ޚަބަރު / ރިޔާސީ އިންތިޚާބު 2018

ވޯޓުލާ ދުވަހު ހަމަނުޖެހުން ނުހިންގާތި، އެ ފުރުސަތެއް ނުދޭނަން: އިބޫ

އިބޫ މިއަދު އޮޅުވެލިފުއްޓަށް ވަޑައިގެން ސަޕޯޓަރަކާއެކު ސެލްފީއެއް ނަންގަވަނީ. - ފޮޓޯ: އެމްޑީޕީ

ޅ. އޮޅުވެލިފުށިން، މުހައްމަދު ޔާމީން، މިހާރު

15 ސެޕްޓެމްބަރ 2018 - 09:48

މި މަހުގެ 23 ގައި އޮންނަ ރިޔާސީ އިންތިހާބުގެ މަސްލަހަތު ނަގާލަން ފުރުސަތު ނުދެއްވާނެ ކަމަށާއި އެފަދަ ކަމެއް ކޯލިޝަންގެ އެއްވެސް ސަޕޯޓަރަކު ނުކުރުމަށް އިދިކޮޅު ކޯލިޝަންގެ ރިޔާސީ ކެންޑިޑޭޓު، މުހައްމަދު ސޯލިހް (އިބޫ) މިއަދު ޅ. އޮޅުވެލިފުށީގައި އެދިވަޑައިގެންފި އެވެ.

ރިޔާސީ އިންތިހާބުގެ ކެމްޕެއިނަށް ހަތަރު އަތޮޅަކަށް ކުރައްވަމުން ގެންދަވާ ދަތުރުގައި އޮޅުވެލިފުށީގައި ތިބި އިދިކޮޅު ސަޕޯޓަރުންނާ ބައްދަލުކުރައްވައި އިބޫ ވިދާޅުވީ ވޯޓުލާ ދުވަހު މަސްލަހަތު ގެއްލޭ ފަދަ އެއްވެސް ކަމެއް ރާއްޖޭގެ އެއްވެސް ރަށެއްގައި ނުހިނގާނެ ކަމަށް އުންމީދު ކުރައްވާ ކަމަށެވެ.

އިބޫ އަށް މަރުހަބާ ދަންނަވަން އޮޅުވެލިފުށިން މިއަދު ނުކުތް މީހުން. - ފޮޓޯ: އެމްޑީޕީ

"ހަމަގައިމުވެސް އަޅުގަނޑުމެންގެ ސަޕޯޓަރުން، ގުޅިފައިވާ ކޯލިޝަންގެ ފަރާތުން އެކަހަލަ އެއްވެސް ކަމަކަށް ފުރުސަތެއް ނުދޭނަން،" ޅ. އަތޮޅުގައި އޮންނަ އެންމެ އާބާދީ ކުޑަ ރަށުގައި ހުންނަވައި އިބޫ ވިދާޅުވި އެވެ.

އޭނާ ވިދާޅުވި ގޮތުގައި، ވޯޓުލުމުގެ ކަންކަން ނިންމާނީ ސުލްހަވެރިކަމާއި އަމާންކަމާ އެކީގަ އެވެ. އެހެންވެ، ވީހާވެސް އަވަހަކަށް ރައްޔިތުން ވޯޓުލައި ނިންމުމަށް ފަހު، ގެއަށް ދާން ވާނީ ނަތީޖާ ހޯދުމަށް ފަހު ކަމަށް އިބޫ ވިދާޅުވި އެވެ. އަދި އެއްވެސް ހަމަނުޖެހުމެއް ނުހިންގަން އޭނާ ތަކުރާރުކޮށް އެދިވަޑައިގެންނެވި އެވެ.

"ގާނޫނުއަސާސީގައި ބުނެފައިވާ ގޮތަށް އިންތިހާބުގެ ކަންކަން ނިމެންދެން މަޑުކޮށްލަދެއްވާ. ތޭވީސް ސެޕްޓެމްބަރުގައި ނެގޭ ވޯޓަކީ ގައުމަށް ބަދަލު ގެނައުމަށް ކުރާ މަސައްކަތް ފަށައިގަންނަ ދުވަހަށް ވެގެންދާނެ،" އިބޫ ވިދާޅުވި އެވެ.

އޮޅުވެލިފުށިން، އޭނާއަށް ކީ ހޫނު މަރުހަބާއަށް އިޝާރާތް ކުރައްވައި އިބޫ ވިދާޅުވީ އޮޅުވެލިފުށިން ބޮޑު ތާއީދެއް ލިބިގެންދާނެ ކަމާ މެދު ޝައްކެއް ނުކުރައްވާ ކަމަށެވެ. އަދި ރާއްޖޭގެ ކޮންމެ ރަށަކަށް ވަޑައިގަތުމުން ވެސް، އެ ރަށެއްގެ ރައްޔިތުން ބޭނުންވަނީ ބަދަލެއް ކަމަށް އިބޫ ވިދާޅުވި އެވެ.

އިބޫ މިއަދު އޮޅުވެލިފުއްޓަށް ވަޑައިގަތުމުން، އެ ރަށުގެ ރައްޔިތުން މަރުހަބާ ދަންނަވަނީ. - ފޮޓޯ: އެމްޑީޕީ

އޭނާ ވިދާޅުވީ އޮޅުވެލިފުށީ ޒުވާނުންނަށް ރަނގަޅު ފެންވަރުގެ ފުޓްބޯޅަ ދަނޑެއް ހެދުމުގެ އިތުރުން ރަށު ބަނދަރު ފުންކޮށް، ބޮޑުކޮށްދޭނެ ކަމަށެވެ.

އެމްޑީޕީ އިދިކޮޅު ފަރާތްތައް އަދާލަތު ޕާޓީ ޅ. އޮޅުވެލިފުށި ޖުމްހޫރީ ޕާޓީ ޅ. އަތޮޅު ރައީސް އިބްރާހިމް މުހައްމަދު ސޯލިހް ރާއްޖޭގެ ސިޔާސީ ހަމަނުޖެހުން

19 ކޮމެންޓް, 176 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަލީހު

15 September 2018

އާ މަވެސް އަޑުއެހިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސް

15 September 2018

ނިހާނުގެ ޕޯލަށް ވޯޓުދޭ ކަހަލަ ފޭކް އައިޑީތަކެއް މިހާރު ނޫހުގެ ކޮމެންޓްބަޔަށް ލައިކްދޭން އުޅުނަސް ވޯޓުގެ ނަތިއްޖާ އިން އެގޮތަށް ކުރިހޯދިދާނެކަމަށް ހީނުކުރާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

15 September 2018

އެމްޑީޕީ އިން މި އިންތިހާބުގަ ހަމަނުޖެހުން ހިންގާ ވޯޓް ހަރާބުކޮށް ފިލްމެއް ކުޅެ ބޭރުދުނިޔެއަށް ދައްކަން އުޅޭކަމުގެ ހަބަރުތަކެއް އެބައިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުގަބޫ

15 September 2018

މުޅިރާއްޖޭގައި 2012ގައި ހުޅުޖެހީ ހަމަޖެހުން އުފައްދަން ދޯ؟ މުޅި މާލެ ހަލަބޮލިކޮށް ރޯދަމަހު ދުވާލަށް ދަންދެން މުޒާހަރާކޮށް މުޅި މާލެ ހަލާކު ކުރީ ހަމަޖެހުން އުފައްދަން؟؟؟ އުސްފަސްގަނޑު ހިސޯރު ކޮށްގެން އެތައް މަހެއްވަންދެން ވަހުޝީކަންކަން ހިނގީ ހަމަޖެހުން ހޯދަން؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޮކެޓް ސައިންސް

15 September 2018

2012 ގައި ތަންތާ ހުޅުޖެހީ އެމްޑީޕީ މީހުންނަމަ އެމީހުން ތިބޭނީ ގޮޅީގަ. މައްސަލަ ތަހުގީގުކޮއް ނިމުނުއިރު މުޅިންވެސް އެކަން ގޮސް ނިމެނީ ޑޕޕ ކުދިންނާ ހިސާބުން. އެހިސާބުން ފުލުހުންވެސް އެކަންތަށް ހުއްޓާލަން ޖެހުނީ. ކޮންމެސް އެހެން ގައުމެއްގެ މީހުންކައިރީ ތިވާހަކަ ދައްކަބަލަ. ދައްކަދީބަލަ އެމައްސަލައިގަ ހުކުމެއް އައިސްފަ ހުރި އެންމެ މީހެއްވެސް. އަނގައެއް އޮތީމަ އަދިވެސް ވާހަކަދައްކާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު

15 September 2018

މަ ހިތައްއަރާ މިޔޮއް ހުރިހާ ދުވަސްވީއިރު ތިޔަ ބުނާ ކަންކަން ތަހުޤީޤު ނުކޮށް އޭގެފަހުން އައި ސަރުކާރުތަކުން އެކަންތައްތައް އޮއްބާލައިގެން ތޮބެދާނެ ބާއޭ؟ ހަމަ ޔަޤީނުންވެސް އެމް.ޑީ.ޕީ މީހަކަށް ހުކުމެއް ކުރެވެން އޮތިއްޔާ ނުކޮށް ތިބެދާނެބާއޭ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ިއިބްރާ

15 September 2018

ހަމަނުޖެހުން ހިންގާނީ އިދިކޮޅުން. އެފުރުސަތެއް ނުދޭނަނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ީއިނޫ

15 September 2018

ހާދަހީވެޔޭ އިބޫ ހަމަނުޖެހުމެއްގެ ތެރެއަށް ވައްޓާލަން އުޅޭހެން ...ބަލިވާކަން ގަބޫލްކުރާމީހުން އާމުކޮން މިކަހަލަ ފޭކްވާހަކަ ދަށްކާއުޅޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު687

15 September 2018

ތާރީޚު ހެކިދޭ ދިވެހިންގެ ގަޔައް ބަޑިޖެހީ ކޮންބަޔެއްކަން ދިވެހިންގެ މުދަލާއި އިމާރާތްތަށް އެންދީ ކާކުކަން އަދި އެދުވަހު ޕީޖީ ލީޑަރު ހެދިފައި ހެވިފައި ހުރީ ކާކުކަން! އަދި މިހާރުވެސް ވޯޓުލާ ދުވަހު ގެޔައް ނުވަދެ މަގު މަތިން އެކަން ނިންމަން ގޮވަނީ ކާކުކަން! އޮޅުވާލާނެ ކަމެއްނެތް ތިޔަ އުޅެނީ ގޯހެއް ހަދަން، ކުރީބައިގައި ބަރިއްޔަވާވެގެން ތިޔަހެން ތިކިޔަނީ