ގުޅިފަޅާއި ތިލަފުށި ގޫގުލް މެޕްއިން ފެންނަ ގޮތް: މާލެ ސަރަހައްދު ގުޅާލާ ބްރިޖް މަޝްރޫއަކީ މި ސަރުކާރުން މިހާތަނަށް އިއުލާންކޮށްފައިވާ ތަރައްގީގެ އެންމެ ބޮޑު މަޝްރޫއު.
13 އޯގަސްޓް 2020 - 14:45
92 comments
މި ސަރުކާރުގައި މިހާތަނަށް އިއުލާނު ކޮށްފައިވާ އެންމެ ބޮޑު މަޝްރޫއު، މާލެ އާއި ވިލިމާލެ އާއި ތިލަފުއްޓާއި ގުޅިފަޅު ގުޅުވައިލާ ބްރިޖުގެ މަސައްކަތް ކުރިއަށް ގެންދަން 500 މިލިއަން ޑޮލަރު 7.7 ބިލިއަން ރުފިޔާގެ ޕެކޭޖެއް ދޭން އިންޑިއާގެ ސަރުކާރުން ނިންމައިފި އެވެ. އޭގެ ތެރެއިން 400 މިލިއަން ޑޮލަރަކީ ލޯނެވެ. އަނެއް 100 މިލިއަން ޑޮލަރަކީ ހިލޭ އެހީ އެވެ.
އެ ގައުމުން ދޭ 500 މިލިއަން ޑޮލަރުގެ އެހީގެ ޕެކޭޖްގައި ލޯނާއި ހިލޭ އެހީ ހިމެނޭނެ ކަމަށް ބުންޏަސް ތަފްސީލެއް ފޮރިން މިނިސްޓްރީން އަދި ހާމައެއް ނުކުރެ އެވެ.
މި ވެރިކަން ފެށުމާ އެކު، ގާތްގުޅުމެއް ބާއްވަމުން އަންނަ އިންޑިއާ އިން މި އެހީ ދޭން ނިންމި ކަމުގެ ޔަގީންކަން ދެއްވީ ފޮރިން މިނިސްޓަރު އަބްދުﷲ ޝާހިދާއި އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރު މިއަދު ފޯނުން ދެއްކެވި ވާހަކައިގައި ކަމަށް ރާއްޖޭގެ ފޮރިން މިނިސްޓްރީން ބުންޏެވެ.
އުމްރާނީ ތަރައްގީގެ މި މަޝްރޫއުގައި، 6.6 ކިލޯ މީޓަރުގެ ބްރިޖްތަކާއި ކޯޒްވޭތައް އަޅާނެ އެވެ. މާލެ އާއި ވިލިމާލެ އާއި ތިލަފުއްޓާއި ގުޅިފަޅު ގުޅާލަން ހަމަަޖައްސާފައި އޮތީ ތިން ބްރިޖުންނެވެ.
ފޮރިން މިނިސްޓްރީން ބުނީ "ގްރޭޓަ މާލެ ކަނެކްޓިވިޓީ ޕްރޮޖެކްޓް"ގައި މާލެ ސަރަހައްދު ގުޅައިލުމުން ރާއްޖޭގެ އިގްތިސާދަށް އޭގެ ގިނަ ފައިދާތަކެއް ލިބި ވިޔަފާރިތަކަށާއި އާއްމު ރައްޔިތުންނަށް ގިނަ ފަސޭހަތަކެއް ލިބިގެންދާނެ ކަމަށެވެ.
މި ބްރިޖު އަޅަން ހަވާލުކުރާ ގޮތަށް ނިންމާފައި ވަނީ ވެސް އިންޑިއާގެ ކުންފުންޏަކާ ކަން ޕްލޭނިން މިނިސްޓްރީން ވަނީ ބުނެފަ އެވެ. ބްރިޖުގެ ސާވޭގެ މަސައްކަތް ހަވާލުކުރީ ނެދަލެންޑްސްގެ ކުންފުންޏަކާ އެވެ.
ނެދަލޭންޑްސްގެ ފުގްރޯ ނަމަކަށް ކިޔާ ކުންފުންޏާ ހަވާލުކުރީ ބްރިޖް އަޅާ ސަރަހައްދުގެ ކަނޑުގެ އަޑި އާއި އެއްގަމުގެ ބިންގަނޑު އޮތް ގޮތް ބެލުމަށްޓަކައި ޖިއޯ ފިޒިކަލް ސާވޭ ކުރުމަށެވެ. އެ ކުންފުންޏާ އެ މަސަައްކަތް ހަވާލުކުރީ 15 މިލިއަން ޑޮލަރުގެ އަގަކަށް، މިދިޔަ މަހުގެ ތެރޭގައި ސާވޭ ނިންމާ ގޮތަށެވެ.
ބްރިޖް މަޝްރޫއުގެ ދަށުން ބްރިޖް އެޅުމުގެ އިތުރަށް ތިލަފުށީގައި ކޮމާޝަލް ހާބަރެއް ތަރައްގީ ކުރާނެ އެވެ. އަދި އިންޑަސްޓްރިއަލް މަސައްކަތްތަކަށް ހާއްސަ ސަރަހައްދުތައް ވެސް ގާއިމްކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އާންސީ
14 August 2020
ފުރަތަމަ އަޅަން ޖެހޭ ބުރިޖް ތީ، ތި ބްރިޖު އެޅީމަ ވިޔާރި ތަކަށް އެންމެ މުހިނު ވާނީ. އަދި އިއަށް ޓޯލް ފީ ނެގޭނެ.
އަލީހަމީދު
14 August 2020
މިފަދަ ވަގުތެއްގައި ބުރިޖް އެޅުން މުހިއްމުތޯ! ޓޫރިޒަމަށް ބަރޯސާވުން ކުޑަ ކުރުމަށް ހ.އ ގައި ހަދަން މީގެ 15 ވަރަކަށް އަހަރު ކުރިން ނިންމި ޓްރާންސިޕްމަންޓް ބަދަރު ހެދުމުގެ ވަގުތު މިއޮތީ ޖެހިފައި އޭރުން ރާއްޖެއަށް އަހަރަކު އެތައް ބިލިއަންޑޮލަރެއްވަންނާނެ. އިންޑިއާ ގެ ފިއްތުންތަކާއި ހެދި ކުރީގެ ރައީސުންނަށްވެސް އެކަން ނުކުރެވުނީ..އެހެނަސް މިހާރު 500 މިލިއަނަށް ބުރިޖް އެޅުންތޯ ނޫނީ އިންޓަނޭސަނަލް ޓްރާންސިޕްމަންޓް ބަދަރެއްތޯ މުހިއްމީ!
ކޮރަލް
14 August 2020
500 މިލިއަން ޑޮލަރު ދޭން ޖެހެނީ ދިވެހި ސަރުކާރުންނެވެ. އިންޑިޔާ އިން ބްރިޖް ޕްރޮޖެކްޓް އަށް މީހުނާއި ތަކެތި ގެނެސް ބްރިޖް އަޅަނީ އެވެ. ފައިސާ ދެނީ ދިވެހި ސަރުކާރުން ނެވެ.
ޝޮކްތެރަޕީ
14 August 2020
އިންޑިޔާއާ ގުޅިގެން ލިބޭނެ މޮޅެއް ފައިދާއެއް ނޯންނާނެ އަޅުވެތިކަން ފިޔަވާ.
ތި މަރައިއްސެ
14 August 2020
ދުނިޔޭގެ ގިނަ ގައު މުތަށް އެތިބީ ދަރާފަ، ގައު މުތަކުން ލޯނު ދޭންވެސް އެއްބަހެއްނުވޭ، މިވަރު ވާތިވެސަ ޝުކުރު ކުރަންވީ، 30 އަހަރާ ޔާ މީނުގެ 5 އަހަރު ކަންކަން ނުކޮށް އޮތީ، ހާވާފަ އޮތީ ހަޑި، އެކަންކަން ރަގަޅުކުރަން މިސަރުކާރައް ޖެހިފަ މިއޮތީ.
ޙިނި
14 August 2020
ޢެމްޑީޕީއެކޭ ޔާމިނެކޭ ތަފާތެއް ނެތެއްނު. ޜައްޔިތުން ޓެކުސް ފައިސާ ދެއްކީމަ މަސައްކަތް މިދެނީ ބޭރު ގައުމުތަކުގެ ކުންފުނިތަކައް.
ގެދާނޯމޮސް
13 August 2020
" އިންޑިޔާ ބޭނުމިއްޔާ ރާއްޖެ ހިފިދާނެ " މީ އާދައިގެ މަގާމެއްގައި ހުރި މީހަކު ބުނެފައި ވާ ވާހަކެއްނޫނެވެ. !
މިލިޓަރީ
13 August 2020
މަޝެއް ވޯޓެއް ނުދޭނަން އެމްޑީޕީއަކަ ތިއުޅެނީ ރާއްޖެ ހަލާކުގެ ތެރެޔައް ވައްޓާލަން.
އަހަރެން ނުދެކެން
13 August 2020
މީތި ކަޑައޭ ދިވެހިން އަންނީ ރުޅި. އިންޑިޔާއާ ދުރައްޖެހޭ މީ ވަރައްވާހަކަ.
ސަލީމު އިދުރީސް
13 August 2020
ޖަސީރާގައުމެއްގަ ތިވަރައް ދަރަނި ވެރިވެގެން ބުރިޖު އެޅުން ތިހާމުހިން މުތޯ! މާލޭސަރަހައްދު ތަރައް ގީކުރައް ހުރިހާ ރައްޔިތުން ބޮލުގަ ބޮޑު ދަރަންޏެއް އެޅުމަކީ ބޭއިންސާފުކަމެއް! ހުރިހާރަށެއްގަ ފެނާނަރުދަމާ އަޅާނެމޭކިއާ ވެރިކަމައް އައިސްފަ، ހުރިހާ ރަށެއްގަ ފެނާނަރުދަމާ އަޅާހާ ފައިސާ އެއްރަށެއްގަ ބުރިޖުއަޅަން ހޭދަ ކުރަނީ! ވެރިކަން ނިމޭއިރު އެއްންމެ ރަށެއްގަ ފެނާނަރުދަމާ ނޭޅި އޮތަސް ރައްޔިތުން ދެންނުހޮވާނެ