މާލޭ ވިޔަފާރި ބަނދަރުގައި އޮތް ބޯޓަކުން ކާޑުގެ ބާވަތްތައް ބާލަނީ. އިންޑިއާއިން ހަދިޔާކުރި ކާބޯތަކެތީގެ ޝިޕްމަންޓް ވަރަށް އަވަހަށް ގެންނާނެ. ފައިލް ފޮޓޯ/މިހާރު
10 މެއި 2020 - 20:58
36 comments
އިންޑިިއާ އިން ރާއްޖެ އަށް ހަދިޔާ ކުރަން ނިންމާފައިވާ 580 ޓަނުގެ ކާބޯތަކެތި ވަރަށް އަވަހަށް ގެންނާނެ ކަމަށް ރާއްްޖޭގައި ހުންނަ އެ ގައުުމުގެ ހައި ކޮމިޝަނުން މިއަދު ބުނެފި އެވެ.
ހައި ކޮމިޝަނުން ނެރުނު ބަޔާނެއްގައި ބުނީ، އިންޑިއާ އިން މި ފަހަރު ގެންނަ އެހީގެ ޝިޕްމަންޓަކީ މިދިޔަ މަހުގެ 20 ގައި ރާއްޖޭގެ ރައީސް އިބްރާހީމް މުހައްމަދު ސޯލިހާއި އިންޑިއާގެ ބޮޑުވަޒީރު ނަރެންދުރާ މޯދީ ފޯނުން ގުޅުއްވައިގެން ކުރެއްވި މަޝްވަރާތަކަށް ފަހު ދެއްވަން ނިންމެވި އެހީގެ ބައެއް ކަމަށެވެ.
އިންޑިއާގެ ކަނޑުގެ ސިފައިންގެ މަނަވަރު "އައިއެންއެސް ކޭސަރީ" ގައި އެ ޝިޕްމަންޓް ރާއްޖެ އަށް ވަރަށް އަވަހަށް ގެނެސްދޭނެ ކަމަށް އިންޑިއާގެ ސަރުކާރުން ބުންޏެވެ.
އިންޑިއާ އިން ގެންނަ ޝިޕްމަންޓްގައި ހިމެނެނީ:
- 200 ޓަނުގެ ހަނޑޫ.
-140 ޓަނުގެ ގޮދަންފުށް.
90 ޓަނުގެ ހަކުރު.
120 ޓަނުގެ ރީނދޫ މުގު.
26 ޓަނުގެ ފިޔާ.
14 ޓަނުގެ އަލުވި.
މި އެހީ އަކީ އިންޑިއާގެ 'އެކިއުރިޓީ އެންޑް ގްރޯތު ފޯ އޯލް' (ސާގަރް) ޑޮކްޓްރިންގެ ދަށުން ސަރަހައްދީ ގައުމުތަކަށް އިންޑިއާ އިން ފޯރުކޮށްދޭ އެހީ އެކެވެ. އެގޮތުން "އައިއެންއެސް ކޭސަރީ" ފުރަތަމަ ދަތުރުގައި ރާއްޖެ އަށް މުދާ ބޭލުމަށް ފަހު މި ސަރަހައްދުގެ އެހެން ގައުމުތަކަށް ދާނެ އެވެ.
ރާއްޖެ އާއި އިންޑިއާ އިން އެއްބަސްވެފައިވާ ގޮތުން، ކޮވިޑް-19 ބަލިމަޑުކަމުގެ ސަބަބުން ދެ ގައުމުގެ ރައްޔިތުންނަށް ކުރިމަތިވެދާނެ ހުރިހާ ކަމަކުން އަރައިގަތުމަށް އެންމެ ފުރިހަމަ ސްޓްރެޓެޖީއަކީ ސަރަހައްދީ ގައުމުތަކުން އަތުގުޅާލައިގެން މަސައްކަތް ކުރުމެވެ.
"..ކާބޯތަކެތީގެ މި އެހީ އަކީ އިންޑިއާގެ ރައްޔިތުންގެ ފަރާތުން ދިވެހިރާއްޖޭގެ ރައްޔިތުންނަށް މި ބަރަކާތްތެރި ރަމަޟާން މަހުގައި ދެވޭ، ދެ ގައުމުގެ އެކުވެރިކަން ރަމްޒު ކޮށްދޭ ހަދިޔާ އެވެ. އަދި ދެ ގައުމުގެ މެދުގައި ވާ ގާތް ގުޅުމުގެ އިތުރު ހެއްކެކެވެ،" އިންޑިއާގެ ހައި ކޮމިޝަންގެ ބަޔާނުގައި ވެ އެވެ.
އިންޑިއާ އިން ވަނީ މިދިޔަ ދެ މަސް ދުވަހުގެ ތެރޭގައި އެކި ގޮތްގޮތުން ދރާއްޖެ އަށް އެހީތެރިކަން ފޯރުކޮށްދީފަ އެވެ. ކޮވިޑް-19 އަށް ތައްޔާރު ވުމަށް ސިއްހީ މާހިރުންގެ ޓީމަކާއި ބޭހުގެ ޝިޕްމެންޓްތަށް ފޮނުވުމާއި ވޫހާންގައި ތާށިވެފައި ތިބި ދިވެހިން އަނބުރާ ގެނެސްދިނުން އޭގެ ތެރޭގައި ހިމެނެ އެވެ.
ކޮވިޑް-19ގެ ބަލިމަޑުކަމުން ސަލާމަތް ވުމަށް އިންޑިއާ އިން ބޭނުން ކުރާ އުކުޅުތަކާއި އިލްމު ހިއްސާ ކުރުމަކީ ވެސް އެ ގައުމުން ރާއްޖެ އަށް ވެދޭ އެހީގެ ތެރޭގައި ހިމެނޭ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަސްކުޅަދުބައި
11 May 2020
ރާއްޖެ ހަރުލައިފައި މިއޮތީ އިންޑިއާކަޑުގައި ހުރި ފަރުބަދަތަކެއްގެ މަތީގައި. އެތަނުން ރާއްޖެ އުފުރައިލައިގެން ޗައިނާ ކަޑުގައި ހަރުކޮށް ނުލެވޭހާ ހިދެއްގައި އިންޑިއާ ވާނީ އެއްމެ ކައިރި ރަހުމަތްތެރިއާ އަށް.
ފަސްގޮދަޑި
11 May 2020
ޗައިނާއިން ދިނީ ވައިރަހެއް. އޭގެ ގެއްލުން މިވީ 20އަހަރު ލިބުނު އެހީއާއި ނުބައްދަލު.
އެމްޑީޕީމީހާ
11 May 2020
އިންޑިޔާއާ ގުޅިގެން ލިބޭނެ މޯޅެއްނޯންނާނެ. އެހެން ޤައުމެއްގެ އެހީ ތެރިކަމަ އެދިބަލަ ސައުދީ ޗައިނާ ފަދަ ޤައުމުތަ ބޭނުންކޮއްގެން އަމިލްލަ ފައިމައްޗަ ރާއްޖެ ތެދުވަން ވެއްޖެ.
ސަލާން
11 May 2020
ސަލާންޖަހައިގެން ލިބޭނޭ މޮޅެއް ނޯންނާނެ.
ހަސަބު
11 May 2020
މިގައުމަށް ނުފޫޒު ފޯރުވަން އިންޑިއާ އުޅެއޭ ބުނާއިރު އެ ނުފޫޒު ފޯރުވަން ނެއެދެނީ ކޮންބައެއް؟ އެމެރިކާ އިނގިރޭސިން ޗައިނާ ރަޝިއާ ދުނިޔޭގެ ގިނަ ގައުމުތައް ބޭނުންވޭ. ރާއްޖެއަށް ނުފޫޒު ފޯރުވަން އުޅޭބަޔަކު އުޅެނީ އިންޑިއާ ކަނޑަށް ބާރުފޯރުވުމަށް. ރާއްޖެއަށް ނުފޫޒު ފޯރުވުން ގުޅިފައޮތީ މިކަމާ. ޗައިނާވެސް ދުނިޔޭގެ ބޮޑު ބާރަކަށްވާއިރު އިންޑިއާ ކަނޑުގައި އެގައުމުގެ ބާރު ރާއްޖޭގައި އޮތުން ބޭނުންވޭ. ރާއްޖެ ޖެހެނީ އެންމެނާ ވެސް ގުޅިގެން އުޅެން.
ނުސީދާ
11 May 2020
އިނގިރޭސިން އެމެރިކާނުން ރާއްޖެ ކަހަލަ ގައުމުތަކަށް ސީދާ ބާރު ފޯރުވުމަށްވުރެ އެމީހުން އިސްކަންދޭނީ އިންޑިއާ ކަހަލަ މެދުވެރިއެއް ބޭނުންކޮށްގެން ބާރުފޯރުވަން. އެމީހުން ގުޅުން ބާއްވާނީ އިންޑިއާއާ. ޒަމާނާއެކު ސްޓްރެޓިޖީތައް ބަދަލުވާނެ. އަޅުވެތިކުރާ ގޮތް ތަފާތުވާނެ. މުހިއްމީ ވަމުންދާ ގޮތް ބެލުން. ރާއްޖެއަކީ ގިނަ ބައެއްގެ އެހީ ލިބިގެން އުޅެވޭނެ ބަޔަކަށްވާއިރު ލިބޭ އެހީތަކުގެ ބަދަލުގައި އެމީހުން އެދެނީ ކޮންކޮންކަހަލަ ކަމަކަށްކަން ދެނެގަތުން މުހިއްމީ.
ބަސް
11 May 2020
ކިތަންމެވަރަކަށް އިންޑިއާ ދެކެ ރުޅިއަޔަސް މިގައުމަކީ އަބަދުވެސް އިންޑިއާގެ އެހީލިބޭ، އިންޑިއާއާ ޖިއޮގްރަފީ ގޮތުން އެންމެ ގާތް، ބަހުގެގޮތުން ގުޅިލާމެހިފައިވާ، ނަސްލުގެ ގޮތުން އެއްދަރިފަސްކޮޅެއް އޮތް ގައުމެއް. ދިވެހިންގެ ތެރޭ އެފްރިކާ އަދި އަރަބި ދަރިފަސްކޮޅުވެސް މަދުން ހިމެނޭ. އެކަމަކު ގިނައީ އިންޑިއާ ދަރިފަސްކޮޅު. ބަހުގެތެރޭ ސިންގަޅަ ހިމެނޭ އެއީވެސް އިންޑިއާ ގުޅޭ ބައެއް. އެއް އޮޑިއެއްގަ އައިމީހުން. ޝުކުރިޔާ އިންޑިއާ.
އަލީ އަސްފާގު
11 May 2020
ނަސިދު މާދަމާ މަޖިލީހުގަ ހުއްޓާނުލާ އަތްޖަހަމުން ދައްކާނީ ތިވާހަކަ ކަންނޭންގެ. މާދަމާގެ ޖަލްސާ ހާއްސަކުރާނީ އެވާހަކަ ދައްކާފަ ޑާންސުކުރުން ކަމަށްވެސް ވެދާނެ. ހަމަ ހިތަށް އަރަނީ މީ އޭނަކޮއްފާނެ ކަމެކޭ އިންޑިޔާ ވީމަ.
ޢަލީ ބަނާތު
11 May 2020
ތިކުރެވުނު މަޝްވަރާތަކަކީ ކޮބައިކަން އެނގުން ވަރަށް މުހިއް މު ސަބަބަކަށްވަނީ އެ މީހުނަކީ އަބަދުވެސް މިޤައު މަށްޓަކައި ދަހިވެތިވެފައި ދިބޭބަޔަކަށްވު މުން އަދި ތިއީ ގަނެގެން ގެނައި އެއްޗެއްތޯ ނޫންނަ މަ ރާއްޖެ ވިއްކާފައި ގެނާއެއްޗެއްތޯ އެނގެން ބޭނުން ... !
ޒިންދަގީ
11 May 2020
ޗައިނާއިން ދިނީ ވައިރަހެއް.
މިވަރެއްނެތް
11 May 2020
އިންޑިޔާގެ އެހީއިން ބޭނުންވަނީ ރާއްޖޭގެ ސަރުކާރުން ޚާރިޖީސިޔާސަޔު ނުވިއްކާ އެގައުމުގެ ބާރުގެއްލޭ ގޮތަށް އިންޑިޔާކަނޑަށް ޗައިނާފަދަ ބަޔަކަށް އެކްސެސްދިނުން. ޗައިނާގެ އެހީއިން ބޭނުންވަނީ އެގައުމަށް ގެންނަ %60 ތެޔޮ ރާއްޖޭގެ ސަރަހައްދުންދާތީވެ އެކަން ހިމާޔަތްކުރުމާއި އިންޑިޔާކަނޑަށް އެކްސެސްހޯދުން. ހަޤީޤީ މައްސަލައަކީ ދިވެހިން ޚަރަދުކުޑަކޮށް، އުފެއްދުންތެރިކަން އިތުރުކޮށް އަމިއްލަ ފައިމައްޗަށް ނުތެދުވެ ސަލާންޖަހާއިގެން ތާއަބަދު ދިރިއުއުޅޭ މައްސަލަ.
falcon_autho
11 May 2020
ފަގީރުންނަކީ އަބަދުވެސް ސަލާން ޖަހައިގެން އުޅޭ ބައެއް. އެގޮތަށް ސަލާންޖަހާ ފަގީރުންނަކީ އަތުން ފައިން ކުރާނޭ މަސައްކަތެއް ނުލިބި ނުވަތަ ކުރަން ނުދަންނަ ފަގީރުން. އަތުން ފައިން މަސައްކަތްކުރާ ނުވަތަ ކުރަންނަ ދަންނަ ފަގީރުން ސަލާން ނުޖަހާނެ. ރާއްޖެހިމެނެނީ އަތުން ފައިން މަސައްކަތް ނުކުރާ ނުވަތަ ކުރަން ނުދަންނަ ފަގީރު ގައުމެއްގެ ގޮތުގައި. ވީމާ ސަލާން ޖަހަންޖެހޭނެ އަބަދުވެސް. ހިތްމޮޅު ފަގީރު ގައުމެއްގެ ގޮތުގައި ދާއިމަށް.
ޙުސާމް
10 May 2020
ތިހެން ލިބޭ އެއްޗެހި ދެނީ ކޮމްބަޔަކަށްތޯ.