ޚަބަރު / ކުރީގެ ފަސްޓް ލޭޑީ ފާތުމަތު އިބްރާހީމް

އާންމުންނާ އެކު ފަސްޓް ލޭޑީގެ ހާއްސަ ބައްދަލުވުންތަކެއް ފައްޓަވަނީ

ރައީސް ޔާމީނަށް އަންނަ އަހަރުގެ ރިޔާސީ އިންތިހާބު ކާމިޔާބު ކޮށްދިނުމަށް، ފަސްޓް ލޭޓީ ފާތުމަތު އިބްރާހިމް މިދިޔަ ހުކުރުދުވަހުގެ ރޭ ފެއްޓެވި "ފެށުމަކަށް" ކެމްޕެއިން އިފުތިތާހު ކުރުމުގެ ހަފުލާގައި އެކަމަނާ ބައިވެރިވެވަޑައިގަންނަވަނީ.---ފޮޓޯ: ނިޝާން އަލީ/މިހާރު

މުހައްމަދު ޔާމީން، މިހާރު

16 ޖެނުއަރީ 2017 - 20:21

22 comments

ރައީސް އަބްދުﷲ ޔާމީނަށް އަންނަ އަހަރުގެ ރިޔާސީ އިންތިހާބު ކާމިޔާބު ކޮށްދެއްވަން އެ މަނިކުފާނުގެ އަނބިކަނބަލުން ފާތުމަތު އިބްރާހިމް ކުރިއަށް ގެންދަވާ ހަރަކާތްތަކުގައި، މާލޭގައި ދިރިއުޅޭ އެކި ރަށްރަށުގެ މީހުންގެ ހާލަތު ދެނެގަތުމުގެ ހާއްސަ ބައްދަލުވުންތަކެއް މާދަމާ ރޭ ފައްޓަވާނެ ކަމަށް ރައީސް ޔާމީންގެ ކެމްޕޭން އޮފީހުން މިރޭ ބުނެފި އެވެ.

ކެމްޕޭން އޮފީހުން ވާހަކަ ދެއްކެވި، ރައީސް އޮފީހުގެ ތަރުޖަމާން އިބްރާހިމް މުއާޒް އަލީ ވިދާޅުވީ "އާ ފެށުން" ނަމުގައި ހުޅުމާލޭގައި ބޭއްވި ޖަލްސާއަށް ފަހު، ހަރަކާތްތައް ފުޅާކުރަމުން އަންނަ ކަމަށެވެ. އެގޮތުން ރައްޔިތުންގެ ދިރިއުޅުމުގެ ހާލަތު ބެއްލެވުމަށް ފަސްޓް ލޭޑީ ނިންމަވާފައިވާ ކަމަށާއި އޭގެ ފުރަތަމަ ބައްދަލުވުން މާދަމާ ރޭ ކާނިވާ ސަރަހައްދުގައި އޮންނާނެ ކަމަށް މުއާޒް ވިދާޅުވި އެވެ.

ރައީސް ޔާމީނަށް އަންނަ އަހަރުގެ ރިޔާސީ އިންތިހާބު ކާމިޔާބު ކޮށްދިނުމަށް، ފަސްޓް ލޭޓީ ފާތުމަތު އިބްރާހިމް މިދިޔަ ހުކުރުދުވަހުގެ ރޭ ފެއްޓެވި "ފެށުމަކަށް" ކެމްޕެއިން އިފުތިތާހު ކުރުމުގެ ހަފުލާގައި އެކަމަނާގެ އިތުރުން ބައެއް ވަޒީރުން ބައިވެރިވެވަޑައިގަންނަވަނީ.---ފޮޓޯ: ނިޝާން އަލީ/މިހާރު

މުއާޒް ވިދާޅުވި ގޮތުގައި ފުރަތަމަ ބައްދަލުވުން ހާއްސަ ކުރަނީ ރ، ކ، ވ، މ، ފ، ދ، ތ އަދި ފުވައްމުލަކަށް ނިސްބަތްވާ މީހުންގެ ތެރެއިން މާލެ، ވިލިމާލެ އަދި ހުޅުމާލޭގައި ދިރިއުޅޭ މީހުންނަށެވެ.

"ފަސްޓްލޭޑީ ރައްޔިތުންނާ ވަރަށް ގާތުން މަސައްކަތް ކުރައްވާކަން މީގެ ކުރިން ބާއްވާފައި ހުރި ބައްދަލުވުންތަކުން ވެސް އެނގޭނެ. އެކަން އަނެއްކާ މި އަހަރަށް ފަށާފައި މިވަނީ،" މުއާޒް ވިދާޅުވި އެވެ.

މުއާޒް ވިދާޅުވީ، ރައްޔިތުންގެ ދިރިއުޅުމުގެ ހާލަތާއި ކަންބޮޑުވުންތަކަކީ ކޮބައިކަން މި ބައްދަލުވުންތަކުން ފަސްޓް ލޭޑީ އޮޅުންފިލުއްވާނެ ކަމަށެވެ.

"ރައްޔިތުން ބޭނުންވާ ކަންކަން ވީހާވެސް ގާތުން ހިއްސާކުރުމުގެ ފުރުސަތު އޮންނާނެ. ރައްޔިތުންގެ ހާލަތު އެނގެން ބޭނުންވެ، ކަންބޮޑުވުންތަކަކީ ކޮބައިކަން ދެނެގަތުން ބައްދަލުވުމުގެ ބޭނުމަކީ،" މުއާޒް ވިދާޅުވި އެވެ.

މީގެ ކުރިން ވެސް ފަސްޓް ލޭޑީގެ އިސްނެންގެވުމަށް ކެމްޕޭން މަހާސިންތާތަކާއި ބައްދަލުވުންތައް ރާއްޖޭގެ އެކި ސަރަހައްދުތަކުގައި ވަނީ ބާއްވައިފަ އެވެ.

ކެމްޕޭނު އޮފީސް ޕީޕީއެމް ޕީޕީއެމް ކެމްޕޭން ރައީސް އަބްދުﷲ ޔާމީން ކުރީގެ ފަސްޓް ލޭޑީ ފާތުމަތު އިބްރާހީމް

22 ކޮމެންޓް, 137 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮކިފަތި މާ ޓީވީ

17 January 2017

މަށަށް ވަރިހަމަ ކިތަމެވަރަކަށް ޖަލްސާ ބޭވިޔަސް ގަދަކަމުން ނުގެންދަނިކޮށް އެހެންނޫނީ ޖަލްސާ އޮންނަ ދުވަސްތަކުގައި އޮފީހަށް ސަލާމްބުނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވައި

17 January 2017

ވައި ނައު ؟؟ :ޕ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

17 January 2017

މިހާރު ދަރުބާރުގެއާއި ކާނިވާ ސަރަހައްދާ އެމްޕީއެލްގެ ސަރަހައްދާ އަދި ސަރުކާރުގެ ހުރިހާ ސަރަހައްދަކީ މިރައީސްއާއި މި ރައީސްގެ އަނބިކަބަލުނާއި ޕީޕީއެމްގެ ވަކި ފެކްސަނެއްގެ މިލްކިއްޔާތެއް ތޯ ؟ މިގައުމަކީ މިހާރު މިގޮތަށްދާނަމަ ރައްޔިތުންގެ ކިބައިން ގިނަހައްގުތަކެއް ނިގުލައިގަނެގެން ވަކިބަޔަކު ގައުމު ހަލާކޮއްލަނީއެވެ. އެހެން ނަމަވެސް މިއަދު ގައުމުގެ ސިފައިންނާއި ފުލުހުން އިޚުލާސްތެރިކަމެއްނެތި ގައުމާއި ގައުމުގެ މުސްތަގްބަލަށް ނުވިސްނާ ލިބޭ ފުލެޓާއި ފައިސާ އަދި މަގާމަށް ދަހިވެތިވެ ގައުމާއި ރައްޔިތުންގެ މަތީން ހަނދާނެތެނީ ނޫން ތޯ ؟ މާތްﷲ ގައްދީ ކުރި ހުވާގެމަތީން ހަނދާންނެތުނީ ތޯ ؟ އެހެން ކަމުން މާތްﷲ އަށް ބިރުވެތި ވުމަށް މިނިވަން މުއައްސަސާތަކާއި ހުކުމް ތަންފީޒު ކުރާ އިދާރާތަކުގެ އިސްވެރީންނާއި މުވައްޒިފުންނަ ހަނދާން ކޮއްދެމެވެ. ބިރުވެތި ވުމަށް ނަސޭހަތްތެރި ވަމެވެ. ހަމަކަށަވަރުން ހަނދާކޮއްދިނުމަކީ މީސްތަކުންނަ ފައިދާވާނޭ ކަމެކެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

17 January 2017

ތިވަރުގެ ފަސްޓްލޭޑީއަކު މަދުން ނޫނީ ނުފެންނާނެ. ހުރިހާގޮތަކުންވެސް ނަމޫނާއެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަމެއްނެތް

17 January 2017

އަންނަ އަހަރަށް ތައްޔާރުވަނީ ދޯ. އެކަމަކު އިދިކޮޅު ކެންޑިޑޭޓެއްވެސް ނެތެންނު. ހެހެހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޙްލާސްތެރި

17 January 2017

އަޖައިބެއް ފުލުހުން މިކަމަނާ ކޮންމެތަނެއްގައި ސިޔާސީ ޙަރަކާތް ހިންގެވިއަސް ހުރަހެއް ނާޅުއްވާ. އެކަމަކު އެހެން ބަޔަކު ދައުލަތުން ދޭ ފްލެޓް އަގުބޮޑޭ ކިޔާ ބޯޑެއް ހިފައިގެން ޕޭމަންޓްގައި ވެސް ހުއްޓަކަނުދޭ. މިއީ ކޮންކަހަލަ އިންސާފެއްތަ؟