މާވަށު ދާއިރާގެ މެމްބަރު ސައީދު، ރައްޔިތުންގެ މަޖިލިހުގެ ޖަލްސާއެއްގައި ވާހަކަ ދައްކަވަނީ.---ފޮޓޯ: މަޖިލިސް
20 ޖޫން 2022 - 11:48
13 comments
މޯލްޑިވިއަން އެއާލައިންސްގެ މާލީ ހާލަތު ދަށްވެ، މަތިންދާބޯޓުތަކަށް ދިމާވާ ޓެކްނިކަލް މައްސަލަތައް ހައްލު ނުކުރެވޭ ކަމަށް ބުނެ ރައްޔިތުންގެ މަޖިލީހަށް މިއަދު ހުށަހެޅި ކުއްލި މައްސަލަ އަށް ބަހުސް ކުރަން ފާހެއް ނުވެ، މަޖިލީހުން ބޭރުކޮށްލައިފި އެވެ.
ކުރީގެ އިކޮނޮމިކް މިނިސްޓަރު އަދި މާވަށު ދާއިރާގެ ޕީއެންސީގެ މެމްބަރު މުހައްމަދު ސައީދު ހުށަހެޅުއްވި ކުއްލި މައްސަލަ އަށް ބަހުސް ކުރަން ފެންނަ ކަމަށް ލިބުނީ އެންމެ ފަސް ވޯޓެވެ. އަދި 33 މެމްބަރުން ވޯޓު ދެއްވީ އެ މައްސަލަ ބަހުސް ކުރަން ނުފެންނަ ކަމަށެވެ.
އެ މައްސަލަ ހުށަހަޅުއްވަމުން ސައީދު ވިދާޅުވީ، ރާއްޖޭގެ ގައުމީ އެއާލައިންގެ މާލީ ހާލަތު މީގެ ކުރިން ނުދާހާ ވަރަށް ދަށަށް ގޮސްފައިވާ ކަމަށާއި އެ ކުންފުނި ބަނގުރޫޓުވާން ކައިރިވެފައިވާ ކަމަށެވެ.
މޯލްޑިވިއަން އެއާލައިނުން 2020 ވަނަ އަހަރު 400 މިލިއަން ރުފިޔާ އަދި މިދިޔަ އަހަރު ވެސް 159 މިލިއަން ރުފިޔާގެ ގެއްލުންވި ކަމަށް ސައީދު ވިދާޅުވި އެވެ.
އޭނާ ވިދާޅުވީ، ހިންގުމުގެ ހަރަދަށް އިންޑިއާ އިން 17.3 މިލިއަން ރުފިޔާގެ ލޯނެއް ނަގާފައިވާ ކަމަށާއި ސްޓޭޓް ބޭންކް އޮފް އިންޑިއާ (އެސްބީއައި) އިން ދޫކޮށްފައިވާ އޯވާޑްރާފްޓް ފެސިލިޓީގެ ދަރަނީގެ އަދަދު ވެސް 46.2 މިލިއަން ރުފިޔާ އަށް އަަރާފައިވާ ކަމަށެވެ.
"މިހާރު ވެސް ކުންފުނީގެ މުވައްޒަފުންނަށް މުސާރަ ދެނީ ކޮންމެ މަހަކު މިނިސްޓްރީ އިން 15 އާއި 18 މިލިއަން ރުފިޔާގެ ލޯނު ނަގައިގެން،" ސައީދު ވިދާޅުވި އެވެ.
އޭނާ ވިދާޅުވިގޮތުގައި، އައިލެންޑް އޭވިއޭޝަނުން ހިންގާ މޯލްޑިވިއަން އެއާލައިނުން އެ ލޯނުތައް ނަގަން އެ ކުންފުނީގެ ހަ މަތިންދާބޯޓެއް ވަނީ ރަހުނު ކޮށްފަ އެވެ. އަދި ވެލާނާ އިންޓަނޭޝަނަލް އެއާޕޯޓް ހިންގާ މޯލްޑިވްސް އެއާޕޯޓްސް ކޮމްޕެނީ (އެމްއޭސީއެލް) އަށް ވެސް 50 މިލިއަނަށް ވުރެ ގިނަ ރުފިޔާ މޯލްޑިވިއަން އިން ދައްކަން ޖެހިފައިވާ ކަމަށް ސައީދު ވިދާޅުވި އެވެ.
އެހާ ބޮޑަށް މާލީ ހާލަތު ދަށްވުމާ ގުޅިގެން މަތިންދާބޯޓުތަކުގެ ޓެކްނިކަލް ކަންކަން ބައިނަލްއަގްވާމީ މިންގަނޑުތަކަށް ނުހިފެހެއްޓޭ ކަމަށް އޭނާ ވިދާޅުވެ އެވެ. އޭގެ ސަބަބުން ޓެކްނިކަަލް ގިނަ މައްސަލަތަކެއް ދިމާވާ ކަމަށާއި ބޯޓުތަކުގެ ޓަޔަރުތައް ވެސް ބަދަލު ނުކުރެވި، ސްޕެއާ ނުލިބިގެން ބައެއް ފްލައިޓުތައް ގްރައުންޑް ކުރަން ޖެހިފައިވާ ކަމަށް ސައީދު ވިދާޅުވި އެވެ.
"ކުންފުނީގެ މަތިންދާބޯޓުތަކުގައި ހުންނަން ޖެހޭ ސަލާމަތީ ކަންކަން ހިފެހެއްޓުމަށާއި ދަތުރު ކުރާ ފަރާތްތަކުގެ ސަލާމަތީ ކަންކަން ކަށަވަރު ކުރުމަށް ސަރުކާރަށް ގޮވާލައި ރައްޔިތުންގެ މަޖިލީހުގެ ގަވައިދުގެ 170 ވަނަ މާއްދާގެ ދަށުން ކުއްލި މައްސަލަ ހުށަހަޅަން،" މައްސަލަ ހުށަހަޅުއްވަމުން ސައީދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙައްމައިދީ
20 June 2022
މުޅި ދުނިޔޭގެ އެއަރލައިން އިންޑަސްޓްރީއަށް އައި ހީނަރުކަން މޯލްޑިވަންއަށްވެސް ކުރިމަތިވީ.. އަގުހެޔޮ ދަތުރުފަތުރު ގެ ވައުދާއި އެކު ޓިކެޓް ތަކުގެ އަގު ވަނީ ހެޔޮކުރި ވާހަކައަޑުއިވޭ. އެސްޓީއޯއިން ތެޔޮގެނެސް ފައިދާ ލުމަށްފަހު އެމްއޭ ސީއެލްއަލްއަށް ވިއްކުމުން އެމްއޭސީއެލް އިން ފައިދާލުމަށްފަހު މޯލްޑިވިއަންއަށް. އެއާރލައިނެއްގެ އެންމެ ބޮޑު ޚަރަދަކީ ތެޔޮ. މޯލްޑިވިއަން ސަލާމަތް ކުރެވޭނެގޮތް ސަރުކާރަށް އެނގޭނެ. އަދި އެކަން ކުރާނެކަމަށް އުއްމީދުކުރަމާދެތްތޯ
މިއަދު
20 June 2022
ކޮރަޕްޝަން ދަރަނި ބަނގުރޫޓުން ފަދަ އެއްވެސް މައްސަލައަކަށް މިސަރުކާރުން ބަހުސްކުރާކަށްނުކެރޭނެ ނުވެސްކުރާނެ
ދިއްދޫމީހާ
20 June 2022
ދުނިޔޭގަ ހުރި އެއްމެ މޮޅު ޑީއެމްޑީގެ ފެންވަރު އިންގިދާނެތީދޯ ތިޔަ މައްސަލަ ބޭރުކޮއްލީ، މިމީހުން ވެރިކަމަށް އަރާ ފަހަރަކު ވިއްޔާ ދައުލަތުގެ ކޮންމެވެސް ކުންފުންޔެއް އިންދަޖައްސާލާނެ، މީގެ ކުރިން ފެންކުންފުނި އެމްއެސްސީއެލް، މިފަހަރު މޯލްޑިވިއަން، ކަލޭމެން ރަނގަޅުވާނީ ހޮޅުހަށީގަ ފޮނި ބައިސާ ކަނޑަން…
ަަައަހުމަދު
20 June 2022
ތިޔާ ބަލާ ނަމަ ކީއްވެ ކުރީގަ ނުބެލީ؟ ކުރީ ދައުރު ނިމުނު އިރު ސިޔާސީ ހުރިހާ ކަމަކައް ތިޔާ މޯލްޑިވިއަން ބޭނުން ކޮއްފަ އެންމެ ލާރި އެއް ދިންތޯ؟ ހިސާބައް މާ މޮޅު މީހެއްގެ ދަރިޔަކުވެސް ބައިލައްކަ ރުފިޔާ ވަރު ހުރި ވީއްޔާ ދައްކަން.
ލޯމާފާން
20 June 2022
އޭރަކު 160 މިލިޔަނަށް ދަރާ އޮތް ވާހަކަ އެއްވެސް މީހަކު ނުދައްކާ.
ގޮލޮބިސްމިކް
20 June 2022
ސައީދޫ ކަލޭދެން މާބޮޑު އިކޮނޮމިސްޓަކަށްވެގެން މޯލްޑިވިއަނަށް ގެއްލުންވާ ވާހަކަ ދައްކާއިރު ވޭތުވެ ދިޔަ 3 އަހަރު ދުނިޔޭގެ އެއްވެސް އެއާރލައިންއަކަށް ފައިދާނުވާކަން އިންގޭތަ އަދި ދުނިޔޭގެ ނަންމަޝްޝޫރު ބޮޑެތި ކިތަށް އެއާރލައިން ބަނގުރޫޓުވެގެން ދިޔަކަން އިންގޭތަ
ދައްކާ
20 June 2022
މިވެސް ސިޔާސީކަމަކަށް ހަދައި އެ ބޭރުކޮށްލީ. ބަޔަކު ތިބޭނެ އަތްޖަހަން.
ހުއްޖަތް
20 June 2022
އިތުރު ކަންކަމާއި ނުއުޅެ، ތަމެންގެ ވެރިކަމުގައި ރަށްތަކާއި ފަޅުތައްވިއްކައިގެން ލިބުނުލާރިހޯދުން ލަސްވާތީވެ ބިލެއްހުށަހަޅާބަލަ. މިކަން އަވަސްކުރަންވެއްޖެނު! މިމީހުންކުޅަކަންތަކުގެވާހަކަ އޮއްބަން ދެންމިދައްކަނީ ކޮންހައި ޙުއްޖަތެއްތަ!
ާރަަައްޖެ
20 June 2022
ކޮންމެ މީހަކު ހުށަހެޅިޔަސް ރަގަޅު ވާހަކަ އެއް ވިއްޔާ އެ ބަލައިގަންނަން ޖެހޭނެ. އެންމެ މޮޅު ސީއީއޯ އެވޯޑް ހޯދި މީހަކު ޑީއެމްޑީއަށް ހުރެ ކުންފުނި ބަނގުރޫޓް ވަނީ. ޙަގީގަތަށް ވާހަކަ ދެއްކިޔަސް ސަރުކާރު ނުވެއްޓޭނެ. ސައީދުގެ ވާހަކައިގެ އޮތް ދޮގެއް ބުނެބަލަ.
އެމްސް
20 June 2022
ރަޢިއްޔަތުންގެ ފައިސާއިން އެހާބޮޑު އާމްދަނީއާއި ޢިނާޔަތްތައް އޮތް ބަޔަކަށް ރަޢިއްޔަތުން އިސްނުވަނީ ކީއްވެބާ؟ ދެކޮޅުޖެހޭ އާމްދަނީގެ ވަޒީފާ ހުރީ ވަރަށް މަދުން، ހުރިހާ އަސާސީ ޚިދުމަތްތަކުގެ އަގު ހުރީ ދުނިޔޭގެ ރިކޯރޑް މިންވަރުގަ! އެކަށީގެންވާ ސިއްޙީ ޚިދުމަތެއްވެސް ނެތުމުގެ ސަބަބުން، ދައުލަތުގެ ހުރިހާ ބޮޑުންނަށްވެސް ދައުލަތުން ޖެހުނީ އާސަންދައިގެ ބޭރުންވެސް އިތުރު ހެލްތު އިންޝުއަރެންސެއް ނަގައިދޭން!
ޔެންޑީޕީ
20 June 2022
ޑިމޮކްރަސީއަކީ މައިނޯރިޓީ އޯ އޮޕޮސިޝަން ބްލޮކް ކުރުން