ކޮވިޑު ޖެހި ރަނގަޅުވިތާ ތިން މަސް ވެއްޖެ ނަމަ، އަލުން ސާމްޕަލް ދޭން ޖެހޭނެ: އެޗްއީއޯސީ

އެޗްއީއޯސީ އިން މިރޭ ބޭއްވި މީޑިއާ ބްރީފިންގައި ޑރ. އިބްރާހިމް އަފްޒަލް ވާހަކަދައްކަވަނީ -- ފޮޓޯ: އެޗްއީއޯސީ

ލަމްޔާ އަބްދުﷲ، މިހާރު

29 ނޮވެމްބަރ 2020 - 23:35

ކޮވިޑް-19 ޖެހި، ބަލިން ރަނގަޅުވި ފަހުން ތިން މަސް ވެއްޖެ ނަމަ، އެކްޓިވް ސަވައިލަންސްގެ ދަށުން، ސާމްޕަލް ދޭން ޖެހޭނެ ކަމަށާއި އެ ކަމަށް އެއްބާރުލުން ދޭން ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން މިރޭ އެދިއްޖެ އެވެ.

އެ ސެންޓަރުގެ މީޑިއާ ބްރީފިންގައި އެޗުޕީއޭގެ އެޕިޑަމިއޮލޮޖިސްޓު ޑރ. އިބްރާހިމް އަފްޒަލް ވިދާޅުވީ ކޮވިޑް ޖެހިފައިވާ ވަރު ބަލަން އެކްޓިވް ސަވައިލަންސްގެ މަސައްކަތް ކުރާ އިރު، އެ ބަލިން ރަނގަޅު ވެފައިވާ މީހުންގެ ސާމްޕަލް ނަގަން އުޅުމުން ކަންބޮޑުވުން ފާޅުކުރަމުންދާ ކަމަށެވެ. އެހެންވެ، މި މަސައްކަތުގައި އަމަލީ ގޮތުން ހަރަކާތްތެރިވާ ރެޕިޑް ރެސްޕޮންސް ޓީމް (އާރްއާރްޓީ) އިން އެދެނީ، ބަލިން ރަނގަޅުވި ފަހުން ތިން މަސް ދުވަސް ވެއްޖެ ނަމަ އަލުން ސާމްޕަލް ދިނުމަށް ޑރ. އަފްޒަލް ވިދާޅުވި އެވެ.

އޭނާ ވިދާޅުވިގޮތުގައި، ކޮވިޑު ޖެހި ރަނގަޅު ވެފައިވާ މީހުންނަށް އެ ބަލި އަލުން ނުޖެހޭނެ ކަމަށް މިހާރު ބަލަމުން އަންނަ މުއްދަތަކީ ތިން މަސް ދުވަހެވެ. އެ އަށް ވުރެ ގިނަ ދުވަސް ވެއްޖެ ނަމަ ބަލި އަލުން ޖެހިދާނެ ކަމަށާއި އެހެންވެ ޓެސްޓުކުރުން މުހިއްމު ކަމަށް ވިދާޅުވި އެވެ. މިފަދަ ސާމްޕަލް ޓެސްޓު ކުރުމުން މި ބައްޔާ ގުޅޭ އިތުރު މައުލޫމާތު ދަސްވާނެ ކަމަަށް ވެސް ޑރ. އަފްޒަލް ވިދާޅުވި އެވެ.

"އެ މީހާގެ ސާމްޕަލް ނެގުން ވަރަށް މުހިއްމު ވާނެ. އެއީ އަޅުގަނޑުމެންނަށް އެ ބަލި ހަގީގަތުގައި [ޖެހެނީ] ކިހިނެއްތޯ [އިނގޭނީ އޭރުން]. ތިން މަސް ދުވަހުންތޯ ނުވަތަ އެ އަށް ވުރެ ގިނަ މުއްދަތެއްތޯ، އެވިޑެންސްތަކެއް މި ނެގެވެނީ،" އޭނާ ވިދާޅުވި އެވެ.

ކޮވިޑަށް ޓެސްޓު ކުރަން ސާމްޕަލް ދޭން އާންމުކޮށް ދެކޮޅު ހަދަނީ އެ ބަލިން ރަނގަޅުވިތާ ހަ މަސް ވެފައިވާ މީހުން ކަމަށް ޑރ. އަފްޒަލް ވިދާޅުވި އެވެ. އެހެންވެ، ބަލި ޖެހުނު ފަހުން ހަ މަސް ދުވަސް ވީ ނަމަ ވެސް، އާރްއާރްޓީ އަށް އެއްބާރުންދީ ސާމްޕަލް ދޭން އޭނާ އެދިވަޑައިގަތެވެ.

ކޮވިޑަށް ޕޮޒިޓިވްވާ މީހުންގެ އަދަދު މިދޭތެރެއިން ދަށްވެފައި ވާތީ ރައްކާތެރިކަމުގެ ފިޔަވަޅު އެޅުމުގައި ފަރުވާކުޑަ ކުރާކަން ވެސް ޑރ. އަފްޒަލް މި ބްރީފިންގައި ފާހަގަކުރެއްވި އެވެ. އަދި ނޭފަތް ނިވާކޮށްގެން މާސްކު އަޅާށާއި ގެއިން ބޭރަށް ދާ އިރު "ޓްރޭސްއެކީ" އެޕް ބޭނުން ކުރާށާއި ދުވަސްވީ މީހުން އުޅޭ ތަންތަަނަށް ޒިޔާރަތްކުރާ އިރު ރައްކާތެރިވާން ވެސް އޭނާ ހަނދާން ކޮށްދެއްވި އެވެ.

ސިއްހަތު ހެލްތު ޕްރޮޓެކްޝަން އެޖެންސީ ޑރ. އިބްރާހިމް އަފްޒަލް (އެޗްޕީއޭ) އެޗުއީއޯސީ

9 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެޖެންޑާ21

30 November 2020

މިހާރުދެން ތިކަން ހުއްޓާލަންވެއްޖެ. ކޮވިޑް ބިރުވެރިކަން ފެތުރުން. ސްޓެޓްތަކުން ދައްކަނީ މީހަމަ އާދައިގެ ރޯގާއެއްކަމަށް. މިގޮތަށް ނޯމަލް ފުލޫޖެހޭ މީހުންގެ ތަފާސްހިސާބު އާއްމުކުރާނަމަ ބަލިމީހުންނާ މަރުވާމީހުން މާގިނަވާނެ. https://www.awakeningchannel.com/post/network-of-lawyers-there-is-no-pandemic-there-are-global-agendas-behind-notice-of-liability-and

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުލައި2020

30 November 2020

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިޔަނދުރު

30 November 2020

ކޮވިޑް19 ޖެހިފައި 6 ، 8 މަސް ފަހުންވެސް ރިއިންފެކްޓް ވާކަމަކަށް ރިސާޗަކުން ކީއްކުރަން ދުވިޔޭގައި މިހަދާހައި ޓެސްޓްތަކަކުންވެސް ނުދައްކާ. ފަހަރެއްގައި ހާލަކުން ނާދިރު ކޭހެއް ފެނުން އެޔެއް ނުބެލޭ ނުރައްކަލަކަށް. ކޮންޓްރޯލް ނުވާ ފްލޫއަކާހުރެ ބިރުން އިޤްތިޞާދާ ވެއްޓާ އިޖްތިމާޢީވުން ފުނޑިއްޖެ. އެވަރުން އުޅެއުޅެތިއްބާ، އެގިގެން ބައިމިލިޔަން ބަލިވިއިރު ނޭނގި އޭގެ ކިތައްގުނަ ކަންވެސް ނޭނގެ. ފަރުވާތެރި ނުވާށެކޭ ނޫން ފޯބިޔާއާ އޯވަރވުން ބޭކާރު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮޅުވާކުން

30 November 2020

ބިދޭސީން ކޮވިޑް ޖެހި މިހާރު ނިމުނީތަ؟ ބިދޭސީން ޕޮޒިޓިވްވާ ކަމެއް މިހާރު ޚަބަރުގައި ނުހިމެނޭތީ އަހާލީ އެވެ. އަނެއްކާ ގައިޑްލައިންސް ބަދަކުވީވީ ތޯއެވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައްޓިބޭ

30 November 2020

ލާރިކާ ޓީމު ދޭބަލަ ފަރު މައްޗައް ސާމްޕަލު ހިލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހޫ

30 November 2020

ލާރިކާލި ވަގުކަލޭގެ ވީ ޖަލުގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހޫ

30 November 2020

އަސްލު ލާރި ކާލި ވަގުތައް ތިބީ ގޭގަ ބައިތިއްބާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގަޓް ބްރޯ

30 November 2020

ކޮވިޑް 19 އަކީ ސިއްހީ މާހިރުންގެވެސް ބޮޑު ބޮލުގެ ރިހުމެއް. ކޮވިޑްއާ ގުޅޭ ފަހުގެހޯދުން ތަކުން ދައްކާގޮތުގަ ކޮވިޑް ވައިރަސް ހަށިގަނޑަށް ވަންނަތާ 100ދުވަސް ފަހުންވެސް ކޮވިޑްއާ ގުޅޭ އެކިއެކި އަލާމާތްތައް ބައެއް މީހުންގެ ގައިން ފެނޭ. މިކަމާގުޅޭގޮތުން ޓެސްޓްކުރެވުނު %52 މީހުންނަށް ތަފާތު ސިއްހީ އުނދަގޫތައް ފޯރާ. އޭގެތެރޭގަ ހަމަނިދި ނުލިބުމާ ގައިގަ ރިހުމާ ބޮލުގަރިހުމާ މާބޮޑަށް ވަރުބަލިވުމާ ކަންކަމަށް ސަމާލުކަންނުދެވުންވެސް ހިމެނޭ.