ކުރީގެ ރައީސް މައުމޫން އަބްދުލްގައްޔޫމް.---ފޮޓޯ: ހުސައިން ވަހީދު/މިހާރު
28 ނޮވެމްބަރ 2018 - 21:33
52 comments
ރިޔާސީ އިންތިހާބުގެ ކެމްޕެއިނަށް ވިޔަފާރިވެރިޔާ އަބްދުﷲ ޖާބިރު 29 މިލިއަން ރުފިޔާ ކުރީގެ ރައީސް މައުމޫން އަބްދުލްގައްޔޫމަށް ދެއްވި ކަމަށް ވިދާޅުވި ވާހަކަ، މައުމޫން ރިފޯމް މޫވްމަންޓުން ދޮގުކޮށްފި އެވެ.
ޖާބިރު މިއަދު ކުރެއްވި ޓުވީޓެއްގައި ވިދާޅުވީ ވިލިނގިލީ ދާއިރާގެ މެމްބަރަކަށް އޭނާގެ އަނބިކަނބަލުން ދިޔާނާ ސައީދު ވެވަޑައިގަންނަވާނެކަމުގެ ޔަގީންކަން އޮތް ކަމަށާއި އެކަމަށް ހުރަސް އަޅުއްވާ ބޭފުޅަކަށް މައުމޫން ވެވަޑައިނުގަންނަވާނެ ކަމަށެވެ. އެ ވާހަކައަށް ބާރު ދެއްވުމުގެ ގޮތުން ޖާބިރު ދެން ލިއުއްވީ އެމްޑީޕީ ކޯލިޝަނަށް ރިޔާސީ އިންތިހާބު ކާމިޔާބުކޮށްދޭން ކެމްޕޭންކުރަން މައުމޫނަށް އޭނާ 29 މިލިއަން ރުފިޔާ ދެއްވި ކަމަށެވެ.
I am confident Dhiyana will be the next Member of Parliament for Vilingili/Kolamaafushi constituency representing MDP. Raees Maumoon will not be an obstacle in this journey. I paid 29 million Rufiyaa to Raees Maumoon for the campaign to win the Presidency for the MDP coalition.
— Abdulla jabir (@chairmanjabir) November 28, 2018
އަބްދުﷲ ޖާބިރު މިއަދު ކުރެއްވި ޓުވީޓު.
އެކަމަކު އެ ވާހަކަ ދޮގުކުރަން އެމްއާރުއެމުން ނެރުނު ބަޔާނެއްގައި ބުނީ ޖާބިރު ހެއްދެވީ އިތުރުފުޅެއް ކަމަށެވެ. އަދި ރިޔާސީ ކެމްޕެއިނަށް މައުމޫނާއި އެމްއާރުއެމްގެ ޓީމަށް ޖާބިރު އެއްވެސް ފައިސާއެއް ދެއްވާފައި ނުވާ ކަމަށް ވެސް އެމްއާރުއެމުން ބުންޏެވެ.
ޖާބިރަކީ ރައީސް އިބްރާހިމް މުހައްމަދު ސޯލިހުގެ ހާއްސަ މަންދޫބެވެ. އަދި ކުރީގެ ރައީސް މުހައްމަދު ނަޝީދުގެ ޕޮލިޓިކަލް އެޑްވައިޒަރަކީ ވެސް އޭނާ އެވެ.
ޖާބިރު ދާދި ފަހުން ވަނީ އަންނަ އަހަރު ބާއްވާ މަޖިލީހުގެ އިންތިހާބުގައި އެމްޑީޕީގެ ޓިކެޓުގައި ކާށިދޫ ދާއިރާ އަށް ކުރިމަތިލައްވާނެ ކަން ވެސް އިއުލާން ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
Dhaandhoo
29 November 2018
2018 ފެބުރުއަރީ 5 ވަނަދުވަހުގެ ރޭ ދަންވަރުން ފެށިގެން މައުމޫން އޮތީ ޖަލުގައި ވޯޓް ލައި ނިމެންދެން ވެސް . 2017 ގެ އޮކްޓޫބަރ އިން ފެށިގެން ފާރިސް އޮތީ ޖަލުގަ ނޫންތޯ ؟ ވީއިރު ރިޔާސީ އިންތިޚާބުގެ ކެމްޕޭނަށް 29 މިލިއަންރުފިޔާ މައުމޫނަށް ދިނީ ކޮން އިރަކު ކިހިނަކުންބާ ؟ ރިޔާސީއިންތިޚާބުގެ ކެމްޕޭނަށް މައުމޫނަށް ފައިސާދޭންޖެހޭ ސަބަބަކީ ކޮބާބާ ؟ ރިޔާސީ އިންތިޚާބަށް ޚަރަދު ކުރަން މައުމޫނަށް ޖެހުނީ ކޮންސަބަބަކާއި ހެދިބާ؟ މިފައިސާ ޚަރަދު ކުރީ ކަރެކްޝަނަށްބާ؟
ނޭގުނު
29 November 2018
ކޮން އިރަކުތަ ދިނީ؟ މައުމޫން އެހާ ދުވަހު ޖަލުގައި ހުރި އިރު ތިއާ ހަވާލުވި މީހަކީ ކާކު؟
ޝާއިރާ
29 November 2018
ހާބިރުގެ ވާހަކަ މަށަށް ގަބޫލު ކުރެވެން އޮތީ، އެއްވެސް ކަމަކާއި ނުލައި އޭނަ އެވާހަކަ އެދެއްކީ، މައުމޫނާއި މައްސަލައެއް ޖެހިގެނެއް ނޫން. 1 ފެބުރުއަރީ އަމުރު ނެރުނު ދުވަސްވަރު 30 މިލިޔަން ރުފިޔާ، ނުވަތަ 2 މިލިޔަން ޑޮލަރުގެ ވާހަކަ ވެސް އަޑު އަރައިގެން ދިޔަ.
ނޭނގުނު ވާހަކަ
29 November 2018
ދޮގުނެވި. ކަމެއް ބޭނުންވީމަ ފެނިފަ، އެކަމެއް ނިމުމުން ޚަބަރެއް ދަބަރެއް ނުވާމީހުން.
ޖުހާބެ
29 November 2018
ކޮބާ މަބުނީމެއްނު ހުސްދޮގޭ، ތިޖާބިރު ނަހަދާނެ ތެދެއް.
ޝާއިރާ
29 November 2018
މައުމޫނު އެއްބަސްވާނެތަ؟
މަރުމޯލު
29 November 2018
މަޖިލީހުގެ ގޮޑި ރައްޔިތުން ނީލަމަށް ނުލާ ޤާބިލް މީހުން ގޮނޑިޔަށް ވާދަކުރެވޭނެ ހަރުދަނާ އުސޫލެއް ހަމަޖައްސަން އެބަ ޖެހޭ!
ފޮނިޓައްޕު ހަސަނު
29 November 2018
ޖާބިރު ބިޑް ކުރީ ވިލިވަރު ބިޔާދޫ އަށް އެރަށުގެ ބިޑް ކާމިޔާނު ނުވުމުން ވަނީ ޑީއާރުޕީއަށް ވަދެގެން އޭގެ ބަދަލުގައި ހޯދީ ކާފު އަތޮޅު ކުޑަވިލިނގިލި ބިޑަކާއި ނުލައި. ދުވަސް ކޮޅަކުން ކުއްޔައް ނެގީ ހެރެތެރެ ރިސޯޓް ކުލިނުދައްކައިގެން އެތަކެއް މިލިއަން ޑޮލަރައް ދަަރަނި ވެރިވީމައި އެމް.ޑީ.ޕީއަށް ވަދެގެން ޖާބިރު ދައުލަތަށް ފައިސާ ދެއްކުމުގެ ބަދަލުގައި ދައުލަތުން ޖާބިރަށް ދިނީ 7 މިލިއަން ޑޮލަރު.
ރަނާ
29 November 2018
ޖާބިރަކީ ހޮނޑާފުށީ ޖާބިރުކަން ވެސް ވިސްނަން ޖެހޭނެ ހޮނޑާފުށީ ހިނދުކޮޅުގަ ދައްކާ ވާހަކައަކަށް ވެދާނެ ޖާބިރު ކޮންމެފަދަ ވާހަކައެއްވެސް ދައްކަފާނެ ދޮގުހަދަން އެވަރުގެ ދެވަނަ މީހަކީ އަންނި މިފަދަ މީހުން މަޖްލިސްއާ ސަރުކާރުން ދިރުކުރަން ކެހޭ
ފާޒް
29 November 2018
މަޖްލިސް އިންތިޚާބާ ކުރިމަތިލާ މީހުންނަކީއަމިއްލަ ރިސޯޓާ މުއްސަދި ވިޔަފާރި ވެރިން ނޫންކަމުގައި ހަދަން ވެއްޖެ އަދި އެއީ ކިޔަވައިގެން ތިބޭމީހުން ކަމުގައިވެސް ހަމަޖައްސަން ވެއްޖެ ކަމަށް ފެނޭ
ABDULLLAH JALEEL
29 November 2018
ޖާބިރު ތި 29 މިލިއަން ޑޮލަރު ދިންނަމަ އޭނަގެ ނިޔަތް އޮންނާނީ އޭގެ ބަދަލުގައި ސިޔާސީ ނުފޫޒު ފޯރުވައިގެން އެދިން އަދަދުގެ 100 ގުނަ ހޯދުން. ހަގީގަތަކީ އޭނަ ސިޔާސީ ފަރާތަކަށް ފައިސާކޮޅެއް ދީފައި އޭގެ ބަދަލު ހޯދަނީ ދައުލަތުގެ މުދަލުން ކޮންމެވެސް ސިޔާސީ ނުފޫޒު ފޯރުވައިގެން. މިއީ ވަރަށް ހިތާމަ ހުރިކަންތައްތައް.