ޚަބަރު / މުހައްމަދު އަސްލަމް، ނޭޝަނަލް ޕްލޭނިން މިނިސްޓަރު

ހުޅުމާލެ އާއި ގުޅިފަޅުން 3،000-4،000 ގޯތި ދޫކުރާނަން: އަސްލަމް

އެޗްޑީސީން ވިއްކަން އިއުލާން ކުރި 60 ބިމަކީ މާ ކުރީގެ ޕްލޭނެއްގެ ދަށުން ކޮމާޝަލް އުސޫލުން ކުރާ ކަމެއް ކަމަށް އަސްލަމް ވިދާޅުވި.

ހައުސިން މިނިސްޓަރު އަސްލަމް ނޫސަްވެރިންނާ ވާހަކަ ދައްކަވަނީ.

މޫސާ ރަޝީދު، މިހާރު

28 ޑިސެމްބަރ 2021 - 11:50

66 comments

ހުޅުމާލެ އާއި ގުޅިފަޅުން 3،000-4،000 އާ ދެމެދުގެ އަދަދަކަށް ގޯތި ދޫކުރަން ނިންމާފައިވާ ކަމަށާއި އެކަން ރައީސް އިބްރާހިމް މުހައްމަދު ސޯލިހު ވަރަށް އަވަހަށް އިއުލާން ކުރައްވާނެ ކަމަށް ހައުސިން މިނިސްޓަރު މުހައްމަދު އަސްލަމް މިއަދު ވިދާޅުވެއްޖެ އެވެ.

އޭނާ އެހެން ވިދާޅުވީ، ހުޅުމާލޭގެ ދެވަނަ ފިޔަވަހިން މީހުން ދިރިއުޅުމަށް ބޮޑު އަގުގައި 60 ބިމެއް ވިއްކަން އެޗްޑީސީން ނިންމާފައިވާ ނިންމުމަށް އެތައް ބައެއްގެ ފާޑުކިޔުން އަމާޒު ވެފައި ވަނިކޮށެވެ.

އެކަމާ ގުޅޭ ގޮތުން "މިހާރު" އިން ސުވާލު ކުރުމުން އަސްލަމް ވިދާޅުވީ، އެޗްޑީސީން އިއުލާން ކޮށްފައި ވަނީ އެ ކުންފުނިން ވިޔަފާރި އުސޫލުން ވިއްކުމަށް ކުރިން ރާވާފައިވާ ބިންތަކެއް ކަމަށާއި އެއީ އާންމުންނަށް ގޯތީގެ ގޮތުގައި ދޫ ކުރަން ރާވާފައިވާ ބިންތަކެއް ނޫން ކަމަށެވެ.

Hulhumale ge dhevana fiyavahin 60 bimeh vikkumah hulhuvaalaifi

The most trusted news source in the Maldives

Mihaaru

"މާ ކުރިއްސުރެ [އެޗްޑީސީގެ] މާސްޓާޕްލޭނުގައި، ހުޅުމާލެ އަޅުގަނޑުމެންނާ ހަމައަށް އައިއިރު ވެސް އޮތް ޕްލޭނެއް އެއީ. އެ ޕްލޭންގައި ހުރި ވިއްކަން ހުރި ތަންތަން މިހާރު އެ މީހުން ވިއްކަން އިއުލާން ކޮށްގެން އެ އުޅެނީ. އެ ތަންތަން އެއީ ކޮމާޝަލް ކޮށް ވިއްކަން ހުރި ތަންތަން،" އަސްލަމް ވިދާޅުވި އެވެ.

މާލޭގެ ރަަށްވެހިންގެ ތެރެއިން 700 އަކަފޫޓަށް ވުރެ ކުދި ތަންތަން ދޫކޮށްލާ މީހުންނަށް ހުޅުމާލެ އާއި ގުޅިފަޅުން ގޯތި ދޫ ކުރަން ފަށާނެ ކަމަށާއި އެ އަދަދުތައް ރައީސް އިބްރާހިިމް މުހައްމަދު ސޯލިހު ވަރަށް އަވަހަށް އިއުލާން ކުރައްވާނެ ކަމަށް އަސްލަމް ވިދާޅުވި އެވެ.

އޭނާ ވިދާޅުވިގޮތުގައި، މިހާރު ކުރަމުން ދަނީ ހިލޭ ދޫކުރެވޭނެ ގޯތިތައް ކަނޑައެޅުމެވެ. އޭގެ ތެރޭގައި އެޗްޑީސީން އިއުލާން ކުރި 60 ބިން ނުހިމެނޭނެ ކަމަށް އަސްލަމް ވިދާޅުވި އެވެ. އަދި މާލޭގެ މީހުންނަށް ހުޅުމާލެ އާއި ގުޅިފަޅުން 1،000 އަކަފޫޓުގެ 3،000-4،000 އާ ދެމެދުގެ އަދަދަކަށް ގޯތި ދޫކުރާނެ ކަމަށް ވެސް މިނިސްޓަރު ވިދާޅުވި އެވެ.

ހުޅުމާލޭގެ ދެ ވަނަ ފިޔަވަހީގައި އަޅާ ފްލެޓްތަކެއް:

"ގުޅިފަޅުން މެކްސިމަމް ދެވެން އޮތް ވަރަކަށް ދޭނެ. 2،100 ގޯތި ދެވޭނެ ގުޅިފަޅުން. ހުޅުމާލެ އިން ސީދާ އަދަދު ނުއެއް ނިންމަން. ބަލަމުން މި ގެންދަނީ ފްލެޓު އަޅަން ހުރި ބިންތައް ބަހައްޓާފައި ބާާކީ ހުރި ބިންތަކުގެ ތެރެއިން ގޯތީގެ ގޮތުގައި ދެވޭނީ ކޮން ތަންތަނެއްތޯ؟؟ ގޯތި ދެވޭ ސީދާ އަދަދުތައް ރައީސް އިއުލާން ކުރައްވާނެ،" އަސްލަމް ވިދާޅުވި އެވެ.

މާލޭގެ މީހުންނަށް ގޯތި ދޫކުރުމާއި މާލޭގައި ދިރިއުޅޭ އެހެން ރަށްރަށުގެ މީހުންނަށް ފްލެޓު އިމާރާތް ކުރުމުގެ މަސައްކަތް ވެސް ކުރިއަށް ގެންދާނެ ކަމަށް އަސްލަމް ވިދާޅުވި އެވެ. އެ ފްލެޓުތައް އިމާރާތް ކުރަނީ އޭނާ ވިދާޅުވިގޮތުގައި، ހަމައެކަނި މާލޭގެ މީހުންނަށް ހާއްސަ ކޮށްގެނެއް ނޫނެވެ. ނަމަވެސް އެ ކަމުގައި ވެސް އިސްކަން ދޭނީ މާލޭގެ ރަށްވެހިންނަށް ކަމަށް އަސްލަމް ވިދާޅުވި އެވެ.

އެޗްޑީސީން ވިއްކަން ހުޅުވައިލި ބިންތައް ގަނެވޭ އެންމެ ކުޑަ އަގަކީ އަކަފޫޓަކަށް 3500ރ. އެވެ. އަދި ވިއްކަން ހުޅުވާލާފައި ވަނީ ބީޗް ފްރަންޓުންނާއި ބީޗް ސައިޑުގައި ހުރި ބިންތަކެވެ.

އެ ކުންފުނިން ވިއްކަން ނިންމާފައި ވަނީ 1603.7 އަކަފޫޓާއި 2633.82 އަކަފޫޓުގެ ބިންތަކެވެ. ބީލަން އުސޫލުން ވިއްކާ އެ ބިންތައް ފެށޭ އަގަކަށް ވެސް 5.6 މިލިއަން އަރާނެ އެވެ.

ބޯހިޔާވަހިކަން މުހައްމަދު އަސްލަމް، ނޭޝަނަލް ޕްލޭނިން މިނިސްޓަރު އެޗްޑީސީ ހުޅުމާލެ ގުޅިފަޅު ހައުސިން، ލޭންޑް އެންޑް އާބަން މިނިސްޓްރީ

66 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮބާ.ކޮބާ

30 December 2021

މާލޭ ރައްޔިތުން ގަނަތެޅެން ތިބެން ޖެހޭނީ.. މަމެން ރަށުގަ ގޯތީގަ ގެސްޓު ހައުސް ވެސް ހުންނާނީ..އެކަން ބަލަހައްޓަން ބަންގާޅޭން ތިބޭނީ ލާފަ..އެތަނުން ލިބޭ ޑޮލަރައް ބޭރައްގޮސް މުދާ ހައްދައިގެން މިގެންދަނީ ރަށަށް..%30 ޑިއުޓީވެސް ޖެހޭނީ ކުޑަކޮށްދޭން.. ހަމަ އެމުދާ މާލެ ގެނެސް މިވިއްކަނީ ބޮޑު އަގުގަ.. މާލޭ ގައިވެސް ގޯއްޗާ ފްލެޓް ޖެހޭނީ ހުންނަން..އެސްޓީއޯ. މިފްކޯ ތަންތަނުގަ ތިބޭނީ މަމެންގެ ބެއްޔާމެން..ބޭނުން އަދަދެއް ބިލުގަ ޖަހާނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1919

30 December 2021

. މިހާރު ތިމާމީހުންގެ ތަރައްޤީގެ ޕްލޭން ކަމަށް ހަދާފަ ރައީސް ޔާމީންގެ ހުރިހާ ޕްލޭނެއް ކޮޕީ ކުރަނީ.ހަމަ ގޯހޭ ބުނާއިރަށް މިބުނަނީ ރައީސް ޔާމީންވެސް މިކަންކުރަން ނިންމިއޭ.އެކަންކުރަން ނިންމިއޭ.މިކަމުންވެސް އެނގެނީ ރައީސްޔާމިން ކުރެއްވި ހުރިހާކަންތައް ހުރިހާ ރައްޔިތުންންނަށް އަދި ހަޅޭލީ މީހުންނަށްވެސް އޯކޭކަން. ހަޅޭލީ ހަމަ ސިޔާސީ މަޤުޞަދުތަކެއް ޙާސިލް ކުރުމަށް ކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްސާސް

29 December 2021

އެހެން ރަށްރަށުން ގޯތި ދޫނުކުރެވިގެން އުޅެނީވެސް ހަމަ ސަރުކާރުގެ ނުފޫޒުން. މާލެ ރާއްޖެތެރެ ކިޔާނެ ކަމެއް ނެތް . ކޮންމެ ދިވެހި ދަރިއަކަށްވެސް ރާއްޖޭގެ ކޮންމެ ހިސާބަކުން ކަމުގައިވިޔަސް ގޯތި ނުވަތަ ފުލެޓު ވިޔަސް ހޯދެން ވާނެ. އެހެނީ ބިން ހިއްކަނީ އެންމެހާ ރައްޔިތުންގެ ފައިސާއިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1234

29 December 2021

މާލެ ރާއްޖެތެރެ ކިޔާކަށްނުޖެހޭ ސަރުޠު ހަމަވާ ކޮންމެ ދިވެހި ރައްޔިތަކަށްވެސް އެމީހަކު ބޭނުންވާ ކޮންމެ ތަނަކުންވެސް އެ ފުރުޞަތު އޮންނަންވާނެ. ކޮންމެހެން ނުޖެހޭ މާލޭ ކިޔާކަށް މާލޭގަވެސް އުޅެނީ ދިވެހިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

29 December 2021

ކޮބާ ތިޔަ ބުނާ ހަމަހަމަކަން ކަލޭގެރަށައް އަހަރުމެން މާލޭ މީހުން ގޯތި ހޯދަން ސިޓީ ލުމުގެ ހައްޤުވެސް ނޯވޭ! ސިޓީލާއިރަށް ބުނަނީ ތިޔައީ މިރަށު މީހެއް ނޫނޭ! ނުލިބޭނެޔޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަޑިތަކުރު

29 December 2021

ރަށްތަކުން ގޯތިދެމުންގޮސް ހުސްވީމާ ބިން ހިއްކާފައިވެސް ގޯތި ދޭންވީއެވެ. ގޯތި ލިބޭ މީހާ މަރުވީމާ ހުރިހާ ދަރިންނަށް ބޯކިބަލެއްހެން ގޯތި ފޮތިފޮތި ކުރަންވީއެވެ. މިގޮތަށް އަބަދު ގޯތި ދެވޭނެބާވައެވެ. ކުރިން ކުރިކަމެއް މުސްތަގްބަލަށް ވިސްނައި ބަދަލުކުރާކަށް ނުވޭބާވައެވެ. ބޯހިޔާވަހިކަން ބޭނުންވާ އެންމެންނަށްވެސް ފްލެޓް ތަފާތު ފެންވަރުގައިގައި ހަދާފައި ދޭންވީ ނޫންބާވައެވެ. ވަކި ބަޔަކަށް ގޯއްޗަކީ އާމްދަނީ ހޯދާ ވަސީލަތަކަށް ވާންޖެހޭ ބާވައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

29 December 2021

ކަލޭގެ ރަށުގެ ގޯތި ގެސްހައުސް އަޅައިގެން އާމްދަނީ ލިބޭނަމަ އެހެން މީހުންނަށްވެސް އެހައްޤުއޮންނަންވާނެ! ޤާނޫނަކީ ކަލެއަށް ފަހާ ހެޔޮވަރު ކޮއްފައިވާ ކޯޓެއް ނޫން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޭކް ނިއުސް

29 December 2021

ފުރަތަމަ ތި ގޯތިތައް ދޫކޮށްފައި ހުޅުމާލޭ އިން މުއްސަދިންނަށް ބިން ދޫ ކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މ‫ާސްޓާ

28 December 2021

މ‫ާސްޓަރ ޕްލޭން އެއީ ވިހެއި އެއްޗެތޯ ބަދަލު ނުކުރެވެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެން

29 December 2021

ކުރީ ސަރުކާރުތަކުން ކުރާ ބައެއް ކަންކަން މިމީހުންނަށް ބަދަލުކުރެވެނީ. ރައްޔިތުން ރަތަށް އަރާފާނެހެން ހީވާ ހުރިހާ ކަމެއް އެ ހުރި ގޮތަށް ކުރިއަށް ގެންގޮއްސަ ކުރީ ސަރުކާރޭ ކިޔައި އަތްފޮޅާލީމަ ނިމުނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

28 December 2021

"މާލޭގެ ރަަށްވެހިންގެ ތެރެއިން 700 އަކަފޫޓަށް ވުރެ ކުދި ތަންތަން ދޫކޮށްލާ މީހުންނަށް ހުޅުމާލެ އާއި ގުޅިފަޅުން ގޯތި ދޫ ކުރަން ފަށާނެ" އެޔޯ ކޮބާހަމަހަމަކަން ރަށްރަށުގެ މީހުންގެ ބޮޑުފަޅުރަށެއްވަރުގެ ގޯތި އޮތަސް ނުޖެހޭ ގޯތި ދޫކުރާކަށް ހުޅުމާލެއިން ފުލެޓް ލިބުނީމައި!ކަލޯ ތިޔައީ މާލޭމީހުންހައްދަން ކަލޭ ދެއްކިވާހަޔަކާ ވައްތަރީ! ތިޔަގޮތައް ބޮލަށްޗިޕެއް ނުޖެހޭނެ! ކަލޭގެބޮލަކުނެތް މާލޭމީހުންނަށް ގޯތިދޭނެ ވިސްނުމެއް!ވޯޓެއް ނުލިބޭނެ މާލޭމީހުންގެ.ނޯވޯޓްނޯގޯތި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިއްވަރު

28 December 2021

ތެދެއް.މީގެ ކުރިން މިއީ ގޯތި ދޭނެ ޖާގައެއް ނެތޭ ކުއްލި އަކަށް ބޮޑުބައެއް ހިކުނީތޯ ޚޮން އެއްޗެއް ކިޔާކަށް ސަރުކާރުތެރޭ އަސްލަމް މެން ތިބެގެން ނުވާނެ ތިކަމެއް ޢަސްލަމް އިސްތިއުފާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބެއަލީ

28 December 2021

ކުރީ އެމް.ޑީ.ޕީ ވެރިކަމުގައި މާލެއިން ބިން ކޮޅުދޫކޮށްލާ ނަމުގައި ވެށި ފަހި ޕުރޮގްރާމޭ ކިޔާފަ ހުޅުމާލެއިން ބިން ކިތަށް މީހުން މާލޭ ބިންކޮޅު ދޫކޮށްލިތޯ ބަލާބަލަ..ބޮޑު ޖަރީމާއެއް..އެމް އެމް ޕީ އަރ ސީއަށްވުރެ ނުބައި..މާލޭބިން ވެސްދޫކޮށްނުލާ..ދެކޮޅުން ބިން .