އަލިފާން ނިއްވާ ފުޅިތަކެއް ސްކޫލެއްގައި ބަހައްޓަނީ.-- ފޮޓޯ: އެޑިއުކޭޝަން މިނިސްޓްރީ
03 ޖެނުއަރީ 2017 - 17:39
11 comments
ދިރާސީ އާ އަހަރުގެ ކިޔެވުން ފެށުމުގެ ކުރިން، ރާއްޖޭގެ ހުރިހާ ސްކޫލެއްގައި އަލިފާން ނިއްވާ ނިޒާމު ގާއިމްކޮށްފި އެވެ.
އެޑިއުކޭޝަން މިނިސްޓްރީން މިއަދު ބުނީ ސްކޫލުތަކަކީ ދަރިވަރުންނަށް ރައްކާތެރި ތަނަކަށް ހެދުމުގެ ގޮތުން ރާއްޖޭގެ 215 ސްކޫލުގައި އަލިފާން ނިވި ހަރުކޮށްފައިވާ ކަމަށެވެ.
މިނިސްޓްރީން މި މަސައްކަތް ކުރީ ސިފައިންގެ ވެލްފެއާ ކުންފުނި، ސިވެކްއާ ހަވާލުކޮށްގެންނެވެ.
ބިލެތްފަހި ސްކޫލުގައި އަލިފާން ނިއްވާ ފުޅިތައް ބެހެެއްޓުމުގެ މަސައްކަތް ކުރަނީ.-- ފޮޓޯ: އެޑިއުކޭޝަން މިނިސްޓްރީ
މި މަސައްކަތަށް 3.5 މިލިއަން ރުފިޔާ ހަރަދުކޮށްފައިވާ ކަމަށާއި އަލިފާން ނިވިތައް ބެލެހެއްޓުމުގެ މަސައްކަތް ސިވެކް އިން ފަސް އަހަރު ދުވަހަށް ކޮށްދޭނެ ކަމަށް ވެސް މިނިސްޓްރީން ބުންޏެވެ.
މިނިސްޓްރީން ބުނީ އަލިފާން ނިވާ ނިޒާމު ބަލަހައްޓާ ބޭނުންކުރުމަށް ތަމްރީނުކޮށްފައިވާ މުވައްޒަފުން ސްކޫލުތަކުގައި މިހާރު ތިބޭނެ ކަމަށެވެ.
ދަރިވަރުންގެ ސަލާމަތާއި ރައްކާތެރިކަން ކަށަވަރުކުރަން ކުރަމުން އަންނަ މަސައްކަތްތަކުގެ ތެރޭގައި، ކުއްލި ހާލަތުގައި ދަރިވަރުންނަށް ރައްކާތެރިކަން ފޯރުކޮށްދިނުމަށްޓަކައި ރާއްޖޭގެ ހުރިހާ ސްކޫލެއްގައި އިމަޖެންސީ އޮޕަރޭޝަން ޕްލޭން ވެސް ވަނީ ތައްޔާރު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިހާމާ
04 January 2017
އަލިފާން ނިވި ބަހައްޓައިފި، ސޯލާ ހަރުކޮށްފި، އެއްދަންފަޅިއަށް ކިއެވުން ބަދަލް ކޮށްފި، ބުލެކް ބޯޑުން ވައިޓް ބޯޑަށް ބަދަލް ކޮށްފި، އެކަމަކު ނަތީޖާ ދަނީ ދަށަށް...
ލަވްލީ
03 January 2017
ހަމަ ގައިމުވެސް މީ ރާއްޖޭގަ ހަޔާތުގަ މިކަން ކުރެވުނު ފުރަތަމަ ފަހަރު.. މިހެން ބުނެލީމަ މޭ ވެސް ބޮޑުވާނެ ހިތްދަތިވެސް ވާނެ. ފާޑުވެސް ކިޔާނެ. ހަގީގަތްވާނީ ހަގީގަތަށް ދެއްތޯ ޝުކުރިއްޔާ ސިފައިންގެ ކުންފުނި
ޢަބްދުﷲނާފިޒު
04 January 2017
ލަވްލީ ގެ ކޮމެންޓަށް ތާއީދުކުރާ ހާލު ބުނެލަން އޮތީ، ރާއްޖޭގެ ހަޔާތުގަ އަލަށް ފުރަތަމަ ފަހަރަށް އެތައްކަމެއް ކުރަމުން އެބަދެއޭ، އެހެންވީމަ ކޮންމެހެން މޭބޮޑުވެ ހިތްދަތިވާކަށް ނުޖެހޭނެތާ، ލަވްލީއަށް ލައްކައެކޭ ހިތަށް އެރިއަސް އެހެން ހިތަށް ނާރާ ލައްކަ މީހުންވެސް އުޅެދާނެ ނޫންތޭ.
އުފާވެރި
03 January 2017
މަމެންގެ ވެރިކަމުގައި ރާއްޖޭގެ ހުރިހާ ސްކޫލެއްގައި އަލިފާން ނިއްވާ ނިޒާމް ގާއިމުކޮށްފި. އެމެންގެ ވެރިކަމުގައި ނުކޮއް އޮތް ކަމެއް މިއީވެސް :-)
ޢަބްދުﷲނާފިޒު
04 January 2017
ހޫނ ތިވާހަކަތާ، ކުރިން ނުކުރާ އެތައްކަމެއް ތަމެންގެ ސަރުކާރުން ކުރަމުން ދާކަން ނުދެނަހުރި ރައްޔިތަކު ނެތޭ، ކޮށްފަ ނުކުރަނީ ކޮންކަމެއްތޯ، މުޅިންވެސް ރިކޯޑް މުގުރަމުން ދަނީ ދެއްތޮ، ހަހަހަ
ގެދާނޯމޮސް
03 January 2017
އިމާދުއްދީން ސްކޫލުގައި ތިޔަފުޅިތަކަށް ވުރެ ސްކޫލުގެ ބޭރުފާރުގައި ކުލަކޮޅެއް ނަމަވެސް ހާކާލަދިނުން ވަރައް އެދެމެވެ.
2ކޭ3
03 January 2017
ވަރަށް މުހިއްމު ކަމެއް ތިކުރެވުނީ! ރާއްޖޭގެ ގިނަ ސްކޫލް ތަކުގައި ވަނީ ގިނަގުނަ އަލިފާނުގެ ހާދިސާ ތައް ހިގާފަ ވިއްޔާ..
ޒުލޭހާ
03 January 2017
ތީ މިހާތަނަށް ކޮމްޕުރޮމައިސް ކުރެވިފައޮތްކަމެއް... ކުރުމުއްދަތެއްގެ ތެރޭ ތިފަދަކަމެއް ކޮށްދެއްވީތީ ސިވެކްގެ ގާބިލުޓީމު އަދި އެމްއެންޑީއެފަށް ޝުކުރާއި މަރުހަބާ
ޢަބްދުﷲނާފިޒު
04 January 2017
ހުރިހާ ޝުކުރަކާ ތަހުނިޔާއަކާ މުބާރިކުބާދީއެއް ރައްދުވަނީ ރައީސް މީހާއަށް، އެއީ އެމަނިކުފާނުގެ ދުރުވިސްނުންފުޅު، ރައްޔިތުންނާ ދޭތެރޭ ވިސްނާކަމުގެ ހެއްކެއް ދެއްތޮ.
ނުފެތޭނެ
03 January 2017
ސްކޫލް ތަކުގައި އަލިފާން ނިވި ނިޒާމް ހަަރު ކުރުން އެއީ ވަރަށް ރަނގަޅަށް މިސަރުކާރުން ކުރެއްވި ކަމެކެވެ. އަދި މީގެއިތުރުން މިހާރު އިމާރާތް ކުރަމުން ދާ އަމީނިއްޔާ ސްކޫލް އިމާރާތުގެ ހުރިހާ ކްލާސް ރޫމްސް ތަކާއި އަދި އެހެނިހެން ޕަބްލިކް ރޫމްސް ތައް ވެސް ޖެހޭނެ ފަޔަރ އެލާމް ސިސްޓަމް ހަރު ކުރެވި އަދި ޕަބްލިކް އެޑްރެސް ސިސްޓަމް ހަރުކުރެވިފައި ހުންނަން. އަދި މީގެއިތުރުން ޑްރައި ރައިޒަރ ނުވަތަ ފަޔަރ ހައިޑްރަންޓް ސިސްޓަމް އިންފްރާސްޓްރަކްޗަރ ގާއިމް ކުރެވިފައި ހުންނަން ޖެހޭނެއެވެ. އެނޫން ނަމަ މިފަދަ ސްކޫލް ތައް އެއީ ކިިޔަވާ ދޭން ސޭފްޓީ ސްޓޭންޑަރޑް މިންގަޑުން ނުފެތޭނެ ސްކޫލް ތަކެވެ.
މީރާ
03 January 2017
ތި ހަމައެކަނި ހަރު ކުރިޔަކަސް ނުވާނެ ދޯ؟ ދަރިވަރުންނާއި ޓީޗަރުން އަދި މަދަރުސާގެ މުވައްޒަފުންނަށް ތީގެ މަޢުލޫމާތު ދީ ހާލަތާއި ގުޅޭ ގޮތަށް ތި ބޭނުން ކުރަން ދަސްކޮށްދީގެން ތީގެ ބޭނުން އެންމެ ފުރިހަމަ ގޮތުގައި ބޭނުންކުރެވޭނީ. އަދި ހަރުކުރިޔަސް ރި އެއްޗެހި މެއިންޓެއިން ކުރުމާއި މަދަރުސާގައި އުޅޭ ސިޔާސަ ކުދިން ތިކަލަ އެއްޗިއްސާއި ކަމެއްނެތި ބޭނުންނުކުރުމަށް ބާރު އަޅަންޖެހޭނެ.