އިންޑިޔާއާ ގުޅިގެން މަސައްކަތް ކުރުމުގެ ސޮފްހާއެއް ފެށިއްޖެ: ޝާހިދު

ފޮރިން މިނިސްޓަރު ޝާހިދު، އިންޑިޔާގެ ފޮރިން މިނިސްޓަރު ސުޝްމާއާ ސަލާމްކުރައްވަނީ.-- ފޮޓޯ: އިންޑިޔާގެ ފޮރިން މިނިސްޓްރީ

26 ނޮވެމްބަރ 2018

ރާއްޖޭގެ އާ ސަރުކާރާއި އިންޑިޔާ ގުޅިގެން މަސައްކަތް ކުރުމުގެ ސޮފްހާއެއް މިހާރު ފެށިފައިވާ ކަމަށް ފޮރިން މިނިސްޓަރު އަބްދުﷲ ޝާހިދު މިއަދު ވިދާޅުވެއްޖެ އެވެ.

މި މަހުގެ 17 ވަނަ ދުވަހު ވެރިކަމާ ހަވާލުވި އާ ސަރުކާރުގެ ފޮރިން މިނިސްޓަރުގެ ހައިސިއްޔަތުން ރާއްޖެއިން ބޭރަށް ކުރައްވާ ފުރަތަމަ ދަތުރުގައި އިންޑިއާއަށް ވަޑައިގެން، އެ ގައުމުގެ ފޮރިން މިނިސްޓަރު ސުޝްމާ ސްވަރޭޖާ އެކު ބޭއްވެވި ބައްދަލުވުމަށް ފަހު ކުރެއްވި ޓްވީޓެއްގައި ޝާހިދު ވިދާޅުވީ، އުފާވެރިކަމާއި ހިތްހަމަޖެހުން، އެ މަޝްވަރާތަކުން ފާހަގަކުރެއްވުނު ކަމަށެވެ. ނަމަވެސް ސުޝްމާއާ އެކު ބޭއްވެވި ބައްދަލުވުމުގެ ތަފްސީލެއް މިނިސްޓަރު ނުދެއްވަ އެވެ.

ކުރީގެ ރައީސް އަބްދުﷲ ޔާމީންގެ ސަރުކާރުގައި ރާއްޖެއާ ގުޅުން ގޯސްވެފައިވާ އަވަށްޓެރި އިންޑިއާއަށް ޝާހިދު ކުރައްވާ ދަތުރުގައި ފިނޭންސް މިނިސްޓަރު އިބްރާހިމް އަމީރާއި އިކޮނޮމިކް މިނިސްޓަރު ފައްޔާޒް އިސްމާއިލް ވެސް ބައިވެރިވެވަޑައިގަންނަވަ އެވެ.

Deeply touched and encouraged by the warmth and generous spirit of discussions with External Affairs Minister @SushmaSwaraj. A new era of enhanced cooperation emerging in #Maldives-#India relationship under President Ibrahim Mohamed Solih. pic.twitter.com/4zVadxxG89
— Abdulla Shahid 🎈 (@abdulla_shahid) November 26, 2018

ޝާހިދު ކުރެއްވި ޓްވީޓް

އިންޑިޔާގެ ބޮޑުވަޒީރު ނަރެންދްރަ މޯދީ ވަނީ އާ ރައީސް އިބްރާހިމް މުހައްމަދު ސޯލިހް މަގާމުގެ ހުވާކުރެއްވި ރަސްމިއްޔާތަށް ރާއްޖެ ވަޑައިގެންފަ އެވެ. މިއީ މޯދީ ރާއްޖެއަށް ކުރެއްވި ފުރަތަމަ ދަތުރުފުޅެވެ.

ދައުލަތުގެ ބަޖެޓުގެ ތާށިކަން ފިލުުވުމަށްޓަކައި އިންޑިޔާއިން 250 މިލިއަން ޑޮލަރާއި 350 ޑޮލަރާ ދެމެދުގެ އަދަދެއްގެ ފައިސާ ބޭނުންވާ ކަމަށް ރާއްޖެއިން ވަނީ ބުނެފަ އެވެ. އިންޑިއާގެ ސްޓްރެޓީޖިކް ނިއުސް އިންޓަނޭޝަނަލް (އެސްއެންއައި) އަށް ދެއްވި އިންޓަވިއުއެއްގައި ޝާހިދު ވިދާޅުވީ ރާއްޖެ އަށް އެ ވަރުގެ އެހީއެއް ބޭނުންވާކަން މޯދީ އަށް ރައީސް އިބްރާހީމް މުހައްމަދު ސޯލިހް ހިއްސާ ކުރައްވާފައިވާ ކަމަށެވެ.

ޔާމީންގެ ސަރުކާރުން ޗައިނާއާ ބޭއްވި ގާތް ގުޅުމުގެ ސަބަބުން ރާއްޖެ އާއި އިންޑިއާގެ ޒަމާންވީ ގުޅުން ގޯސްވެފައިވާއިރު މި ސަރުކާރުން އެކަން ހައްލު ކުރާނެ ކަމުގެ ވައުދު ރައީސް ވަނީ ރިޔާސީ އިންތިހާބުގެ ކެމްޕެއިންގައި ވެވަޑައިގެންފަ އެވެ.

އަބްދުﷲ ޝާހިދު، ފޮރިން މިނިސްޓަރު ޑިޕްލޮމެޓިކް ގުޅުން ސުޝްމާ ސްވަރާޖް ރާއްޖެ-އިންޑިއާ އިންޑިއާ ރާއްޖޭގެ ޚާރިޖީ ސިޔާސަތު

19 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޥަސޫދޭވާ

27 November 2018

އިންޑިއާ އަށް ފިލާވަޅެއް ލިބެން އުޅެނީއެވެ. ވަސޫދޭވް އާއިލާ މީހުންނަށް މި ވާހަކައިން ޚަބަރުކޮއްލަ ދެއްޗެވެ. ދަނޭވާދް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންކަމަނަ/ތާ އަތޮޅު

27 November 2018

ރާއްޖެއަށް ލިބެން މިއުޅޭ ފިލާވަޅު އިންޑިއާ އަށް ވެސް ލިބޭނެއެވެ. ސަރްފަރޯޝީކީ ތަމަންނާ އަބް ހަމާރޭ ދިލްމެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޝްހޫދު

27 November 2018

މީނަ އެއްޗެއެ ކާލައިގެންތަ މިއުޅެނީ؟ ދޭ ބޮލި ހިލަން. އަނެއްކާ ބޮލި ހިލަން އެނގޭނެބާ؟ ދެން ގޮސް ކަނޑައް ފައިބާނީކީނޫން އެހެން ބުނީމަ. ބޮޑު ކަމެއް ސަހާދަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންކަލޯ

27 November 2018

ސާހިދު އަކީ ޖީ.އެމް.އާރު ކޭސްގަވެސް އެންމެ ބޮޑު ބައެއްކުޅުނު މީހާ، އެނެއްކާ އަނެއްގޭސްގަނޑު އަނބުރަނީ، ދެންގެންދާނީ ރައީސް. އަޅުވެތިކަމުގެ ފެށުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޝީރު

27 November 2018

ކޮބާތަ ސުބްރަމާނިޔަމް ސުވާމީ ޖީ. އެއީ އިންޑިޔާގެ ސަރުކާރު ހިންގާ ޕާޓީގެ ވަރަށް މަތީ މީހެއް ކަމަށް ވަނީ. ރާއްޖެ ހިފަން އޭނަ ގޮވާލެއްވި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

27 November 2018

އިންޑިއާގެ ތައްޕާހުން މިގައުމު ސަލާމަތް ކޮށްދިނީ ރައީސް ޔާމީނު. އަނެއްކާވެސް އަޅުވެތިކަމަށް ގޮސް ސަލާންޖެހުމުގެ ސަގާފަތް އާލާކުރީ. ގައުމުތަކަށް ދަރަނީއޭ ގޮވިމީހުން ވެރިކަމަށް އަރާ ދެހަފްތާތެރޭގައި އިންޑިއާއިން 300 މިލިއަން ޑޮލަރުގެ ލޯނު ނަގަން ސަލާން މިޖަހަނީ ބަޖެޓް ސަޕޯޓަށޭކިޔާފައި. ކިހާ ދެރަކަމެއްމީ. ވެރިކަން ކުރަން އެނގޭތީ ނޫންދޯ އެކަމާއުޅުނީ. ބޭނުންވި ކަންތައް ވެއްޖެ. ކުށްވެރިން ދޫވެއްޖެ. ދެން ގައުމު ވިއްކާ ނުލައި އިސްތިޢުފާދީ.