ސުޕްރީމް ކޯޓު ސަރަހައްދަށް އެއްވެ ތިބި މީހުން ފަހަތަށް ޖައްސަނީ-- ފޮޓޯ: ނިޝާން އަލީ/މިހާރު
14 އޮކްޓޯބަރ 2018 - 13:44
70 comments
އިންތިޚާބު ބާތިލް ކޮށްދިނުމަށް އެދި ހުށަހަޅާފައިވާ މައްސަލައިގެ މާދަމާގެ ޝަރީއަތުގެ އަޑުއެހުމަށް ވަންނަން ބޭނުންވާ މީހުން ނަން ނޯޓު ކުރުން އޮންނާނީ ހެނދުނު 8:30 އިން 9:45 އަށް ކަމަށް ޖުޑީޝަލް ޑިޕާޓްމަންޓުން ބުނެފި. މާދަމާގެ ޝަރީއަތުގެ އަޑުއެހުން ފަށާނީ ހެނދުނު 10:30 ގައި.
2018 އޮކްޓޫބަރު 15 ވަނަ ދުވަހު ދިވެހިރާއްޖޭގެ ސުޕްރީމް ކޯޓުގައި ކުރިއަށް ގެންދިއުމަށް ތާވަލުކުރެވިފައިވާ، ނަންބަރު 2018/SC-C/44 ޤަޟިއްޔާގެ ޝަރީޢަތް އަޑުއެހުމަށްޓަކައި ވަޑައިގަންނަވާ ބޭފުޅުންގެ ނަން ނޯޓުކުރުން، ހެނދު 08:30 އިން 09:45 އަށް ކުރިއަށްދާނެ ވާހަކަ ދެންނެވީމެވެ.
— Maldives Judiciary (@judiciarymv) October 14, 2018
ޖުޑީޝަލް ޑިޕާޓްމަންޓުގެ ޓުވީޓު
ގާނޫނީ ވަކީލް ހިސާން ހުސައިން: ރައީސް ޔާމީންގެ ފަރާތްޕުޅުން ހުށަހަޅާފައިވާ މައްސަލަ އަކީ އެއްވެސް އަސާސެއްގެ މައްޗަށް ބަލައިގެން ހުށަހަޅާފައިވާ ޝަކުވާތަކެއް ނޫން. މިއީ އެބޭފުޅުންނަށް ބަލި ގަބޫލު ނުކުރެވިގެން ކޮންސްޕިރަސީ ތިއަރީތަކެއްގެ މައްޗަށް ހުށަހަޅާފައިވާ މައްސަލައެއް. ހެއްކާއި ގަރީނާއެއް ވެސް އެބޭފުޅުން ހުށަހަޅުއްވައިފައެއް ނެތް. ސުޕްރީމް ކޯޓުން ކުރިން ނެރުނު ގައިޑްލައިނާ ޚިލާފަށް އެއްވެސް ކަމެއް ހިނގި ކަމަކަށް ވެސް ރައީސް ޔާމީންގެ ފަރާތްޕުޅުން ހުށަހަޅައިފައެއް ނެތް.
މިއަދުގެ ޝަރީއަތުގައި އޮތީ ރައީސް ޔާމީންގެ ފަރާތްޕުޅުން ދައުވާ ހުށަހެޅުމާއި އިލެކްޝަންސް ކޮމިޝަނާއި އިދިކޮޅު ކޯލިޝަނުން ޖަވާބުދާރީވުން.
— Ahmed Nishaath (@Nihthu) October 14, 2018
ސުޕްރީމް ކޯޓު ދޮށަށް އިދިކޮޅު ސަޕޯޓަރުން އެއްވުން.
ސުޕްރީމް ކޯޓުގައި ބޭއްވި ޝަރީއަތުގެ އަޑުއެހުން މިއަދަށް ނިންމާލައިފި. އިތުރު އަޑުއެހުމެއް މާދަމާ ހެނދުނު 10:30 ގައި އޮންނާނެ ކަމަށް މިއަދުގެ އަޑުއެހުން ނިންމައިލައްވަމުން ފަނޑިޔާރުންގެ ބެންޗުން އިއުލާން ކުރެއްވި.
ސުޕްރީމް ކޯޓު ސަރަހައްދުން މީހަކު ހައްޔަރު ކޮށްގެން ގެންދަނީ.---ފޮޓޯ: އަހުމަދު ނިޝާތު/މިހާރު
ޝަރީއަތް 15 މިނިޓަށް މެދުކަނޑާލައިފި.
ސުޕްރީމް ކޯޓުގައި ޝަރީއަތް ފެށިގެން ކުރިއަށް ގެންދާއިރު، އެ ކޯޓުގެ ހުޅަނގު ކަންމަތިން ކުރިމަތީގައި ހުންނަ ޔުނިވާސަލްގެ އިމާރާތުގެ ގޯޅިގަނޑުގެ ތެރޭގައި އަދިވެސް އިދިކޮޅު މީހުން އެބަތިބި. އަދި އެ ސަރަހައްދުގައި އެސްއޯ ފުލުހުން އަންނަނީ ހަރަކާތްތެރިވަމުން.
ސުޕްރީމް ކޯޓު ސަރަހައްދުން ދެންމެ ވަނީ މީހަކު ހައްޔަރު ކޮށްފައި. އޭނާ ހައްޔަރު ކުރުމުގެ ތެރޭގައި ފުލުހުން ވަނީ ޕެޕާ ސްޕްރޭ ވެސް ޖަހާފައި.
ސުޕްރީމް ކޯޓު ސަރަހައްދުން މީހަކު ހައްޔަރު ކޮށްގެން ގެންދަނީ.---ފޮޓޯ: އަހުމަދު ނިޝާތު/މިހާރު
އިންތިޚާބު ބާތިލް ކޮށްދިނުމަށް އެދިވަޑައިގެން ރައީސް ޔާމީން ހުށަހެޅުއްވި މައްސަލައިގެ ޝަރީއަތް މިއަދު މެންދުރު 1:00 ގައި ފަށާފައިވާއިރު އަދިވެސް އެ ޝަރީއަތް ނުނިމޭ.
ބޮޑު ތަފާތަކުން ބަލިވެވަޑައިގެންނެވި ރިޔާސީ އިންތިޚާބު ބާތިލް ކުރަން ރައީސް އަބްދުﷲ ޔާމީންގެ ފަރާތްޕުޅުން ހުށައެޅުއްވި މައްސަލައިގެ ފުރަތަމަ އަޑުއެހުމާ ދިމާކޮށް ސުޕްރީމް ކޯޓު ދޮށަށް އެއްވި މީހުން، ދުރަށް ޖައްސައި، ސިފައިންނާއި ފުލުހުން ފޯރި މަރަން ފަށައިފި އެވެ.
ނިމިފައިވާ ރިޔާސީ އިންތިހާބެއް ބާތިލްކުރަން ރާއްޖޭގައި ފުރަތަމަ ފަހަރަށް ހުށަހެޅި މައްސަލައިގެ ޝަރީއަތް ފަށަން ހަމަޖައްސާފައި އޮތީ މިއަދު މެންދުރު 1:00 އަށެވެ. އެކަމަކު ހެނދުނުއްސުރެ އެތައް ބަޔަކު ތިބީ އަޑުއެހުމަށް ވަންނަން ކިޔޫ ހަދައިފަ އެވެ. އޭގެ ތެރޭގައި އިދިކޮޅު ކޯލިޝަންގެ އިސް ބައެއް ބޭފުޅުންނާއި ސަރުކާރާއި ޕީޕީއެމްގެ ބައެއް ބޭފުޅުން ވެސް ތިއްބެވި އެވެ.
ސުޕްރީމް ކޯޓު ދޮށަށް ގިނައިން އެއްވީ، އޮމާންކަމާ އެކު ނިމުނު އިންތިހާބު ބާތިލްކުރަން ޝަރީއަތަށް ހުށަހެޅުމުން ހިތްހަމަނުޖެހިފައި ތިބި އާންމުންނެވެ. އެކަމަކު ޕީޕީއެމްގެ ބައެއް ސަޕޯޓަަރުން ވެސް، އެއްވި މީހުންގެ ތެރޭގައި ހިމެނެ އެވެ.
ސުޕްރީމް ކޯޓު ސަރަހައްދަށް އެއްވެ ތިބި މީހުން ނުރުހުން ފާޅުކުރަނީ-- ފޮޓޯ: ނިޝާން އަލީ/މިހާރު
ފުލުހުންނާއި ސިފައިން އާންމުން ދުރުކުރަން ފެށީ ޕީޕީއެމާއި އިދިކޮޅު ކޯލިޝަންގެ ސަޕޯޓަރުން ޒުވާބު ކުރަން ފެށުމުންނެވެ. އާންމުން ފަހަތަށް ޖެއްސީ، ސުޕްރީމް ކޯޓުގެ އިރުމަތީ ކޮޅުން، އެސްޓީއޯ ސުޕަމާޓާ ހަމައަށެވެ. އެކަމަކު ސުޕްރީމް ކޯޓުގެ ހުޅަނގު ކަންމަތިން ކުރިމަތީގައި ހުންނަ ޔުނިވާސަލްގެ އިމާރާތުގެ ގޯޅިގަނޑުން މީހުން ދުރެއް ނުކުރެ އެވެ. ޔުނިވާސަލްގެ އިމާރާތުގެ ކަންމަތީގައި ބެރިކޭޑް ޖަހާފައި، އޭގެ ފަހަތުގައި އާންމުން ތިބެން ވަނީ ދޫކޮށްލައިފަ އެވެ. އެހެންކަމުން ސުޕްރީމް ކޯޓާ އެންމެ ކައިރީގައި ތިބީ އެ ގޯޅިގަނޑަށް އެއްވެފައިވާ އާންމުންނެވެ.
ސުޕްރީމް ކޯޓުގެ ހުޅަނގު ކަންމަތިން ކުރިމަތީގައި ހުންނަ ޔުނިވާސަލްގެ އިމާރާތުގެ ގޯޅިގަނޑަށް އެއްވެފައި ތިބި މީހުން ފަހަތަށް ޖެއްސުމަށް އެސްއޯ ފުލުހުން މިއަދު ހަރަކާތްތެރިވަނީ.---ފޮޓޯ: އަހުމަދު ނިޝާތު/މިހާރު
އެކަމަކު ފަހުން ސްޕެޝަލް އޮޕަރޭޝަންސްގެ ފުލުހުން ގޮސް، އެ ގޯޅުގަނޑުން ވެސް މީހުން ދުރަށް ދާން އެންގި އެވެ. އޭގެ އިތުރުން ފަހުން ފުލުހުން ވަނީ ޝީލްޑާ އެކު ސުޕްރީމް ކޯޓު ކައިރިިން، އޯކިޑް މަގުގައި އެތުރިފަ އެވެ.
އިދިކޮޅު މީހުން އަޑުއުފުލަމުން ދަނީ އިންތިހާބު ބާތިލްކޮށްގެން ނުވާނެ ކަމަށް ބުނެ އެވެ.
އިލެކްޝަންސް ކޮމިޝަނަށް ދައުވާ ލިބޭ ގޮތަށް ރައީސް ޔާމީންގެ ފަރާތްޕުޅުން ހުށަހަޅާފައިވާ މައްސަލާގައި އެދިފައި ވަނީ އިންތިޚާބާ ގުޅިގެން ޕީޕީއެމުން ފާހަގަކުރި މައްސަލަތައް ތަހުގީގު ކުރުމަށް ފުލުހުންގެ މައްޗަށް އަމުރުކޮށް ދިނުމަށާއި އަދި އިންތިހާބު ބާތިލްކޮށް، އަލުން އިންތިޚާބު ބާއްވަން އަމުރުކޮށް ދިނުމަށެވެ.
އެ މައްސަލައިގެ ތެރެއަށް އިދިކޮޅު ހަތަރު ލީޑަރުންގެ ފަރާތްޕުޅުން ވެސް މިހާރު ވަނީ ވަދެފަ އެވެ.
ރައީސް ޔާމީން ބަލިކޮށް، ރިޔާސީ އިންތިޚާބު އިބޫ ކާމިޔާބު ކުރެއްވީ 134،705 ވޯޓުންނެވެ. އެއީ 58.4 ޕަސެންޓެވެ. ރައީސް ޔާމީނަށް ލިބިވަޑައިގަތީ 96،052 ވޯޓެވެ. އެއީ، 41.6 ޕަސެންޓެވެ. މިއީ، ރާއްޖޭގައި މިހާތަނަށް ބޭއްވި ރިޔާސީ އިންތިޚާބެއްގައި އެންމެ ފަރަގު ބޮޑު ނަތީޖާ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަދުލު
14 October 2018
މައްސަލައިގަ އެދިފަ އެއޮތީ އިތުރަށް އިންވެސްޓިގޭޓް ކޮށްދިނުމަށާއި, އިލެކްޝަން ބާތިލު ކޮށްދިނުމަށް. ވީއިރު ހެކި ހޯދަން ޖެހޭނީ ފުލުހުން ދެއްތޯ! ޝަރީއަތުން ނިންމަންވީ އޭގައި އެޒާތުގެ ކަމެއް ހިގާފަ އޮތް ކަމަށް ބެލެވޭ ކަމަށް ވަންޏާ އެކަން ކަން ފުލުހުން ބަލައި ދިނުމަށް! ދައުލަތަށް ބޮޑު ގެއްލުމެއްވާ ގޮތަށް ޗާޕް ކުރަން ހަވާލު ކުރީ ގާނުނުތަކާއި ފުށު އަރާ ގޮތައް ކަމުގަ ވާނަމަ ތުހުމަތު ކުރުމުގެ ޖާގަ ތަނަވަސްވޭ.
ބުއްލޭ
14 October 2018
ޔާމީނު ހޮވީވެސް ކޯޓުން އެހެންވީމަ އަހަރުމެންނަށް ޓަކާ ކޯޓުން މީނާ ބާލައިދީ. ޕްލީޒް
ޑޮކްޓަރުންގެ ސިޓީ / އައްޑޫ ސިޓީ
14 October 2018
ޝައްކެއް ވަސްވާހެއްނެތް ދަރަޖައަށް ތަފާތުބޮޑުކޮށް “ރައްޔިތުން ނެރެފައިވާ ވޯޓްގެނަތީޖާ ބޮލާލާ ޖެހިޔަނުދޭނެކަމަށް އެމަރިކާ އިޤިރޭސިވިލާތް ޔޯރަޕްއިއްތިހާދު ފާޅުގައި ބުނާބުނުމަކީ ޑިމޮކްރެޓިކް ވެރިކަމަކަށް އެދިއެދިތިބި ދިވެހިންނަށް ލިބޭ ހިތްވަރެއް” ކަމުގައި ދެކެން. . . . މިކަން ތަކުރާރުވިޔަނުދިނުމަށް ވެރިކަމުގެ ނިޒާމް ލާމަރުކަޒީ ކުރުމަށް ތެދުވެ އެކަން ކުރާންޖެހޭ. ތާއަބަދު މިސަކަރާތް ނުޖެހޭނެ. ޕާލަމެންޓްރީ ސިސްޓަމް ހޯދަން ތެދުވޭ.
އަޖޭ
14 October 2018
މިތަންމެ ބޮޑު ތަފާތަކުން ހޮވުނަސް ބާތިލު ކުރަވަރު ގެ ކަމެއް އޮތީޔަ އެކްނކުރުމަށް ވުރެ ހައްގުކަން ބޮޑު ގޮތެއް ނޯންނާނެ.ގައުމު ހަލަ ބޮލިވަކަށް ނުޖެހޭ. ޔަމީނަށް އިންތިހާބު ނުބާއްވާވެސް ހުރެވުނީސް އެކަމަކު ބާއވަން ޖެހޭއެޗަކަށްވާތީ| ބޭއްވީ. ދެން ވަކި ކޮޅަކަށް ބުރަވުމުގެ މާނައެއް ނެތް.ހުރިހާމީހުން ވެސް ހަޖަމް ކުރަން ދަސްކުރަން ވީ.
ޢަބްދުﷲނާފިޒް
14 October 2018
އަޖޭ، ކީކޭތަ ތިކިޔަނީ! ޔަމީނަށް އިންތިހާބު ނުބާއްވާވެސް ހުރެވުނީހޭ، އެކަމަކު ބާއްވަން ޖެހޭއެޗަކަށްވާތީ ބޭއްވިއްޔޭ، ބޯހަލާކު ހަމަ ފިސާރި ތެދެއް، ބާއްވަން ޖެހޭ އެއްޗެއް ދެން ނުބާއްވާ ހުރެވޭނެ ހަމަ އެއްވެސް ގޮތެއް ނެތް، އެހެން ވެގެން ބޭއްވީވެސް، ވަރަށް ސަލާމް.
ބުހުތާނު
14 October 2018
އިންތިހާބު ބާތިލުކޮށްފިނަމަ ވެރިކަންދާނީ ފުލުހުންނާސިފައިންނަށްބާ!!!
އާރީ
14 October 2018
ކޮސްފިރަސީގެ މާނައަކީ ކޮބާ?
ހުސީނާ
14 October 2018
ކަމެއް އޮތްގޮތް ނޫންކަން ދައްކަން ނުވަތަ ކަމުގެހަގީގަތް އޮޅުވާލަން ގާނޫނާއި ގަވައިދާ ޚިލާފަށް ރާވާ ވަގުރޭވުން.
ބަލި ޤަބޫލް
14 October 2018
ސާބަސް ހިސާނަށާއި އިލެކްޝަންގެ ގާނޫނީ ޓީމަށާއި އިދިކޮޅު ކޯލިޝަންގެ ވަކީލުންތަކަށް. ތިޔަ ގޮތުގައި ކުރިޔަށްގޮސް މައްސަލަ ކާމިޔާބުކުރޭ. ދިވެހި އެންމެހާ ރައްޔިތުން ބެލްޓު ބާރުކޮށްލައްވާ. އަދި ސަފުތައް އަތުރާލައި ވަރުގަދަ ޢަޒުމެއްގައި މަސައްކަތްކުރެއްވުމަށް ގޮވާލަން. ޑިކްޓޭޓަރެއްގެ އަނިޔާވެރިކަމާއި ޖައްބާރުކަމުން ޤައުމު ސަލާމަތްކުރަން ވަކީލުން ކުރާ ހިތްވަރަށް އައްސަރިބަހާއި ސާބަސް. ﷲ ގެ އިރާދަފުޅުން ކާމިޔާބުގެ އައްސޭރިޔަށް ދަތުރުކުރެވޭނެ.
މަނިއްޕުޅު
14 October 2018
ތާއިދެއްނެތޯ ހެހެ ހެހެ ތާއިދެއްނެތޯ ހެހެ ހެހެ މިވަރުގެ މީހުން މިދަނީ ސުޕްރީމް ކޯޓަށް... ލަދުން ބޯހަލާކު !
ސަރީފް
14 October 2018
މިގައުމު.އެންޑީޕީއާއި ހަވާލުކުރަން މަރުހެޔޮނުބާނެ.
ގަސްކަނޑާ
14 October 2018
ޔާމިންއާއި ހަވާލުކުރީމަ ވީގޮތް ފެނިގެން ރައިއްޔަތުން ބޮޑުތަނުން ނޫނެކޭބުނީ!
ޑާޑާޑާޑާޑާ
14 October 2018
އެންޑީޕީ އަކީ އަނެއްކާ ކޮންބައެއްތޭ ސަރީފޫ.......
އަހުމަދު ސަމީރު ހއ. ވަށަފަރު
14 October 2018
އަޅުގަނޑު ވޯޓްލީ ރައީސް ޔާމީނަށް. އެކަމަކު، ރައްޔިތުންގެ ތެރެއިން މެޖޯރިޓީއަށް ތަރައްޤީ އަށް ވުރެ އިންސާފު މުހިންމޭ ބުނުމުން އެކަން ޤަބޫލުކުރައްވާ 2023 ގެ ޕީޕީއެމް ޕްރައިމަރީގައި ވާދަކުރައްވާ. ކަމަކާނުލައި މިޤައުމުގެ ހަލަބޮލިކުރައްވާފައި އިތުރު ވޯޓެއް މިހާލަގައި ނަންގަވައިފިނަމަ، ރައީސްގެ އަބުރުފުޅަށް އުނިކަން އަންނާނެ. ހެޔޮބަސް ޤަބޫލުފުޅުކުރައްވާ!