އިންތިޒާޖް ފަހުމީގެ ކެމްޕެއިން ޖަލްސާގައި ރައީސް މިރޭ ވާހަކަ ދައްކަވަނީ: ބޯހިޔާވަހިކަމުގެ ބޮޑު މަޝްރޫއެއް ފައްޓަވާކަން ވަނީ އިއުލާން ކުރައްވާފައި. -- ފޮޓޯ: އެމްޑީޕީ
18 މާޗް 2019 - 22:51
71 comments
ބޯހިޔާވަހިކަމުގެ ބޮޑު މަޝްރޫއެއް މާލޭގައި ފެށުމަށް ވަރަށް އަވަހަށް އިއުލާން ކުރައްވާނެ ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
ރިޔާސީ އިންތިޚާބުގައި މާލޭން އެ މަނިކުފާނަށް އެންމެ ގިނަ ވޯޓު ލިބިވަޑައިގެންނެވި މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީގެ ކެމްޕެއިން ޖަލްސާގައި ވާހަކަ ދައްކަވަމުން ރައީސް ވަނީ މާލެއަކީ ދިރިއުޅެން ފަސޭހަ ތަނަކަށް ހައްދަވާނެ ކަމަށް ވިދާޅުވެފަ އެވެ.
އެގޮތުން ބޯހިޔާވަހިކަމުގެ ބޮޑު މަޝްރޫއެއް ވަރަށް އަވަހަށް އިއުލާން ކުރައްވާނެ ކަމަށް ވިދާޅުވި އެވެ. ނަމަވެސް އެކަމުގެ ތަފްސީލެއް ނުދެއްވަ އެވެ.
އަމީނިއްޔާ ސްކޫލުގައި ބޭއްވި ޖަލްސާގައި ރައީސް ވިދާޅުވީ މާލެއަކީ ބަޔަކު ދިރިއުޅެން ރަނގަޅު ނުވާނެ ހުރިހާ ސިފައެއް ހުރި މުޖުތަމައުއެއް ކަމަށެވެ. އޭގެ ތެރޭގައި ބޯހިޔާވަހިކަމުގެ މައްސަލަ އާއި ޓްރެފިކް ފަދަ މައްސަލަތައް ރައީސް ފާހަގަ ކުރެއްވި އެވެ. އަދި އެކަންކަން ބަދަލު ކުރުމަކީ އެމަނިކުފާނުގެ ރިޔާސީ ވައުދަކަށް ވާއިރު ކުރިއަށް އޮތް ފަސް އަހަރު ތެރޭގައި އެކަންކަން ކުރައްވާނެ ކަމަށް ވިދާޅުވި އެވެ.
"މާލެއަކީ ސާފު ރަނގަޅު ތަނަކަށް ހެދުމަކީ އަޅުގަނޑުމެންގެ ވައުދެއް. މާލެ އަކީ ހިތް ފަސޭހަތަނަކަށް ވެގެންދާތަން ފެނިގެން ދާނެ،" ނައިބު ރައީސް ފައިސަލް ނަސީމް ވެސް ބައިވެރިވެ ވަޑައިގެންނެވި ޖަލްސާގައި ރައީސް ވިދާޅުވި އެވެ.
އިންތިޔާޒް ފަހުމީގެ ކެމްޕެއިން ޖަލްސާގެ ތެރެއިން. -- ފޮޓޯ: އެމްޑީޕީ
މާލެ އަށް ބަދަލު ގެނައުމަށްޓަކައި ވިޔަފާރި ބަނދަރާއި އެ ސަރަހައްދުގެ ވިޔަފާރިތައް ތިލަފުއްޓަށް ބަދަލު ކުރެވޭނެ ކަމަށް ރައީސް ވިދާޅުވި އެވެ. އެއާއެކު އެ ސަރަހައްދަށާއި މުޅި މާލެއަށް ބޮޑެތި ބަދަލުތަކެއް އަންނާނެ ކަމަށް ވެސް ރައީސް ވިދާޅުވި އެވެ.
ރައީސްގެ ވާހަކަފުޅުގައި ވަނީ މި ސަރުކާރަކީ ކޯލިޝަނެއްގެ ތެރެއިން ވެރިކަމަށް އައި ސަރުކާރެއްކަން ތަކުރާރުކޮށް ފާހަގަ ކުރައްވައި އޭގެ ތެރެއިން އެއްވެސް ބައެއްގެ މަތިން ހަނދާން ނުނެތޭނެ ކަމަށް މިރޭ ވެސް ވިދާޅުވެފަ އެވެ.
މި ސަރުކާރު ވެރިކަމަށް އައީ ގިނަ ވައުދުތަކަކާ އެކު ކަމަށްވާއިރު އެކަންކަން ހަގީގަތަކަށް ހެދުމަށް މަޖިލީހުގެ އެއްބާރުލުން ސަރުކާރަށް ބޭނުންވާ ކަމަށް ވިދާޅުވި އެވެ. އެމްޑީޕީގެ ކެންޑިޑޭޓުންނަކީ އެކަން ކޮށްދިނުމަށް އެއްބަސްވެ އެ އަޒުމުގައި ތިއްބެވި ބޭފުޅުން ކަމަށް ވެސް ރައީސް ވިދާޅުވި އެވެ.
ވޭތުވެދިޔަ ހަތަރު އަހަރުގެ ތެރޭގައި އެމްޑީޕީން ވަރަށް ދަތި ދުވަސްތަކެއް ތަޖުރިބާ ކޮށްފައިވާ ކަމަށް ރައީސް ވިދާޅުވި އެވެ. އަދި އެ ދުވަސްވަރު އެ މަނިކުފާނާ އެކު މަސައްކަތް ކުރެއްވި ބައެއް ބޭފުޅުންނަކީ އެމަނިކުފާން ދޫނުކުރައްވާނެ ބޭފުޅުން ކަމަށް ވިދާޅުވެ ޖަލްސާގައި ތިއްބެވި އޭގެ ތެރެއިން ބައެއް ބޭފުޅުންގެ ނަންތައް ރައީސް ވިދާޅުވި އެވެ. އޭގެ ތެރޭގައި އިންތި އާއި އަހުމަދު ޝާހިދު (ސާބެ) އާއި އެމްޑީޕީގެ ޗެއާޕާސަން ހަސަން ލަތީފުގެ އިތުރުން އެމްޑީޕީގެ ނައިބު ރައީސް މުހައްމަދު ޝިފާޒާއި އެމްޑީޕީ ތިމަރަފުށީ ދާއިރާގެ ރައީސް އަންވަރު އިބްރާހިމްގެ ނަން ފާހަގަ ކުރެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އުދުހޭ
19 March 2019
މާލޭގައި އަޅަން މިކިޔަނީ ރައްޔިތުން ދެކޮޅުވާނެކަން އެނގޭތީ ފަހުވަގުތު އުޒުރު ދެއްކުމުގެ ބޭނުމުގައިބާ؟ ރަގަޅު ގޮތަކީ ހުޅުމާލެ ބިނާކުރުންކަން ނޭންގޭހާ އިބޫ ގަމާރެއްނުވާނެ.
ދީމާހު
19 March 2019
ހިޔެއް ނުވާ ތިޔަކަން ވާނެހެން. ވެވޭނެ ކަންކަން ކުރެވެމުންދަނީ. ސިޔާސީ މަގާމުތަކަށް މީހުންތައް އެބަލެވޭ. ވަޒީފާ ގެއްލިފައި ތިބި މީހުންނަށް ގަނޑުކޮށް މުސާރައާއެކު ވަޒީފާ އެބަ ދެވޭ.800 މިލިޔަން ޑޮލަރުގެ ދަރަންޏެއް ބޮލުގައި އަޅާ، އިންޑިއާގެ ދަރަނީގެ ދަންތުރާގައި ޖެހެވިއްޖެ. ފޯރަމްތަކާއި ޖަލްސާތައް އެބަ ކުރެވޭ. . ދެން އޮންނާނީ އެސެޓްތައް ވިއްކުމުގެ ބުރު. އެއަށްފަހު ދެން ފެށޭނީ ބަރުލަމާނީ ދުނިޔެއަށް ފަށާ ބިޔަ ބޮޑު އާދަޔާ ޚިލާފު ދަތުރު.
ޝާއިރާ
19 March 2019
7000 ފްލެޓް 3000 އަށް މަދު ކުރައްވައި އިތުރު 5000 ފްލެޓް އަޅުއްވާ. އޭރަށް އެންމެ ގިނައިން ފްލެޓް އެޅުއްވި ރައީސަކަށް މަނިކުފާނުވާނެ. ކުރިއަށް ވަޑައިގަންނަވާ.
ޝައިނީ
19 March 2019
މާލޭގައި އަލަކުން ޢިމާރާތްކޮށް މީހުން ވަޒަން ވެރި ކުރުވާނެ ކަމެއްނެތް. މާލޭގައި ތެޅެން ހުރި ތަންތަން ތަޅާފަ މާލެއަށް ލުއިކޮށްލަދެއްވާ. ކާރިސާއެއް ހިގައިފިނަމަ މާލޭގެ އެންމެން އެއްވެލާނެ ތަންކޮޅެއް މިހާރުނެތް. މާލެ ހަމަނޭވާގައި ހިންގެންޖެހޭނެ. މާލެއަކީ ތެޔޮވަޅެއް ހުރިތަނެއްނޫން. ރަންވަޅެއް ހުރިތަނެއްނޫން. ބަލާފަ މިބުނީ.
ފިސާރިކަނބަލެއް
19 March 2019
ކޮބާތޯ ގެދޮރުވެރި ޕްރޮގްރާމްގެ ދަށުން މަތިން ޕޮއިންޓް ލިބިފަ ފުލެޓް ނުލިބޭ މީހުންނަށް އޮތީ ކޮންގޮތެއްތޯ؟ އިންތިޒާރުގަ މިތިބެނީ ގެދޮރުވެރި ޕްރޮގްރާމްގެ ލިސްޓް ނެރެންދެން އަދި އަވަސް ހައްލެއް ލިބޭނެ ކަމަށް
ފަޅުވެރިން
19 March 2019
ހެޔޮ ނުވާނެ، ދެފައިގައި ހިފާފައި މިބުނަނީ، ކަލޭމެން ތިކަމާ ނޫޅޭތި! ކުރީ ފަހަރުވެސް ކަލޭމެން ތިކަމާ އުޅެގެން ވީގޮތަކީ، ޢަރަބިއްޔާއާއި ގާކޮށީގައި ފްލެޓް އެޅި ޓާޓާ އަށް ފްލެޓްތަކުގެ އަގު އެއްކޮށް، އެކީ އެއްފަހަރާ ދީފައި، އަދި އެ ދެ ކޮމްޕްލެކްސް ގެ ތިރީ ބުރިއާއި އެއްވަނަ ބުރި އެމީހުންނަށް 50 އަހަރަށް ދީފައި، އަދި މާލެއިން ބޮޑު ދެބިން ހިބައިން ދީފައި، އަދި ރިޒޯރޓް ހަދަން ރަށް ވެސް ދީގެން ނިމުނީ! އެހެންވެގެން މިބުނަނީ ކަލޭމެން ތިކަމާ ނޫޅޭށޭ!!
ވޮށިފިލާ
19 March 2019
ރައްޔިތުން ކުލީ އަޅުންނަށްހަދާ ގައުމުގެ މުސްތަގުބަލު ހަލާކުވެގެން ދާނެގޮތަކަށް ކަންކަން ނުރާވާށެވެ. ސަރުކާރުން ދިވެހި ރައްޔިތުންގެ މެދުގައި ތަފާތުކުރުމާއީ އޮޅުވާލުން އިސްކޮށްގެން ނުވާނެއެވެ. މިގައުމަށް ދެއްވާފައިވާ ރީތިކަމާއިއެކު. ސަރުކާރުން ރައްޔިތުންނަށް ތާހިރު ދިރިއުޅުމެއް ހޯދާދީ، އުފާ ފާގަތި އަބުރުވެރި އެކުވެރި ޢާއިލާއެއް ބިނާކުރެވޭނެ ގޮތަކަށް ސިޔާސަތު ރާވަންޖެހެއެވެ. ދިރިއުޅެން ގޯތި ދޫކޮށްފަ ކުޑަހަރަދަކުން ގެ އެޅޭނެ ގޮތް ހަމަޖައްސާދޭށެވެ
ބޮއްސުން
19 March 2019
މާލެ ވަނީ ބޮއްސުންލާފައި. ރާއްޖޭގެ އެކި ހިސާބުގައި ބިޔަ ސަރަހައްދުތައް ތަރައްގީނުކުރާނަމަ މާލެ ހަމަ އަދިވެސް ތޮއްޖެހޭނީ. ކިތަންމެ ރަގަޅު ސްކޫލަކާ ކޮލެޖް ރަށުގަ ހުއްޓަސް މާލެއަށް ކިއަވަން ދަނީ އަދިވެސް. އެ ވިސްނުން ދޫކޮށްލަންޖެހޭ. ކޮންމެ ވަކިވަކި ރަށަކަށް އެތައް ސަތޭކަ ކަމެއް ކޮށްދިނުމުގެ ބަދަލުގައި ހަރުދަނާ ޕްލޭނެއްގެ ދަށުން ތަރައްގީ ކުރަންވީ. އެކަމު ވޯޓު އަންނާތީ ކޮންމެ ރަށަކަށް އެތައް ކަމެއް ކޮށްދޭން ހޮޅި ވައުދުވުމުން ބޭކާރު ޚަރަދުތަކެއް ވަނީ.
ދޫނި ރާއްޖެ
19 March 2019
މާލޭގައި މިހާރު މިއުޅެނީ ހިނގާ ބިނގާވާނެ ގޮތެއް ނެތިގެން . އެއްޗެއް ދުއްވާލާނޭ ތަންކޮޅެއް ނެތިގެން. އެކަމަކު އަދިވެސް މާލެ ތޮއްޖައްސަންތޯ މަސައްކަތް ކުރަންވީ؟؟
ސައީދުބެ
19 March 2019
އިތުރައްދަފުތަރުގަނުޖައްސާ އެންމެނައްހުޅުމަލޭން ހިލޭ ގޯތިދޫކުރޭ އޭރުންތިކަންހައްލުވީ