ޓްރާންސްޕޯޓް މިނިސްޓަރު ނަހުލާ: 80 އަށް ވުރެ ގިނަ އުޅަނދުގެ ރަޖިސްޓްރީ ބާތިލްކުރި ނިންމުން ކޯޓުން ވަނީ ހުއްޓުވާފައި --- ފޮޓޯ/މިހާރު
17 އޮކްޓޯބަރ 2022 - 17:49
20 comments
ގަވާއިދާ ޚިލާފަށް ރަޖިސްޓްރީކުރި ކަމަށް ބުނެ 80 އަށް ވުރެ ގިނަ ވެހިކަލްގެ ރަޖިސްޓްރީ ބާތިލްކުރި ނިންމުމަށް އަމަލުކުރުން ސިވިލް ކޯޓުން މިއަދު ހުއްޓުވައިފި އެވެ.
ގަވާއިދާ ޚިލާފަށް ރަޖިސްޓްރީ ކޮށްފައިވާ ކަމަށް ބުނެ ޓްރާންސްޕޯޓް މިނިސްޓްރީން ވަނީ 200 އެއްހާ ވެހިކަލްގެ ރަޖިސްޓްރީ ބާތިލްކުރަން ނިންމައިފަ އެވެ. އޭގެ ތެރޭގައި ކާރާއި ސައިކަލު ވެސް ހިމެނެ އެވެ.
އޭގެ ތެރެއިން 87 ވެހިކަލެއްގެ ރަޖިސްޓްރީ ބާތިލްކުރުން މަޑުޖައްސާލަން ސިވިލް ކޯޓުން މިއަދު އެންގީ އޭގެ ތެރެއިން ބައެއް ވެހިކަލްތަކުގެ ވެރިފަރާތުން ސިވިލް ކޯޓަށް އެ މައްސަލަ ހުށަހެޅުމަށްފަހު އެފަދަ ވަގުތީ އަމުރަކަށް އެދުމުންނެވެ.
ކޯޓުގެ އަމުރުގައި އަންގާފައިވަނީ އެ މައްސަލަ ނިމެންދެން، ދެ ފަހަރެއްގެ މަތިން ޓްރާންސްޕޯޓް މިނިސްޓްރީން ނެރުނު އިއުލާނާ ގުޅިގެން އެއްވެސް ފިޔަވަޅެއް ނޭޅުމަށާއި އަދި އެ ދެ އިއުލާނުގައި ހިމެނޭ އުޅަނދުތަކުގެ ރަޖިސްޓްރީ ބާތިލްވެފައިވާ ކަމަށް މިހިނދަށް ނުބެލުމަށެވެ.
ކޯޓު އަމުރުގައި ހިމަނާފައިވަނީ މިދިޔަ މަހުގެ ހަތް ވަނަ ދުވަހު ނެރުނު އިއުލާނަކާއި މިދިޔަ މަހުގެ 26 ވަނަ ދުވަހު ނެރުނު އިއުލާންގައި ހިމެނޭ ވެހިކަލްތަކެވެ.
މީގެ އިތުރުން އެ ދެ އިއުލާންގައި ހިމަނާފައިވާ އެއްވެސް އުޅަނދަކަށް ހިދުމަތް ދިނުމުގައި ތަފާތު ނުކުރަން ވެސް ގާޒީ ހާފިޒާ އަބްދުއްސައްތާރު ނެރުއްވި އަމުރުގައި އަންގާފައިވެ އެވެ.
މި އަމުރު ނެރުމާ ދައުލަތުން ކޯޓުގައި ދެކޮޅު ހެދި އެވެ. ދައުލަތުން ބުނެފައިވަނީ ރަޖިސްޓްރީ ބާތިލްކޮށްފައިވާ އުޅަނދުތަކަށް ކޯޓު އަމުރުގެ ދަށުން ހުއްދަ ދިނުމަކީ މަގުތަކުގެ ރައްކާތެރިކަން ގެއްލިދާނެ ކަމެއް ކަމަށެވެ. އަދި އަމުރެއް ނުނެރުނަސް، މައްސަލަ ނިމޭގޮތަކުން އެ މީހުންނަށް ބަދަލު ދޭން ޖެހިއްޖެ ނަމަ، އެ ގާބިލްކަން ދައުލަތަށް އެބައޮތް ކަމަށް ދައުލަތުން ބުނެފައިވެ އެވެ.
ކޯޓުގެ ނިންމުމުގައިވަނީ ވަގުތީ އަމުރެއް ނެރެ ނުދީފިނަމަ އުޅަނދުތަކުގެ ވެރި ފަރާތްތަކުގެ އާމްދަނީއަށް ހުރަސް އެޅި އަދި އިއާދަ ނުކުރެވޭނެ ގެއްލުންތަކެއް ލިބިދާނެ ކަމަށެވެ. އަދި އެކަންކަމަށް ބަދަލު ދިނުމުގެ ގާބިލްކަން ދައުލަތަށް ލިބިގެންވާ ކަމަށް ބެލިޔަސް، ގިނަ އަދަދެއްގެ އުޅަނދުތައް މި މައްސަލާގައި ހިމެނޭތީ އާއި އުޅަނދުތަކުން ކުރާ ބޭނުން ތަފާތުވާތީ ވެރިފަރާތްތަކަށް ލިބޭނެ ގެއްލުން ވަޒަން ކުރަން އުނދަގޫވާނެ ކަމަށް ވެސް އެ ނިންމުމުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާޢީލު
18 October 2022
ބެގްގްރައުންޑުން ވިސްނޭނެ މީހުންގެ ޙާލަތެއް ނުބަލާނެކަން
ޙިނި
18 October 2022
ނަހުލާ އައް ދެްން ދޭންވީ ވިލާ ގުރޫޕުގެ ސީއީކޯ ގެ މަގާމު.
ހިނިއާދޭތަ
18 October 2022
ހުރިހާ ނުބައެއްގަ އަސްލަކީ ޓްރާސްފޯޓް ކޮންކޮ މެންނާ ބޭބެމެން ބަންދު ދުވަހު އޮފީސް ހުޅުވައިގެން ވެހިކަލުތައް ރަޖިސްޓްރީ ކުރޭ. ސަރުކާރުގެ ނިސާންޖެހި ތިންކަން އިސްޓިކާއި ހުއްދަ ތަކާ ރަޖިސްޓްރީ މި ނެރެނި ޓްރާސްފޯޓް ތެރޭން .އަދިވެސް ކުށްވެރި މި ވަނީ އާއްމް މީހާ . އެކަން ކަން ކޮށްދޭ ޓްރާސްފޯޓް ކުދިން ކުށްވެރި ނުވޭ
ޑްރައިވަރ
18 October 2022
މިހާރު ޓްރާސްފޯޓްން ހަދާ ގޮތަކީ ކުރިން ރަޖިސްޓަރކޮށްފަ ހުރި ކާރުތަކުގެ ގަރާޖް ކެންސަލު ކުރަނީއޭ ކިޔާ ސިޓީއެއް މި ފޮނުވަނި. އޭގަ މި އޮށްނަނި ތިޔަފަރާތު ކާރު ރަޖިސްޓަރ ކޮށްފަ އޮތީ މިވެނި ގަރާޖެއްގެ ވެރިފަރާތަށް ނޭގިއޭ ވީހާވެސް އަވަހަކަށް އިތުރު ގަރާޖަކަށް ކާރުބަދަލު ކުރާށޭ ކިޔާ މިފަދަ އިބާރާތަކުން. ކުރަށް މި އުޅޭކަމަކީ އެނެއްކާވެސް ގަރާޖްސިޓީއޭ ކިޔާ ލާރިގަޑެއް ކާލަށް. ޓްރާސްފޯޓަކީ ކޮރަފްސަނުން ގޮސް ހުސްވެފަ އޮތް ތަނެއް. ބޮނޑެއް ކުޑައެއް ކިޔާނި ކަމެއް ނެތް
މަސްފޮޑި
17 October 2022
ދާދި މިދާކައްދުވަހު އެންމެން ޕާޓީ އައްވެއްދީ
ވާނުވާ.
17 October 2022
ގޭންގު ކުދިން ރުޅިދުރުވީ އުތަ؟
ޖާބެ
17 October 2022
ކަޓު ފައިސާ ނެގޭނެގޮތެއްދޯ މީހުން ބްލެކްމެއިލްކޮށްގެން
ގެދާނޯމޮސް
17 October 2022
ވަޒީފާގައި ދެމިހުންނަން ވެހިކަލް އެތެރެ ކުރުވާފަ މިސަރުކާރަށް އެންޓި ކެމްޕެއިނެއްފެށީމާ ނެގޭނީ ވެހިކަލެއްވެސް ނޫނެވެ. ސެލްފީއެވެ.
ގުދުގުދާބެއްޔާ
17 October 2022
މިއީ ވެހިކަލްތައް އެތެރެކުރާ މީހުންގެ ނުފޫޒުން ކުރިކަމެއް! އައްޑޫއަށް ނުވަތަ ކުޅުދުއްފުއްޓައް ވެހިކަލް އެތެރެ ކުރާނަމަ ޑިއުޓީ ބޮޑުތަނުން ކުޑަވޭ! މިއީ ކޮންގައުމެއްގަ އޮންނަ ގޮތެއްތަ؟ ދެން އެތެރެކޮއް މާލެ އަށް ގެނައިމާ އެޖެހެނީ ކޮންތާކު؟ އަމާބުނީތީ ފަރަށް ދާއުސޫލުން ހުރިހާކަމެއްވެސް މިއޮންނަނީ!
ބަރުހުފާ
17 October 2022
އައްޑޫ ގަމާރު އަފީފް ދީދީ މިޔަށް އެއްޗެކޭ ކިޔާބަލަ.
ކިރުތުން
18 October 2022
ސިގިރޭޓް އެތެރެވަނީ ކޮންތާކަށް ކަން ބުނެދީބަލަ! ވިއްކަނީ ކޮންތާކުންތޯވެސް ބުނެލަދެއްޗޭ! އެއެއްޗެހި ބޯމީހުން ތިބީ ކޮންތާކުތޯ ވެސް. ތި ބުނާގޮތުން ކަމަށް ވަންޏާ މާލެ މަގުމަތީންނާއި އެހެނިހެންތަންތަނުން މި އަރުވާ ދުމަކީ ސިގިރެޓު އެތެރެވާ ޕޯޓުން ހޮޅިގުޅާފައި ހުރެގެން މާލެއަށް އަރުވާ ދުންތާ! ބަޓްބުރިތައް އެއީ އެހެނިހެން ގައުމު ގައުމުން ކަނޑުމަގުން ލައްގާ އެއްޗެހި. މާލެއަކަށް ނުގެނޭ ސިގިރޭޓޭއް.
ހައްލުކުރުން
17 October 2022
މިނިސްޓުރީ މީހާ އެކަންޗެއް ނޫން ވެހިކަލުގެ ވެރިމީހާވެސް ވެހިކަލް ރަޖިސްޓުރީވެސް ގޯސް. ސަބަބަކީ ރިސްވަތު ދިންމީހާ އާ ހިފިމީހާ އާވެސް ކުއްވެރިވެ އަދި އެކަން އެނގިހުރެ ނެންގިމީހާވެސް ކުއްވެރިވެ ރަޖިސްޓުރީ ބާތިލްވާންޖެހެ ދައުލަތުގެ ނިސާން ޖަހާފަ އޮތަސް ގޯސްކޮން ކޮއްފަ އޮތް މުއާމަލާތެއް ސައްހައެއް ނުކުރެވޭނެ