އިދިކޮޅު މުޒާހަރާއިން 16 މީހަކު ހައްޔަރުކޮށްފި

ޕީޕީއެމުން ކުރިއަށް ގެންދިޔަ މުޒާހަރާގެ ބައިވެރިން.-- ފޮޓޯ: ޕީޕީއެމް

ފާތިމަތު އަޖްފާން، މިހާރު

25 ޑިސެމްބަރ 2022 - 23:35

ވ. އާރަށް މައްސަލައިގައި 11 އަހަރު ދުވަހުގެ ޖަލު ހުކުމެއް އިއްވި ކުރީގެ ރައީސް އަބްދުﷲ ޔާމީން މިނިވަން ކުރަން ގޮވާލާ އިދިކޮޅު ޕީޕީއެމް/ޕީއެންސީ އިން މިރޭ ކުރިއަށް ގެންދިޔަ މުޒާހަރާއިން 16 މީހަކު ހައްޔަރުކޮށްފި އެވެ.

އާރަށުގެ މައްސަލައިގައި ޔާމީންގެ މައްޗަށް މަނީލޯންޑާ ކުރުމުގެ ކުށުގެ ދައުވާ އާއި ރިޝްވަތު ގަބޫލުކުރުމުގެ ކުށުގެ ދައުވާ ސާބިތުވެ 11 އަަހަރަށް ޖަލަށް ލާން ހުކުމް ކުރީ މިއަދު އެވެ.

ޔާމީން މިރޭ ޖަލަށް ގެންދިއުމާއެކު އެ ޕާޓީގެ އިސް ވެރިންނާއެކު ޔާމީންގެ ސަޕޯޓަރުން މާލެ މަގުތައް މައްޗަށް ނުކުތެވެ.

ފުލުހުންގެ މީޑިއާ އޮފިޝަލް ވިދާޅުވީ އެ މުޒާހަރާއާ ގުޅިގެން 16 މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.

ޕީޕީއެމްގެ ސްޕޯކްސްޕާސަން ހީނާ ވަލީދު ވިދާޅުވީ ހައްޔަރުކުރި މީހުންގެ ތެރޭގައި އެ ޕާޓީގެ ސެނެޓާސް ދާއިރާގެ ރައީސުން ހިމެނޭ ކަމަށެވެ.

އެ މުޒާހަރާގައި ރައީސް އިބްރާހިމް މުހައްމަދު ސޯލިހުގެ އިސްތިއުފާއަށް ގޮވާ، ޔާމީން މިނިވަން ކުރުމަށް ވަނީ ގޮވާލައިފަ އެވެ.

މުޒާހަރާގައި ޕީއެންސީގެ ރައީސް އަބްދުއްރަހީމް އަބްދުﷲ އާއި މަޑުއްވަރީ ދާއިރާގެ މެމްބަރު އާދަމް ޝަރީފް އުމަރާއި މާވަށު ދާއިރާގެ މެމްބަރު މުހައްމަދު ސައީދާއި ގުރައިދޫ ދާއިރާ މެމްބަރު ޣައްސާން މައުމޫނާއި ނައިފަރު ދާއިރާގެ މެމްބަރު އަހުމަދު ޝިޔާމް ބައިވެރިވެ ވަޑައިގެންނެވި އެވެ. މީގެ އިތުރުން މާލެ ސިޓީ ކައުންސިލްގެ ހުޅުމާލެ ދާއިރާގެ މެމްބަރު އިބްރާހިމް ޝުޖާއު އާއި ކައުންސިލްގެ ޑެޕިއުޓީ މޭޔަރު އަހުމަދު ނަރީޝް ވެސް ބައިވެރިވި އެވެ.

ޔާމީނުގެ ލޯޔަރުން ބުނެފައި ވަނީ އެ މަނިކުފާނަށް ކުރި ހުކުމު ގަބޫލު ނުކުރާ ކަމަށާއި އިސްތިއުނާފަށް ލާނެ ކަމަށެވެ. އަދި އިސްތިއުނާފުން ކުރި ހޯދާ ޔާމީން މައުސޫމުކަން ސާބިތުކޮށްދޭނެ ކަމަށް ވެސް ބުންޏެވެ.

ޕީޕީއެމް ރައީސް އަބްދުﷲ ޔާމީން އެމްއެމްޕީއާރްސީގެ ކޮރަޕްޝަން ޕީޕީއެމް/ޕީއެންސީ އިއްތިހާދު އިދިކޮޅު ފަރާތްތައް މުޒާހަރާ

9 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަލިފުޅު3

26 December 2022

މީނާގެ އެކައުނަޓަށް ޖަމާވި 1 މިލިއަނަކީ ރިޝްވަތުގެ ކަޅުފައިސާ ކަން ޝައްކެއްނެތް މިންވަރަށް މަށަށް ޔަގީނެވެ. މީނާ ސަލާމަތްވާން ހެކި އުފެއްދޭތޯވެސް ބެލީއެވެ. އަދި ސިޓިންގްރޫމް ތެރޭ 15 މިލިއަން ރުފިޔާ ގުނި ވާހަކަވެސް ދެއްކީއެވެ. ސިޔާސީ މީހުން މިކަމުން ފިލާވަޅެއް ދަސްކުރާށެވެ. ތާއަބަދު އެމީހަކު ބޭނުންވާ ގޮތަކަށް ދުނިޔެ ނުހިނގާނެއެވެ. ވައްކަންކޮށްފިނަމަ ގިނަފަހަރު ފަޅާއަރާނެއެވެ. ބައެއްފަހަރު ރަނަގަޅަށް ބެދޭނެއެވެ. އަދި ޖަލުގަ އުޅެން ވެސް ޖެހި ދެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

26 December 2022

ޔާމީން މައުސޫމުކަން ސާބިތުކޮށްދޭނެ ކަމަށް ޔާމީނުގެ ލޯޔަރުން ބުނުމުން އަޖައިބުވެ ހައިރާންވެއްޖެ. ޔާމީނުވެސް އަދި އެއްވެސް އިންސާނަކު މަޢުޞޫމެއް ނުވާނެ. ކުށުން ބަރީއަކަން ސާބިތުކޮށްދޭނެކަމަށް ބުނިނަމަ ގަބޫލުރެވިދާނެ. އަދި ބޮޑަށް ބެލެވެނީވެސް އެގޮތް. މުޒާހަރާތަކުން މީހުން ހައްޔަރުކުރުމާ ދޫކުރުމަކީ މާބޮޑުކަމެއް ނޫން. އެއީ އާންމުކަމެއް. މުޒާހަރާ ފުޅާވެ އަމަންއަމާންކަން ގެއްލިދާނެކަމަށް ފެނުމުން ފުލުން ކުރާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކުރުބެއްޔާ

26 December 2022

މުއިއްޒު ނުފެނޭ މުޒާހަރާއިން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަލަލަ

26 December 2022

މިިސަރުކާރުން މީހުންނެއް ހައެޔަރެއް ނުކުރާނެ އެއީ ޑިމުކޮރަސީގެ ކާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

26 December 2022

ޑިމޮކްރަސީގެ ކާފަ އަދި ބައްޕަ ކަމަށް ސިފަކުރެވޭ ގައުމުތަކު ގައިވެސް މުޒާހަރާ ހުއްޓުވަން ބައެއް މީހުން ހައްޔަރުކޮށް ހޫނުފެންޖަހާ ކަރުނަގޭސް ބޭނުންކޮށް ރަބަރު ވަޒަންވެސް ބޭނުންކުރޭ. އެހެންވީމަ ރާއްޖޭގެ ޑިމޮކްރެސީގެ ކާފަ އެކަންކުރުމަކުން އެކަމަށް އުނިކަމެއް ނައާދޭ. ބައެއް މީހުން އެކި ނަންނަމުގަ މުޖްތަމައު ބައިބައިކުރާއިރު އެކަން ނުހުއްޓުވަނީ އެއީ ޑިމޮކްރެސީގެ ކާފަވީމަކަމަށް ބެލެވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

26 December 2022

މިހާރު ކަންހިގާގޮތަށް ބަލާއިރު ޕީޕީއެމްގެ ކެންޑިޑޭޓަކު ނެރުމަށްވުރެން ބޮޑަށް ޕާޓީ ސަޕޯޓް ދޭނީ ނަޝީދު ޑރ މުނައްވަރު ފަދަ ބޭފުޅަކަށް ކަމަށް ދެކެން. # މިނޫންހާލަތެއް މެދުވެރިވެ ޕާޓީން ކެންޑިޑޭޓަކާއި އޭނާގެ ނައިބެއް ނެރެންނިންމައިފިނަމަ އެންމެފަސޭހައިން ރައްޔިތުނަށް ވިއްކާލެވޭނެޖޯޑަކީ ޑރ މުޙައްމަދު ވަޙީދު ހަސަން މަނިކު (ރައީސް ކަމަށް) އާއި ޑރ މުޙައްމަދު ޖަމީލް އަޙްމަދު (ނައިބް ރައީސް) ކަމަށް ދެކެން. މިއީ ދެންތިބި މީހުނަށްވުރެން ވޯޓްހޯދަން ފަސޭހަގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަހަހަހަހަ

26 December 2022

އިސްލީޑަރުން ބަޗައިފި ސަމިންޔާމެން ގުއިރޯނުގަ ޖަންސާފަ. މިހާރު ހިސާބު ސޯ ވެސް ޓިކެޓާ އޯ ހިފަނި..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

26 December 2022

ޔާމިންބުނި ތަންތަނަށް އެއްވަށްޏާ ހައްޖަށް ދާށޭ. ފާޓީ ކުދިން ކޮޅު މިރޭ ތި އެއްވީ ކޮންތާކަށްތޯ ފަހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމީލުބެ

25 December 2022

އަޅުގަނޑަކަށް ނުވިސްނުނު: ކްރިމިނަލް ކޯޓުން އިއްވީ ސިޔާސީ ހުކުމެއް ކަމަށް އެމީހުން ބުނެއެވެ. އިސްތިއުނާފު މަރުހަލާގައި ކުރިހޯދާނެކަމަށް ބުނެއެވެ. އިސްތިއުނާފު މަރުހަލާގަ އެބުނާ "ސިޔާސީ ހުކުމަށް" ޖާގައެއް ނޯވޭތޯ؟