ރައީސް އިބްރާހިމް މުހައްމަދު ސޯލިހް އިންޑިއާ އަށް ކުރެއްވި ރަސްމީ ދަތުރުފުޅުގައި ރަސްމީ އެއްބަސްވުންތަކެއްގައި ސޮއިކުރަނީ. --ފޮޓޯ/އޭއެފްޕީ
29 މެއި 2019 - 13:29
5 comments
ތިން ރަށެއްގައި ސިއްހީ ޚިދުމަތާއި ތައުލީމް ކުރިއަރުވަން އިންޑިއާ ސަރުކާރުން 19 މިލިއަން ރުފިޔާގެ ހިލޭ އެހީ ދީފި އެވެ.
ފޮރިން މިނިސްޓްރީން ބުނިގޮތުގައި ރ. ކިނޮޅަހާއި ނ. ޅޮހީގައި ކްލާސްރޫމް އިތުރުކޮށް، ހއ. އިހަވަންދޫގައި އިމަޖެންސީ މެޑިކަލް ޚިދުމަތް ގާއިމްކުރަން އެހީ ދިނީ އިންޑިއާގެ އެކްސްޓާނަލް އެފެއާޒް މިނިސްޓަރު ސުޝްމާ ސްވަރާޖް ރާއްޖެ އަށް ކުރެއްވި ދަތުރުގައި ހަމަޖައްސައިދެއްވަން އެއްބަސްވެވަޑައިގެންނެވި 100 މިލިއަން ރުފިޔާގެ ހިލޭ އެހީގެ ތެރެއިން ކަމަށެވެ.
ފޮރިން މިނިސްޓްރީން ބުނިގޮތުގައި ކިނޮޅަހާއި ޅޮހީގައި 12 ކްލާސްރޫމް އިމާރާތް ކުރުމަށް އިންޑިއާ އިން ވަނީ 12 މިލިއަން ރުފިޔާ ހަމަޖައްސައި ދީފަ އެވެ. ދެ ރަށުގައި ކްލާސްރޫމްތައް އިތުރު ކުރަނީ އެއް ދަންފަޅި އަށް ބަދަލު ކުރުމަށެވެ. ސަރުކާރުގެ ސިޔާސަތަކީ ރާއްޖޭގެ ހުރިހާ ސްކޫލްތަކުގައި ވެސް އެއް ދަންފަޅި އަށް ކިޔަވައި ދިނުމެވެ.
އިހަވަންދޫގައި ސިއްހީ ޚިދުމަތްތައް ރަނގަޅު ކުރަން އިންޑިއާ އިން ހަމަޖައްސައިދިނީ 7.4 މިލިއަން ރުފިޔާ ކަމަށް ފޮރިން މިނިސްޓްރީން ބުންޏެވެ.
މި ތިން މަޝްރޫއު ހިންގަން އެހީވުމުގެ ކުރިން އއ. އުކުޅަހުގައި ބައިނަލްއަގުވާމީ ފެންވަރުގެ ކޮންވެންޝަން ސެންޓަރެއް އެޅުމަށާއި ދ. ވާނީގައި ފުލުހުން ތަމްރީން ކުރުމަށް ހާއްސަ ކޮށްފައިވާ ޓްރެއިނިން ސްކޫލްގައި ތަފާތު ޕްރޮޖެކްޓްތަކެއް ހިންގުމަށް އިންޑިއާ އިން ވަނީ 14 މިލިއަން ރުފިޔާ ދީފަ އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި އިންޑިއާ އާއި ރާއްޖޭގެ ގުޅުން ގޯސްވެފައި އޮތް ނަމަވެސް ރައީސް އިބްރާހިމް މުހައްމަދު ސޯލިހް، މިދިޔަ އަހަރުގެ ނޮވެމްބަރު 17 ގައި ވެރިކަމާ ހަވާލުވެވަޑައިގަތުމާ އެކު ދެ ގައުމުގެ ގުޅުން ވަނީ ބަދަހިވެފަ އެވެ. އިންޑިއާގެ ބޮޑުވަޒީރު ނަރެންދުރަ މޯދީ ދެ ވަނަ ދައުރަކަށް އިންތިޚާބުވެވަޑައިގަތުމަށް ފަހު ގައުމަކަށް ކުރައްވާ ފުރަތަމަ ދަތުރުފުޅުގައި އަންނަ މަހުގެ ކުރީކޮޅު ރާއްޖެ ވަޑައިގަންނަވާނެ އެވެ.
ރައީސް އިބްރާހިމް މުހައްމަދު ސޯލިހް ވެސް ހުވާކުރައްވައި ފުރަތަމަ ރަސްމީ ދަތުރުފުޅެއް ކުރެއްވީ އިންޑިއާ އަށެވެ. އެ ދަތުރުފުޅުގައި އިންޑިއާ އިން ބޮޑެތި އެހީތަކެއް ރާއްޖެ އަށް ދިނުމަށް އެއްބަސްވެފަ އެވެ. އެގޮތުން 1.4 ބިލިއަން ޑޮލަރުގެ ކްރެޑިޓް ފެސިލިޓީއެއް ދޭން އިންޑިއާ އިން ވަނީ ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮންކަމެއް
29 May 2019
ސިއްހީ ދާއިރާއިން ތިޔަ ދިނީ އެހީއެއްތަ؟ ރާއްޖެވަރުގެ މީސްކޮޅު މަދުކަމާ ބަލާފަ ބޮޑެތި ބަލިތައް ގިނަ ގައުމެއް އޮންނާނެހެން ހީނުވޭ. ތިޔަ އިންޑިއާއަށް ދެދުވަހުން އެއްދުވަހު ދިވެހިން ބައި ހަދާފަ ނުދާވަރު ކުރާނެވަރުގެ އެހީއެއް އިންޑިއާއިން ނުދޭނެކަމުގެ ފުރިހަމަ ޔަގީންކަން އެބައޮތް. ތިޔަ އެކުވެރި އިންޑިއާ މީގެ 5 އަހަރުކުރިން ގުޅުން ރަގަޅު ގޮތުގައި އޮތްއިރުވެސް އެމްއާރްއައި މެޝިނެއްހާ ހިސާބު ނެތިފަ ތިބެންޖެހުނީ.
ހޮޅިމީހާ
29 May 2019
މޯދީ ހުވައި ކުރުމުގެ ރަސްމިއްޔާތަށް ދަޢުވަތު ނުދިނުމުގެ މާނައަކީ، މުސްތަގިއްލު ގައުމެއްގެ ގޮތުގައި އިންޑިޔާ މިތަން ބަލައެއް ނުގަނެއޭ. އެ މީހުންގެ ޓެރިޓަރީ އަކަށް ނިންމާފައޭ އޮތީ
ހާލު
29 May 2019
މިނިވަން ދިވެހި ދައުލަތެއް މިހާރު ނެތް. މިޢީ އިންޑިއާގެ ގައުމެއް. ފައިދާއެއް ނެތި އެހީތަކެއް ނުވާނެ. ރައީސް އަށް ވެދުން.
ދޮން ބުޅާ
29 May 2019
ހަޖަމް ކުރޭ..
ރުޅި
29 May 2019
ހައިރާންވަނީ އެންމެ އަގުބޮޑު ބްރޭންޑްތަކުގެ ރިސޯޓްތަށް ހެދި ފަޅުތަކާއި ފަރުތަކާއި ބިދޭސީ މަހުޖަނުންނަށް ދެވި ޖީއެސްޓީ. ޢާއި ޓީޖީއެސްޓީ އާއި ގްރީންޓެކްސާއި، ބީޕީޓީ ނަގަމުންގެންދާއިރުވެސް ސަލާންޖެހުން ނޫންގޮތެއް ދިވެހިރާއްޖެއަށް ނެތީތީއެވެ. ދެން މިހާރުމިދަނީ އިންކަމް ޓެކްސާ ދިމާއަށެވެ، މިހެން ވާންމިޖެހެނީ ކޮރޮޕްޝަން ގިނަވީމައެވެ. ދައުލަތަށް އެންމެ ބޮޑު ފައިދާ ލިބެން އޮންނަގޮތްނޫންގޮތަށް ދައުލަތުގެ ވަސީލަތްތައް ދޫކޮށްފައިވާތީއެވެ.