މިހާތަނަށް 98 ފަހަރު ގެތައް މޮނިޓަކޮށް، މީހުންގެ ސާމްޕަލް ނަގައިފި: އެންއީއޯސީ

ކޮވިޑް-19 ފެތުރުން ހުއްޓުވަން ތައްޔާރުވުމުގެ ގޮތުން ބޭއްވި ޑްރިލް އެެއްގައި ބަޔަކު ހަރަކާތްތެރި ވަނީ. ކޮވިޑަށް ޓެސްޓްކުރަން ސާމްޕަލް ނަގަން 98 ފަހަރު ގެތައް މޮނިޓާކޮށްފި. --ފައިލް ފޮޓޯ/މިހާރު

މުހައްމަދު ނަސީމް، މިހާރު

01 އެޕްރީލް 2020 - 12:05

9 comments

ކޮރޯނާވައިރަސް ފެތުރުނަ ނުދޭން ރާއްޖޭން ކުރާ މަސައްކަތުގައި މިހާތަނަށް ރާއްޖޭގެ އެކި ރަށްރަށުން 98 ފަހަރު ގެތައް މޮނިޓާކޮށް، މީހުން ޓެސްޓް ކޮށްފައިވާ ކަމަށް ނެޝަނަލް އިމަޖެންސީ އޮޕަރޭޝަން ސެންޓަރު (އެންއީއޯސީ) ން ރޭ ބުނެފި އެވެ.

ދަރުބާރުގޭގައި އޮތް މީޑިއާ ބްރީފިންގައި، އެންއީއޯސީގެ ތަރުޖަމާނު މުހައްމަދު މަބްރޫކް އަބްދުލްއަޒީޒް ވިދާޅުވީ، ގޭގެ މޮނިޓާކޮށް، މީހުންގެ ސާމްޕަލް ނަގަނީ ދަތުރުކޮށްފައި އަންނަ މީހުން ގޭގެ އަށް ދިއުމުން ކަމަށެވެ. އޭނާ ވިދާޅުވި ގޮތުގައި އެގޮތަށް މާލޭގެ 16 ގެއެއް މިހާތަނަށް މޮނިޓަކޮށް ސާމްޕަލް ނަގާފައިވާ ކަމަށާއި އެފަދަ ހާލަތްތަކުގައި އެ ގެތައްް މޮނިޓާކުރާ ކަމުގެ ލިޔުން ދިނުމަކީ ކުރިއްސުރެ އަމަލުކުރަމުން އަންނަ ގޮތް ކަމަށެވެ.

"މި ގޮތަށް ކަންކުރަނީ ގޭގެ އަށް، ޓްރެވެލް ހިސްޓްރީ އޮންނަ މީހުން އަންނަންޏާ، އެ ގޭގެ ސާމްޕަލް ނަގަން ދާއިރު މި ލިއުން އާއްްމުގޮތެއްގައި ދޭ. ދީފައި އެ ސާމްޕަލްގެ ނަތީޖާ ލިބެންދެން އެގޮތަަށް ބޭއްވުމަށް. މީކީ އާކަމެއް ވީކީ ނޫން. މިއަދު ހަމަ އެކަނި އަލަށް ވާން ފެށި ކަމަކީ އޭގެ ނޯޓެއް ސޯޝަލް މީޑިއާގައި ދައުރުވާން ފެށުން،" މާލޭގެ ގެއަކަށް ވަދެ ނުކުމެ އުޅުން މަނާކުރުމާ ގުޅޭ ގޮތުން، އެޗްޕީއޭ އިން ފުލުހުންނަށް އިއްޔެ ފޮނުވި ލިޔުމެއް ސޯޝަލް މީޑިއާގައި އާންމުވުމާ ގުޅިގެން މަބްރޫކް ވިދާޅުވި އެވެ.

ނެޝަނަލް އިމަޖެންސީ އޮޕަރޭޝަން ސެންޓަރުގައި ބޭއްވި ޕްރެސްކޮންފަރެންސެއްގައި މަބްރޫކް ވާހަކަ ދައްކަވަނީ.

ރާއްޖެެ އިން މިހާތަނަށް ކޮވިޑް-19 އަަށް ޕޮޒިޓިވް ވީ 18 މީހެކެވެ. އޭގެ ތެރެއިން ދެ މީހަކު ވަނީ އިޓަލީ އަށް ފުރައިގެން ގޮސްފަ އެވެ. ރާއްޖޭގައި ތިބި 16 މީހުންގެ ތެރެއިން ތިން ދިވެހިން ފިޔަވައި އެންމެން ވެސް މިހާރު ވަނީ ބަލިން ސަލާމަތްވެފަ އެވެ.

މަބްރޫކް ރޭ ވިދާޅުވިގޮތުގައި، ކޮވިޑް-19 އަށް ޓެސްޓް ކުރަން ރާއްޖެ އިން މިހާތަނަށް 1،137 ސާމްޕަލް ނަގާފައިވެ އެވެ. މީގެ ތެރެއިން 1،114 ސާމްޕަލެއް ނެގެޓިވްވި އިރު ނަތީޖާ ނުލިބެނީ ފަސް ސާމްޕަލެއްގެ އެވެ.

ދުނިޔޭގެ އެކި ކަންްކޮޅުތަކުގައި ކޮވިޑް-19 ޖެހުނު މީހުންގެ އަދަދަކީ މިހާރު ވަނީ 85،000 އަށް ވުރެ އިތުރުވެފަ އެވެ. އެ ބަލީގައި މަރުވި މީހުންގެ އަދަދަ 42،000 އަށް ވުރެ ގިނަ އެވެ.

ކޮވިޑް-19 ކޮންޓްރޯލްކުރަން ރާއްޖޭން މިއަދު ވަނީ އާ ފިޔަވަޅުތަކެއް އަޅައިފަ އެވެ. އެގޮތުން ތިން މީހުންނަށް ވުރެ އިތުރަށް ގްރޫޕް ހަދައިގެން ބޭރުތެރޭ އުޅުން މަނާކުރުމައި ބޭރަށް ނުކުމެ އުޅުން މަނާ ވަގުތެއް ވަނީ ކަނޑައަަޅައިފަ އެވެެ. ބޭރަށް ނުކުމެ އުޅުން މަނާ ގަޑިއަކީ ހަަވީރު 5:00 އިން ރޭގަނޑު 8:00 އަށެވެ. އެ އުސޫލަށް އަމަލުކުރަން ފަށާނީ މާދަމާ މެންދުރު 12:00 އިން ފެށިގެންނެެވެ.

ސިއްހަތު ޕަބްލިކް ހެލްތު ސިއްހީ ކުއްލި ނުރައްކަލުގެ ހާލަތު މުހައްމަދު މަބްރޫކް އަޒީޒް (ރައީސް އޮފީސް) މާލެ

9 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަމަ ކޮސްވެއްޖެ

02 April 2020

ރަގަޅަށް ކަމެއް ކުރާ ބަޔަކު ތިކަހަލަ ވާހަކައެއް ނުދައްކާނެ. ތިޔަށް ކިޔަނީ ފޮޑިއެއް ޖަހާފަ އެންމެން ކައިރީގައި އެވަސްއެބަ ދުވާތޯ އެހުން. ތަންކޮޅެއް ހަރުދަނާ ވާންއެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުއްލުއްކަ ޕަޓޭ

02 April 2020

ހަމަ ކިރިޔާ އެންނު 100 ހަމަ ނުވީ...ހަމަ ކޮށްފަ ތިހަބަރު ޖެހިނަމަ ސަޅިވާނެ..މީދެން ކޮން ވާހަކައެއް..އަހަރުނައްވެސް އެބަ އިގޭ ވާނުވާ... މޮޅެތި ވާހަކަ ދައްކާ ފޮނި ނުކެޑިޔަކަސް....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ އަހްމަދު

02 April 2020

ބޮޑެތި މީހުންގެ ދަރިން ގޭގައި.. ރައިސް ނަޝީދު ވީމާ އޭނާ އެއްބަސް ނުވަނީސް ޓެސްޓް ނުކުރެވޭ.. ބޭރުން އަންނަ މީހުން އެއްކޮޓަރިއަކަށް ލާފައި.. އިޓަލީގެ މުއްސަނދި 2 މީހުންގެ ގައިގެ ޢަލާމަތްތައް ހުއްޓާ ފުރުވާލުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު އަހްމަދު

02 April 2020

ރާއްޖޭގެ 200 ރަށުގައި މާލެ ހުޅުމާލެ ވިލިމާލެ ނުލައިވެސް 140000ގެ ހުންނާނެ.. އެހެންވީމާ 98 ހާދަ ގިނައޭ!!!!!!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޑަމް

02 April 2020

ވަރައްދެރަކަމެއް މިފަދަނުރައްކާތހެރިބައްޔަކައްތުހުމަތުކުރެވޭތީ ނުވަތަބަލިހުރެދާނެކަމައްތުހުމަތު ކުރެވިގެން އެކަހެރިކުރާބަޔަކު މައިންބަފައިންނާ އަބިންދަރިންކައިރީގަ ގޭގަބަހައްޓަން ޖެހުނީކިއްވެހޭ? އަދިއެމީހުންބޭރުގާއުޅޭކަމައްމަބުރޫކާއެކު ޑޮކުޓަރުންގެޓީމުން ޓީވީގަވެސް އެއްބަސްވިހިތާމައިގެކޮޅެއްނެތް ދިވެހިންބުނާފޫނެއްފަޔައް ފެންފުރުމަކީތީ ޓީމައް ވަރައްބޮޑަށް ސުކުރިއްޔާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެސްބެ

02 April 2020

އެންއީއޯސީގެ މަންޒަރުތައް "މިހާރު"ން ގެނެސްދިންނުމުން ބިރުވެރިކަން ވަދެއްޖެ. އެވެރިން ވިދާޅުވަނީ މީހުންނާގައިގޯޅިވެ ނޫޅޭށޭ އަދި 5 ފޫޓް ދުރުގައި ތިބޭށޭ! އެކަމަކު މަންޒަރުތައް ބައްލަވާ. ވަރަށް ކަރީގައި ތޮއްޖެހިފައި އެމީހުންއެތިބެނީ އަދި އެއްބަޔަކު މީހުންގެ ކޮނޑަށް އަތްއެއްލައިގެންވެސް ތިބޭތަންފެނިއްޖެ. އެހެންވީމާ ތިޔަ ދައްކަވާ ވާހަކައާ އަމަލާ ފުރަތަމަ ތިބޭފުޅުން ދިމާކުރައްވާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަތްނެތްކުއްޖާ

01 April 2020

ތިޔަ ކުރަނީ ފޫނެއް ތެއްޔަށް ފެންފުރުން ކަހަލަ ކަމަކޭ މަމެން ބުނަން ނެތީމު. އަޑު އަހަނމު. އިގިރޭސި ވިލާތުން އަންނަ މަތީ ފެންވަރުގެ މީހުންގެ ދަރިން ގޭގައި ތިޔަ ބުނާ ގަރަންޓީނެް ކުރަން ބައިތިއްބާވާހަކަ. މިއީ ޙަޤީގަތަކަށް ވާނަމަ މިކަމީ ވަރަށް ބިރު ބޮޑު ކަމެކެވެ.