ލަންކާގައި ހުންނަވާ ދިވެހި ސަފީރު (ކ).
28 ފެބުރުއަރީ 2022 - 11:14
7 comments
ސްރީ ލަންކާގައި ހުންނަވާ ދިވެހި ސަފީރު އުމަރު އަބްދުއްރައްޒާގް، ބެލްޖިއަމާއި ޔޫރަޕިއަން ޔޫނިއަން އަށް ކަނޑައަޅާ ރާއްޖޭގެ ސަފީރު ކަމަށް އައްޔަން ކުރަން ރުހުން ހޯދުމަށް ރައްޔިތުންގެ މަޖިލީހަށް ސަރުކާރުން ހުށަހަޅައިފި އެވެ.
ރައީސް އިބްރާހިމް މުހައްމަދު ސޯލިހު މަޖިލީހަށް މިއަދު ފޮނުއްވި ސިޓީފުޅެއްގައި ވިދާޅުވީ، ބެލްޖިއަމާއި ޔޫރަޕިއަން ޔޫނިއަންގެ ސަފީރު ކަމުގައި މިހާރު ހުންނެވި ހަސަން ސޯބިރާއި ލަންކާގެ ސަފީރު އުމަރު އަބްދުއްރައްޒާގް އަނބުރާ ގެންނެވުމަށް ނިންމަވާފައިވާ ކަމަށެވެ.
އެ ނިންމެވުމާއެކު، ބެލްޖިއަމާއި ޔޫރަޕިއަން ޔޫނިން އަށް އަބްދުއްރައްޒާގް އަދި ޖަޕާނަށް ކަނޑައަޅާ ދިވެހި ސަފީރަކަށް ސޯބިރު އައްޔަން ކުރުމަށް ގަސްދު ކުރައްވާ ކަމަށް ވެސް އެ މަނިކުފާނުގެ ސިޓީފުޅުގައި ވެ އެވެ. ރާއްޖެ އިން ޖަޕާނަށް މިހާރު ކަނޑައަޅާފައި ހުންނަވާ ސަފީރަކީ އިބްރާހިމް އުވައިޒް އެވެ.
މަޖިލީހުގެ ރައީސް މުހައްމަދު ނަޝީދު ނިންމެވީ އެ ނަންތައް ދިރާސާ ކުރުމަށް ހާރިޖީ ގުޅުންތަކުގެ ކޮމިޓީ އަށް ފޮނުވުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝާދިޔާ
28 February 2022
ތިޔަ ރައްޒާޤް އަކީ ދުވަހަކު ވެސް ސަރުކާރު ވަޒީފާ އެއް އަދާ ކޮށް އެއްވެސް ތަޖުރިބާ އެއް ހުރިމީހެއް ހެނެއް ހީޔެއްނުވޭ. އުމުރު ހޭދަ ކުރީ ލަންކާގަ. ހައިކޮމިޝަނާ ހަވާލު ކުރިފަހުން މީނަ އަށް ކުރެވުނު ކަމެއް ކޮބާ؟ ކެރަފާ ނަސީމް މެންގެ ދުވަސްވީމަ ބޮޑެތި މަޤާމް ތަކަށްލާފަ ޑިސްޕްލޭކޮށްފަ ތިބެނީ… ދައުލަތުގެ ޚަރަދުގަ ބޭރުގަ ދިރިއުޅެ ދަރިންނަށް ކިޔަވާދީ، ޑީޕީއެލް ޖަހައިގެން އަމިއްލަ ކާރު ތަކުގަ އަރާމް ދިރިއުޅުމުގަ އުޅެނީ ތިއެންމެން ވެސް.
ޢަރުތަ
28 February 2022
ރަނގަޅު ވާހަކައެއް، އެެއްވެސް މީހަކަށް އަލަށް ވަޒީފާ ލިބޭއިރު ތަޖުރިބާއެއް ނުހުންނާނެ، އެކަމަކު މިހާރު ރައްޒާގުގެވެސް ކޮންމެވެސް ތަޖުރިބާއެއް ހުންނާނެތާ......
ޔޫވީ
28 February 2022
މުޅި ޔޫރަޕުގައި ބޮޑު ހަނގުރާމައެއް ހިގައި ދުނިޔޭގެ އިގުތިސާދު އޮޅުންބޮޅުން ވަމުންދާ ދުވަސްވަރެއްގައި އީޔޫގެ ސަފީރަކަށް ފޮނުވަނީ ތަޖުރިބާއެއް ނެތް ކަމެއްނުވާ މީހެއް؟ ނޫނޭވާ. ދިވެހިންނަށް ލިބިފައި މިހިރީ މޮޅު ރައީސެއް
ގުލްޒާރު
28 February 2022
އާމީކަށް ވަޒީފާގަނޑެއް ލިބޭކަށްނެތްތަ؟ އަބަދު އެއްބައެއް ބަގުޑިބައްދައިގެން މިހުންނަނީ. މީވެސް ބާވަތެއްގެ ޑިމޮކުރަސީއެއް އުތަ؟
ނަޖްވާ
28 February 2022
މި ސޯބިރު މީ ކޯންޗެއް ވެގެން ސަފީރު ކަން ދީގެން އުޅޭ މީހެއް ބާވެއޭ ހިތަށް އަރާ؟ ސަޅި ބައިސާ ކަނޑަމުން ދުވާ މީހެއް!
ކޮރަލް
28 February 2022
ސަފީރުން ކަމެއް ކުރާ ބައެއް ނޫނެވެ. މަގާމުގެ މުއްދަތު ހަމަ ވާ ބައެއް ނޫނެވެ. އާއިލާ ގޮވައިގެން ކައިބޮއިފަ ބާޒާރު ކުރުމާ ދަރީން ނަށް ކިޔަވާ ދިނުމުގަ އެވެ. ސަފީރުން ރާއްޖެ އަށް ފައިދާ އަށް ކޮށްދިން ކަމެއް އެއްވެސް ހަބަރަކުން ވެސް ނީވެ އެވެ.
ނުލިބުނު ސަފީރުކަން
28 February 2022
އަދި ޤައުމަށް ފައިދާ އެއް ލިއްބައިދިނުމުގެ ނަމުގައި އެފަދަ ކަމަކަށް ހުށައެޅީމަ ހުށައެޅިމީހާ އަކީ މޮޔައެއް ކަމުގައި ހަދަތެވެ.