ނިއު ނޯމަލްގައި ކިޔަވައިދިނުމަށް އިސްކަންދަރު ސްކޫލު ތައްޔާރުވެފައި-- ފޮޓޯ: އަހުމަދު އަވްޝަން/ މިހާރު
އިސްކަންދަރު ސްކޫލުގެ މަސައްކަތު މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
އެނގިފައިވާ ގޮތުގައި، ސަޕޯޓު ސްޓާފެއްގެ ވަޒީފާގައި ހުރި އުމުރުން 50 އަހަރުން މަތީގެ އެ އަންހެންމީހާ ކޮވިޑް-19 އަށް ޕޮޒިޓިވްކަން އެނގުނީ މިދިޔަ ބުރާސްފަތި ދުވަހު އެވެ. އޭނާ އެންމެ ފަހުން މަސައްކަތަށް ނުކުމެފައިވަނީ އޭގެ ދެ ދުވަސް ކުރިން މިދިޔަ އަންގާރަ ދުވަހު އެވެ.
އެ މީހާގެ ހާލު ރަނގަޅު ކަމަށް ވެ އެވެ.
މަސައްކަތު މީހުން ކްލާސްތައް ސާފުކުރަން ވަންނަނީ ކުދިން ސްކޫލުން ދިއުމުން ކަމަށް ވާތީ، ކޮވިޑް-19 އަށް ޕޮޒިޓިވްވި މީހާއާ ކުދިންނާ އެއްވެސް ވަރަކަށް ކޮންޓެކްޓް ނުވާ ކަމަށް ވެ އެވެ.
ސަޕޯޓު ސްޓާފް ޕޮޒިޓިވްވުމުން، އޭނާއާ ގުޅިގެން ސްކޫލުގެ އެހެން ބަޔަކު އައިސޮލޭޓް ކުރި ކަމެއް އަދި ސާފެއް ނުވެ އެވެ.
ކޮވިޑް-19 އިން ރައްކާތެރިވުމަށް ސްކޫލުތައް ބަންދުކުރިތާ ތިން މަހަށް ފަހު، މި މަހުގެ އެއް ވަނަ ދުވަހުން ފެށިގެން ވަނީ ކިޔަވައިދޭން ފަށައިފަ އެވެ. ސްކޫލުތައް ހުޅުވާފައިވަނީ ވެސް ރައްކާތެރިކަމުގެ ވަރުގަދަ ފިޔަވަޅުތަކާއެކުގަ އެވެ. އެގޮތުން ދަރިވަރުން ސްކޫލަށް ދިއުމުގެ ކުރިން ކޮންމެ ދުވަހަކު ވެސް ކްލާސްތެރެ ސާފުކޮށް، ޑިސްއިންފެކްޓް ކުރަން ޖެހެ އެވެ.
ރާއްޖެ އިން މިހާތަނަށް ކޮވިޑް-19 ޖެހުނު މީހުންގެ އަދަދު 2،930 އަށް އަރާފައިވާއިރު މި ބަލީގައި 15 މީހަކު މަރުވެފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Important Links
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިދޭސީދޭސީ ބޮންދު
20 July 2020
ސްކޫލު މާހައުލަކީ ދަރިވަރުންނަށް ރައްކާތެރި ތަނަކަށް ވާނެކަމުގެ ޔަގީންކަންދޭ ވާހަކަ ބުންޏަކަސް ނުފުދޭ! އަދި ކުރަންޖެހޭ ކަންތައްތައް ގިނަ! ދެދަންފަޅި ދޭތެރޭ ރަނގަޅަށް ޑިސްއިންފެކްޓް (އެންމެ ކުޑަމިނުން ކްލާސްރޫމްތަކުގެ އަތްގަނޑުތަކާ ސިޑިތަކުގެ ރެއިލިންގ) ކުރެވޭބާ! އަނެއްކާ ސްކޫލްކުދިންނާ މުއައްޒިފުން ފައްސިވުމުންވެސް ޖެހިލުންވާނެ ކުދިން ފޮނުވަން، ފައްސިވާމީހުން ވަނީ ގިނަ! ކަރަންޓީންވާން ގެއަށް ދޫކޮށްލާފަ މިވަނީ!
ހުސައިން ސައީދު އަޒްހަރީ
20 July 2020
މިއީ ހިތާމަހުރި ކަމެއް. ސްކޫލްގައި ހައިޖީން މެއިންޓެއިން ކުރުމަށް ބާރުއެޅުމަކީ މުހިއްމު ކަމެއް. މިކަމާމެދު ޕްރިންސިޕަލް ވިސްނާލުން ބުއްދިވެރި.
ޢިޙްސާސް
20 July 2020
ބޮޑު އަގުދީފާ ވެންޓިލޭޓަރުތައް ގެނެވޭ އެބަ. އެކަ މަކު ކޮވިޑް އޮތް މާލެސިޓީ ލޮކްކޮށްލާފަ އެން މެން ޓެސްޓުކޮށްލާފަ ޕޮޒިޓިވް ނެގެޓިވް ވަކިކޮށްލު މުގެ ޤާބިލުކަން ނެތް. ފައިސާނެތީތޯ އެވަރަށް؟
ފޭލު!
19 July 2020
މި ސަރުކާރުގެ އެންމެ ބޮޑު ތަނުން ފޭލުވެފައިވާ އެއް ވުޒާރާ އެޑިއުކޭޝަން ވުޒާރާއަކީ. އެކަމަކު މިއީ ގައުމެއްގެ އެންމެ މައި ތަނބު. މި ވުޒާރާ ރަނގަޅަށް ނުހިގަންޏާ ކޮބާ ބިނާކުރަން މި އުޅޭ ޖީލުތަކުގެ ހާލަކީ؟ މަޖިލީހުގެ ރައީސްއަށް ކެރެންޏާ އެޑިއުކޭޝަން ވަޒީރުގެ އިތުބާރު ނެތް ކަމުގެ ވޯޓެއް ނަގާބަލަ!
އެމްވައްޑެ
19 July 2020
ސުކޫލުތައް ދެވަނަ ލޮކްޑައުން އަކަށް ނުދަނިސް މިދުވަސްކޮޅު ޓީޗަރުންގެ ޑިޖިޓަލް ހުނަރު މަތިކުރުމަށް ފޯކަސްކުރިނަމަ ހާދަ ރަނގަޅުވީހޭ.
ކޮވިޑް100
19 July 2020
މެޖިކް ކޮރޯނާ19. މީވާބައްޔެއް ،އޮޅުންބޮޅުން ވާބައްޔެއް. ނުރައްކާތެރި ހަމައެކަނި ހޮސްޕިޓަލުގައި މީހުން މަރުވާ އެކަމަކު ނުރައްކާ ބައްޔެއް. މިއަދު ޕޮށިޓިވު އެކަމު މާދަމާ ބޭހެއްނުކެޔަސް ނެގެޓިވް އެކަމަކު ނުރައްކާ ބައްޔެއް.
ކިޔުންތެރިއާ
20 July 2020
މި ބައްޔަށް ދޭނެ ވަކި ފަރުވާ އެއް ނެތުމަކީ މި ބަލި ނުރައްކާ ވާކަން. ޙަށިގަނޑުގެ ތެރޭގައި ވަކިހާ ދުވަހަކަށް ވައިރަސް ހުންނަނީ. ދެން ދުވަސް ވާ ވަރަކަށް އޭގެ ބާރު ދައްވާނެ.
މުހައްމަދު..
19 July 2020
އަދިވެސް އިތުރު ކޭސްތަކަކާއި ގުޅިގެން އިތުރު އިސްކަންދަރުގެ ސްޓާފުން ގޭގައި މަޑުކުރަން އަންގާފައިވޭ! މިނިސްޓްރީއިން ވަނީ އެކަންތައްވެސް ސްޓާފުންނަށާއި ބެލެނިވެރިންނަށް އިނގިދާނެތީ ސުކޫލުގެ ވެރިންނަށް ބިރު ދައްކާފަ. ފަހުން މި ޕޮޒިޓިވްވި ކޭސްގެ ވާހަކަވެސް އެއްވެސް ސްޓާފަކަށް ސުކޫލުން އިންފޯރމް ކޮށްފައެއްނުވޭ. ދަރިވަރުންނާއި ކޮންޓެކް ނުވިނަމަވެސް މިކޭސްގައި ކޮންޓެކްވި ސްޓާފުންތިބޭނެ.
ސުލޭމާނު
19 July 2020
މިހާރުން މިހާރަށް ސުކޫލުތައް ބަންދުކުރޭ ގައުމުގަ އެޔެއްމިޔެއްނޭގޭ ވަރަށް ކޮވިޑުފެތުރި ކޮންސަކަރާތެއްތޯ މިހަހަނީ
ޢަަަލީ ޟާމިރު
19 July 2020
މި ހަބަރުގަ އިސްކަންދަރު ސްކޫލްގެ ބަހެއް ނެތީކީއްވެ؟ ޢެންމެން ބިރުން ފިލީތަ؟
މުހައްމަދު..
19 July 2020
މައުލޫމާތުދީފާނެތީ މިނިސްޓްރީއިން ބިރުދައްކާފައިވާތީ!
ހައިސަމް ނނ
20 July 2020
ބިރު ދެއްކެނީ ބިރު ގަންނާތީ ހެހެހެ