ކޮވިޑް-19: ރިސޯޓަކުން ފިލައިގެން ފުވައްމަލަކަށް ދިޔަ ދެ މީހަކު ހައްޔަރުކޮށްފި

އަހުމަދު ސާއިލް އަލީ، މިހާރު

21 މާޗް 2020 - 14:07

ރާއްޖޭގައި ކޮވިޑް-19 އިތުރަށް ފެތުރުނަ ނުދިނުމަށްޓަކައި، ރިސޯޓުތަކުގައި އުޅޭ މީހުން އެހެން ރަށްރަށަށް ދިއުން މަނާކޮށްފައި ވަނިކޮށް، މާލެ އަތޮޅުގެ ރިސޯޓެއްގައި މަސައްކަތް ކުރާ ދިވެހި ދެ މުވައްޒަފަކު ފލައިގެން ދިޔަ މައްސަލައެއްގައި އެ ދެ މީހުން ރޭ ހައްޔަރުކޮށްފި އެވެ.

ޗީފް އިންސްޕެކްޓާ އޮފް ޕޮލިސް އަދި ފުލުހުންގެ ތަރުޖަމާން އިޒްމިއާ ޒާހިރު މިއަދު ވިދާޅުވީ، އެ ދެ މީހުން ފިލައިގެން މާލެ އައިސް މަތިންދާބޯޓުން ފުވައްމުލަކަށް ދިޔަ ފަހުން ރޭ ހައްޔަރުކޮށްފައިވާ ކަމަށެވެ.

އެ ދެ މީހުންގެ ބަންދާ މެދު ގޮތެއް ނިންމަން ފުވައްމުލަކު މެޖިސްޓްރޭޓް ކޯޓަށް ގެންދިއުމުން ބަންދުގައި ބައިތިއްބައިގެން ތަހުގީގު ކުރިއަށް ގެންދަން 15 ދުވަސް ދީފައިވާ ކަމަށް ފުލުހުން ބުންޏެވެ.

ކޮވިޑް-19 އަށް ރާއްޖޭން 13 މީހަކު ޕޮޒިޓިވް ވެފައިވާއިރު، ސިއްހީ ނުރައްކަލުގެ ހާލަތު އިއުލާންކޮށް، ރިސޯޓުތަކަށް މީހުން އަރައިފޭބުމާއި އަދި ރިސޯޓުތަކުގައި އުޅޭ މީހުން އެހެން ރަށްރަށަށް އެރުން ވެސް މިވަގުތު މަނަލެވެ.

އިޒްމިއާ ވިދާޅުވީ، މާލެ އަތޮޅުގެ ދެ ރިސޯޓަކުން ފިލި ދެ މީހުން މިދިޔަ ބުރާސްފަތި ދުވަހު މާލެ އައީ އަމިއްލަ އަށް ދަތުރު ހަމަޖައްސައިގެން ކަމަށެވެ.

އެއީ އުމުރުން 30 އަހަރާއި 29 އަހަރުގެ ދިވެހި ދެ ފިރިހެނުން ކަމަށް ފުލުހުން ބުންޏެވެ.

"ދިވެހި ރާއްޖޭގައި އާންމު ސިއްހަތުގެ ކުއްލި ނުރައްކަލުގެ ހާލަތު އިއުލާން ކޮށްފައި ވަނިކޮށް، ޑިރެކްޓާ ޖެނެރަލް އޮފް ޕަބްލިކް ހެލްތުގެ އެންގުމާ ޚިލާފުވާ މީހުންނަށް މި ސާވިސް އިން ފިޔަވަޅު އަޅަމުން ދާނެ ކަމުގައި ދަންނަވަން،" އިޒްމިއާ ވިދާޅުވި އެވެ.

މިހަފުތާ ކުރީކޮޅު އައްޑޫގެ ރިސޯޓަކުން އެ ސިޓީގެ މީދު އަށް ފަތާފައި ދިޔަ މީހަކު ވެސް ފުލުހުން ވަނީ ހައްޔަރުކޮށްފަ އެވެ. މީދުއާ ޖެހިގެން އޮންނަ ސައުތު ޕާމް ރިސޯޓްގެ އެ މުވައްޒަފުގެ ބަންދަށް މީދޫ ކޯޓުން ވަނީ 15 ދުވަސް ޖަހައި ދީފަ އެވެ.

Resort in fathaafai Meedhoo ah dhiya meehaage bandhah 15 dhuvas

The most trusted news source in the Maldives

Mihaaru

ރިސޯޓުން ފަތާފައި ދިޔަ މީހާގެ ބަންދަށް 15 ދުވަސް ޖެހުން--

ޕްރޮސިކިއުޓާ ޖެނެރަލް ހުސައިން ޝަމީމްވެސް ވަނީ ކަރަންޓީންކޮށް ނުވަތަ އެކަހެރި ކޮށްފައި ހުރި މީހަކު އުސޫލާ ޚިލާފަށް އާންމުންގެ ތެރެއަށް ނުކުތުމަކީ ކުށެއް ކަމަށް ވިދާޅުވެފަ އެވެ.

ޝަމީމް ކުރެއްވި ޓްވީޓެއްގައި ވަނީ ފަރުވާލެއް ނެތި ކުރާ ކަމަކުން އެހެން މީހަކު މަރުވެދާނެ ކަމުގެ ނުވަތަ ބޮޑު އަނިޔާއެއް ލިބިދާނެ ކަމުގެ ބިިރެއް ކުރިމަތި ކުރުވުމަކީ ގާނޫނުލް އުގޫބާތުގެ ދަށުން ކުށެއް ކަމަށެވެ. އަދި ކަރަންޓީން ކޮށްފައި ހުއްޓާ ގިނައިން އާންމުން ދާ ތަނަކަށް ގޮސްފި ނަމަ، އެއީ އިންސާނާގެ ފުރާނަ އަށް ފަރުވާލެއް ނެތް ގޮތަކަށް ކުރި އަމަލެއް ކަމަށް ގާނޫނުލްއުގޫބާތުގެ ދަށުން ބެލިދާނެ ކަމަށް ވެސް އޭނާގެ ޓްވީޓްގައިވެ އެވެ.

ސިއްހަތު ފުވައްމުލައް ޓޫރިޒަމް ރިސޯޓްތައް އިޒްމިއާ ޒާހިރު (ސްޕޯކްސްޕާސަން، ޕޮލިސް) ފުލުހުން

33 ކޮމެންޓް, 90 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމިއުނިސްޓް ޕާޓީ މޯލްޑިވްސް

22 March 2020

ރިސޯޓުގެ ވަޒީފާ ދޫކޮށްފައި ރަށަށް ގޮސް އެކަކު ހަދަންވީ ޑައިވް ސެންޓަރެއް. އަނެކަކު ވޯޓަރ ސްޕޯޓްސް ސެންޓަރެއް. މީހުން އުޅޭ ގޭގޭގެ ހުސް ކޮޓަރިތަކުގައި ގެސްޓުން ބޭތިއްބުމުގެ ހުއްދަ ސަރުކާރުން ދޭންވީ. އިސާހިތަކު މުޅި ރަށް ރިސޯޓަކަށް ވެދާނެ. މިކަމަށް ބޭނުންވާ ފައިސާ އެސް.އެމް.އީ ބޭންކުން ދޫކުރާނީ. މިއީ ކޮވިޑް19 އަށް ފަހު ރާއްޖޭގެ އިގުތިސާދު ބަދަލުކުރަންވީ ގޮތް. ރާއްޖެއަށް މަހުޖަނުންގެ ރިސޯޓު ބޭނުމެއްނުވޭ. މަސައްކަތްކުރާމީހުން ވާނީ ރިސޯޓުގެ ވެރިންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިވެއްސެއް...

22 March 2020

ހިގާ ހީކޮށްލަމާ މީގެ ތެރެއިން އެކެއްގެ ހަށިގަޑުގައި ކޮވިޑްގެ އަސަރު ހުރިކަމަށް. އެމީހުން އެލޯންޗް އަށް އަރައިގެން، އެއާޕޯޓް އަށް ގޮސް، ޓާމިނަލްތެރޭ ގޮޑި ތަކުގަ އަތްލާ، ކެފޭ އަށް ސައިބޯން ވަދެ، ބޯޓަށް އަރާ އެ ހުރިހާ ކަމެއް އެކުރީ. އެއްފަހަރާ ކިތައް މީހުންގެ ފުރާނަ ނުރައްކަލުގެ ތެރެއަށް އެލީ؟ ކުރިން ވައުދުވިގޮތައް އެމީހުންގެ ނަމާ ފޮޓޯ ހާމަކޮށް ޖޫރިމަނާ ކުރޭ. އަދި ދުވަސް ކޮޅަކަށް ޖަލަށް ލާންވެސް ފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުޖާ

21 March 2020

އަބިދަރިން ކައިރިޔައް ނުގޮސް ތިބެންޖެހޫނީމަ ނަފުސާނީގޮތުން ގެލުންލިބި ތިކަހަލަ ކަންތައް ގިނަވާނެ! މިހާރު ރިސޯޓުމީހުންނަކީ ފައިގަ ހިލިހިލާނު ޖެހިޔަސް ކުރީގަހެން އަޅުންގޮތައް މަސައްކަތް ކުރަންޖެހިފަ ތިބިބަޔެއް! ގޭގަތިބޭމީހުނައް ޓެކުސް ފައިސާ ހޯދަން ފުރާނަ އަތްމަތްޗައް ލައިގެން މަސައްކުރަންޖެހެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓްރަންޕް .

21 March 2020

15 ދުވަހު ބަންދުވީމަ އެއްޗެއް ވިސްނިފައި ހުންނާނި. ގަނޑުފިއްލާ ވިއްޔާ ނުކުޅެވިގެން މިއުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

21 March 2020

ރިސޯޓުން ފައިބާން ބޭނުންވާ މީހާ ކަރަންޓީނު މުއްދަތު ނިމުމުން އެ ފުރުސަތު ލިބެންވާނެ. އެމީހުންގެ ވެސް އާއިލާތަކާއި ބައްދަލުކޮށް އެކުގައި އުޅެން ބޭނުންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑް

21 March 2020

ރިސޯޓުން ފިލައިގެން ދާ މީހެއްގެ ސަބަބުން ރަށުގައި ބަލި ފެތުރި މީހުން މަރުވާނަމަ ހަރުކަށި އަދަބުވެސް އޮންނަންވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޭައަހޭ

21 March 2020

ތިގޮތަށް ނަހަދާ ނެތް ވާކަށް. މިހާރު މާލޭގަވެސް ބުނާ ގޮތަށް ހަދައިގެން ތިބި މީހުންވެސް އެގޮތަށް ނަހަދާ މީހުންނާ ހެދި ބޮޑޮ ރިސްކަކަށް މިވެއްޓެނީ. އެމީހުންނަށްވެސް ގޮތެއް ހަދަން އެބަޖެހޭ. މިކަހަލަ ބަޔަކާއެއްކޮށް އެއް ސޮސައިޓީއެއްގަ އުޅެން ބޭނުމެއް ނޫން. އަހަރުމެން އެހެން ތަނަކަށް ބަދަލުކޮށްގެން ވިޔަސް މިމީހުންގެ ކިބައިން ސަލާމަތްކޮށްދީ. ކުރިންވެސް އުޅޭ ހިތަކުންނެއް ނޫން އުޅެނީ. މަޖުބޫރުވެގެން. ގިނަ މީހުންގެ އެއްވެސް ޑިސިޕްލިންއެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިޝީ

21 March 2020

ރިސޯޓް ތަކުގައި ތިބި މީހުން ބަލި ޖެހުނީމާ ޒިންމާ ނަގާ އަދަބު ދަެންޖެހެނީ ކޮންބޔަކަށް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެސްކޮބާރ

21 March 2020

ރިސޯޓު މުވައްޒަފުންގެ ތެރެއިން ރިސޯޓު ދޫކޮށްލަން ބޭނުންވާ މީހުން 14 ދުވަސް ވަންދެން ފަރުކޮޅުފުށި ނޫނީ ވިލިވަރު ކަހަލަ ފެސިލިޓީއެއްގައި ތިބެފައި އެމީހުންގެ ރަށަށް ދިއުމުގެ ފުރުސަތު ދެއްވާ. ވަރަށް ގިނަ ރިސޯޓު މުވައްޒަފުން ބޭނުންވާނެ މިދުވަސްކޮޅު އާއިލާ ކައިރިއަށް ދާން. އަދި ރަށުގައި ދަނޑުވެރިކަންކޮށް މަސްވެރިކަން ކުރަން ރަށަށް ބަދަލުވާން. އެފުރުސަތު ދޭން ޖެހޭ. މިހުރިހާ ދުވަހު އެމީހުން މަސައްކަތްކުރީ އަނބިދަރިންނާއި ބައްދަލުވާން ފުރުސަތު ނުލިބި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއުނިމާ

21 March 2020

ސައޫދީގަ މިކަހަލަގެ އަދަބަކަށް މިލިޔަނުން ގޫރިމަނާ ކުރަމުން އެދަނީ، ރައްޖޭގެ އަދަބުތައް މާލުއީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ

21 March 2020

މިދެމީހުން މާލެއާއި ހަމަޔަށް ގެނައި ކައްޕި ވެސް ހައްޔަރުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުދާރު

21 March 2020

މީގެ މިވާގޮތަކީ ކަންބަޅި ތަކެއް ކޮށްޓަކަށް ހައްޔަރުކޮށްފަ ޓައިގަރުންތަކެއް މި ވައްދަނީ ކޮށްޓަށް . ދެން ކަންބަޅިތަޢް ބިރުން ސަލާމަތްވާ ތެޅި ފޮޅެނީ. އެކަންތައްގަނޑުގެ ތެރޭގައި ގޭތެރެއަކުން ކޮންމެސް ގޮތަކަށް ކަންބަޅިއެއް ދެމިގަނެ ރައްކާވަނީ