ނަޝީދަށް އަމާޒު ކުރައްވައި ރޮޒައިނާ ވިދާޅުވީ، ގޭގެ ބަދިގެ ތެރޭ އުޅުއްވާހެން މަޖިލީހުގައި އުޅުއްވުމަކީ ބަލައިގަނެވޭނެ ކަމެއް ނޫން ކަމަށް.
އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް--
25 އޮކްޓޯބަރ 2022 - 12:18
61 comments
ރައްޔިތުންގެ މަޖިލީހުގެ ރައީސް މުހައްމަދު ނަޝީދަކީ، މުޅި މަޖިލިހުގެ ތާރީހުގައި ވެސް ރިޔާސަތުގައި އިންނެވި އެންމެ ހުދުމުހުތާރު ރައީސް ކަމަށް ވިދާޅުވެ، އެ މަނިކުފާނު އަމަލު ކުރައްވާ ގޮތަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް މިއަދު ވަރަށް ބޮޑަށް ފާޑުވިދާޅުވެއްޖެ އެވެ.
މަޖިލިހުގެ މިއަދުގެ ޖަލްސާގައި އޮތް ހެއްކާ ބެހޭ ބިލުގެ ބަހުސްގައި ވާހަކަ ދައްކަވަމުން، އެމްޑީޕީގެ އަންހެނުންގެ ރޫހުގެ ރައީސާގެ މަގާމު ވެސް ފުރުއްވާ ރޮޒައިނާ ވިދާޅުވީ، މަޖިލީހުގެ ގަވައިދާ އެއްގޮތަށް ހިނގާ ނަމަ ހުރިހާ މެމްބަރުން ވެސް ވަރަށް އުފާވާނެ ކަމަށާއި ނަމަވެސް ކަންކަން ހިނގަނީ އެ ގޮތަށް ނޫން ކަމަށެވެ.
މުޅި މަޖިލީހުގެ ކޮމީޓީ މިއަދު ހިނގަމުން ދިޔައިރު ކޮމިޓީގެ މަރުހަލާގެ ވަގުތު އިތުރު ކުރުމަށް މެމްބަރަކު ހުށަހެޅުއްވި ހުށަހެޅުމަށް ތާއީދު ލިބުމުން، އެ އަށް ވޯޓަށް އެހުމަކީ ރިޔާސަތުން ކުރައްވަން ޖެހޭ ކަމަކަށް ވިޔަސް އެއީ ރިޔާސަތަށް ލިބޭ އިހުތިޔާރެއް ނޫން ކަމަށް ރޮޒައިނާ ވިދާޅުވި އެވެ.
އެމްޑީޕީގެ ތެރޭގައި މިހާރު އޮތް ފެކްޝަންގެ ކޯޅުމުގައި ރައީސް އިބްރާހިމް މުހައްމަދު ސޯލިހާއެކު ހުންނެވި ރޮޒައިނާ ވިދާޅުވީ، އޭނާ މަޖިލީހުގެ މެމްބަރެއްގެ ގޮތުގައި އުޅުއްވާތާ ގާތްގަނޑަކަށް 15 އަހަރު ވަނީ ކަމަށާއި މަޖިލީހުގެ ކޮންމެ ކޮމިޓީއެއްގައި ވެސް މެމްބަރުން ވަގުތު އިތުރު ކުރަން ހުށަހަޅުއްވައި، އެ ކަމަށް ތާއީދު ލިބުމުން ރިޔާސަތުން ވޯޓަށް އައްސަވާ ކަމަށެވެ.
"އަޅުގަނޑުމެންނަށް މިހާރު މި ވަގުތު ފެނިގެން މި ދަނީ މި މަޖިލީހުގެ ތާރީހުގައި އެންމެ ހުދުމުހުތާރުކޮށް މަޖިލިސް ހިންގަވާ ރައީސް. ވަރަށް ހިތާމަ ކުރަން މި ވާހަކަ ދައްކަން ޖެހޭތީ،" ރޮޒައިނާ ވިދާޅުވި އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި، މަޖިލީހުގެ ރައީސްކަން ކުރެއްވި އަބްދުﷲ މަސީހު މުހައްމަދުގެ ރިޔާސަތުގައި ވެސް އިހުތިޖާޖު ކުރައްވައި ވާހަކަ ދެއްކެވި ކަމަށް ރޮޒައިނާ ވިދާޅުވި އެވެ.
އެކަމަކު، މި ދައުރުގެ ހަތަރު އަހަރު ވަންދެން ނަޝީދުގެ ހުދުމުހުތާރުކަމުގެ ވާހަކަ ނުދައްކަވައި މެމްބަރުން ތިއްބަވަނީ ކެތްކޮށްގެން ކަމަށާއި ނަމަވެސް މިހާރު އެ ވާހަކަ ނުދައްކަވައި ތިއްބެވޭކަށް ނެތް ކަމަށް ރޮޒައިނާ ވިދާޅުވި އެވެ.
"ފުރަތަމަ ވެސް މަޖިލިސް ފަށައިގަނެގެން އައިއިރު ވިދާޅުވި މަޖިލީހުގެ ގަވައިދަކީ ތިމަންނާ އޭ. އެގޮތަށް އަމަލު ކުރަމުން ދާތަން މިހާރު މި ފެންނަނީ،" އޭނާ ވިދާޅުވި އެވެ.
ރޮޒައިނާ ވިދާޅުވިގޮތުގައި މަޖިލީހުގައި ހިނގާ ބަހުސެއްގައި މަޖިލީހުގެ ރައީސަށް ބައިވެރިވެވަޑައެއް ނުގެންނެވޭނެ އެވެ. ނަމަވެސް މަޖިލިހުގެ ރިޔާސަތުގައި އިންނަވައިގެން ނަޝީދުގެ ފަރާތްޕުޅުން ފެންނަނީ މެމްބަރުން ބަހުސް ކުރައްވަން އޮންނަ ވަގުތުގެ ބޭނުން ކުރައްވައިގެން އެ މަނިކުފާނު ވާހަކަފުޅު ދަައްކަވާތަން ކަމަށް ރޮޒައިނާ ވިދާޅުވި އެވެ.
އޭނާ ފާހަގަކުރެއްވި އެއް ކަމަކީ މަޖިލީހަށް ހާޒިރުވާ ވަޒީރުންނާ މެމްބަރުން ސުވާލު ކުރެއްވުމުން ވަޒީރުން ދެއްވާ ޖަވާބުގެ ތެރެއަށް ނަޝީދު ވަދެވަޑައިގަންނަވާ މައްސަލަ އެވެ.
ރޮޒައިނާ ވިދާޅުވީ، މިނިސްޓަރުން ދެއްވަން ޖެހޭ ޖަވާބާއި މެމްބަރުން ކުރައްވަން ޖެހޭ ސުވާލު ވެސް އެނގިވަޑައިގަންވަނީ މަޖިލީހުގެ ރައީސަށް ކަމަށެވެ.
އަޅުގަނޑުމެންނަށް މިހާރު މިވަގުތު ފެނިގެން މިދަނީ މި މަޖިލީހުގެ ތާރީހުގައި އެންމެ ހުދުމުހުތާރުކޮށް މަޖިލިސް ހިންގަވާ ރައީސްް،"--- ރޮޒެއިނާ
"އަޅުގަނޑުމެންނަށް ވެސް އެނގޭ މަޖިލީހުގެ ރައީސް ކަމުގައި ހުންނެވި ބޭފުޅާއަކީ ކުރީގެ ރައިސުލްޖުމްހޫރިއްޔާ ކަން ކުރައްވާފައި ހުންނެވި ބޭފުޅެއް ކަން. އެހެން ނަމަވެސް މިއީ ރައީސް އޮފީހެއް ނޫން. މިއީ ރައްޔިތުންގެ މަޖިލިސް. މި ތަނުގައި މަޖިލީހުގެ ސްޕީކަރަކަށް ރައީސުލްޖުމްހޫރިއްޔާ އަށް ލިބިފައި އޮންނަ ބާރެއް ނޯވޭ،" ރޮޒައިނާ ވިދާޅުވި އެވެ.
އޭނާ ވިދާޅުވީ، މަޖިލިހުގެ ރިޔާސަތުގެ ކަންކަން އެ ދަރަޖަ އަށް ދިޔުމުން މަޖިލީހުގައި މަސައްކަތް ކުރަން މިހާރު ވަރަށް އުނދަގޫ ކަމަށެވެ. އެހެންވެ، މަޖިލިހުގެ ކަންކަން ގަވައިދާ އެއްގޮތަށް ހިނގާނެ ގޮތަކަށް މަސައްކަތްތައް ބައްޓަން ކުރަން ޖެހޭ ކަމަށް އޭނާ ވިދާޅުވި އެވެ.
ނަޝީދު، މަޖިލިހުގެ ޖަލްސާއެއްގެ ރިޔާސަތު ބަލަހައްޓަވަނީ: މަޖިލިހުގައި ހިނގާ ބަހުސްތަކުގެ ތެރެއަށް ވެންނެވުމަކީ އެ މަނިކުފާނުގެ ފަރާތްޕުޅުން އާންމުކޮށް ފެންނަ ކަމެއް.---ފޮޓޯ: މަޖިލިސް
"ތަކުރާރުކޮށް ޕީޖީ ލީޑަރު [މުހައްމަދު އަސްލަމް] މަޖިލީހުގެ ރައީސާ މި ވާހަކަ ދައްކަވައިފި. އެއްވެސް ކަމެއް ރަނގަޅު ކުރައްވާ ތަނެއް ނުފެނޭ. ގޭގެ ބަދިގޭ ތެރޭ އުޅުއްވާހެން މަޖިލީހުގައި އުޅުއްވުމަކީ ބަލައިގަނެވޭނެ ކަމެއް ނޫން،" ރޮޒައިނާ ވިދާޅުވި އެވެ.
އޭނާގެ އެ ވާހަކަ ނިންމަވައިލެއްވުމާއެކު، ސަރުކާރަށް ތާއީދު ކުރައްވާ ބައެއް މެމްބަރުން އެ ކަމަށް ތާއީދު ކުރައްވައި އަތް ޖެއްސެވި އެވެ.
ރޮޒެއިނާގެ އިތުރުން ބައެއް އެހެން މެމްބަރުން ވެސް ވަނީ ނަޝީދު މަޖިލިސް ކުރިއަށް ގެންދަވާ ގޮތާ މެދު ހިތްހަމަނުޖެހުން ފާޅުކުރައްވައިފަ އެވެ. އެކަމަކު، މިހާ ފާޅުކަން ބޮޑު ގޮތެއްގައި އެ މައްސަލަތަކާ މެދު ކުރިން އެހެން މެމްބަރަކު ވާހަކައެއް ނުދައްކަވަ އެވެ.
ނަޝީދުގެ އިތުބާރު ނެތްކަމުގެ ވޯޓު ނަގަން ރައްޔިތުންގެ މަޖިލިހަށް މައްސަލައެއް ވައްދަން އެމްޑީޕީގެ މެމްބަރުން ކުރިން މަސައްކަތް ކުރެއްވި ނަމަވެސް ވަކި ހިސާބަކުން އެ ކަން އޮތީ ހުއްޓިފަ އެވެ. މިހާރު އެ ވާހަކައެއް އެ މެމްބަރުން އެހާ ބޮޑަށް ނުދައްކަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެކްރޯ
26 October 2022
ޓެކްސް ބޮޑުކުރުމުގެ ކުރިން ފުރަތަމަ ކުރަންވީ ކަންތައް ފުރަތަމަ ކުރޭ،،، 1. ޓެކްސާއި ރިސޯޓު ކުލި ނުދައްކާ މިލިއަނުން އޮތް ރިސޯޓު މަހުޖަނުން އަތުން އެބައި ހޯދާ... 2. ސިޔާސީ މަގާމުތަކާ ރައީސާ މަޖްލިސް މެންބަރުންގެ މުސާރަ 30% ކުޑަކުރޭ. މަމެން ދަންނަ ރަނގަޅައް ހިންގާ ގައުމުތަކުގައި ދައުލަތުގެ ހަރަދު ކުޑަކުރަން ފުރަތަމަ ކުރާ ކަމަކީ ކެބިނެޓާ ސިޔާސީ މަގާމުތަކުގެ މުސާރަ ކުޑަކުރުން. އެއައް ފަހު ރައްޔިތުން އަތުން ނަގާ އެއްޗެތީގެ ވާހަކަ ދައްކަބަލަ.
ލޮޒޭ
25 October 2022
ރޮޒޭ ހުދުމުހުތާރީ ރޮޒޭމެންތަ ނޫނީ ނަޝީދުތަ؟ ހުދުމުހުތާރު ރޮޒޭއަށް ބުނެދެންތަ؟ ރައްޔިތުންގެ ވެރިކަމެއްގައި ރައްޔިތުންގެ އަތުން ޓެކްސް ނެގުންފަދަ ބޮޑުކަމެއް ރައްޔިތުންގެ ލަފާނުހޯދާ ކަންކަން ނިންމާ ވެރިންނަކީ ހުދުމުޚުތާރު ވެރިންނެވެ.
އަލީފް
26 October 2022
އަދި އިތުރުކޮއްލާނަން. ދައުލަތުގެ ހަރަދުތައް ކުޑަކުރުމަށް މަޖްލިސް މެންބަރުންގެ މުސާރަ ކުޑަކުރަން ދެކޮޅު ހަދާފައި، އާއްމު ރައްޔިތުން އަތުން ނަގާ ޓެކްސް ބޮޑު ކުރުމަކީ ސީދާ ހުދުމުހުތާރުކަމާއި ހަރާން ކޯރުކަން. ތިޔަ ކަމުގައި އަންނިގެ ނިންމުން ޑިމޮކްރެޓިކީ. އެއީ ރައްޔިތުން އަތުން އެއްޗެއް ނެގުމުގެ ކުރިން ކަމާބެހޭ މާހިރުންނާ އިދާރާތަކުގެ ލަފާ ހޯދަންޖެހޭނެ. ރޮޒެއިނާމެން ބޭނުންވަނީ އެ ސްޓޭޖް ކަޓުވާފައި ޓެކްސްބޮޑުކުރާ ބިލްގައި ތައްގަނޑުޖަހާ ނިންމާލަން
އިނާޒު
26 October 2022
ތިމާމެންނައް ލިބޭ މުސާރައިން އިނާޔަތުން ބައިރުފިޔާވެސް ރޮޒެއިނާ މެން ކުޑަކުރާކައް އެއްބަހެއް ނުވޭ. އެކަމަކު ޓެކްސާ އޭތި މީތި ނަގައިގެން ރައްޔިތުން ފެލަން އޯކޭ. އެއިންނަނީ އެބިލަކައް ވޯޓު ނުދެވިގެން ރޮޒެއިނާ ރުޅި އަރައިގެންފަ. އެހެންތަ ވާނީ 2023 ގައި ވެރިކަމުގައި ހުންނަން ސޯލިހު ރުފިޔާ އެބަ ބޭނުންވޭ ބޯކޮއް ކެމްޕޭނައް. އޭރައްތާ ރޯޒޭ އަށް ފައިދާ ވާނީ. ހުސް އަމިއްލަ އެދުމޭ ކަލޭނޭ. އެހެންމަ އެބަ އިގޭތާ މުހުތާރު ލެވެލް ހުރި ވަރު ރޮޒެއިނާގެ ދޯ
އައްޑޫ
25 October 2022
އެމްޑީޕީ ކަޑައޭ
އެމެރިކާ
25 October 2022
ޖީއެމްއާރު ޑޮލަރު ދީގެން އެމްޑީޕީޔަ ވެެއްދި މީހުން ވަރައް ގިނަ.
ސެނޓޭ
25 October 2022
ކަލޯ ލާރިޔާ ޖެހުނީމަ ހަޔާތް ކެނޑި، ދުނިޔެން މޮޔަވާތަން ކުރިން ފެންނަނީ ބޮލީވުޑް ފިލްމުތަކުން. މި ކަމަނާމީ އުޅުއްވަނީ މުޅިން އާ އުސްމިންތަކެއްގައި.
އަޑޭޑޭ
26 October 2022
އެއްވެސް އިރަކު ގޮތެއް ފޮތެއް ޑީސެންޓުކަމެއް ހުންނަ މީހެއް ނޫން ރޮޒެއިނާ އަކީ
ސިމި
25 October 2022
ރޮޒޭ ތިވިދާޅުވީ ވަރަށް ބޮޑު ތެދުފުޅެއް.
ވާންޗޯޗޯ
25 October 2022
މޮރިޝަސް މައްސަލައިގައި މިބައިގަނޑައް ރާއްޖޭން ދޫކޮއްލާ ކޮންމެ އިންޗިއަކަށް ހާދަ ރުފިޔާއެއް ލިބޭތީއޭ އެތެޅިބާލަނީ
ކުޑަކާފު
25 October 2022
އޯކޭ ނަޝީދު ހުދުމުހުތާރޭ. ދެން ރޮޒެއިނާ އުފެދުމުގައި ވެސް ތިޔަ ޑިމޮކްރަޓިކް ވިސްނުމުގެ މީހާ މިގައުމު ދުއް ކަމަށް ބުނާ އެންމެ ހުދުމުހުތާރު ރައީސުގެ މަޖްލިހުގެ ގޮޑިއެއްގައި ވޯޓެއް އެއްޗެއްވެސް ނެތި ގެންގޮސް ރޮޒެއިނާ ބޭންދީމަ ދެއްކިހާ ވާހަކައަކަށް އަތްނަގާ އެއްބަސްވީ ކޮން މުހުތާރުކަމެއްގެ ދަށުންތަ؟ އަހާލީ ހަމަ. ފަހަރެއްގައި އަހަރުމެން މާ ގަމާރު ވެދާނެ ވިސްނޭ ވަރަށްވުރެ ހެހެހެ
ކަރިޝް
26 October 2022
އަތްނަގާ އެއްބަސްވީ މައުމޫން އަބުދުލް މުހުތާރުގެ ދަށުން
ޝަހުރަބު މީދޫ
25 October 2022
ކަމަނާ ރޮޒޭ އަށް މަ ދެން ވާ ސަލާމް! އެމްޑީޕީއިން ދެން ކުރިމަތިލިޔަސް މަވޯޓު ދޭނީ އިދިކޮޅަށް!
ދެރަސޮރު
25 October 2022
ކުދީންނޭ. ފޮޅަވައްސަކީ ފ. އަތޮޅު ހިމިތީ ބޮޑުޢަލީ ކިޔާ ބޮޑު ސައިންސް ވެރިޔަކު ހޯދާ ހޮވި ރަށެއް. ނަމަވެސް އޭރުގެ ރަސްގެފާނު ބޭނުންވީ ފޯޅަވައްސަކީ ރަސްގެފާނު ހޮވި ރަށަކަށް ހަދަން. އެހިސާބުން މައްސަލަ ޖެހި ފޯޅަވެހި ދިވެހިންނަށް ގެއްލުނީ. ދެން އެކަމަށް ލިބޭ ފުރުޞަތުވެސް ގެއްލުނީ. ހުރިހާ މައްސަލަ އަކީވެސް ދިވެހި ޤައުމުގެ ވެރިޔާ އަމިއްލަ ބޮނޑި ބޮޑުކުރަން އުޅުން.