެ ނަރުދަމާ އާއި ބޯ ފެނުގެ މަޝްރޫއު ބޭރުގެ ކުންފުންޏަކަށް 800 މިލިއަން ރުފިޔާ އަށް ހަވާލު ކުރެވިގެން ދިޔަ ތަން،" ހިންނަވަރު ދާއިރާގެ މެމްބަރު އިބޫ ވިދާޅުވި އެވެ.

އޭނާ ވަނީ އިދިކޮޅު އިއްތިހާދުގެ ސަރުކާރެއްގައި އުމްރާނީ ތަރައްގީގެ މަޝްރޫއުތައް ހަމައެކަނި ބޭރުގެ ކުންފުނިތަކާ ހަވާލު ނުކުރައްވާނެ ކަމަށް ވައުދުވެވަޑައިގެންފަ އެވެ.

"ދިވެހި ކުންފުންޏެއްގެ ހިއްސާ ނެތި ދައުލަތުން ހިންގާ މިފަދަ [އުމްރާނީ ތަރައްގީގެ] މަސައްކަތެއް އަޅުގަނޑުމެންގެ ވެރިކަމުގައެއް ކުރުމުގެ ފުރުސަތު ނޯންނާނެ. އަޅުގަނޑު މި ދެންނެވީ މެގަ ޕްރޮޖެކްޓުތަކުގެ ވާހަކައެއް ނޫން. އަދި މި ދެންނެވީ ޕްރައިވެޓް ސެކްޓާގައި ހިންގާ މަޝްރޫއުތަކެއް ވެސް ނޫން،" އޭނާ ވިދާޅުވި އެވެ.

"އޭގެ ސަބަބުން ރާއްޖޭގެ ކޮންސްޓްރަކްޝަން ދާއިރާއަށް ޓެކްނޮލޮޖީގެ މުއްސަނދިކަން ލިބި ހުނަރުވެރި މަސައްކަތްތެރިން އުފެދިގެންދާނެ."

ރ. އަލިފުށީގެ "ތަޅުދަނޑި" އިބޫއާ ހަވާލު ކުރަނީ: މިއަތޮޅުގެ 15 ރަށަކަށް ދިއުމަށް ވަނީ ހަމަޖެހިފައި -- ފޮޓޯ / އެމްޑީޕީ

މީގެ އިތުރުން، އިބޫ ވަނީ މިހާރުގެ ސަރުކާރުން ކަންކަން ކޮށްފައިވާ ގޮތުގެ ސަބަބުން، އިންސާފު ގެއްލިފައިވާ ފަރާތްތަކަށް އިންސާފު ހޯއްދަވައިދެއްވާނެ ކަމަށް ވިދާޅުވެ އޭނާ މީގެ ކުރިން ވެވަޑައިގެންނެވި ވައުދު ތަކުރާރު ކުރައްވައިފަ އެވެ.

"ގުޅިފައިވާ އިއްތިހާދުން އަޅުގަނޑުމެން އުފައްދާނެ ސަރުކާރުން ކުރާނެ އެންމެ މުހިންމު އެއް ކަމަކީ ޓްރާންސިޝަނަލް ޖަސްޓިސްގެ މަސައްކަތް ކުރުން. އިންތިގާލީ އަދާލަތު ގާއިމް ކުރުން. އަޅުގަނޑުމެންގެ ވެރިކަމުގެ ފުރަތަމަ 18 މަސް ދުވަހު އެންމެ ބޮޑު އަމާޒަކީ މި މަސައްކަތް ކުރުން،" އިބޫ ވިދާޅުވި އެވެ.

ސިޔާސީ ބޭނުންތަކަށް ސަރުކާރުން ޖަލަށް ލާފައި ތިބި މީހުންގެ ހުކުމް އަލުން ބަލައި ވަގުތުން މީހުން ޖަލުން ދޫކުރުމާއި ވަޒީފާއިން ނުހައްގުން ކަނޑާލާފައި ތިބި މީހުންނަށް އަލުން ވަޒީފާ ދެއްވާނެ ކަމަށް ވެސް އިބޫ ވަނީ އަލިފުށީގައި ވިދާޅުވެފަ އެވެ.

"އޭގެ ތެރޭގައި ސިޔާސީ ބޭނުމަށްޓަކައި ޖަލަށް ލެވިފައިވާ ފަރާތްތައް، އަދި އެ ނޫން ވެސް ގޮތްގޮތަށް ޖަލަށްލެވިފައިވާ ފަރާތްތައް، ޖަލަށްލެވިފައިވާ ސަބަބު މުރާޖައުކޮށް ވަގުތުން ދޫކޮށްލަންޖެހޭ ފަރާތްތައް ދޫކޮށްލާނަން. އަދި ސިޔާސީ ބޭނުމަށްޓަކައި ވަޒީފާއިން ވަކި ކުރެވިފައިވާ ފަރާތްތައް، އޭގެ ތެރޭގައި ސިވިލް ސާވަންޓުންނާއި ކުންފުނިތަކުގެ މުވައްޒަފުންނާއި ސިފައިންނާއި ފުލުހުންގެ ތެރެއިން ވެސް ވަކި ކުރެވިފައިވާ ފަރާތްތަކަށް އަނބުރާ އެ ވަޒީފާ އަޅުގަނޑުމެން ދޭނަން،" އޭނާ ވިދާޅުވި އެވެ.

އަދި އިންސާފުން ބޭރުން ނިންމާފައިވާ މަދަނީ މައްސަލަތައް ވެސް އަލުން ބަލައި، އިންސާފު ހޯދައިދީ، އެމީހަކު މަގާމުގެ މަސްއޫލިއްޔަތު އަދާނުކުރުމުގެ ސަބަބުން ރައްޔިތުންނަށް ގެއްލުމެއް ވެފައިވާ ނަމަ އެ މީހަކު އެ ކަމަކަށް ޒިންމާ ކުރުވާނެ ކަމަށް ވެސް އިބޫ ވަނީ ވައުދުވެވަޑައިގެންފަ އެވެ.

"ވަކި ބަޔަކަށް ނުވަތަ ވަކި ފަރާތަކަށް މަންފާވާ ގޮތަށް ނުވަތަ ގެއްލުންވާ ގޮތަށް ނިންމާފައި ހުރި މަދަނީ މައްސަލަތައް ވެސް އަލުން މުރާޖައާ ކުރެވި އޭގެ ރަނގަޅު ގޮތް ހޯދައި އެ ފަރާތްތަކަށް ދޭންވާ ބަދަލު އަޅުގަނޑުމެން ހޯދައިދޭނަން. ދައުލަތަށް ގެއްލުންވާ ގޮތަށް ވެފައި ހުރި އެގްރިމެންޓުތައް އަލުން މުރާޖައާ ކޮށް އަލުން އޭގެ މަސައްކަތްތައް އަޅުގަނޑުމެން ކުރަން ފައްޓާނަން. މަގާމުގެ ޒިންމާ ނުއުފުލުމުގެ ސަބަބުން ރައްޔިތުންނަށް ވެފައިވާ ގެއްލުންތައް އަޅުގަނޑުމެން ބަލާނަން. އޭގައި ޒިންމާވާން ޖެހޭ ފަރާތްތައް ޒިންމާ ކުރުވުމަށް އަޅުގަނޑުމެން މަސައްކަތް ކުރާނަން،" އިބޫ ވިދާޅުވި އެވެ.

ނ. އަތޮޅާއި ރ. އަތޮޅަށް އިބޫ އިއްޔެ ފެއްޓެވި ދަތުރުގައި ވަނީ ނ. އަތޮޅުގެ ހަތަރު ރަށަކަށް ވަޑައިގެންފަ އެވެ. އަދި ރ. އަތޮޅުގެ ފަސް ރަށަކަށް މިއަދު ވަޑައިގެންފައިވާއިރު، ކުރިއަށް އޮތް ދެ ދުވަހުގެ ތެރޭގައި މި އަތޮޅުގެ އިތުރު 10 ރަށަކަށް އޭނާ ދަތުރު ކުރައްވާނެ އެވެ.

22 ކޮމެންޓް, 45 ރިއެކްޝަންސް

icon happy icon happy 49%
icon sad icon sad 0%
icon angry icon angry 51%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ވެދުން ސަލާން

25 August 2018

ގައުމު ދޯ ހަވާލު ކުރާނީ އިންޑިޔާ އަށް؟

The name is already taken The name is available. Register?

ކަޅު ސޮރު

24 August 2018

ބަލަ. މިހާރުވެސް ރާއްޖޭގައި ހިންގާ އުމްރާނީ މަޝްރޫޢުތައް ބޭރުގެ ކުންފުނިތަކާ ޙަވާލު ކުރަނީ އެޗްޑީސީގެ ބައިވެރިވުމާ އެކީގައޭ. އެއީ ސަތޭކަ އިންސައްތަ ދިވެހި ކުންފުންޏެއް. ވާނުވާ ނިކަން އެނގޭތަ.

The name is already taken The name is available. Register?

ހަންޗޭ

24 August 2018

ހަމަ ހިނި އަންނަނީ ތިކަހަލަ ވާހަކަ ދެއްކީމަ. އެމްޑީޕީ ގެ ވެރިކަމުގަ ނޫންތޯ ދިވެހި ކުންފުނިތައް ބަގުރޫޓްވީ..

The name is already taken The name is available. Register?

ރާއްޖެ

24 August 2018

މަށަށް ހީވަނީ ބްރިޖް އެއަރޕޯޓް ދަރުމަވަންތަ ހޮސްޕިޓަލް ހަދާލެވޭނެ ފެންވަރުގެ ދިވެހި ކުންފުނިތަކެއް އަދި ނެތް ހެން. އަމީން ކޮންސްޓަކްޝަނަށް އައިޖީއެމްއެޗްގެ 11 ބުރި ނިންމަން ކިތައް އަހަރު ހޭދަވި؟

The name is already taken The name is available. Register?

ޙިނި

24 August 2018

ޕިސްޕިސް ރައީސް ޔާމިން އިކޮނޮމިސްޓެއް އެކަމަމު މިވަރުވެސް ނުވިސްނުނު

The name is already taken The name is available. Register?

ދަރަނިބޯ

24 August 2018

މިގައުމަކާ ބޭރުމީހުން ބެހިގެންނުވާނެއޭ ގޮތެއްނުކިޔޭނެއޭ ދާހިލީކަންތަކޭކިޔާފަ ޗައިނާއާށް ގައުމުވިއްކާލި ސަރުކާރެއްމީ ދިވެހިކުންފުނިތައް މި 5 އަހަރުވަނީ ނިކަމެތިކޮށްފައި އެކަން ހުއްޓުނުގޮތަކުން ހުއްޓުވަންޖެހޭ ލާރިކާންވީމާ ޗައިނާހަމަ އޯކޭ

The name is already taken The name is available. Register?

ކޭ.އެލް

24 August 2018

އިބޫ މިއުޅެނީ މެލޭޝިއާގެ ރައީސް ކޮޕީ ކޮށްގެންދޯ. ގޯހެއްނޫން އިނގޭ.

The name is already taken The name is available. Register?

ނިބޫ

24 August 2018

މޮޔަ ވާހަކަ ނުދައްކަ ހުރޭ

The name is already taken The name is available. Register?

ނާސިހު / ސ. ހިތަދޫ

24 August 2018

އެލެކުޝަނުން ކާމިޔާބު ވެއްޖެ ނަމަ ދެތްތޯ... ރައިސު ނަޝީދުގެ ވެރިކަމުގެ އެވީ މަދު ދުވަސް ކޮޅުތެރޭގައި ޚޮދު އެމަނިކުފާނައް ވެސް ހިލުމެތް ނެތި ހާދަހާ ބޮޑެތި ވައްކަންތައް އެބަހުއްޓޭ ކޮށްފައި ޚާއްސަކޮށް އައްޑޫގައި ހުޅުވުގެން ދިޔަ ސަދަން ޔުޓިލިޓީ އަށް ސަރުކާރުން ދޫކޮށްފައިވާ ބަޖެޓުން... މިކަމުގައި ޝާމިލުވީ ނަޝީދުގެ ސަރުކާރުގެ އެމް ޕީ އެއްގެ އެއްބަނޑު އެއްބަފާ ބޭބެޔެއް.... އާދެ! މިއަދު ހުޅުމާލެއިން ބޮޑެތ ބިންތައް ގަނެ އެއްމެ ވަރުގަދަ އަށް ގެސްޓު ވިޔަފާރި ކުރަނީ މިދެންނެވި ބޭފުޅާ.... ދަންނަވަން މިއުޅެނީ މަނިކުފާނުގައި އެފަދަ ހިތްވަރެއް އެބަހުރިތޯ މަނިކުފާނުގެ ފަހަތުގައި ނުވަތަ ވެރިކަން ލިބިއްޖެއްޔާމުން ކައިރިވާ މީސްމީހުންގެ ފަރާތުން މިފަދަ އަމަލުތައް ހިންގާކަމުގެ މައުލޫމާތު ސޮލިޑު ޕުރޫފް އާއި އެކު އެނގޭ ފަރާތަކުން މައުލޫމާތު އަރުވައިފިނަމަ ހުއްޓުވައި އެކަންތައް ބެލުމުގެ ހިތްވަރު... ނަޝީދުގެ ވެރިކަން ވެއްޓި ނުވަތަ އިސްތިއުފާ ދިނުމުގައި ހިނގާދިޔަ ހަލަބޮލި ދުވަސް ކޮޅުތެރޭގައި ޔުޓިލިޓީގެ އެކައުންޓު

The name is already taken The name is available. Register?

ަސައި

24 August 2018

ޢޭރުންތާ ދޯ ބައިއެޅޭނީ

The name is already taken The name is available. Register?

މިހާރު ޕޯލް

ވެރިކަމުގެ ނިޒާމު ބަދަލުކުރުމާ މެދު ފެންނަނުފެންނަ ވޯޓެއް ނަގަން
ފެނޭ
25%
ނުފެނޭ
75%
Poll closing: 24 April 2021 19:00

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454