ޚަބަރު / އިބްރާހިމް ހަސަން، ހަޔާ އެޑިއުކޭޝަން މިނިސްޓަރު

ގިނަ ކުދިން ޑިސްކޮލިފައި ވުމުން ދެރަވި: މިނިސްޓަރު

މިނިސްޓަރު ނޫސްވެރިންނާ ވާހަކަ ދައްކަވަނީ: ސަރުކާރުގެ އަމާޒަކީ ވީހާވެސް ގިނަ ދަރިވަރުންނަށް މަތީ ތައުލީމުގެ ފުރުސަތު ހޯދައި ދިނުން ކަމަށް ވިދާޅުވި. --ފޮޓޯ: ނިޝާން އަލީ/މިހާރު

ފަޒީނާ އަހުމަދު، މިހާރު

10 ޖޫން 2019 - 15:09

37 comments

ރާއްޖެ އިން ބޭރުން މަތީ ތައުލީމަށް ކިޔަވަން ލޯނަށް އެދެން ހުޅުވައިލި ފުރުސަތުގައި ގިނަ ދަރިވަރުންތަކެއް ޑިސްކޮލިފައި ވުމުން ދެރަވި ކަމަށާއި އަލުން އެޕްލިކޭޝަން ހުށަހަޅަން މިއަދު ނޫނީ މާދަމާ ހުޅުވާލާނެ ކަމަށް ހަޔާ އެޑިއުކޭޝަން މިނިސްޓަރު އިބްރާހިމް ހަސަން މިއަދު ވިދާޅުވެއްޖެ އެވެ.

ދެ ގިންތި އަކަށް ބަހާލައިގެން ކުރިއަށް ގެންދިޔަ ލޯނު އެހީ ހޯދުމަށް 993 ދަރިވަރަކު ފޯމު ހުށަހެޅި އެވެ. އެކަމަކު، އޭގެ ތެރެއިން ލޯނު ލިބުނީ އެންމެ 79 ދަރިވަރަކަށެވެ. މި މައްސަލައިގައި ދަރިވަރުންގެ ޝަކުވާ އިންތިހާ އަށް ބޮޑުވެފައިވާ އިރު ފުރުސަތު ގެއްލުނީ އުސޫލާ ޚިލާފަށް ހުށަހެޅުމުން ކަމަށް ހަޔާ އެޑިއުކޭޝަން މިނިސްޓްރީން ވަނީ ބުނެފަ އެވެ.

މި ޝަކުވާތަކާ ގުޅިގެން ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، 242 ޖާގަ ހުޅުވާލައި، ގިނަ އަދަދެއްގެ ދަރިވަރުން ޑިސްކޮލިފައި ވުމުން އެ ކަމުގެ ކަންބޮޑުވުން އެބައޮތް ކަމަށެވެ. އެހެންވެ، އުސޫލު މިހާރު މުރާޖައާ ކޮށްފައިވާ ކަމަށް ވިދާޅުވި އެވެ.

Loan ah edhen alun hulhuvaalaanan, mifaharu undhaguleh nuvaane: Higher Education

The most trusted news source in the Maldives

Mihaaru

އަލުން ހުޅުވާލާނީ، މިނިސްޓަރު ވިދާޅުވި ގޮތުގައި، ޕޯޓަލްގެ ތެރެއިން ކުރިއަށް ވުރެން ލުއި ފަސޭހަކޮށް ފޯމު ހުށަހެޅޭ ގޮތަކަށެވެ. ކުރިން ދިމާވި ގިނަ މައްސަލަތަކެއް މިހާރު ހައްލުކޮށްފައިވާ އިރު ޑިސްކޮލިފައި ވި ދަރިވަރުންނަށް ސަބަބު ވެސް މިހާރު އޮޅުންފިލާނެ ކަމަށް އިބްރާހިމް ހަސަން ވިދާޅުވި އެވެ.

އެ ކުދިން އަލުން ފޯމު ހުށަހަޅާ އިރު ޑިސްކޮލިފައި ވި ސަބަބުތައް ރަނގަޅަށް ބަލައި އުސޫލާ އެއްގޮތަށް ލިޔުންތައް ފޮނުވަން މިނިސްޓަރު އެދިވަޑައިގަތެވެ.

ލޯނަށް އެދުމުގެ ފުރުސަތު އަލުން ދެނީ ޑިސްކޮލިފައި ވި ދަރިވަރުންނާއި އަލުން ލޯނަށް ކުރިމަތިލާން ބޭނުންވާ ދަރިވަރުންނަށެވެ.

"އަޅުގަނޑުމެން ވަނިީ 242 ޖާގަ އަށް ފައިސާ ހަމަޖައްސާފައި. އެ ފައިސާ އެހެން ކަމަކަށް ބޭނުމެއް ނުކުރާނެ. އެެހެންވީމާ އެ ޖާގަތައް ދަރިވަރުންނަށް ދޭން ބޭނުން ވަނީ،" މިނިސްޓަރު ވިދާޅުވި އެވެ.

"ލޯނު މި ދެނީ އެ ދަރިވަރަކު ކިޔަވަން ބޭނުންވާ ކޯހަކަށް ޝަރުތު ފުރިހަމަވާ ނަމަ."

އެކަމަކު، ފުރަތަމަ ބުރުގައި ދިމާވި މައްސަލަތަކަށް ބަލާ އިރު އުސޫލާ ޚިލާފަށް ގިނަ ފޯމުތަކެއް ހުރި ކަމަށް މިނިސްޓަރު މިއަދު ވެސް ވިދާޅުވި އެވެ. މިސާލެއްގެ ގޮތުން ވިދާޅުވީ، ރާއްޖޭގައި ކިޔަވަން 106 ދަރިވަރުން ހުށަހަޅާފައި އޮތެވެ. އެކަމަކު މި ބުރުގައި ހުޅުވާލީ ރާއްޖެ އިން ބޭރުގައި ތިބެގެން ކިޔަވަން ބޭނުންވާ ދަރިވަރުންނަށެވެ.

މީގެ އިތުރުން، މި ބުރުގައި ކޯސްތައް އިއުލާންކޮށްފައި ނެތް ގައުމުތަކުގައި ކިޔަވަން އެދި ވެސް 192 ދަރިވަރަކު ހުށަހެޅި ކަމަށް މިނިސްޓަރު ވިދާޅުވި އެވެ.

މިނިސްޓަރު ވިދާޅުވި ގޮތުގައި ލޯނަށް ހުޅުވާލާ ކޮންމެ ބުރެއްގައި ކުރިމަތިވާ މައްސަލަތައް ބަލައި ހައްލުކުރަން މިނިސްޓްރީން މަސައްކަތް ކުރާނެ އެވެ. މި ސަރުކާރުގެ އަމާޒަކީ ވީހާ ވެސް ގިނަ ދަރިވަރުންނަށް މަތީ ތައުލީމްގެ ފުރުސަތު ފަހިކޮށްދިނުން ކަމަށާއި އެކަން ކުރުމަށް މިނިސްޓްރީ އަށް ކުރެވެން އޮތް މަސައްކަތެއް ކުރާނެ ކަމުގެ ޔަގީން ކަން ވެސް މިނިސްޓަރު ދެއްވި އެވެ.

ތައުލީމް މަތީ ތައުލީމު ސްޓޫޑެންޓް ލޯނު މިނިސްޓްރީ އޮފް ހަޔާ އެޑިއުކޭޝަން އިބްރާހިމް ހަސަން، ހަޔާ އެޑިއުކޭޝަން މިނިސްޓަރު

37 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިޔަވާމީހާ

11 June 2019

ދެރަވިވަރުން ކީއްވެތަ ވެގެން އުޅޭ ގޮތެއް ބަލާނުލީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

11 June 2019

ތި މިނިސްޓަރު ކޮންދެރައެއްވާކަށް. ދެރަވާނީ ޑިސްކޮލިފައި ކޮށްލި ކުދިން ކޮޅު. މިނިސްޓަރަށް ތިއޮތީ ވަރަށް ބޮޑަށް އިހްމާލުވެވިފަ ވީމާ ވަގުތުން އިސްތިއުފާ ދޭން ޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮބާމާ

11 June 2019

ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު......ހުސްދޮގު...... ނިކަމެތި ކިތައްކުދިންގެ އުންމީދުތި ފުޑުފުޑު ކޮއްލީ....އެއްވެސް ވަރަކަށް ނިކަމެތިމީހާގެ ދަރި އަށްނުވިސްނާ.... ސެޓްފިކެޓުގެ ބަޑޭތިގަޑޭ ކިޔާފަ....އޮޅުވާލާ މަކަރު ހަދުމުގަ ހަބޭސް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާމިން

11 June 2019

ސެޓްފިކެޓް ގެ ދެފުށް ހުށަނާޅައިގެން ޑިސްކޮލިފައިވީ.. އެކްރެޑިޓް ކޮށް އެޓެސްޓް ކުރާއިރު ހަމަގައިމު ދެފުށުގެ ތައްގަނޑެއް ނުޖަހާ.. ދެކޮޅު ނުޖެހޭ ވާހަކަ ދައްކާނީ.. އެކަމު އަލުން ފުރުސަތު ހުޅުވާލާނެ ކަމަށް އުންމީދުކުރަން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުބައިހާނު

11 June 2019

އެތައްސަތޭކަ ކުދިންނެއް ބޮޑެތި ޚަރަދުތަކެއް ކޮށް، ޔުނިވަރުސިޓީ ޕްލޭސްމަންޓް ހޯދައިގެން މި މަހުވެސް އެތައް ބައެއްގެ ކިޔެވުން ފެށުނުއިރު، ހާހެއްހާ ކިޔަވާކުދިންނަށް މިހާބޮޑު އަނިޔާއެއް މިދިނީ ކާކުގެ ނާޤާބިލުކަމުންތޯ ބަލައި ފިޔަވަޅުއަޅަންޖެހޭ. މިއީ މި ކުދިން ސީދާ ޙަރަކާތަށް ނުކުމެގެން މިނިސްޓަރު ޖަވާބުދާރީ ކުރުވަންޖެހޭފަދަ ޖަރީމާއެއް. އަނެއްކާވެސް ފޯމުލާން ހުޅުވާލަން އެ އުޅެނީ ކާކަށް ފޯމު ނުލެވި އޮވެގެން ކާކަށް ފުރުޞަތު ނުލިބިގެންތޯ ބަލާނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރިތަ

11 June 2019

އިންނާނަމޭ ބުނެފައި ނީދެ ޑިސްކޮލިފައި ކޮށްލުން ކަހަލަ ކަމެއްތީ. މީ މިނިސްޓަރު ދިރާސާ ކޮށްލުން މުހިންމު ކަމެއް. އަހަރެން އެހާ ވަރުން އުޅުނީ ތިލޯނު ލިބޭނެ ކަމަށް. ކިހާ ދެރަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދޫ

11 June 2019

ސެޓްފިކެޓް ތަކާއެކު ލޯނަށް ހުށަހެލީ ލޯނު ބޭނުންވެގެން ނޫންބާ ، ލޯނަށް ހުށަހެޅިލިއުންތައް ބަލަގަތް އިރު ލިއުންތައް ރަނގަޅަށް ހަމަޔަށް ނެތި ބަލައ3ިގަތުމުގެ ޒިންމާ ހުށަހެޅިފަރާތުން ނަގަންޖެހޭނެބާ؟ ބަލައިގަންނަންވާނީ ފުރިހަމަ ނަމަ ދޯ ބަލައިނުގަނެ ހަމަ ކުރަން ވިދާޅުވިނަމަ މިމައްސަލަ ނުނިކުނާނެ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޓޮމް

10 June 2019

ޕޯޓަލްއިން ނޭގުނު ޑިސްކޮލިފައިވީސަބަބެއް އަދިވެސް މޮޔަވެދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަގީމު ސަރައްކާލި

10 June 2019

މިސްޓޭކެއް ހެދުމުން އެކަން ޤަބޫލްކޮށް ރަގަޅުކުރަން އުޅުމަކީ ރަގަޅު ސިފައެއް. އެކަމު އޮޑިޓަރެއް ލައްވާ ތިހުރިހާކަމެއް އޮޑިޓްކުރުން ރަގަޅު. އެހެންމީހުންގެ އިތުބާރު ލިބޭނީ އޭރުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮބާމާ

11 June 2019

އޮޑިޓަރު އަށް ވަކި ދެންވާނެ ކަމެއް އޮންނާނެތަ.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅު

11 June 2019

އޮންލައިން ޕޯޓަލްގައި އަޕްލޯޑު ކުރަންޖެހޭ އެއްޗެހި ކުރަންވާގޮތަށް ނޫންދޮތަކަށް ނުވަތަ މަދުން(ސެޓްފިކެޓް ގެ ދެފުއް އަޕްލޯޑް ކުރަން ޖެހޭ އިރު) އެއްފުއްކުރީމަ ސަބްމިޓްނުކުރެވި އެރާ އަރާ ގޮތަށް ވެސް ހެދޭނެ، އެއިރުން އެކުއްޖަކަށް އެގޭނެ މައްސަލައެއް އުޅޭތީކަން އަދި ހައްލުކުރަން މަސައްކަތް ކޮށް ހަލުވެސްވެފަހުރީހީ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ގޮހޮޑާ

10 June 2019

‫ކުރީ ދައުރު މަތިން ހަނދާން ކޮށްލާ....ލޯނު ލިބި ކިޔަވަން ގޮސް ތިބި ކުދިންނަށް ހަދާލިގޮތް...ޕޮކެޓް މަނީ ނުދޭން ގަދަ ހަދާ ބައެއް ކުދިން ނަށް ކޯސް ދޫކޮލަން މަޖުބޫރުވީ މި ސަރުކާރުގަ...މިހާރު ހަދާން ނުހުއްނާނެ...މީ އަލަކަށް ވާކަމެއް ނޫނޭ...