ގާނޫނީ ވަކީލުންތަކެއް ހުވާކުރުމަށް ދަރުބާރުގޭގައި ބޭއްވި ރަސްމިއްޔާތުގައި އުއްތަމަ ފަނޑިޔާރު ޑރ. އަހުމަދު އަބްދުﷲ ދީދީ އަދި ސުޕްރީމް ކޯޓުގެ ފަނޑިޔާރުން ބައިވެރިވެވަޑައިގަންނަވަނީ.---ފޮޓޯ: ނިޝާން އަލީ/މިހާރު
24 އެޕްރީލް 2019 - 11:14
31 comments
އާ ގާނޫނު އަސާސީ އަށް އަމަލުކުރަން ފެށުމުގެ ކުރިން ފަނޑިޔާރުކަން ކުރެއްވި ބޭފުޅުންނަށް ދައުލަތުގެ ފަރާތުން ހާއްސަ އިނާޔަތްތަކެއް ލިބޭ ގޮތަށް ފަނޑިޔާރުންގެ ގާނޫނު އިސްލާހުކުރަން ރައްޔިތުންގެ މަޖިލިހަށް ހުށަހަޅައިފި އެވެ.
ވިލުފުށީ ދާއިރާގެ ޖުމްހޫރީ ޕާޓީގެ މެމްބަރު ރިޔާޒް ރަޝީދު ހުށަހެޅުއްވި ބިލްގައި ބުނެފައި ވަނީ އާ ގާނޫނުއަސާސީ އަށް އަމަލުކުރަން ފެށުމުގެ ކުރިން ތިއްބެވި އުއްތަމަ ފަނޑިޔާރާއި ފަނޑިޔާރުންނަކީ ޝަރަފްވެރިކަމާއެކު ފަނޑިޔާރު ކަމުގެ މަގާމުން ވަކިވާ މީހެއް ކަމަށެވެ.
ގާނޫނުއަސާސީ އަށް އަމަލުކުރަން ފެށުމުގެ ކުރިން ތިއްބެވި އުއްތަމަ ފަނޑިޔާރާއި އެހެން ފަނޑިޔާރުން މަގާމުން ވަކިވާ ހިސާބުން ހާއްސަ އިނާޔަތްތަކާއި އިމްތިޔާޒްތައް ލިބެން ވާނެ ކަމަށް ބިލްގައިވެ އެވެ.
އެ ބިލަށް އަމަލުކުރަން ފަށާނީ ބިލް ފާސްވެ، ރައީސް ތަސްދީގު ކުރައްވައި ސަރުކާރުގެ ގެޒެޓްގައި ޝާއިއުކުރާ ހިސާބުން ކަމަށް ބިލްގައި ބުނެފައިވެ އެވެ.
ރިޔާޒް ބިލް ހުށަހެޅުއްވި ސަބަބެއްގެ ގޮތުގައި ވިދާޅުވީ ކުށެއްގެ ސަބަބުން މަގާމުން ވަކިކުރާ ފަނޑިޔާރުން ފިޔަވައި ފަނޑިޔާރުކަމުގެ މަގާމުގައި ދައުލަތަށް ހިދުމަތްކުރާ ފަނޑިޔާރުން ޝަރަފުވެރިކަމާ އެކު މަގާމުން ވަކިވުމަކީ ތަހުޒީބުވެފައިވާ މުޖުތަމައުތަކުގައި އަމަލުކުރާ އުސޫލެއް ކަމަށެވެ.
ގާނޫނުއަސާސީ އަށް އަމަލުކުރަން ފެށުމުގެ ކުރިން އުއްތަމަ ފަނޑިޔާރަކީ ދިގު މުއްދަތަކަށް ދައުލަތަށް ހިދުމަތް ކުރުމުގައި ދެމި ހުންނެވި ފަނޑިޔާރަކަށްވެފައި، އެ އުއްތަމަ ފަނޑިޔާރަކީ ކުށަކާލައިގެން ވަކި ކުރެވުނު ފަނޑިޔާރެއް ނޫން ކަމަށް ވެސް ރިޔާޒް ބިލް ހުށަހެޅުއްވި ސަބަބެއްގެ ގޮތުގައި ފާހަގަކުރެއްވި އެވެ.
ރިޔާޒް އެ އިޝާރާތް ކުރައްވަނީ ކުރީގެ އުއްތަމަ ފަނޑިޔާރު މުހައްމަދު ރަޝީދު އިބްރާހިމަށެވެ. އާ ގާނޫނުއަސާސީ އަށް އަމަލުކުރަން ފަށައި އުއްތަމަ ފަނޑިޔާރެއް އައްޔަންކުރެއްވި އިރު އޭރު ހުންނެވި އުއްތަމަ ފަނޑިޔާރާ މެދު އަމަލުކުރާނެ ގޮތެއް ބަޔާންކޮށްފައެއް ނުވެ އެވެ.
އާ ގާނޫނުއަސާސީ އަށް އަމަލުކުރަން ފެށުމުގެ ކުރިން ތިއްބެވި އުއްތަމަ ފަނޑިޔާރާއި ފަނޑިޔާރުންނަށް އިނާޔަތް ދޭން ހުށަހެޅުއްވީ ހިދުމަތުގެ އަގުވަޒަން ކުރުމަށް ކަމަށް ބިލްގައިވެ އެވެ.
ފަނޑިޔާރުކަން ކުރެއްވި ބޭފުޅުންނަށް އިނާޔަތް ލިބޭ ބިލެއް މަޖިލިހަށް ހުށަހެޅި އިރު، ޖުޑިޝަލް ސާވިސް ކޮމިޝަން (ޖޭއެސްސީ) އިން ވަނީ ފަނޑިޔާރުންނަށް ދެމުން އަންނަ މުސާރައިގެ އޮނިގަނޑެއް ކަނޑައަޅައި އެކަމާ މެދު ގޮތެއް ނިންމުމަށް ކޮމިޓީ އަށް ސިޓީ ފޮނުވައިފަ އެވެ.
ޖޭއެސްސީ އިން ފޮނުވި ސިޓީގައި ވަނީ ފަނޑިޔާރުންގެ މުސާރަ އާއި އިނާޔަތްތައް މިހާތަނަށް އައިއިރު ރިވިއުކޮށްފައި ނުވާ އިރު، މިހާރު ފަނޑިޔާރުންނަށް ލިބޭ މުސާރަ އަކީ ދިރިއުޅުމުގެ ހަރަދުތަކާއި އެ ބޭފުޅުންގެ މަސްއޫލިއްޔަތާ އަޅާ ބަލާއިރު، އެކަށީގެންވާ ވަރަށް ވުރެ ކުޑަ މުސާރައެއް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިރޭ
29 April 2019
މަޤާމު ގެއްލުނު ފަނޑިޔާރުން ބެހިގެން ވަނީ ތިން ބަޔަކަށެވެ.އެއްބަޔަކީ މި ޤާނޫނު އަސާސީ އަށް ޢަމަލު ކުރަން ފެށުމުގެ ކުރިން މަޤާމު ގެއްލި ފައިވާ ޤާޒީން ނެވެ.އަނެއް ބަޔަކީ މި ޤާނޫނު އަސާސީ އަށް އަމަލު ކުރަން ފެށުމުގެ ސަބަބުން މަޤާމު ގެއްލުނު ފަނޑިޔާރުން ނެވެ.އޭއީ ހަމަ އެކަނި އޭރު ހުރި އުއްތަމަ ފަނޑިޔާރު ޝައިޚް ރަޝީދު އެވެ.އަނެއް ބަޔަކީ މި ޤާނޫނު އަސީގެ ދަށުން މުސްކުޅި ކުރެވިފައިވާ ފަނޑިޔާރުން ނެވެ.
ދޮންބެއްޔާ
24 April 2019
ތިޔަ ނަޒާހަތްތެރި މެންބަރުންނަށް ދަންނަވަން. ދައުލަތުގެ މުއައްސަސާތަކުގައި ވަޒީފާ އަދާކޮށްފައި ތިއްބެވި ފަރާތްތަކަށާއި، ވަޒީފާގައި ތިއްބެވި ފަރާތްތަކުގެ ތެރެއިން ކެނޑިގެންދާ ފަރާތްތަކަށް ދައުލަތުގެ ޚަޒާނާއިން ކޮންމެ މީހަކަށް ކޮންމެ މަހަކު ފަސްލައްކަ ރުފިޔާ އާއި ޑިޕޮލޮމެޓިކް ޕާސްޕޯޓާއި ލިވިންގ އެލަވަންސްގެ ގޮތުގައި ކޮންމެ މަހަކު ދެލައްކަ ރުފިޔާ އާއި ކޮންމެ ފަސްއަހަރަކުން ބެންޒް ކާރެއް ލިބޭގޮތަށް މަޖިލީހަށް ބިލެއް ލައިދީބަލަ
ދިވެހިރައްޔިތުމީހާގެ އަޑު
24 April 2019
އިއްޒަތްތެރި ރައީސަށްވެދުމާއި ސަލާމް. އަޅުގަޑު ރައްޔިތެއްގެ ހައިސިއްޔަތުން މަނިކުފާނަށް އާދޭސްމިދަންނަވަނީ މިބާވަތުގެ އެންމެހާބިލުތަކުން ލިބޭގެއްލުމުން ދިވެހިން ސަލާމަތްކޮށްދިނުމަށެވެ. އެހެންނޫނީ ހަމަހަމަ އުސޫލެއްގެމަތިން ކޮންމެރައްޔިތަކަށް އެއްހަމައެގައި އިނާޔަތާއި ޕާސްޕޯޓާއި އަދިވެސް އެހެނިއެހެން ތަކެތި ލިބޭނެފަދަ ބިލެއް ނުވަތަ ކޮންމެގޮތަކުން ވިއަސް މިކަން ހަމަޖައްސައިދިނެމަށެވެ. ވަރަށް އަދަބު ސަލާމް
ނަން
24 April 2019
މި ނުދީފިއްޔާ މިމީހުންތައްވެސް އިބޫއާ ދެކޮޅުވާނެކަމަށްތަ؟ މި ބިލްތައް ތަސްދީގު ނުކުރިއްޔާ އިބޫއަށް ލިބޭ ރައްޔިތުންގެ ތާއީދު މާ ބޮޑުތަނުންވެސް އިތުރުވާނެ. އޭރުން ސަރުކާރު ހިންގަން އުނދަގޫކޮށް ޖެއްސުންކުރަން މިކަންކުރާ މީހުންގެ އަތަށް މީތި ގޮވާނެ. 2008ގަ ހެން ބޭނުން އެއްޗެއް ހަދަން މަޖިލީހުގެ ބާރެއް ވެސް ނެތް. ނަޝީދު ބަރުލަމާނީއޭ ކިޔާ ސަބަބުވެސް މިހާރު ކުޑަކޮށް ވިސްނޭ. ރައްޔިތުން ރައީސްއެއް ހޮވިޔަސް މަޖިލީސް ނުލިބެނީސް ކުރެވޭނެ ވެރިކަމެއް ނެތް.
ަފާތުމަ
24 April 2019
ވަޒީފާތަކުގަ އުޅެފަ ތިބި ހުރިހާ މީހުންނަަށް އިނާޔަތް ދޭންޖެހޭ. މި މީހުނަށް ދެންޏާ
ބައިޝަލާ
24 April 2019
ފަނޑިޔާރުގެ ސާފްކުރުމަށް އަހަރުމެން ވޯޓްދިނީ، މިފަހަރު އެކަން ނުވިއްޔާ ދުވަހަކުވެސް ދެނެއް ނުވާނެ
ދޮނކަލޯ
24 April 2019
މިދެންކިހާ ދެރަކަމެށް ސަރުކާރުވަޒީފާއިން ވަކިވާކޮށްމެމީހަކަށްއިނާޔަތް ނޮހޮވޭކޮށްމެމެންބަރަކަށްވެސްލާރިބޮނޑި
މޯލްޑިވިޔަން ޕެޓްރޮއިޓް
24 April 2019
މިހާރު ގަބޫލުކުރެވޭ ސޭޓުނުލާ އަންނި ނިކުތް ސަބަބު.
އާރީ
24 April 2019
ދިވެހި ކޮންމެ ރަށްއިތަކަށް އުފަންވާ ދުވަހުން ފެށިގެން މަރުވަންދެން 50000ރ ގެ އިނާޔަތެއް ދޭން ޖެހޭގޮތަށް ބިލެއް ވަށްދަށް ކެރޭނި ކޮށްމެންބަރަކަށްބާ?
ކައްދާފުޅުދޮންތު
24 April 2019
2008 ގައި ފަޓިޔާރުން ހުވާ ކުރީ ރަގަޅަކަށް ނޫނޭ ބުނާތީ އަޑު އިވޭ ބުނާ މީހުންގެ ވީޑިއޯ ފެނޭ އަދި ހުވައިކުރި ދުވަހު ތިޔަގޮތައް ހުވާކޮށް ނިންމާލަކަށް ނުވާނޭ ތިގެންދަނީ ރަގަޅަކަށް ނޫނޭ މީހަކު ގޮވާތީ ފެނޭ އަޑު އިވޭ ! އެއީ ތެދެއް ކަމަށް މިހާރު ބެލެވޭ މަތިން ފޮނުވި ބޭކަލަކު މިހާރަކު ނޫޅޭ ! އެކަކަށް އެކަށްޗެއްވެސް އިންސާފުން ނޫނީ ދީގެންނުވާނެ !