ހުޅުމާލޭގައި ހިނގި އެކްސިޑެންޓުގައި މަރުވި ފާތިމަތު ޝިއުނާ.: ކާރު ޑްރައިވަރުގެ ޝަރީއަތް މާދަމާ ފަށާނެ-- ފޮޓޯ: ފޭސްބުކް
17 ޖެނުއަރީ 2017 - 16:09
12 comments
މިދިޔަ އަހަރުގެ ސެޕްޓެމްބަރު މަހު ހުޅުމާލޭގައި ކާރަކާއި ސައިކަލެއް ޖެހި، ހިނގި އެކްސިޑެންޓުގައި މަރުވި ފާތިމަތު ޝިއުނާގެ މަރުގެ މައްސަލާގައި ކާރު ދުއްވި މީހާގެ މައްޗަށް ދައުވާކުރަން ކްރިމިނަލް ކޯޓަށް ފޮނުވައިފި އެވެ.
ރ. ރަސްގެތީމަށް އުފަން ޝިއުނާ މަރުވީ ރަށްޓެއްސަކާ އެކު ސައިކަލުގައި ދުއްވާލަން ނިކުމެ އުޅެނިކޮށް ބާރު ސްޕީޑްގައި ފަހަތުން އައި ކާރަކުން ޖެހިގެންނެވެ. އެކްސިޑެންޓްވި އިރު ޝިއުނާ ހުރީ ސައިކަލުގެ ފަހަތުގަ އެވެ.
މި މައްސަލާގައި ދައުލަތުން ދައުވާކުރަނީ އޭރު ކާރު ދުއްވަން ގ. ސީވޭވް، އަހުމަދު މަލްދާން އަލީގެ މައްޗަށެވެ. އޭނާގެ ޝަރީއަތް މާދަމާ ފަށަން ކޯޓުން ވަނީ ހަމަޖައްސައިފަ އެވެ.
މަލްދާންގެ މައްޗަށް ކުރަނީ ގާނޫނުލް އުގޫބާތުގެ 112 ވަނަ މާއްދާގެ ދަށުން "މީހަކު މަރުވެ ދިއުމުގެ އިހުމާލުގެ އަމަލެއް ކުރުމުގެ" ދައުވާ އެވެ. މި ކުށް ސާބިތުވެއްޖެ ނަމަ ގިނަވެގެން ހަތަރު އަހަރަށް ޖަލަށް ލެވޭނެ އެވެ.
މި އެކްސިޑެންޓްގައި ސައިކަލު ދުއްވަން އިން މީހާ އަށް ވެސް ސީރިއަސް އަނިޔާތަކެއް ލިބުނެވެ.
އެކްސިޑެންޓްވީ ހުޅުމާލޭގެ ގެސްޓްހައުސްއެއްގެ ކާރެކެވެ. މި މައްސަލާގައި މަލްދާން ހައްޔަރުކޮށް، އެކި ފަހަރު މަތިން ބަންދުގެ މުއްދަތު އިތުރުކުރި އެވެ. އެކަމަކު އޭނާ މިހާރު ހުރީ ބަންދުގައި ކަމެއް ސާފެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޭނާ
18 January 2017
މުހައްމާ އަށް ނޭގޭތަ މުއިއްޒު މެންނަށް ޙުކުމް ކުރާނެ ކޯޓެއް ނުހުންނަކަން
މުހައްމާ
18 January 2017
މާލޭ މަގުމަތީގައި މުއިޒުމެން ބެހެއްޓި ހޮޅިދަޑި ވެއްޓި މަރުވި ކުށްޖާގެ މައްސަލަ ކޮބައިތޯ؟
އޙ
18 January 2017
ޝިއުނާ ހުރީ ސައިކަލުގެ ފަހަތުގައޭ. އަޖައިބު ވެދާނެ.
ފަސެންޖަރު
18 January 2017
ސައިކަލު ދުއްވަން ހުރި މީހާގެ މައްޗަށް ދަޢުވާ ނުއުފުލީ ކީއްވެބާ؟ ސިގްނަލް ނާޅާ ހުރެ ސައިކަލު އަނބުރާލީމަ ކާރުގައި ޖެހުނުކަމަށް އެކާރުގަ ތިބި ހުރިހާ ފަސެންޖަރުން ހެކިވާނެ...ސިގްނަލް ނުދީ ސައިކަލު އަނބުރާލުމުން އެކްސިޑެންޓްވެފައި ސައިކަލުގަ ހުރި ޝިއުނާ މަރުވުމުން ކުށްވެރިވަނީ ކާރު ޑްރައިވަރު؟؟؟؟؟ ކޮންކަހަލަ ތަޙުޤީޤެއް ތީ؟؟؟؟ ނިކަމެތި މީހާއަށް ނިކަމެތިގޮތް....
ވިސްނާ
23 January 2017
ސްޕީޑް ލިމިޓް ކިޔާ އެއްޗެއް އެނގޭތަ ތިޔަ ބޭފުޅާއަށް؟
މެންޓަލިސްޓް
18 January 2017
ތިޔަދައުވާވެސް އިންސާފްވެރިއެއްނޫން ،،، އޭނާ މާބަރަށް ކާރުދުއްވާ އޭނާގެ އިހްމާލުން މީހަކުގެ ފުރާނަދިއުމަށް މަގުފަހިވުމަކީ އޭނާގެ މައްޗަށް 15 ވަރަކަށް އަހަރުގެ ހުކުމް އަންނަންޖެހޭކަމެށް ކަމަށްފެންނަނީ ،،، އޭރުން ދޯ ދެކޮޅުދިމާވާނީ ،،،،
މީވެސް މީހެއް
18 January 2017
މާމޮޅަށް ތިޔަ އެނގެނީ
ޗިކުސް
17 January 2017
ގައުމުގެ ހާލަތު . ނިކަމެތި މީހާއަށް ނިކަމެތި ގޮތް.
ދޮންދީނި
17 January 2017
ގިނަވެގެން 4 އަހަރު މީނަގެ އިހުމާލުން ފުރާނައެއް ގެއްލުނީމަ....ސިޔާސީ ވީމަ 10 އަހަރުން މަތީގެ ޖަލު ހުކުމް...ނޫނޭ ރަގަޅު އިނގޭ!
ޗެރީ
17 January 2017
ޑްރައިވަރު ގައިގާ ހުރީ ފިޔާތިށިކުލަ ކަމަށްބެލެވޭ
ފާތުން
17 January 2017
މަވެސް ހިތަށް މިއެރީ ތިހެން.ހަހަހަ
ހުރީ
17 January 2017
ކޮޅަށްތަ ހުރީ