ޚަބަރު / ރިޔާސީ އިންތިޚާބު 2018

ބިރުދެއްކިޔަސް ސަޕޯޓަރުން ފަހަތަކަށް ނުޖެހޭނެ: އިބޫ

މާލޭގައި "ޖަޒީރާ ފުވައްމުލައް" ޖަގަހަ ހުޅުވައިދެއްވުމަށްފަހު އިބޫ ވާހަކަ ދައްކަވަނީ: ސިވިލް ސާވަންޓުން ވެސް އިދިކޮޅު ކެމްޕެއިނާ ގުޅެމުން އަންނަ ކަމަށް އިބޫ ވިދާޅުވި -- ފޮޓޯ / އެމްޑީޕީ

ހަސަން މުހައްމަދު، މިހާރު

04 ސެޕްޓެމްބަރ 2018 - 23:36

10 comments

އިދިކޮޅުގެ އިއްތިހާދަށް ސަޕޯޓުކުރާ އާންމުންނަށް ބިރު ދައްކަން ސަރުކާރުން މަސައްކަތް ކުރަމުންދާ ކަމަށާއި އެކަމަކު ސަޕޯޓަރުން ތިބީ ފަހަތަށްޖެހޭ ގޮތަށް ނޫން ކަމަށް އިދިކޮޅު އިއްތިހާދުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ) މިރޭ ވިދާޅުވެއްޖެ އެވެ.

މާލޭގައި އުޅޭ ފުވައްމުލަކު މީހުންގެ ކެމްޕެއިން ޖަގަހައެއް ހުޅުއްވައިދެއްވުމަށް ފަހު އިބޫ ވިދާޅުވީ ސަރުކާރުން ދައްކާ ބިރަށް އާންމު ސަޕޯޓަރެއް އަދި އިސް ސަފުގައި މަސައްކަތްކުރާ މީހެއް ވެސް ފަހަތަށް ނުޖެހޭނެ ކަމަށެވެ.

"އަޅުގަނޑުމެންނަށް ބިރު ދައްކައި ބަންދުކުރުމުގެ ވާހަކަތަކެއް އެބަ ދެކެވޭ. އެހެން ނަމަވެސް އަޅުގަނޑުމެންގެ ސަޕޯޓަރުން ތިބީ މިކަން ދޫކުރާ ގޮތަކަށް ނޫން، މިކަމާ ކުރިމަތިލައިގެން ކުރިއަށްދާން. އިރާދަކުރެއްވިއްޔާ އަޅުގަނޑުމެންގެ އެއްވެސް ސަޕޯޓަރެއް، އަޅުގަނޑުމެންގެ އިސް ސަފުގައި އެ އުޅޭ އެއްވެސް މީހަކު ފަހަތަކަށް ނުޖެހޭނެ،" އިބޫ ވިދާޅުވި އެވެ.

Gulhifaivaa Siyaasee Partythakuge Riyaasee Candidate MP @ibusolih adhi Running Mate MP @FaisalNasym Fuvahmulah Jazeera Jagaha hulhuvvai dhevvumuge therein #IbuFaisal2018 #JazeeraRaajje pic.twitter.com/MtNV3MOanB
— MDP Secretariat (@MDPSecretariat) September 4, 2018

ވަޒީފާގެ ބިރު ދައްކަމުންދާއިރު ސިވިލް ސާވަންޓުން ވެސް އަންނަނީ އިދިކޮޅު އިއްތިހާދުގެ ކެމްޕެއިނާ ގުޅެމުން ކަމަށް އިބޫ ވިދާޅުވި އެވެ.

"އަޅުގަނޑުމެން މި ކުރި ދަތުރުތަކުގައި ރަށް ރަށުން މި މަންޒަރު ފެންނަމުން އެބަ ދޭ. ސިވިލް ސާވަންޓުން، ސަރުކާރުގެ ކުންފުނިތަކުގައި މަސައްކަތްކުރާ މުވައްޒަފުން ބިރު ފަހަނައަޅައި ގޮސް އަޅުގަނޑުމެންގެ ކެމްޕެއިނާ ޖޮއިން ކުރަން ފައްޓައިފި،" އޭނާ ވިދާޅުވި އެވެ. "އަޅުގަނޑު ދިޔަ އެއް ރަށަކުން ސްކޫލުގެ ހުރިހާ ޓީޗަރުން ނިކުމެ އަޅުގަނޑުމެންނާ ބައިވެރިވި."

މީގެ އިތުރުން އިބޫ ވިދާޅުވީ އިލެކްޝަންސް ކޮމިޝަނާއި ސަރުކާރާ ގުޅިގެން އިންތިހާބު އޮޅުވާލުމަށް މަސައްކަތްތަކެއް ކުރަމުންދާ ކަމަށެވެ.

"ކިތަންމެ ވަރަކަށް އޮޅުވާލަން މަސައްކަތް ކުރި ނަމަވެސް، ކިތަންމެ ވަރަކަށް ނުފޫޒު ފޯރުވަން މަސައްކަތް ކުރި ނަމަވެސް ރައްޔިތުން ނިކުމެ މިފަހަރު ރައީސް ޔާމީނަށް ބޮޑުތަނުން ނޫނެކޭ ބުނާނެ،" އިބޫ ވިދާޅުވި އެވެ.

މި މަހުގެ 23ގައި ބާއްވާ ރިޔާސީ އިންތިހާބުގައި އިބޫ ވާދަ ކުރައްވާނީ މިހާރުގެ ރައީސް އަބްދުﷲ ޔާމީނާ ދެކޮޅަށެވެ. މިއީ ހަމައެކަނި ދެ ކެންޑިޑޭޓުންނާއެކު، ގިނަ ޕާޓީތައް އެކުލެވޭ ރިޔާސީ އިންތިހާބަކަށް ރާއްޖެ ނިކުންނަ ފުރަތަމަ ފަހަރެވެ.

ސިޔާސީ ޕާޓީ އިދިކޮޅު ފަރާތްތައް ރައީސް އިބްރާހިމް މުހައްމަދު ސޯލިހް އިދިކޮޅު އިއްތިހާދު ރައީސް އަބްދުﷲ ޔާމީން އިންޒާރު ދިނުން

10 ކޮމެންޓް, 29 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބުގަބޫ

05 September 2018

ކޮން ބިރެއްގެ ވާހަކައެއްތަ؟ ޑޮލަރުގެ އަގަށް ވާނެ ގޮތް ނޭނގުންތަ؟ ނޫނީ ދެން ވިއްކާލާނީ ސަރުކާރުގެ ކޮން ކުންފުންޏެެއްކަން ނޭނގުންތަ؟ ނޫނީ ދެން މުޒާހަރާ ކުރަން ނިކުންނާނީ ކޮންކަމަކާ ކަން ނޭންގުން ތަ؟ ނޫނީ ނަސީދު ގެނެސް އަހަރުމެްނގެ ބޮލަށް އަލުން ސަވާރުކުރާނީ ކޮން އިރަކުންކަން ނޭންގުންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން 18

05 September 2018

ތިތާ ތިތިބީ ހުސް މަޖުބޫރުން ގޮސް ތިބި މީހުން ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހީދު

05 September 2018

އިންސާނާ އަކީީ ތަޖުރިބާގެ މައްޗަށް ބުރަވެ ހެދިފަހުންނަ ގޯސް ރަނގަޅު ކުރަންޖެހޭ ބައެކެވެ. 2008 ވަނަ އަހަރު އެމްޑީޕީއިން ބަދަލެކޭ ބުނެ އޯގާތެރި ހެޔޮވެރިކަމެއް ކޮށްދޭނެކަމުގެ ހުވަފެން ދެއްކީ އެކަންޏެއް ނޫނެވެ. އޭރުގެ ރައީސްގެ އަގުވައްޓާލައި އެބޭފުޅާއަށް ތާއިދުކުރައްވާ ބޭފުޅުންނަށް ހަނގާކޮށް ނަފްސާނީީ ގޮތުން ބަލިކަށިކޮށްލުމަށްޓަކައިީ ނަހަދާ ދޮގެއް ނެތެވެ. މިއިންތިޚާބުގައިވެސް ފެންނަނީީ ހަމައެމަންޒަރެވެ. ވެރިމީހާގެ އަބުރު ކަތިލައި، ކަރާމާތް ނަގައިލައިގެންނާއި ނިކަމެތި ރައްޔިތުންނަށް ކަމުގެ ޙަޤީގަތް އޮޅުވާލައްވައިގެން އެމްޑީޕީ ބޭނުމީީ ހަމައެކަނި ވެރިކަމެވެ. ތަފާތަކީީ އޭރު ރައްޔިތުން ގުނބޯ ހެއްދުނު ގޮތަށް މިހާރު ހައްދަން އުނދަގޫވާނެއެވެ. އެކަން ރައްޔިތުން އަންގައިދޭނީީ ރާއްޖޭގެ އިންތިޚާބެއްގައި ފުރަތަމަ ފަހަރަށް %80 ވޯޓު ލިބިވަޑައިގަތް ބޭފުޅަކީީ ރައީސް ޔާމީނުކަން މުޅި ދުނިޔެއަށް ހާމަކޮށްދީގެންނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހީދު

05 September 2018

ތިޔަ ޖަގަހަ ހުޅުވުމުގެ ރަސްމިއްޔާތަށް ފުވައްމުލަކުގެ ރައްޔިތުންގެ ތެރެއިން މާލޭގައި ދިރިއުޅުއްވާ ބޭފުޅުން ނުދިޔައީީ ސަރުކާރުން ކޮން ބިރެއް ދައްކައިގެންތޯއެވެ. ޙަޤީގަތަކީީ އިބޫފައިސަލް އަށް ރާއްޖެ މިއޮތް ޙާލަތުގައި ވެރިކަން ނުކުރެވޭނެކަން ރައްޔިތުންނަށް ޤަބޫލުކުރެވުމާއި، އެމްޑީއަށް ރައްޔިތުންގެ ތާއީދު ނެތުމެވެ. އަޅުގަނޑަކީވެސް ތިޔަ އެމްޑީޕީއަށް ކުރިން ތާއިދުކުރި މީހެކެވެ. މިހާރު އަޅުގަނޑަށް ތިޔަ ފިކުރު ފަކުރަކަށް ވެއްޖެއެވެ. އަދި ދަންނަވަމެވެ. ރައީސް ޔާމީނަށް އަޅުގަނޑު ތާއީދުކުރަނީ ދެއްކި ބިރެއްީ އަދި ދައްކަފާނެ ބިރެއް އޮވެގެން ނޫންކަމާއި، އެއީީ އެމަނިކުފާނުގެ ހަރުދަނާ ޒަޢާމަތުގައި ކުރެއްވި ހެޔޮ ތަރައްޤީީ ބަލައިގަނެ، ހިތާރޫޙުން ކުރާ ތާއިދެއްގެ ބޮޑުކަމުންކަމަށް ދަންނަވަމެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަ

05 September 2018

ވާވާ ހުރިހަ ކުދިން ބިރުން ފިލަށް ދުވަނީތަ!!!! ބިރުގަންނާނީ ފިޑިން. އެންމެންނަށްވެސް އެބައިގޭ ތީ ބޭކާރު އަނގަކަން. އަހަރުމެންގެ ސަރުކާރަކީ އޯގާތެރި ސަރުކާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުގަބޫ

05 September 2018

ބިރޭ ކިޔައިގެން މީހުންގެ ބޮލަށް އެރުމަކީ ހީލަތްތެރި މީހުން އާއްމުކޮށް ކޮށް އުޅޭ ކަމެއް. އެހެން މީހުންދެކެ ބިރުގަންނުވައިގެން އެއާ އިދިކޮޅަށް ދާށޭ އޭއްޗެކޭ މީއްޗެކޭ ގޮވާ ހަދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓަރުންގެ ސިޓީ / އައްޑޫ ސިޓީ

05 September 2018

ބާކީއޮތީ 20 ދުވަސް. ދެން ޔާމީންއަށް އިތުރަށް ރައްޔިތުންނަށްދެއްކޭނެ އިތުރުބިރެއްނޯންނާނެ. . . . ބިރުދެއްކުމަށް ވަކި އޭނާ ބާރުތައް ހޯދާނީ ކޮންތާކުން؟؟! . . . ފެންނާންހުރި މަންޒަރުތަކުން 2013 ގެ ކޯލިށަންލީޑަރުންދިޔަމަގުން “ޔާމީންދުކޮށްދިއުމަށް” ފަހުވަގުތުކޮޅުގެ އިންތިޒާރުގައި “ވަގުތު ގުނަމުންދާ މެންބަރުން ތިބިފަދައިން” އެފަދަ މިނިސްޓަރުންކޮޅެއްވެސް “ހަށިފޮޅާލާފައި ނިކުތުމަށް” ތައްޔާރުވަމުންދާކަމަށް އަޑުވަނީ ފެތުރިފައި. . . . ދައުލަތުގެ ބާރުތަކުގައި ތިއްބެވިފަރާތްތަކަށް މިހާރު “ސާފުކޮށް އިންތިހާބުގެ ނަތީޖާ ލޯމަތިން ފެންނާނެ” އެހެންކަމުން “ބިރުދައްކައިނަމަ” އިތުރަށް އޭނާ ފަޟީހަތްވެ ބޭޒާރުވުން” ނޫންކަމެއް ނުވާނެ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާޑޯ

05 September 2018

ދޮންކަލޯ ބަޔަކު ނޫޅޭ ތިކަހަލަ ފިނޑި ބަޔަކަށް ބިރު ދައްކާކަށް. މިއުޅެނީ ކުރާނެ ކަންކަން ހުސްވެގެންވިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާދާސީދާ

05 September 2018

މިދިޔަ 5 އަހަރު ރައްޔިތުން މިތިބީ ޔާމީނު ދައްކާހާ ބިރަކަށް ޖެހިލުންވޭވޭ. ނަމަވެސް ރައްޔިތުން، އެބައިމީހުންގެ ބަސް އިއްވާނެ 23 ސެޕްޓެމްބަރ 2018 ގައި. 6 މެއި 2017 ގައި ރައްޔިތުންގެ %71 އެވަނީ ރައީސް ޔާމީނަށް ނޫނެކޭ ބުނެފަ! އަދިވެސް ނޫނެކޭ ބުނާމީހުން ގިނަވާނެ!