ކެބިނެޓް ބައްދަލުވުމެއްގައި ރައީސް: ދީބާޖާއަށް 174 މިލިއަން ދޭން ކޮމެޓީން ދިން ލަފައާ މެދު ރައީސް ވަކި ގޮތެއް އަދި ނުނިންމަވާ -- ފޮޓޯ/ރައީސް އޮފީސް
19 ނޮވެމްބަރ 2019 - 15:41
25 comments
ދީބާޖާ އިންވެސްޓްމަންޓަށް 348 މިލިއަން ރުފިޔާ ދައްކަން ކޮށްފައިވާ ހުކުމުގެ މައްސަލާގައި ކޯޓުން ބޭރުގައި މައްސަލަ ހައްލު ކުރާ ކޮމެޓީން ދީބާޖާ އަށް 174 މިލިއަން ރުފިޔާ ދޭން ރައީސް އިބްރާހިމް މުހައްމަދު ސޯލިހަށް ލަފާ ދީފައިވާ ކަމަށް ދައުލަތުން ސިވިލް ކޯޓުގައި މިއަދު ބުނެފި އެވެ.
އެމްޑީޕީގެ ވެރިކަމުގައި އުތުރު ޕްރޮވިންސްގައި ފެރީގެ ޚިދުމަތް ދިނުމަށް ދީބާޖާއާ އެކު ހެދި އެއްބަސްވުން 2013 ގައި އޭރުގެ ސަރުކާރުން ބާތިލްކުރި މައްސަލާގައި ދީބާޖާ އަށް 348 މިލިއަން ރުފިޔާ ދައްކަން ކުރި ހުކުމް މި އަހަރު ސުޕްރީމް ކޯޓުން ވަނީ ދަމަހައްޓައިފަ އެވެ. އެ ހުކުމް ތަންފީޒު ކުރަން ދީބާޖާއިން ސިވިލް ކޯޓަށް މައްސަލަ ހުށަހެޅުމުން ކޯޓުން ބޭރުގައި މައްސަލަ ހައްލު ކުރުމުގައި ރައީސަށް ލަފާ ދޭ ސެޓްލްމަންޓް ކޮމެޓީން ވަނީ ދީބާޖާ އެކު، ކޯޓުން ބޭރުގައި މައްސަލަ ހައްލުކުރަން މަޝްވަރާކޮށްފަ އެވެ.
ހުކުމް ތަންފީޒު ކުރުމުގެ މައްސަލާގައި މީގެ ކުރިން ބޭއްވި އަޑުއެހުމުގައި ދީބާޖާއިން ވަނީ ދައްކަންޖެހޭ ފައިސާގެ ތެރެއިން 116 މިލިއަން ރުފިޔާ ތިން ދުވަސް ތެރޭގައި ދައްކަން ދައުލަތަށް ފުރުސަތު ދީފަ އެވެ.
އެ މައްސަލާގައި މިއަދު ބޭއްވި އަޑުއެހުމުގައި ދައުލަތުން ބުނީ 116 މިލިއަން ރުފިޔާ ދެއްކިފައި ނުވަނީ ތިން ދުވަހަކީ އެކަމަށް އެކަށީގެންވާ މުއްދަތެއް ކަމަށް ނުވާތީ ކަމަށާއި އެކަމަށް 30 ދުވަހުގެ ފުރުސަތެއް ބޭނުންވާ ކަމަށެވެ. އަދި ސެޓްލްމަންޓް ކޮމެޓީން ރައީސަށް ލަފާ އަރުވާފައި ވިޔަސް، ރައީސް ފަރާތްޕުޅުން ވަކި ގޮތެއް ބަންޑާރަ ނައިބުގެ އޮފީހަށް އަންގަވާފައި ނެތް ކަމަށް ވެސް ދައުލަތުން ބުންޏެވެ.
ދީބާޖާގެ ފަރާތުން ވާހަކަ ދެއްކެވި އިބްރާހިމް ރަޝީދު ވިދާޅުވީ ކޮމެޓީގެ ލަފާގައި އެ ކުންފުންޏަށް ދޭން ކަނޑައެޅި 174 މިލިއަން ރުފިޔާ އަށް އެ ކުންފުނިން ދެކޮޅު ނަހަދާ ކަމަށާއި އެކަމަކު ކޮމެޓީގެ ލަފައާ މެދު ވަކި ގޮތެއް ނުނިމި އަދި ފައިސާ ވެސް ނުލިބި ދިގު ދެމިގެންދާތީ ގެއްލުންވަމުންދާ ކަމަށެވެ. އެހެންވެ، އޭނާ އެދިވަޑައިގަތީ އެ ކުންފުނިން ކޯޓުގައި ކުރިން ފުރުސަތު ދިން 116 މިލިއަން ރުފިޔާގެ ދެ ބައި ކުޅަ އެއްބައި ކަމަށްވާ 58 މިލިއަން ތިން ދުވަސް ތެރޭގައި ދެއްކުމަށެވެ.
އެ ފައިސާ ދެއްކުމަށް ފަހު، ކޮމެޓީގެ ލަފައާ މެދު ރައީސް ގޮތެއް ނިންމެވުމުން 174 މިލިއަން ރުފިޔާ އިން އެ ބައި އުނި ކުރުމުން ބާކީވާ 116 މިލިއަން ރުފިޔާ ދީބާޖާއަށް ލިބެން ޖެހޭނެ ކަމަށް ވެސް އޭނާ ވިދާޅުވި އެވެ.
ދީބާޖާގެ އެ ހުށަހެޅުމާ ގުޅިގެން ދައުލަތުން އަނެއްކާވެސް އެދުނީ 30 ދުވަހުގެ މުއްދަތެއް ދިނުމަށެވެ.
އެކަމަށް އިންކާރުކޮށް، ދީބާޖާއިން ބުނީ ދައުލަތުން އެ ކުންފުންޏަށް ދައްކަންޖެހޭ އަދަދަށް ބޮޑެތި ލުއިތަކެއް އެ ކުންފުނިން ދޭން އެއްބަސްވުމުން ވެސް ފައިސާ ނުދައްކާ ލަސް ކުރަމުން ދިއުމުން ގެއްލުންވަމުންދާ ކަމަށެވެ. އެ ކުންފުނީގެ ދަރަނިތައް އަދާ ނުކުރެވި އެބަހުރި ކަމަށް ވެސް އެ ކުންފުނީގެ ފަރާތުން ބުންޏެވެ. އަދި މިހާރު ވެސް އެކަށީގެންވާ ފުރުސަތު ދައުލަތަށް ދެވިފައިވާ ކަމަށް ވެސް އެ ކުންފުނިން ބުންޏެވެ.
އެ މައްސަލަ ބައްލަވާ ގާޒީ ޒުބައިރު މުހައްމަދު މިއަދުގެ އަޑުއެހުން ނިންމަވާލެއްވީ ދީބާޖާއިން ހުށަހެޅި ގޮތަށް ތިން ދުވަސް ތެރޭގައި އެ ފައިސާ ދައްކަން ދައުލަތަށް ފުރުސަތު ދެއްވުމަށެވެ.
ދީބާޖާއަށް 348 މިލިއަން ދައްކަން ސިވިލް ކޯޓުން ކުރި ހުކުމް ހައި ކޯޓުން މިދިޔަ އަހަރު ބާތިލް ކުރި އެވެ. އެކަމަކު ދީބާޖާއިން އެ މައްސަލަ ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިއަހަރު ނިންމީ އިސްތިއުނާފް މުއްދަތު ހަމަވިފަހުން ހައި ކޯޓުން އެ މައްސަލަ ބަލައިގަތީ ގާނޫނާ ޚިލާފަށް ކަމަށާއި އެހެންވެ، ހައި ކޯޓުގެ ހުކުމް ބާތިލްކޮށް އަދި ސިވިލް ކޯޓުގެ ހުކުމް ދަމަހައްޓާ ކަމަށް ސުޕްރީމް ކޯޓުން ހުކުމްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
20 November 2019
މިއައްކިޔަނީ ވައްކަން ކުރުން.
ނިިބޫ
20 November 2019
2020 ގެ ބަޖެޓުގަ ވރަށް ބޯކޮށް ބައިއެޅޭގޮތަށް އޮތީ..
ހަސަނު1
19 November 2019
ދައުލަތުން ވަގުތު ޖެހުނު އިރު އިސްތިނުނާފް ނުކުރި މީހަކަށް އަދަބެއް ނުލިބޭތޯ؟ މަސައްކަތައް އިހުމާލުވުމުމް އޭޖީގެ މުވައްޒަފުންނާއި ވެރިން މިފައިސާއަށް ޒިންމާވާކަށް ނުޖެހޭތޮ؟ބައެއް ފުލުހުންނާއި އޭޖީ އޮފީހާއި ކޯޓުތައް ގުޅިގެން ބައިއެޅިގެން ހިންގާ ބޮޑު ޖަރީމާއަކާއި ވައްތަރީ. ދައުލަތުންގެ ޚަޒާނާއިން މުއް ޖަހާލާފައި މިނަގަނީ ބޮޑު އޮޅުވާލުންގަޑެއްގެ ތެރެއިން އަތުންފައިން އެއްވެސް މަސައްކަތެއް އަދި ޚަރަދެއްވެސް ނުކޮށް.
falcon_autho
19 November 2019
ހަމަ ޖަރީމާއެއް. ތިބުނާ ދީބާޖާއަކުން ފެރީގެ ޚިދުމަތް ފަށަން ކުރީ ކޮންމަސައްކަތެއްތޯ؟އެމަސައްކަތުގެ އަގަކީ ކިހާވަރެއްތޯ ބަލަން ރައްޔިތުން ބޭނުން. ކޮބާ އަގުކޮމިޓީ.ދައުލަތުން ފައިސާދޭންޖެހޭ ކަންކަމުގައި އަގުކޮމިޓީގެ ނިންމުން އޮންނަންވާނެ. ތިބުނާ ސެޓްލްމަންޓް ކޮމިޓީގައި ތިބޭނީ ލިބޭ ފައިސާއިން ބައިއަޅާ މީހުން. ކޯޓުގައި އެފަދަމީހުން ނެތެކޭނޫން މިބުނީ. ދަވާލާ. ތީކޮންތާކުން ނުކުމެގެން އުޅޭ ސެޓްލްމަންޓް ކޮމިޓީއެއް. އިބޫގެ ފުރަގަހުގައިތިބެގެން ގައުމުކާލަނ
އަސްތާ
19 November 2019
ތިއޮއް ކޮމިޓީ އެއްދޯ! ކޮމިޓީ ހާމަކުރޭ.
ކަދުރޭ2
19 November 2019
ސީދާ ނުހައްގުން ކާލާ ކެއުމެއް. އިންސާފުގެ ދަތުރު ނަމުގައި ދައުލަތުން ކުރާ ވައް ކަމެއްމީ.
ޙަހަހަހަ
19 November 2019
މާ ބޮޑަށް ނުއެނގިބަލަ
ބަބުރަންޖީ ހާޖީ
19 November 2019
މި ދީބާޖާއަކީ ކާކުތަނެއް؟ އަޅެ "މިހާރުން" ބަލާލަދީބަލަ.
ހަކުރުދެންޏާ ބޮޑުބޭބެ ސިޔާސަތު
19 November 2019
ސިލެކްޓިވް ޖަސްޓިސްގެ ވާހަކަ މީގެ ކުރީން ކިޔައި އުޅުނީ ފޮތްތަކުން. މިއަދު މިރާއްޖެއިން މިފެންނަނީ ހަމަ އެބުނާ ސިލެކްޓިވް ޖަސްޓިސް. ވަކީ ބޭފުޅަކު ނުވަތަ ބަޔަކު ބޭނުންވީމާ އެބޭނުންވާ ކަމަކަށް އެޓެންޑް ކުރަނީ. އެވަރިހަމަ އެއްކަހަލަ ކިތައްމެ ގިނަ މައްސަލަތަކެއް ފާހަގަ ކުރެވިފައި ހުއްޓަސް. މިއީ ހަމަ ގައިމުވެސް ގިނަ ދިވެހީން ބޭނުންވެގެން އުއްމީދުކޮށްގެ ގެނައި ބަދަލުން ހޯދަންބޭނުންވި ކަންތައްތަކެއް ނޫން.
ހަމް
19 November 2019
ވާނުވާގަ ކޮމެންޓް ނުކޮށްބަލަ. ލާރި ނުދޭން އުޅެނީ ސަރުކާރުންނޭ. ކުރީސަރުކާރުގެ ނުފޫޒު އޮތް ފަނޑިޔާރުގަެިން އަވަސް އަރުވާލާފަ ކުރި ހުކުމެއް.
falcon_autho
19 November 2019
ތިބާވަތުގެ ހުކުމް ޖެހޭނީ އަލުން މުރާޖަޢާ ކުރަން. ކަނޑައެޅިގެން ފެންނަންހުރި ގޯސްތަކެއް ހުއްޓާ، އަދި ދައުވާކުރާ ފަރާތުން ހުށްހަޅާ ހެކީގައި ބުރަދަނެއް ނެތިއްޔާ ދައުލަތުން އެކަމަށް އެއްބަސްވެގެން ދައުވާކުރާމީހާ ކޮޅަށް ނިންމިޔަސް އެކަން ރަނގަޅެއްނުވާނެ. ރައްޔިތުންގެ ފައިސާއިން ބަދަލުދޭންޖެހޭ ކަންކަމަށް ދޭންނުޖެހޭ އެއްޗެއް ދޭން އެއްބަސްވިއަސް އެކަން ސައްޙައެއްނުވާނެ.
ރުޅި
19 November 2019
އެންމެ ލާރިއެއްވެސް ދީގެންނުވާނެ. ޓެކްސްފައިސާ އިން ފޭރޭ ކުންފުނިތައް. މި މީހުންނަށް ވީގެއްލުމެއް އެއްވެސް ނޫހަކުން ނުފެނޭ. ދެރަކަމެއް.
ސޭކުބެ
19 November 2019
ދީބާޖާގެ ވެރިންނަކީ އެމްޑީޕީގެ އެކްޓިވިސްޓުންކަން އެންމެންވެސް ދަނޭ.