ކުޑަހުވަދޫގައި ރޭ ބޭއްވި ޖަލްސާގައި ޝާހިދު ވާހަކަ ދައްކަވަނީ. - ފޮޓޯ: އެމްޑީޕީ
17 ސެޕްޓެމްބަރ 2018 - 08:23
22 comments
ރައްޔިތުންނަކީ ހުސްބުޅީގައި ގަންނަން މުށިމަސްތަކެއް ކަމަށް ރައީސް އަބްދުﷲ ޔާމީން ހީފުޅުވާ ކަމަށާއި ވައުދުތައް ނުފުއްދަވައި ހުސްބުޅީގައި ބާނަން އުޅުނަސް ރައީސަށް އެކަން ނުކުރެއްވޭނެ ކަމަށް ރައްޔިތުންގެ މަޖިލިހުގެ ކުރީގެ ރައީސް އަދި މަޖިލިހުގެ ހެންވޭރު އުތުރު ދާއިރާގެ މެމްބަރު އަބްދުﷲ ޝާހިދު ރޭ ވިދާޅުވެއްޖެ އެވެ.
އިދިކޮޅު ކޯލިޝަނުން ދ. ކުޑަހުވަދޫގައި ބޭއްވި ޖަލްސާގައި ޝާހިދު މިފަހަރު މިސާލު ބަސްތައް ޖެއްސެވީ ރައްޔިތުންނަށް ދެމުން އަންނަ ސަބްސިޑީޒްތައް ކަނޑާލުމާ ގުޅުވައިގެންނެވެ. އޭނާ ވަނީ ރައްޔިތުންނަށް ލިބޭ އިނާޔަތްތަކުގެ ބައެއް ވަކި ބަޔަކަށް ދާތީ އެކަމަށް ވެސް ފާޑު ވިދާޅުވި އެވެ.
ޝާހިދު ވިދާޅުވި ގޮތުގައި، ރައްޔިތުންނަކީ "ހުސްބުޅީގައި ގަންނަ މުށިމަސްތަކެއް" ކަމަށް ރައީސް ޔާމީން ހީފުޅުކުރައްވަ އެވެ. ޝާހިދު ވިދާޅުވީ ވެ ވަޑައިގެންނެވި ވައުދުތައް ފުރިމަނުކޮށް ނުދެއްވައި ރައީސް ޔާމީން އުޅުއްވަނީ ރައްޔިތުން އަނެއްކާ ވެސް "ބާނަން" ކަމަށެވެ.
ރައްޔިތުންގެ އުނުއޮތް ފޮށާ ވެސް ދަމައިގެނެ، ރައްޔިތުން ކާން ގެންގުޅޭ "ބަތް ތަށި" ފަހަތުން ވެސް ރައީސް ޔާމީން ދުއްވައިގެންފައިވާ ކަމަށް ޝާހިދު ވިދާޅުވި އެވެ.
"މި ހިސާބަށް ކަން ގޮސްފައި އޮއްވައި ފަސް އަހަރު ވަންދެން މިއިން ރަށަކަށް އަރައިވަޑައިނުގެން ހުންނަވާފައި، ފަސް އަހަރު ފަހުން ރަށްރަށަށް އެބަ އަރައިވަޑައިގަންނަވާ. ވެލާ އަރާ ބީދައިން ދެ ފަސް ބެދޭ ހިސާބަށް، ބަރު ހަތިޔާރާއެކު ވަޑައިގަންނަވާފައި ވިދާޅުވަނީ ތިމަން މަނިކުފާނަށް ވޯޓު ވޯޓު ދޭށޭ. ލަދެއް ނެތީ،" ގިނަ އަދަދެއްގެ ބަޔަކު ބައިވެރިވި ޖަލްސާގައި ޝާހިދު ވިދާޅުވި އެވެ.
އެކަމަކު، ރައީސް ޔާމީނަށް މިފަހަރު، ރައްޔިތުންނަށް އެ ލޮޓި ނުދެއްވޭނެ ކަމަށާއި ރައްޔިތުން ހޭލާ ތިބި ކަން އެމަނިކުފާނަށް ވިސްނި ވަޑައިގަންނަވާނެ ކަމަށް ޝާހިދު ވިދާޅުވި އެވެ. އެހެންވެ، ޝާހިދު ވިދާޅުވި ގޮތުގައި ރައީސް ޔާމީން މިހާރު މަސައްކަތް ކުރައްވަނީ އެކިކަންކޮޅުތަކުގައި "ފިލި" ޖަހާލުމަށެވެ.
ޝާހިދު ވަނީ އަންނަ އާދިއްތަ ދުވަހު ވޯޓުލާއިރު، ވޯޓު ވިއްކުމުގެ ހުތުރު އަމަލުގައި ބައިވެރިނުވުމަށް ރައްޔިތުންނަށް އިލްތިމާސް ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ އަލީ
17 September 2018
ހުސް ބުޅީގައި މަސްވެރި ކަމަކީ ދެމެހެއްޓެނެވި މަސްވެރިކަމަކީ! އެން އުކާފަ މަސްބާނާނީ ހުސްބުޅީގައި! ޒަމާނުނއް ސުރެ ދިވެހިން މަސްބާނަނީ އެހެން! އަދިވެސް އެމަސް ވެރިކަން މާ ކަމިޔާބު! ޗަކޮޔާމެން އެންލައިގެން ހަލުވާލަ ހަލުވާލަ ތިބެލާ! އެންކޮޅު ކައިގެން ގޮސް ވޯޓް ލާނީ ޔާނުއަށް ވަރަށް ސަލާން!
ހައިއްޓޭ
17 September 2018
ބުރޯ ހުސްބުޅީގަ ގަންނާނެ ކަމަށް ތ ބޭފުޅާއަށް ހީވުމަކީ މޮޔަ ހިޔާލެއް. ރައީސް ޔާމީން 2018 ކާމިޔާބު ކުރާނީ މި ވޭތުވެދިޔަ ފަސް އަހަރު ގެނެސްދިން ތަރއްގީއާ ކުރި އެރުމާ އެކު ރަނގަޅަށް އެންކޮޅު އަޅުވާފަ. ކުރުދޮށީގަ ބާނާ ހުސްކުރާނީ އިންޝާ ﷲ
ވަފިއްޔަ
17 September 2018
ވ ބޮޑުތެދެއް ހީވަނީ ރައްޔިތުންމީ އެއްވެސް ބައެއްނޫންހެން
ހިނގާ
17 September 2018
އަޅަމާ ތަންކޮޅެއް ބޮޑު އައިނެއް. ރައީސް ޔާމީން ރައްޔިތުން ބާނަނީ ބުޅީގަ ވަރަށް ބައިވަރު އެއްޗެހި ލާފަ. އެންމެ ފަހުން ބުޅީގަ ލީ މެގަ ބްރިޖެއް. ދެން އޮތީ ބިޔަ އާ ރަންވޭއެއް. ދޮށީ އުމުރުގެ މީހުންނަށް ދޭ ލާރިކޮޅު އިތުރުކޮށްފަ އެ މީހުންނަށް ބުޅި އެއްލެވީ. ގެދޮރު ނެތް މީހުންނަށް ގެދޮރު ދޭގޮތަށް އެމީހުންނަށް ބުޅި އެއްލެވީ. އެތައް އެއަޕޯޓްތަކެއް ހަދައިދީފަ އެ ލާފަ ބައެއް ރަށްރަށަށް ބުޅި އެއްލެވީ. ދެން މިހެން ގޮސް ލިއާނެ ޖާގަ ނުދޭ ނޫހުން މިހާރަކު.
ހެހެ
17 September 2018
މިގައުމުގެ ގާނޫނު ހަދާ މަޖްލިހުގައި އެއް އިރެއްގައި ހުންނެވި ރައީސެއް އެމްޑީޕީން އެއްލި ހުސްބުޅިއެއްގައި ޖެހިގެން ޕާޓީ ބަދަލުކޮށް ވަރަށް މަސައްކަތް ކުރެއްވި ގައުމުގެ ރައީސްކަން ލިބޭނެ މަގާމްކަމަށްވާ ޕާޓީގެ ރިޔާސީ ކެނޑިޑޭޓްކަން ހޯއްދަވަން. އެކަމު އެކަން ލިބުނީ އެންމެ ފަހުން އެމްޑީޕީ މީހުންގެ ލޭ ހިނގާ މީހަކަށް.
ތަކަންދޫ މާރަންދޯ2018
17 September 2018
ބަލަ ބޮޑެތި މަސްބާނަނީ ބޮޑު އެމުގަ.....ތީ ބާނަފަހުރި މަސްކޮޅު ކާލި ގްރޫޕް. ޖީ.އެމް.އާރު ޝާހިދަށް ކިހާވަރެއް ލިބުނު ތޯ.
ނަން
17 September 2018
ރީނދޫ ހުން ދަނެގަނުވުނު ފަހުން އެންމެ ފުރަތަމަ އެ ޖެހުނު އެކަކު މިވެސް.
ޝިޔާމް
17 September 2018
ހުސްބުޅީގައި ރައްޔިތުން ބާނާނީ ތިޔަބޭފުޅުން. އެއީ އެއްވެސް ޝައްކެއް އޮތްކަމެއް ނޫން.
ރޯޒްސް
17 September 2018
އެކަމު ބުޅި ހުހެއް ނޫންތާ އެއޮތީ ކާންދީފައި އޮތްވަރު؟؟ ތިބޭފުޅުން ނޫންތޯ ތިބުނަނީ ޚަރަދު ކުރިވަރުން ރާއްޖެ މިއޮތީ އިނދަ ޖެހިފައޭ؟؟؟؟ އަޅުގަނޑަށް ހީވަނީ މާގިނައިން ކާންދީގެން ބާނާތީ ތިބޭފުޅުން ލާ އެމަށް ދެން ރައްޔިތުން ނުގަންނާނީ ހެން..!!!!
ހާމިދުބެ
17 September 2018
މަސްވެރިކަމޭ މަގޭލޯތްބަކީ، ދޮތްތޯ ޝާހިދޫ. ކަލޭގެ ބަސްމޮށުންތެރިކަން މަސްވެރިކަމަށް އެކަނި ލިމިޓް ވެފަ ހުރުމުންތޯއްޗެ ކަލޭ ރިޔާސީ ކެންޑިޑޭޓަކަށް ނުހަދާ، ޕަޕެޓް އިބުއަށް އެފުރުސަތުދިނީ.