06 ޑިސެމްބަރ 2021 - 06:24
2 comments
ކޮވިޑް-19 ގެ އެންމެ ފަހުގެ ވޭރިއަންޓަށް އޮމިކްރޯން ކިޔާތީ ސައިބީރިއާގެ ވިޔަފާވެރިޔަކު ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯގެ ރަޝިއާގެ ބްރާންޗަށް ދައުވާކޮށްފި އެވެ.
އޮމިކްރޯން ނެޓްވޯކްސް އޮފް އޮފްތަމޮލޮޖީ ކްލިނިކްސްގެ ނަމުގައި ސިއްހީ ހިދުމަތްތަކެއް ދެމުން އަންނަ ކުންފުނިން ޑަބްލިއުއެޗްއޯގެ ރަޝިއާގެ ގޮތްޕަށް ދައުވާކުރަން މޮސްކޯ އާބިޓްރޭޝަން ކޯޓަށް ހުށަހެޅީ މިދިޔަ މަހުގެ 30 ވަނަ ދުވަހު އެވެ.
އޮމިކްރޯން ނެޓްވޯކްސްގެ ސީއީއޯ އެލެގްޒެންޑާ ޕާޑާ ވިދާޅުވީ "އެމިކްރޯން" އެ ނަމަކީ އޭނާގެ ވިޔަފާރީގެ ޓްރޭޑްމާކް ކަމަށާއި އެ ނަން ކޮވިޑްގެ ވޭރިއަންޓަކަށް ކިޔުމަކީ ވިޔަފާރި ހަލާލުކޮށްލުމުގެ އަމަލެއް ކަމަށެވެ. އަދި ދެކުނު އެފްރިކާ އިން ފެނުނު ކަމަށް ބުނާ ވޭރިއަންޓަށް ރަސްމީކޮށް "އޮމިކްރޯން" ކިޔަން ފެށި ފަހުން ވިޔަފާރި ވަރަށް ބޮޑަށް އަސަރުކޮށް، މާލީ ގޮތުން ވެސް ގެއްލުންވަމުންދާ ކަމަށް ވިދާޅުވި އެވެ.
"އޮމިކްރޯން ޓްރޭޑްމާކެއްގެ ގޮތުގައި ރަޖިސްޓްރީކޮށް އަހަރެމެންނަކީ ބޭހާއި ހެލްތުކެއާ ހިދުމަތް ދެމުން އަންނަ ބައެއް. އެކަމަކު ކޮވިޑްގެ ވޭރިއަންޓަކަށް އޮމިކްރޯން ކިޔައިގެން އަހަރެމެންގެ ވިޔަފާރިި ދަނީ ހަލާކުކުރަމުން،" ޕާޑާ ވިދާޅުވި އެވެ. "އަހެރެމެންގެ ވިޔަފާރި އަށް ކިޔާ ނަން ޑަބްލިއުއެޗްއޯ އިން މިހާރު ބޭނުންކުރާ ގޮތުން ވިޔަފާރީގެ ރެޕިއުޓޭޝަނަށް ވެސް ވަނި އަސަރުކޮށްފައި. އެ ނަން އެގޮތަށް ބޭނުން ކުރާ ނަމަ ބްލެކްލިސްޓްކުރެވެން ޖެހޭނެ."
މޮސްކޯ އާބިޓްރޭޝަން ކޯޓް.
އޭނާ ވިދާޅުވި ގޮތުގައި މިކަމަކާ ހެދި ދެން ކޮވިޑާ ހުޅުން ހުރި ހިދުމަތެއް ހޯދަން ވެސް ކްލިނިކަށް ބަޔަކު ޒިޔާރަތް ނުކޮށްފާނެ ކަމުގެ ބިރު އެބައޮތެވެ.
"މިއީ ވަރަށް ބޮޑު އިންވެސްޓްމަންޓެއްކޮށްގެން ފެށި ވިޔަފާރިއެއް. އެކަމަކު މިހާރު ދުނިޔޭގެ ބޮޑު ޖަމާއަތަކުން ޒިންދާރުކަން ކުޑަކޮށް ކުރި ކަމަކާ ހެދި އަހަރެމެންގެ ވިޔަފާރި މިހާރު އޮތީ އެއްކޮށް ހަލާކުވުމުގެ ތުންފަތް މަތީގައި،" ޕާޑާ ވިދާޅުވި އެވެ. "މީގެ ސަބަބުން ފޫނުބެއްދޭ ވަރުގެ ގެއްލުމެއް ލިބޭނެ."
މިކަމާ ގުޅިގެން ޑަބްލިއުއެޗްއޯ އިން މިހާތަނަށް އެއްވެސް އެއްޗެއް ބުނެފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮސްކަމެއް
06 December 2021
ގްރީކް އަލްފަބެޓުން ނަންކިއުމަކީ ތިޔަ ކަހަލަ އެތައް މައްސަލައެއް ދިމާވާނެ ކަމެއް. މަދުބަޔަކު އެ މައްސަލަ ޖައްސަނީ. ދުނިޔޭގަ އެހާ މަޝްހޫރުކޮށް ބޭނުންކުރެވޭ ކަހަލަ ނަންނަން ބޭނުންކުރީމަ ވާނެ ގޮތް ތިޔަވީ. އަލްފާއާ ބީޓާއާ ޑެލްޓާއަކީވެސް އެހާ އާއްމު ނަންނަން.
ސިމްޕަލް
06 December 2021
ދަރުމަަވަންތަ ހޮސްޕިޓަލުގެ ޑިޕާޓްމަންޓްތަކަށް ނަން ދިން މީހުންނާ މަޝްވަރާކޮށްގެން ކޮވިޑް-19 ގެ އެންމެ ފަހުގެ ވޭރިއަންޓަށް ޑަބްލިއުއެޗްއޯއިން ނަން ކީނަމަ، ގައިމުވެސް އެހެން ބަޔަކު ބޭނުންނުކުރާ ނަމެއް ހޯދުނީސް. އެތާ އެހުންނަ ނަންތަކަކީ ޚުދު އާންމު ދިވެހިންނަށްވެސް އިގޭ ފަދަ ނަންތަކެއް ނޫން.