ކުޑަކުއްޖާ ސައިކަލް ވަށިގަނޑުގައި
03 އެޕްރީލް 2019 - 10:15
82 comments
ތުއްތު ކުއްޖަކު ސައިކަލް ވަށިގަނޑަށް ލައިގެން މާލޭގައި ދުއްވީ ފުލުހެއް ކަމަށާއި އެ މައްސަލަ ކަމާ ބެހޭ ފަރާތްތަކުން ބަލަމުންދާ ކަމަށް ފުލުހުން މިއަދު ބުނެފި އެވެ.
މާލޭގެ ރިންގް ރޯޑުގައި ތުއްތު ކުއްޖަކު ސައިކަލެއްގެ ވަށިގަނޑަށް ލައިގެން ދުއްވަނިކޮށް ރޭ ދައުރުވާން ފެށި ވީޑިއޯ އަށް އާންމުން އަންނަނީ ފާޑު ކިޔަމުންނެވެ. ގާތްގަނޑަކަށް 10 ވަރަކަށް ސިކުންތުގެ މި ވީޑިއޯ އިން ފެންނަ ގޮތުގައި ސައިކަލްގެ ހެޑް ލައިޓް ވެސް ހުރީ އެ ކުއްޖާގެ ލޮލަށް ވާ ގޮތަށް ދިއްލައިފަ އެވެ.
މި މައްސަލައިގައި ފުލުހުުން މިއަދު ބުނީ އޭނާގެ ލައިސަންސް ފުލުހުން ހިފަހައްޓާނެ ކަމަށެވެ. އަދި އެ މައްސަލަ ފުލުހުންނާއި ޓްރާންސްޕޯޓް މިނިސްޓްރީން ބަލަމުން އަންނަ ކަމަށާއި އެއީ ފުލުހަކަށް ވާތީ އެތަނުގެ ޕްރޮފެޝަނަލް ސްޓޭންޑާޑްސް ޑިޕާޓްމަންޓުން އެ މައްސަލަ ވަކިން ބަލަމުން އަންނަ ކަމަށް ވެސް ފުލުހުން ބުނެ އެވެ.
ފަސް އަހަރުން ދަށުގެ ކުދިން ގޮވައިގެން ސައިކަލް ދުއްވަން ޖެހެނީ ދުއްވާ މީހާ އާ އެކު ބެލްޓް އަޅުވައިގެންނެވެ. ރޭ އާންމުވި ވީޑިއޯގައި ފެންނަ ގޮތަށް ކުއްޖާގެ ފުރާނަ އަށް ނުރައްކާ ވެދާނެ ފަދަ އަމަލެއް ހިންގުމުން، އެ މައްސަލަ ޗައިލްޑް ޕްރޮޓެކްޝަން ޑިޕާޓްމަންޓުން ބަލަމުން އަންނަ ކަމަށް ވެސް ފުލުހުން ބުންޏެވެ. ފުލުހުން ބުނީ ސަލާމަތާއި ޓްރެފިކް ގަވާއިދުތަކަށް އިހްތިރާމްކުރަން ފުލުހުން އިލްތިމާސްކުރާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ihaaru.
05 April 2019
އަގު ވެއްޓެނީކީ ނޫން އޭގެން އެނގެނީ، ނާތަހުޒީބް މީހުން ކަން، އަދި އެމީހުން ނަށް ވަޒީފާދެކަށް ޖެހިލުމެއްނުވާ މުވައްސަސާ އެކަން ފުލުހުންގެއަކީ
ނަޖްވާ
04 April 2019
ކީކޭ ދެން އަޅެ ފަހެ ބުނާނީ! މީ ފުލުހުންގެ ފެންވަރު. މި ކަހަލަ މީސްމީހުންނާ ހެދި މުވައްސަސާތަކުގެ އަގު ވެއްޓެނީ!
ވަހީދު
04 April 2019
އެގައުމެއްގަ ހުރިއެއްޗަކުން އެގައުމެއްގެ ފުލުހުންގެ ސަފުތަށްވެސް އެތުރޭނީ.
އިމަނާ
04 April 2019
ރަގަޅު ކޮޅުގައި ހުރިއްޔާ ތިޔައީ މައްސަލައެއްނޫން. ގޯސްކޮޅެއްގައި ހުރެވުނިއްޔާ ދައުވާ ކުރާނެ ބައިވަރު ކޮޅުތައް ހުންނާނެ. މިހާރުވަނީ އެހެންނޫންތޯ.
އަމީލް
03 April 2019
ތިކަހަލަ މީހުން އަތުން ލައިސެންސް އާއި އިންޝުއަރެންސް އަތުލަންވީ.
ކަނބިލި
03 April 2019
މިފުލުހާ މެދު ފިޔަވަޅު އަޅަތަން ދެކެން ބޭނުން
އަސްލަމްމް
03 April 2019
މަށަކަށް ހަަމައެއްގޮތަކަަށްވެސް ނުވިސްނުނު، މިހާކު މިވަރު ކަމެއް ކުރަން ކެރުނީ ކިހިނެތް ކަމެއް. ބައެއްފަހަރު ހިތައް އަރާ މިކަހަލަ ކަންތައް ނުވިސްނެނީ، މަގޭ މައްސަލައެއް އުޅޭތީބާވޭ..!!!
ަޢަލީ 222
03 April 2019
މިއީ ކުޑަކަމެއް ނޫން. ބޮޑު އަދަބެއް ލިބެންޖެހޭ ކަމެއް. އެކުއްޖާ ފުރަނައަށް ނުރައްކާވާ ފަދަ ކަމެއް ތިޔައީ. މީގެ އިތުުން އުނގުމަތީ ކުދިން ބައިންދައިގެން ދުއްވާ މީހުންވެސް.
ޑިމޮކްރަޓިސްޓް، ރ.ވާދޫ
03 April 2019
ތިވެދާނެ ސިކުނޑީގަ މައްސަލައެއް ހުންނަ ސޮރަކަށް! ވެލަޒިނީވެސް ސަލާމަތްވީ ސިކުނޑި ހަމަނުޖެހޭމީހެއްގެ ގޮތުގަ ލޭބަލްކޮށްލީމަ!
ހަސަންތޯ
03 April 2019
ފުލުހެއްވީމަ މައްސަލަ ނިމޭއިރު ގޯސްވާނީ ކުޑަ ކުއްޖާ! ހާލަތު....