މި އަހަރުގެ މިނިވަން ދުވަހުގެ މުނާސަބަތުގައި ރައީސް އިބްރާހިމް މުހައްމަދު ސޯލިހު ގައުމާ މުޚާތަބު ކުރައްވަނީ.---ފޮޓޯ: ރައީސް އޮފީސް
26 ޖުލައި 2020 - 10:42
59 comments
މިނިވަންކަން މަތީ ގައުމު އޮތުމަށް ރަނގަޅު އިގުތިސާދެއް ވަރަށް މުހިންމު ކަމަށް ރައީސް އިބްރާހިމް މުހައްމަދު ސޯލިހް މިއަދު ވިދާޅުވެއްޖެ އެވެ.
ރާއްޖޭގެ މިނިވަން ކަމަށް 55 އަހަރު މިއަދު ފުރުމާ ގުޅިގެން ގައުމާ މުހާތަބު ކުރައްވަމުން ރައީސް ވިދާޅުވީ ގައުމެއްގެ މިނިވަންކަމަށް ނުރަނގަޅު ނުފޫޒުތައް ފޯރުމުގައި، އެންމެ އިސް ދައުރެއް އަދާކުރާ އެއްކަމަކީ، އިގުތިސާދަށް ކުރިމަތިވާ ހީނަރުކަން ކަމަށެވެ. ގައުމުގެ އިގްތިސާދުގައި ދިރުމެއް ނެތް ނަމަ، އެ ގައުމެއްގެ މިނިވަންކަމަށް އަބަދު ވެސް ދާނީ ނުރައްކާތައް ކުރިމަތިވަމުން ކަމަށް އެމަނިކުފާން ވިދާޅުވި އެވެ.
"މިނިވަން ދުވަސް ފާހަގަކުރާއިރު، އަޅުގަނޑުގެ ވިސްނުމަށް އަންނަނީ، ގައުމުގެ މިނިވަންކަން ރައްކާތެރިކޮށް ދެމެހެއްޓުމަށްޓަކައި، އަޅުގަނޑުމެންގެ ކޮނޑުގައި އެޅިފައިވާ މަސްއޫލިއްޔަތުގެ ބޮޑުކަން. އެކަމަށްޓަކައި އަޅުގަނޑުމެން ކުރަންޖެހޭ މަސައްކަތްތަކުގެ ގިނަކަމާއި ވާންޖެހިފައިވާ ގުރުބާނީގެ މަތިވެރިކަން،" ރައީސް ވިދާޅުވި އެވެ.
އެމަނިކުފާން ވިދާޅުވިގޮތުގައި، މިއީ ރާއްޖޭގެ އިގުތިސާދީ ހަރަކާތްތައް ފުޅާ ކުރަން އަމާޒު ހިފަންވީ ވަގުތެވެ. އިގުތިސާދީ ހަރަކާތްތަކުގައި ޒުވާނުންނާއި އަންހެނުންގެ ބައިވެރިވުން އިތުރުކުރަން ޖެހިފައިވާ ކަމަށް ވެސް ރައީސް ވިދާޅުވި އެވެ. އަދި ރާއްޖޭގެ އެއްގަމާއި ކަނޑުގައިވާ، ގުދުރަތީ ވަސީލަތްތަކުގެ ނަފާ އިތުރުކުރުމުގެ މަސައްކަތް ފަށަން ޖެހިފައިވާ ކަމަށް ވެސް ވިދާޅުވި އެވެ.
އެއްބާރުލުމަށް އެދިވަޑައިގެންނެވި
ކޮވިޑް-19އާ ގުޅިގެން ކުރިމަތިވެފައިވާ ދަތިތަކަށް އަލިއަޅުވާލައްވައި ރައީސް ވިދާޅުވީ މުޅި ދުނިޔެ މިއަދު މިވަނީ، ފަހުގެ ޖީލުތައް ތަޖުރިބާ ނުކުރާވަރުގެ ބަނަކަމެއްގެ ތެރޭގައި ކަމަށެވެ. މި ބަލީގެ ހިޔަނި ނޭޅޭ އެންމެ އާއިލާއެއް މި ރާއްޖޭގައި ވެސް ނެތް ކަމަށް ރައީސް ވިދާޅުވި އެވެ.
"މިއީ ބަލިމަޑުކަމެއް ކަމަށްވިޔަސް، މިބަލީގެ ޖަރާސީމު ހަމަލާ ދެނީ ހަމައެކަނި އިންސާނުންގެ ހަށިގަނޑަކަށް ނޫން،" ރައީސް ވިދާޅުވި އެވެ.
"ކޮވިޑް-19 ގާދޫކޮލުން އެތެރެވެ، އަޅުގަނޑުމެންގެ ވައިގެ ބަނދަރުތައް ބަންދުކުރަން މަޖުބޫރުކުރުވި. އަޅުގަނޑުމެންގެ އާންމު ދިރިއުޅުމުގެ އާދަތައް މުޅިން ބަދަލުކޮށްފި. ދަރިންނަށް ކިޔަވައިދިނުމަށް ހުރަސް އެޅިއްޖެ. ވިޔަފާރިތައް ބަނގުރޫޓުކޮށް، ދަތުރުފަތުރާއި ފަތުރުވެރިކަން ހުއްޓުމަކަށް ގެނެސްފި. އިމްޕޯޓް އެކްސްޕޯޓަށް ބުރޫއަރުވައި، ރާއްޖޭގެ މުޅި އިގުތިސާދު ކަރުތާފެނަށް ގަންބާލައިފި."
އެ މަނިކުފާން ވިދާޅުވީ ކޮވިޑް-19ގެ ސަބަބުން ބޯޑަރު ބަންދުކުރިތާ ތިން މަހަށް ފަހު، އަލުން ބޯޑަރު ހުޅުވާލި ނަމަވެސް އިގުތިސާދީ ގޮތުން އަދި އޮތީ ދަތި އުނދަގޫ ދުވަސްތަކެއް ކަމަށެވެ. އުންމީދަކީ މި އަހަރުގެ ފަހުކޮޅަށް ދާއިރު ފަތުރުވެރިކަން ރަނގަޅުވުން ކަމަށާއި އެކަން ކުރެވޭނީ އެންމެންގެ އެއްބާރުލުން ލިބިގެން ކަމަށް ރައީސް ވިދާޅުވި އެވެ.
"ރާއްޖެއަކީ ފަތުރުވެރިންނަށް ރައްކާތެރި ގައުމެއްކަމުގެ އިތުބާރާއި ޔަގީންކަން، ބޭރު ދުނިޔެ އަށް ލިބިގެން ނޫނީ އަޅުގަނޑުމެންގެ މި އުންމީދު ހާސިލެއް ނުވާނެ. އެ އިތުބާރު ލިބޭނީ ޑޮކްޓަރުންގެ އިރުޝާދުތަކަށް އަމަލުކޮށް ކޮވިޑް-19 ކޮންޓްރޯލް ކުރުމަށް އެންމެން އެކުގައި މަސައްކަތް ކޮށްގެން،" ރައީސް ވިދާޅުވި އެވެ.
އެމަނިކުފާން ވިދާޅުވީ ކޮވިޑް-19ގެ ސަބަބުން ގައުމީ ތަރައްގީ އަށް ކުރިމަތިވެފައިވާ ހުރަސްތައް ގިރާކުރެވޭނީ ރާއްޖޭގެ އިންސާނީ ވަސީލަތްތައް ވަރަށް ބާރުމިނެއްގައި ތަރައްގީކޮށް، އެ ވަސީލަތްތަކުގެ ބޭނުން ފުރިހަމައަށް ހިފައިގެން ކަމަށެވެ.
"ޤައުމީ ތަރައްގީގެ ސިޔާސަތުގައި، މީހުން ބިނާކުރުމަށް އަޅުގަނޑުމެން ހާއްސަ އިސްކަމެއް މި ދެނީ، މި ދެންނެވި ސަބަބަށްޓަކައި. ގައުމުގެ އިގުތިސާދީ އަދި ސިޔާސީ މިނިވަންކަން ރައްކާތެރިކޮށް ދެމެހެއްޓުމަށްޓަކައި ސަރުކާރާއި ރައްޔިތުން އެކުގައި އެއް އަޒުމެއްގައި މަސައްކަތްކޮށް، މި ނަތީޖާ ހާސިލުކުރުމަކީ މާ އުނދަގޫ ކަމެއް ނޫން،" ރައީސް ވިދާޅުވި އެވެ.
މިނިވަން ދުވަސް ފާހަގަކުރަނީ އިނގިރޭސިންގެ އަތުން ރާއްޖެ އަށް ސިޔާސީ ފުރިހަމަ މިނިވަންކަން ލިބުން ފާހަގަކުރުމުގެ ގޮތުންނެވެ. ރާއްޖެ އަށް ސިޔާސީ ފުރިހަމަ މިނިވަންކަން ލިބުނު އެއްބަސްވުމުގައި ސޮއިކުރީ ޖުލައި 26، 1965 ގަ އެވެ. ރާއްޖޭގެ މިނިވަންކަމުގެ ބާނީ، އަކީ ނިޝާން ޣާޒީގެ ޢިއްޒަތްތެރި ވެރިޔާ، ސުމުއްވުލްއަމީރު އަލްމަރްހޫމް އިބްރާހީމް ނާސިރު ރަންނަބަނޑޭރި ކިލެގެފާނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަރީފު އަލީ
27 July 2020
މިނިވަންކަން މަތީ އޮތުމަށް ރަނގަޅު އިގުތިސާދެއް މުހިންމު ކަން އެގޭ އިރުވެސް އިންޑިއާދެކެ ބިރުން ހއ.ގައި ޓްރާންސިޕްމަންޓް ބަދަރެއް ހަދަން ނުކެރި އަގަތަޅަނީ ޓްރާންސިޕްމަންޓް ބަދަރަކުން މިހާރު ޓޫރިޒަމުން ލިބޭ އާއްދަނީގެ ދެބައި ކުޅަ އެއްބައި ކަވަރުލުރެވޭ...އެކަމަކު އެކަން ކުރަންބޭނުންވަނީ ހިއްވަރު، އިންޑިއާގެ ނުރުހުމުގައިވެސް އެކަން ކުރުމުގެ ހިއްވަރު..މިހާރު ހަނިމާދޫވެސް އިންޑިއާއަށް ދިނީ..1ބިލިއަންޑޮލަރުގެ ލޯނުވެސް އިންޑިއާއަތުން ނެގީ ..ދެން ކޮބާ މިނިވަންކަން.
މުސީބާތް
27 July 2020
ޖޯކަރެންހެން ތިހެން ޓީވީ ތަކައް އަރާ ހިތޯބެއް ދިނީމާ ވެރިކަން ތިވީ.. މިވާ ވެރިކަމެއް ..
ދެކެފަރިތަ އިބްރާހީމް
26 July 2020
ކަންކަން ނުވުމުގެ ޒިންމާ ކޯލިޝަންގައި އެމްޑީޕީއާއެކު ބައިވެރިވާ އެހެން ޕާރޓީތަކާއި ، ކުރީގެ ސަރުކާރާއި ، އިދިކޮޅު ޕާރޓީތަކާއި، ދައުލަތުގެ މުއައްސަސާތަކާއި ، ދީނީ ޢިލްމުވެރިންނާއި ދިވެހި ރައްޔިތުންނާއި ޗައިނާގެ ބޮލުގައި އެޅުވުމުގެ އިތުރުން، ޒިންމާއަދާނުކޮށް ތިބެ، އަރިސް މީހުންނަށް ބަދަލުގެ ގޮތުގައި ބޮޑެތި އަދަދުތައް ދިނުމަށްޓަކައި އިންޑިއާ ބޭނުންވާގޮތަކަށް ގައުމުގެ ކަންކަން ދީލައިލައިގެން ބޮޑެތި އަދަދުތަކުން ލޯނުނެގުން ނޫން ކަމޭއް ކުރެވިއްޖެ؟
ލެއްގި ކަލޯ
26 July 2020
ގަވާއިދާއި ޚިލާފަށް އުޅޭ ބިދޭސިންގެ މައްސަލަ އަކީ ދިވެހި ރައްޔިތުންގެ މައްސަލައަކުން ކަމަށް އަދި ކޮވިޑް ފެތުރެނީ ރައްޔިތުންގެ އިހުމާލުންކަމަށް ، ބިދޭސީން ރާއްޖޭގައި ވަޒީފާ އަދާކުރަން ގެންނަނީ ދިވެހިން ކަންނެއް ކަމުން ކަމަށް ދޭހަވާގޮތަށް ވެސް ސަރުކާރުގެ ވެރިން ރައްޔިތުންނަށް ވިސްނައިދެވޭތޯ މަސައްކަތް ކުރޭ އަދި އެންމެފަހުން އިގްތިސާދުވެސް މިޖެހުނީ ރައްޔިތުންނާ. ސަރުކާރެއްގެ ބޭނުމެއް ނެތެއްނު!
ކޮބާތޭކޮބާތޭ
26 July 2020
ރާއްޖޭގެ އިގްތިސާދު ބަނގުރޫޓް ވުމުން ވެސް ރައީސް އިބޫގެ މިއަދުގެ ޚިތާބުގައި ނެތޭ އެއްގޮތަކަށް ވެސް ބަޔުާން ކޮށްދީފައި ސަރުކާރުގެ ސިޔާސަތެއް ޓޫރިޒަމަށް ބަރޯސާ ނުވެ ދެން ހުރި ދާއިރާ ތައް ކުރިއަރުވައިގެން ރާއްޖެ އިގްތިސާދު ކޮއްޅަށް ޖަހާނެ ގޮތެއްް ހޯދަން ރާއްޖެ އަށް ޓޫރިސްޓުން ނާންނާނެ ސަރުކާރުން އުއްމީދު ކުރާ ވަރާއި ގާތަށް މިއަހަރު ވެސް އަދި އަންނަ އަހަރުވެސް އިންޑަސްޓްރިއަލް މަސައްކަތަށް މާލެ ސަރަހައްދުން ބިންތައް ދީ އަދިއެ ބިންތަކުގައި ވިޔަފާރިކުރަންވީއޭ
ގަބުޅި ބޯކިބާ
26 July 2020
ރާއްޖެއަށް ދިމާވާ ކޮންމެ ދައްޗެއްގެ ފޫޅު މިކަނޑާލަނީ ރައްޔިތުންގެ ބޮލަށް! ހަގީގަތަކީ ، ދިވެހިރާއްޖޭގެ އިގްތިސާދީ ހަލަތުގެ ޒިންމާ ނަގަންޖެހެނީ އިގްތިސާދީގޮތުން ދާން ބޭނުންވާ މިސުރާބު ކަނޑައަޅަންތިބި ވެރިން. އަބަދު ރައްޔިތުން ގޯސް ކުރަން އުޅުމުގެ ބަދަލުގައި ގައުމުގެ އިގްތިސާދީ ފުދުންތެރިކަން ކުރިއަރުވަން، ޚާއްސަކޮށް ފުދުންތެރިކަން އިތުރުކުރަން އެކަށައެޅުނީ ކޮން ޕޮލިސީތެކެއްތޯ އާއި ކިހާވަރަކަށް ކަންކަން ތަންފީޒުކުރެވޭތީ އަމިއްލަ އަށް ވިސްނާލުން ރަނގަޅު!
ބަޑިއެދުރު
26 July 2020
މިނިވަންކަމަށް ރަނގަޅު އިގްތިސާދެއް ބޭނުންވާކަމަށް މަނިކުފާނު ވިދާޅުވުމުން ، އަޅުގަނޑުމެންގެ ހިތުގެ އަޑިން އެކަން ގަބޫލުކުރަމެވެ! ދެން ރަނގަޅު އިގްތިސާދެއް ބިނާކުރަން ބޭނުންވަނީ އިގްތިސާދީ ތަސައްވުރަކާއި އެކު މަސައްކަތްކުރެވޭނެ ދުރުވިސްނޭ ވެރިއެއްކަމަށް އަޅުގަނޑުމެން ދަންނަވައިފިނަމަ މަނިކުފާނު އެކަން ގަބޫލުކުރައްވައި ، އެފަދަ ބޭފުޅަކަށް ފުރުސަތުދެއްވުމަށްޓަކައި އިސްތިއުފާދެއްވާނަންތޯއެވެ؟!
ފަރުކޮޅުފުށިން
26 July 2020
އިގްތިސާދީ ގޮތުން އަމިއްލަ ފައި މައްޗަށް ތެދުވުމަށް ޓަކައި ދިވެހި މަސައްކަތް ތެރިންނަށާއި އަދި ދިވެހި ވިޔަފާރި ވެރިންނަށް ހިންދެމިލެވޭނެ އުސޫލުން ސަރުކާރުން ވީ އޯގާތެރި އަތެއް އެމެންނަށް ދިއްކޮށްލަން އެގޮތުން ކުރަންވީ ކަމަކީ ހުޅުމާލޭ ދޭއްގެ ފަރުކޮޅު ފުށި މިހާރުގެ ޕްލޭން އޮޅާލަންވީއޭ އެއޮޅާލުމަށް ފަހު އެތަނުން 5 ހާސް އަކަފޫޓްގެ ބިން ތައް ވިއްކަންވީއޭ 5 ލައްކަ ރުފިޔާ އަށް ބިމެއް ގެ ރޭޓުން މާލެ ސަރަހައްދުގެ ވިޔަފާރިވެރިންނަށް އެތަނުގެ ބިންތައް
ބަލާބަލަ
26 July 2020
ރައީސް އޮފީހުގައި އޮންނަ އިކޮނޮމިކް ކައުންސިލް މާލެ ސަރަހައްދު ގުޅިފަޅު އަދި ތިލަފުށި އަދި ހުޅުމާލެ އިންޑަސްޓްރިއަލް އޭރިއާ އަށް ގޮސް ބަލާލުމުން ފެންނާނެ މާލެ ސަރަހައްދުން ބިން ލިބިއްޖެނަމަ ދިވެހި ވިޔަފާރިވެރިން ސްމާރޓް ކަން އަދި އެމެން ކުރިއަރަމުން އަންނަ ހަލުވި މިން ކަން މިހެން ހުރުމުން ސަރުކާރުން އެބަޖެހޭ ހުޅުމާލޭގެ އިރުން އޮތް ބޮޑު ފަޅު ހިއްކާލަން އެއްކޮށް އިންޑަސްޓްރިއަލް މަސައްކަތް ކުރަން ބިން ވިއްކަން ކުޑަ އަގަކަށް އެއިރުން ހިންދެމިލެވޭނީ
ގީސް
26 July 2020
ޜައީސް ކޯޓް ފަޓުލޫނު ލައިގެން ސްޕީޗެއް ދިނުމަކުން އިގްތިސޯދު ކިރިއަކަށް ނުދާނެ. ޢަދި އިންޑިޔާއިން ލޯނު ނެގިއަކަސް ކަމެއްނުވާނެ އިންޑިޔާއެއޮތީ އެންކޮޅު ރަނގަޅަށް އަޅައިގެން ގޮހޮރަށް ކާންދޭން ތައްޔާރަށް. ޢިންޑިޔާގެ ފަގީރުންނަށް ކާން ނުދިނަސް އަހަރެމެންނަށް ކާންދެނީ ހަމަ އެދުމެއް ނެތިތަ. ނޫނީ އަހަރެމެން ރީތިކަމުންތަ?