ޖޭޕީގެ ލީޑަރު ގާސިމާއި ކުރީގެ ރައީސް މުހައްމަދު ނަޝީދު--
28 އޯގަސްޓް 2018 - 11:36
61 comments
އަންނަ މަހު 23 ގައި ބާއްވާ ރިޔާސީ އިންތިހާބުގައި އިދިކޮޅު ކޯލިޝަންގެ ދެ ލީޑަރުން ކަމަށްވާ ކުރީގެ ރައީސް މުހައްމަދު ނަޝީދާއި ޖުމްހޫރީ ޕާޓީގެ ލީޑަރު ގާސިމް އިބްރާހިމް ވޯޓުލައްވަން ޖެހޭނީ ޖަލު ފޮއްޓަށް ކަމަށް އިލެކްޝަންސް އިން މިއަދު ބުނެފި އެވެ.
ޖަލު ހުކުމް އިއްވާފައިވާ ނަޝީދާއި ގާސިމް ބޭސް ފަރުވާ އަށް ބޭރަށް ވަޑައިގެން ހިމާޔަތް ހޯދަވައިގެން އުޅުއްވާއިރު ގާސިމް ވަނީ ލަންޑަންގައި ވޯޓް ލުމަށް ރަޖިސްޓްރީ ކުރަން އެދިވަޑައިގެންފަ އެވެ. ރައީސް ނަޝީދު ރީ ރަޖިސްޓްރީ ކުރަން އެދިވަޑައެއް ނުގަންނަވަ އެވެ.
އިލެކްޝަންސް ކޮމިޝަންގެ ތަރުޖަމާން އަހުމަދު އަކްރަމް ވިދާޅުވީ ގާސިމް ލަންޑަނަށް ރީ ރަޖިސްޓްރީ ކުރަން އެދިވަޑައިގަތް ނަމަވެސް އެކަން ކޮށްދެވެން ނެތް ކަން އަންގާފައިވާ ކަމަށެވެ. ޖަލު ހުކުމް އިއްވާފައިވާ ބޭފުޅުންގެ ރީ ރަޖިސްޓްރީ ފޯމް އިލެކްޝަންސް އަށް ހުށަހަޅަން ޖެހޭނީ ކަރެކްޝަނަލް ސާވިސްއިން ކަމަށް އަކްރަމް ވިދާޅުވި އެވެ.
ކޯލިޝަން ލީޑް ކުރައްވާ އަނެއް ދެ ލީޑަރުން ކަމަށްވާ ކުރީގެ ރައީސް މައުމޫން އަބްދުލްގައްޔޫމާއި އަދާލަތު ޕާޓީގެ ރައީސް ޝެއިހް އިމްރާން އަބްދުﷲ ވަނީ ވޯޓު ލުމަށް ޖަލު ފޮއްޓަށް ރަޖިސްޓްރީ ކުރައްވައިފަ އެވެ. އަދި މިހާރު ގޭ ބަންދުގައި ހުންނެވި، ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފު ވެސް ވަނީ ޖަލު ފޮއްޓަށް ރަޖިސްޓްރީ ކުރައްވައިފަ އެވެ.
ނަޝީދާއި ގާސިމް ބޭސް ފަރުވާއަށް ފޮނުވި މުއްދަތު ހަމަވުމުން އަނބުރާ ގައުމަށް ވަޑައިގަތުމަށް އެންގި ނަމަވެސް އެބޭފުޅުން ދިރިއުޅުއްވަނީ ޔޫރަޕުގެ ގައުމުތަކުން ހިމާޔަތް ހޯދަވައިގެންނެވެ. އަދި ސިޔާސީ މަސައްކަތްތަކުގައި އުޅުއްވަ އެވެ.
ސިޔާސީ މަސައްކަތްތައް ކުރެއްވުމަށް އާންމުކޮށް ސްރީ ލަންކާގައި އުޅުއްވާ ރައީސް މުހައްމަދު ނަޝީދަށް 13 އަހަރުގެ ޖަލު ހުކުމެއް އިއްވާފައިވަނީ އެމަނިކުފާނުގެ ވެރިކަމުގައި ކްރިމިނަލް ކޯޓުގެ އިސް ގާޒީ އަބްދުﷲ މުހައްމަދު ގާނޫނާ ހިލާފަށް ބަންދު ކުރި މައްސަލާގަ އެވެ.
މަޝްހޫރު ވިޔަފާރިވެރިޔާ ގާސިމްގެ މައްޗަށް ތިން އަހަރު ދުވަހުގެ ޖަލު ހުކުމެއް އައީ، ރައްޔިތުންގެ މަޖިލީހުގެ މެމްބަރުންނަށް ރިޝްވަތު ހުށަހެޅިކަން ކްރިމިނަލް ކޯޓުގައި ސާބިތުވުމާ ގުޅިގެންނެވެ.
ވޯޓު ލާން ރަޖިސްޓްރީ ކުރި މީހުންގެ ތެރެއިން 5،000 އަށް ވުރެ ގިނަ މީހުންގެ ފޯމް ބާތިލްކޮށް އަލުން ފޯމް ހުށަހެޅުމަށް އިލެކްޝަންސްއިން ވަނީ އަންގައިފަ އެވެ. ބާތިލްވި ފޯމްތައް ހުށަހެޅުމުގެ މުއްދަތު މާދަމާއަށް ހަމަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަންތަރީސް
25 September 2018
ޢަޅުގަނޑުމެން ވޯޓުލައިފިން! ވަރަށްފުރިހަމަ އަޣުލަބިއްޔަތަކުން އިބޫ އަށް ކާމިޔާބު ހޯދައިދިނީ ﷲގެ ވާގިފުޅާއިއެކު ދިވެހި ރައްޔަތުންނެވެ. ޔާމީނު ވަރަށް ނިކަމެތި ބަލިވުމަކުން ބަލިކުރެވިއްޖެ އެވެ. ޙަމްދު ލިއްލާހި. ރައްޔަތުން އަނިޔާވެރިކަން ބަލައެއް ނުގަތެވެ. އެކަމަކު ނުއަގުގައި ފުނިޖެހި ކޮންކުރިޓު ތައް ދިވެހީން ބޭނުން ކުރާނެ އެވެ. ރަށުތެރެއިން ފެންނަ އެއްވެސްބޭނުމެއް ނެތް ބޭކާރު ޚަރަދުން އެއޮތްރީތި އަސުރުމާކުލައިގެ ރީތިކަންވެސް މީހުން ބަލައެއް ނުގަތްަ
އުސްމާލް
29 August 2018
ވޯޓުލާމީހާގެ ސާފުކަމާ ކުށުގެ ރިކޯޑުބަލާކައް އިލެކުސަނައް ނުޖެހޭ..އިލެކްސަން އައް އޮތީވޯޓު ލުމުގެ ހައްގުލިބިގެންވީމީހާގެ މައްޗައް ވޯޓުލުމުގެ މަގު އެމީހަކުހުރިތަނަކުން ފަހިކޮއްދިނުން... ރަޖިސްޓަރ ނުވާނަމަ އިންނަންވާނީ ޖަލަކައްނޫން އެކަމަކު ރައައްވެހިވި ރަށުގެ އެޑުރެސް ކުރވިފާވާ ގެ ހިމެނޭސަރަހައްދުގަ ބަހައްޓާ ފޮއްޓައް..އިލެކްސަނުން ޖަލައް ވޯޓުލެވޭނީ ވެސް ރަޖިސްޓަރީ ކޮއްގެން ،،ފިންގަޕުރިންޓު ނެތި ރަޖިސްޓަރީ ކުރީތޯ ސުވާލު އުފެދޭ ތިޔަވާހަކައިން
ޕްރިޒާނޯސް
28 August 2018
އެހެންވީމާ ރައީސްކަމަށް ކުރިމަތިލި ތިން ބޭފުޅުންނަކީ އިބޫ، ޔާމީން، ޖަލު. ވޯޓު ކަރުދާހުގައި ޖަލުގެ ނަން އޮންނާނެތޯ؟
އިނބޫ
28 August 2018
ޤައިދީން ވޯޓް ލާން ޖެހޭނީ ޖަލަށް. ބޭނުން ހާ ވައްތަރަކަށް ނޫޅެވޭނެ
ހަސަން 18
28 August 2018
ރަނގަޅު ހަމަ
ޖާރިޔާ އަހުމަދު ދީދީ
28 August 2018
ނޫނޭ. އިލެކްޝަންސް އޮފިޝަލުންނާ ވޯޓް ފޮށި ފޮނުވަންވާނެ ޔޫރަޕަށް، އެދެމީހުން ވޯޓްލާން.
ތުއްތުނާ
28 August 2018
ޖަލަށް މުޅިން އާ ޓީމެއް ފޮނުވާނަން 23 އަށް ފަހުގައި...... ފަހަރެއްގައި އިލެކްޝަން ކޮމިޝަންގެ ރައީސް ވެސް ހިމެނޭ ގޮތަށް........... މާގިނަ ދުވަހެއްވެސް ނެތް......
ނަނާހުވަ
28 August 2018
ފޮނި އުންމީދުކޮށް ހުވަފެން ދުށުމަކީ އަނެއްހެން މާބޮޑު މައްސަލައެއް ނޫން.
އައްސަދު
28 August 2018
ސަޅި
ރޮންދު
28 August 2018
ޖަޒީރާ ރައީސް ވަޑައިގަންނަވާނީ ޢިއްޒަތުގަ...... ޝަރީފު މެން ބަލަންތިބޭ.... ރައްޔިތުން މިތިބީ ގޮތް ނިންމައިގެން.... ވަރަށް ސާފު.... އަމިއްލައަށް ހެދި ގާނޫނުތަކުން އަމިއްލައަށް ބަދެވިގެން ދާނީ... އިންޝާﷲ....
އިނބޫ
28 August 2018
ތި ގޮތައް ކަލޭމެން ބުނި ތި ޖަޒީރާ އެއްގެ ނަން ވޯޓް ކަރުދާހުގަވެސް އޮންނާނެ އޭ. ހަހަހަ
ފަސީ
28 August 2018
ބަލަ މޮޔައިންތަކާ!! ރިރަޖިސްޓްރީ ކުރުމުގެ ބޭނުމަކީ އެމީހަކު ރަޖިސްޓްރީވެ ހުންނަ ތަނެއްގައި ވޯޓުލާދުވަހު އޭނަ ނެތުމުގެ ސަބަބުން އޭނައަށް ވޯޓުނުލެވޭތީ ވޯޓުލާ ދުވަހު އެމީހަކު ހުންނަ ތަނަކުން އެމީހަކު ވޯޓުލާން ބޭނުންވެގެން ކުރާ ކަމެއް. ވަކި ނަމެއް ކިޔާ މީހަކަށް މިހެން ނުވާންވީ ކީއްވެތޯ