ނަޝީދުގެ ރިޔާސީ ޕްރައިމަރީގެ ކެމްޕެއިން، "ފިކުރެއްގެ ދިރުން" ފެށުމަށް ރޭ ބޭއްވި ރަސްމިއްޔާތުގައި އެ މަނިކުފާނު ވާހަކަފުޅުދައްކަވަނީ.-- ފޮޓޯ: ނިޝާން އަލީ/ މިހާރު
29 ޑިސެމްބަރ 2022 - 12:01
90 comments
އަންނަ އަހަރު ބާއްވާ ރިޔާސީ އިންތިހާބު ކާމިޔާބުވެއްޖެ ނަމަ ޓެކްސް ކުޑަކޮށް، ރައްޔިތުންގެ ހާސްކަމަށް ލުއެއް ގެނެސްދޭނެ ކަމަށް، އެމްޑީޕީގެ ރިޔާސީ ޕްރައިމަރީގައި ވާދަކުރައްވާ މަޖިލީހުގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.
އެ މަނިކުފާނުގެ ކެމްޕެއިން، "ފިކުރެއްގެ ދިރުން" ލޯންޗުކުރުމަށް ބޭއްވި ރަސްމިއްޔާތުގައި ވާހަކަފުޅުދައްކަވަމުން ނަޝީދު ވިދާޅުވީ ފައިސާ އަށް ވާ ގޮތެއް ނުބަލައި ރާއްޖޭގެ ވެރިއަކަށް ވެސް ރައްޔިތުންނަށް ހިދުމަތެއް ނުކޮށްދެވޭނެ ކަމަށެވެ.
ފައިސާ ހަރަދުކުރާ ގޮތް ކޮންމެ ދުވަހެއްގެ ހަވީރު ބަލަންޖެހޭނެ ކަމަށާއި އެ މައުލޫމާތުތައް ފިނޭންސް މިނިސްޓްރީން ކޮންމެ ދުވަހަކު ވެސް ލިބެންޖެހޭނެ ކަމަށް، ސަލްޓަން ޕާކުގައި ބޭއްވި ރަސްމިއްޔާތުގައި ނަޝީދު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހާއި މި ސަރުކާރާ ދޭތެރޭގައި އެ މަނިކުފާނުގެ ހިތްހަމަނުޖެހުންތައް ބޮޑުވީ ދަރަނިތައް ރީސްޓްރަކްޗާ ނުކުރުމުންނެވެ. އެކަމުގެ ހިތްހަމަނުޖެހުންތައް ނަޝީދު ވަނީ މީގެ ކުރިން ވެސް ފާޅުކުރައްވައިފަ އެވެ.
"ހަފުތާއެއް ނުދާނެ އަޅުގަނޑު ނުދަންނަވާ... ރައީސްއޭ ދަރަނި، ދަރަނި، ދަރަނި، ދަރަނި، ދަރަނި. ރާއްޖޭގެ ވެރިއެއް ރައްޔިތުންނަށް ވެރިކަމެއް ނުކޮށްދެވޭނެ ފަހު ވަކި ލާރިއަށް ނުބަލައެއް. ލާރިކޮޅަށް ވާ ގޮތް ކޮންމެ ދުވަހަކު ހަވީރު ބައްލަވަން ޖެހޭނެ. ފިނޭންސުން ކޮންމެ ދުވަހަކު ކޮންމެ ދުވަހަކު ލިބިވަޑައިގަންނަވަންޖެހޭ [މައުލޫމާތު]. ދަރަންޏަށް ވާ ގޮތް އަޅުގަނޑުމެން ނުބަލާ އަދި އަޅުގަނޑު ބުނީތީވެ އަލުން އަނބުރާ އެކުލަވާނުލައި ކުރިއަށް ދިޔައީ." ނަޝީދު ވިދާޅުވި އެވެ.
ނަޝީދުގެ ރިޔާސީ ޕްރައިމަރީގެ ކެމްޕެއިން، "ފިކުރެއްގެ ދިރުން" ފެށުމަށް ރޭ ބޭއްވި ރަސްމިއްޔާތުގައި އެ މަނިކުފާނު ބައިވެރިވެވަޑައިގަންނަވަނީ.-- ފޮޓޯ: ނިޝާން އަލީ/ މިހާރު
އެ މަނިކުފާނު ވިދާޅުވީ ދަރަނި ރީސްޓްރަކްޗާ ކުރުމަށް އެމްޑީޕީގެ މެނިފެސްޓޯގައި ހިމެނިއަސް އެކަން މި ސަރުކާރުން ނުކުރި ކަމަށެވެ. ދަރަނި ނަގަމުން ގޮސް އަދި އޭގެ ފަހުން ކޮވިޑުގެ ދަރަނި ނެގުމުން ދިވެހިން މިހާރު ތިބީ ވަރަށް ދަތި ހާލަތުގައި ކަމަށް އެ މަނިކުފާނު ވިދާޅުވި އެވެ.
އެ ދަތިތަކުން އަރައިގަތުމަށް މި އަހަރު ޓެކްސް ބޮޑުކޮށް އަދި ދައުލަތުގެ ހަރަދު ކުޑަކުރަން ޖެހުމުން މި ފުރޮޅިގެން ދަނީ ދަތީގެ ތެރެއަށް ކަން ފާހަގަކުރެއްވި އެވެ.
"ދެހާސް ތޭވީސް ވަނަ އަހަރު އެހެންވީމަ މި އޮތީ ދަރަނި އަނބުރާ ދެއްކުމުގެ ދަތި އަޅުގަނޑުމެންނަށް ދިމާވެފައި. އެކަމުން އަރައިގަތުމަށްޓަކައި ޓެކްސް ބޮޑުކުރަން ޖެހިފައި. ޓެކްސް ބޮޑުކުރީތީވެ އަނެއްކާ ތަކެތީގެ އުފުލި، އަޅުގަނޑުމެންނަށް ހާސްކަމުގެ ތެރެއަށް ދާން ޖެހިފައި." އެ މަނިކުފާނު ވިދާޅުވި އެވެ.
"ރާއްޖޭގެ ރައްޔިތުންނަށް އަޅުގަނޑު ޔަގީންކަން އަރުވަން، ޔަގީންކަން އަރުވަން ދެ ކަމެއް. ދެން އުފެދޭ އަޅުގަނޑުގެ ވެރިކަމެއްގައި، އެމްޑީޕީގެ ސަރުކާރެއްގައި ޓެކްސް ކުޑަކުރާނަން. އަޑުއައްސަވާތި، ޓެކްސް ކުޑަކުރާނަން. އަޑުއައްސަވާތި، ތަކެތީގެ އަގު އިންފްލޭޝަން ދަށަށް ދާނެ. ތި ބޭފުޅުންގެ ހާސްކަމަށް އަޅުގަނޑުމެން ޝިފާއެއް، ލުއެއް އިރާދަކުރެއްވިއްޔާ ގެނެސްދޭނަން."
"ރާއްޖޭގެ ރައްޔިތުންނަށް އަޅުގަނޑު ޔަގީންކަން އަރުވަން، ޔަގީންކަން އަރުވަން ދެ ކަމެއް. ދެން އުފެދޭ އަޅުގަނޑުގެ ވެރިކަމެއްގައި، އެމްޑީޕީގެ ސަރުކާރެއްގައި ޓެކްސް ކުޑަކުރާނަން. އަޑުއައްސަވާތި، ޓެކްސް ކުޑަކުރާނަން. އަޑުއައްސަވާތި، ތަކެތީގެ އަގު އިންފްލޭޝަން ދަށަށް ދާނެ. ތި ބޭފުޅުންގެ ހާސް ކަމަށް އަޅުގަނޑުމެން ޝިފާއެއް، ލުއެއް އިރާދަކުރެއްވިއްޔާ ގެނެސްދޭނަން."
މި ސަރުކާރުން ވަނީ މި ފެށޭ އާ އަހަރުން ފެށިގެން ޖީއެސްޓީ އަށް ޕަސެންޓަށް ބޮޑުކުރަން އަދި ޓީޖީއެސްޓީ 12 އިން 16 ޕަސެންޓަށް ބޮޑުކުރަން ފާސްކޮށްފަ އެވެ. މި އިސްލާހުތަކާ، ނަޝީދުގެ ފެކްޝަންގެ މެމްބަރުން ވޯޓެއް ނުދެއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1ލެޕްޓޮޕް
30 December 2022
ރިސޯޓަކާ ލެޕްޓޮޕަކުން ގައުމު ހިންގޭނެ ކަމަށް ކުރިން ހީވެގެން އެވާހަކަ ދެއްކި. މިފަހަރު ވެރިކަމަށް އަރާފަ ޓެކްސް ކުޑަކުރާނަމޭ ބުންޏަސް އެހެން އެކަން ނުވާނެ. ވެރިކަމަށް އެރުނަސް މިހާރު އެއޮތް ދަރަނިތައް އޮންނާނެ ހަމަ އެއޮތް ގޮތަށް. ދައުލަތަށް ވަންނަ އެއްވެސް އެއްޗެއް މަދުކުރާނެ ގޮތެއް އޭރަކުން ނޯންނާނެ.
ވަހީދުބޭބެ
30 December 2022
ޓެކްސް ނަމުގައި ޖިޒީ ނަގަން ފެށީ އަދި އެކަމަށް އެއްމެ ބާރުލި އެކަކަށް ވާނެ ނަޝީދު. ހުޅަނގުގައި މިނިޒާމު މާމޮޅުކޮށް ހިނގައޭ ކިޔައިގެން ....
ސިންޖީލަ
30 December 2022
ކޮވިޑި ދުވަސްވަރު މީހުންގެ ރައްކަލަށް އިގުތިސޯދު ހުއްޓުވައިލާ ގޭގައި ބައިތިއްބައިގެން މަސައްކަތެއް ނުކުރުވާ މުސާރަދީ، ނުވީތާކަށް ކާއެއްޗިހި ބޭރުން ގަނެގެން ރައްކާކޮށް މިހުރިހާ ކަމެއްކުރަން އެމްއެމްއޭއިން ދަރަންޏަށް ފައިސާ ނަގައި، ބޭރުން ދަރަނި ނަގައި އެތެރޭގައި ޚަރަދުކޮށް، މިކަންކަމަށް އިތުރަށް ޕުރިންޓުކުރި ނޫޓުގެ ސަބަބުން ގިނަވެފަހުރި ރުފިޔާތައް މޮޕުކުރަން ޓެކުސް ބޮޑުނުކޮށްފިޔާ ވެއްޓޭނީ ރުފިޔާގެ އަގު. ބޮޑުވާނީ ޑޮލަރު ރޭޓު. އެއީދޯ އަމާޒަކީ؟
ވސނ
30 December 2022
ލިބިވަޑައިގެން ފުރުޞަތުގައި ހަރުދަނާ ވެރިކަމެއް ޤާއިމުނުކޮށް ހަރުދަނާ ވެރިކަމެއްކުރުމަށްޓަކައި އިތުބާރުކުރެވޭ ހަރުދަނާބަޔަކު ކައިރިކޮށް، އިލާހީ ޤުދުރަތީ ޤާނޫނާއި އެއްގޮތަށް މަޝްވަރާގެމަތިން ވެރިކަން ނުހިންގުމުން ނުކުތްނަތީޖާގެރަހަވަނީ ފެނިފަ. އަދިމިއުޅެނީ އެކަމުން އަރައިނުގަނެވިގެން. އަނެއްކާ! އެންމެ އަރިހުގައިތިިބި ހަރުދަނާ ފަރާތްތަށް ފެންނަނީ ދުރަށްދާތަން. އަރިހުގައި ތިބިތަން މިފެންނަނީ ލިބުނުފުރުސަތުގަ ގެންގުޅުނު ހަރުދަނާނޫން މީހުން. ވަރަށް..
މުހައްމަދު...
30 December 2022
ރައްޔިތުންގެ ޚަރަދުގައި ގުރައިދޫގައި ޗުއްޓީ ހޭދަކުރަންޖެހޭމީހަކު ގައުމު ހިންގަން އިސްމީހަކަށް ލީމާ ވީގެއްލުން މިއަދުވެސް މިދަނީ ފެންނަމުން. ގިނަ ރައްޔިތުން މިބުނި އެއްޗަކާއި މެދު ވިސްނާ ފިކުރުކޮށް ގައުމުގެ މުސްތަގުބަލު އުޖާލާކުރަން މަސައްކަތްކުރާނެ ކަމަށް އުއްމީދުކުރަނީ.
افشين
30 December 2022
ވެރިކަން ލިބިއްޖެއްޔާ މަކްނުފާނުގެ ޓައިޓް ސެލިއުރިޓީ އާއި ދެންވެސް ހުރި އެހެނިހެން ޚަރަދު ބަޖެޓުން ހަމަޖައްސާފަ ދައުލަތުގެ އާމްދަނީ ބާކީ ނުވެގެން އަލުން ޖެހޭނީ ޓެކްސް އިތުރަށް ބޮޑު ކުރަން. ﷲ އިރާދަފުޅުން ދެނެއް ކެނެރީގޭ ނަޝީދު އަކަށް ދިވެހި ވެރިކަމެއް ނުލިބޭނެ امىن
ސަލާމޭ
30 December 2022
އާމީން
އިބްރާ1
30 December 2022
ޓެކްސް ނަގަން ފެށީ ކާކުގެ ވެރިކަމެއްގަ ތޯ މީނާކައިރިން އަހާލަދޭނެ ކުއްޖަކު އެބަ ހުރިތަ؟
ޑޮނާޑު
29 December 2022
ރާއްޖެތެރޭގެ ރައްތަކައް ވިސްނުމުގެނަޒަރަކުންބަލާއިރު އާބާދީއައްނުބަލާކިތަންމެކުޑަ އާބާދީއެއްކަމުގާ ވިއަސްއެކުޑައާބާދީއަކީވެސްއިންސާނުންކަންދަނެގެންވެރިކަންކުރި ވެރިއަކު އިބޫފިޔަވާއަމީންދީދީގެވެރިކަމުންފެށިގެންް,މިއަދާހަމައައްވެސްނެތޭކެރިގެންދަންނަވަން,އެކަމަކުނަމަވެސް,ޑުރަގު,ވައްކަން,ކަރަޕުސަން,އަލަންގިރިފަދަމައްސަލަތަކުގެ ޙުކުމްތަކާނިމުންތަކުގެދިއުޅިދިގުކަން ފާހަގަކުުރެވޭއެކަމަކުއަދިވެސްދެވަނަދައުރަކައް,އޯކޭ
އެޑަމްް
29 December 2022
އަންނިއައްސަލާމް މަނިކުފާނު އަލުންމިޤައުމުގެ ވެރިއަކައް ގެނެސްގެން,ޓެކުސް ކުޑަކުރުމައްވުރެ ބޮޑުޓެކުސްދައްކައިގެން ދަތިހާލުގާއުޅެންވެސްމާހިތްފަސޭހަ މުޅިމަގުތަކައްމީހުނއެއްކޮށްގެންއަވުގުރާނަގޮވާ މީހުންގެއަބުރުކަތިލާޤައުމުގެއަޚުލާގުނަގާލައިގެން,ކަލޭގެދަންތޫރައިގަބަޔަކުޖެހިގެންކަލެއައްވެރިކަން ހޯދާދިނީމަވީގޮތްެއެގުނެއްނު މިކަހަލަ އިސްލާމީޤައުމެއްގެވެރިއަކައްކަލޭތަސައްރަފުފުދޭކަމަކައްއަހަރެންނުދެކެން!
އެމްސް
29 December 2022
30 އަހަރުގެ ރަސްކަން ނިއްމަން އިސްނެގީ އަންނި، އެކަމަކު މިއަދުގެ ރައީސް ބޮޑަށް އަހަނީ އެ ރަސްގެފާނުގެ ބަސް!
ބޮޑުމީހާ
29 December 2022
ގާސިމާއި މައުމޫނު އިމްރާން ގާތްކޮށްފި މީހަކު ރަގަޅެއް ނުވާނެ. އަންނި ވެރިކަމުގަވެސް މިބައިމީހުން ވެރިކަމުން ދުރުކުރީ އެވައްޓާލީ ވެރިކަން، ޔާމީނު ވެސް އެމީހުން ދުރުކުރީ ވެރިކަން ނުވައްޓަން ނުކުރާ ކަމެއްނެތް. އިބޫ މުޅި ގައުމު މި 3 މީހުންނަށް ހިބައިންދީގެން ވެރިކަމެއް އެބަކުރޭ